Cafe Zense

營業中

休息中

作為鏡粉，星期日去咗銅鑼灣打卡，夜晚就順便喺度食埋飯。朋友提議食「Cafe Zense」，我認識呢間餐廳，但未幫襯過，因為試過Walk in上去冇位😳。我哋今次學精咗，預先訂定枱，餐廳週末主要分兩段用餐時間，分別係六點同八點入座。我哋六點左右去到，唔使半個鐘經已全場爆滿，超高人氣👏。作為一間樓上Cafe，佢簡直係令人眼前一亮✨。餐廳好識利用空間，即使面積唔大 ，但仍能夠擺放到唔少梳化座位，而且餐枱闊落，感覺讓人放鬆。同時，佢好似仲有室外部份添。整體而言，環境係好舒服同乾淨👍。泰式冬陰功大蝦意大利麵($108)，先唔講冬陰功口味有幾正，淨係講啲意粉都已經好有質素。🍝意粉處理得好好，口感彈牙，有嚼勁，並且唔易截斷。冬陰功味道突出，佢並無加入忌廉或椰奶中和，🌶所以辣度同酸度顯著，幾惹味。餸料方面好豐富，有四大隻新鮮爽口嘅剝殼蝦仁🦐，同埋大量配料如雜菇、洋蔥、三色椒、茄子、蒜蓉粒以及藏紅花等，每啖食都好多餸，滿足！鹽燒厚切牛脷($78)，牛脷賣相同想像中好唔同，因為呢碟嘅牛脷呈條狀👅。牛脷堅係厚切，所以食落有咬口，但同時肉質亦非常軟嫩，簡單用鹽調味已經好好食，滋味無窮🐮。伴旁仲有少量沙律菜，食

之前同人慶生黎過呢間銅鑼灣樓上cafe，早排同朋友想支持下良心西餐廳就諗起佢，食物質素有進步喎。餐廳設有室外座位，冬天黎應該幾舒服。我地平日夜晚去都爆滿，有興趣試記得訂枱~ (w/ 10% service charge) 🍽白酒蒔蘿忌廉藍青口 Blue Mussels with Dill, White Wine & Cream ($138)價錢同分量成正比，兩三個人食絕對夠分，藍青口飽滿厚肉，朋友好欣賞個汁重忌廉，白酒味濃啲就更好。 🍽泰式冬陰功大蝦意大利麵 Spaghetti with Tom Yum Shrimp ($108)個汁微辣，意粉唔會過淋，除左三隻爽口大蝦外仲有雜菌同藏紅花絲。 🍽焗榛子朱古力牛角酥布丁Hazelnut Chocolate Croissant Pudding ($68)睇食評個個都叫dutch baby，但我同朋友覺得呢款特別啲，嚟到果然無令人失望。口感非常鬆軟似麵包布丁，頂層係烘脆左嘅牛角酥，底層有黑朱古力粒，熱辣辣嘅布丁配雲尼拿雪糕無得頂，必叫！
芝麻豆腐沙冰 Sesame Tofu Smoothie ($52)芝麻味好濃郁，隱約有豆腐味，甜度唔高，沙

想搵間靜靜地可以傾下計既西餐，Zense都幾適合，仲設有戶外座位，區內稀見。待天氣涼啲同朋友摸下酒杯底吹下水幾不錯。餐廳7點後開始繁忙，想來記得要訂枱喔～ZENSE 雜錦拼盤 $138香草蜜燒雞翼：雞翼皮薄肉嫩，甜甜地幾好味。蜜糖芥辣雞柳串：雞肉大大件啖啖肉，好嫩好入味。招牌薯條：以原隻薯仔切條加炸粉，食落鬆脆有薯肉味，非一般薯條可媲美。紐倫堡腸：細細條味濃好，香料味重，味道獨特。沙律菜：淋左和風醬汁，酸酸甜甜開胃美味。泰式冬陰功大蝦意大利麵 $108意粉口感煙韌，配以冬陰功汁酸辣惹味，個汁響意粉底撈勻先好食，配料仲有爽口大蝦、菇片和三色椒絲的，幾好味值得一食。抹茶豆腐沙冰　$52抹茶的甘甜清香混入豆腐濃郁的豆味，啖啖豆香口感清新，的確有特色又好飲。特濃朱古力心太軟　$78賣相唔錯，心太軟大件，外層微脆裡面朱古力少許流心，朱古力微甜，配以冰凍的雲呢拿雪糕，慢慢歎好滿足。