清溪川韓國配菜

營業中

休息中

睇左幾間位於紅磡家庭式韓菜，見呢間評語較平均，就決定試試重澱粉之夜兩個人一共點左4樣野食，份量好大，其實一人一樣都好夠食，但為食想試多幾樣除左便當，每樣野食跟一小盒泡菜蔬菜拌飯超大碗，飯量蔬菜量都超多，拌醬自己加，味道較溫和，全倒落去都唔辣牛肉便當，牛肉底有粉絲，味道入味，但如果再多啲汁更好，蛋卷較淡無咩味，炸物係炸魚肉帶子芝士年糕超拉絲，加入左火腿片&泡菜，年糕軟糯，味道稍偏向甜泡菜煎餅較失色，雖然外賣但外層香脆內軟糯，但餡料唔多較多粉整體雖然唔會有大驚喜，但性價比高。如果想追求辣既就未必滿足到你啦呢餐係外餐平台落單，連運費二人消費$272

因朋友介紹，所以跟家人去試這間餐廳。面積較細，只有14個座位，幸好我們一家，不用等位，就入座。員工有禮，是韓國人開店的。這樣可以指出想要的食物或說A1-D9給他們。我們點了蔬菜拌飯、辣炒豬腩肉飯(跟韓國首爾味道有九成相似，只差辣味，不夠辣，可能配合香港人的味道）、泡菜煎餅（美味，值得一試😋）、辣炒豬腩魷魚飯，細份炸雞（是雞鎚來的，炸粉適中）。也有韓國人來用餐。整體良好，份量多，價錢又合理，大家可以來試一試。吃飽之後，請盡快離開（如門口有客人等候），讓下一位客人來進餐。留意！逢星期一休息。

男朋友話紅磡有間好好食嘅韓國野，講咗好耐終於都去咗食！真係好後悔冇早d去試，因為真係好啱我口味！ 「清溪川韓國配菜」係一間由韓國人主理嘅家庭式韓國料理，店舖位置有少少隱蔽，匿藏係紅磡一條小巷入面，裝修低調，店面唔算大，可以坐到三至四枱人，以街坊生意為主，見買外賣嘅人源源不絕！ 菜式選擇都幾多，炒飯拌飯、湯麵冷麵炸醬麵、各種湯類、小食類應有盡有！價錢唔貴、份量大、味道又好，真係超高性價比！ 🧡泡菜煎餅（$50）泡菜味好出，個餅煙煙韌韌，餅面少少焦脆好好食，仲要啖啖都食到有泡菜，而且唔會好辣，超正！ 🧡炸醬麵（$48）炸醬麵都好好食，炸醬濃郁，味道偏甜，超級解辣！ 🧡大醬湯（$48）大醬湯好鮮甜，飲落好舒服，超適合天氣凍飲，夠保暖！ 🧡紫菜包飯（$30）飯卷好多料，一啖咬落超滿足！

呢間小店係由韓國人開，佢地識得簡單嘅中文同英文，點菜嘅時候就咁指menu都可以，唔使驚溝通唔到。呢度算係平民小店，有啲韓國住家飯嘅味道，係媽媽嘅味道啊，前菜有泡菜同芽菜。----------😋炒牛肉飯 $52牛肉比較韌，但出奇嘅係個牛肉汁好香，仲好濃牛肉味，牛肉汁帶甜，撈飯一流。😋牛骨粉絲湯配飯 $65牛骨粉絲湯好濃好香，飲落唔似係味精湯，係真係有牛骨煲出嚟，小編成碗飲哂。牛肋骨帶牛肉嫩滑，不過牛骨份量小，得幾舊唔係好夠食。😋泡菜湯配飯 $50😋泡菜煎餅 $50泡菜煎餅係小編最推介，份量多，又唔油膩，外脆內軟，加上泡菜有少少辣，食落幾野味。😋紫菜包飯 $30紫菜包飯有十件，入面有魚糕、火腿、蟹柳、酸蘿蔔、紅蘿蔔、青瓜，因為有酸蘿蔔，甜甜地酸酸地，所以好開胃，食完一舊會想繼續食，仲有少少麻油香。----------因為呢度係小店，大約得12個位，夜晚呢度都幾多人，想食可能就要等一等，如果唔係就可以叫外賣。----------🔎清溪川韓國配菜🚩紅磡湖光街1-7號聯成大廈燕安閣地下