享慢煮意 (The ONE)

星期六約咗幾個閨蜜一齊出去尖沙咀食個late lunch加嘆下午茶，所以想揾一間方便聚腳嘅餐廳，結果找了一間位於尖沙咀The One 6樓的西餐廳 ～ Fast Gourmet，餐廳間隔很開揚，而且旁邊又有落地玻璃透光，感覺都好舒服!我們一行4人見到這裡有weekend menu，內有 3-courses or 2-courses 可選擇，而且種類好多，非常吸引!前菜：首先就點了「法式龍蝦湯流心牛角包」做前菜， 牛角包外皮鬆脆，龍蝦湯注滿牛角包內，感覺外脆內軟， 很特別又juicy，不錯!主菜： 跟著就點咗4個不同主菜share食，首先有：-「西班牙黑毛豬腩意大利飯」： 黑毛豬腩味道非常好，腍而不肥，個西班牙意大利飯煮得恰到好處，又不太濕，軟硬度適中，再配埋黑毛豬腩一齊食，yummy yummy! 「 白酒忌廉汁配煎鱸魚」： 鱸魚很新鮮 ，再配埋白酒忌廉汁，啖啖肉，好鮮味:)!「 鳳尾蝦欖油辣椒蒜片意粉」： 這碟意粉份量十足， 單看鳳尾蝦又多又大隻， 再加埋欖油蒜片，非常惹味! 不過小妹覺得味道略為辣，喜歡食辣的朋友這個必定是首選!「慢煮雞胸牛油果流心蛋沙律配多士」: 味道相對比較清淡， 多士是烘脆的，牛油果份量算多，慢煮雞肉也很軟熟，但唔多夠咸味，再配埋流心蛋，不過不失! 至於甜品， 我們各有各點自己的喜愛， 有人點咗「特濃牛奶軟雪糕牛角包」， 閨密話好好味，連埋牛角包一齊食幾得意，算是攪攪新意思 ! 另一個就點咗「即磨濃縮咖啡配特濃牛奶軟雪糕」， 閨密話這個甜品就要食快啲，因為一倒入咖啡，啲雪糕溶得好快，隔一陣就變咗奶昔咁! 而小妹就order咗個「真空慢煮焦糖燉蛋」，這個creme brulee 真的好正，好有奶香，食落口很滑又不太甜，雖然size細細個， 但好啱我口胃!總括而言， 小妹滿意這間餐廳，最重要的是性價比很高，$199左右可以吃到3道菜，食物質素與服務也算平均，大家不妨來試試新意思啦!…查看更多

Fast Gourmet最近係The One開咗新店啦佢係主打流心牛角包嘅慢煮法國菜餐廳佢嘅窗邊位仲有塊超大玻璃可以睇景同打卡🔸法式龍蝦湯流心牛角包 $58佢個牛角包非常鬆脆，一切開滿滿嘅龍蝦湯就流晒出嚟，直頭爆餡流心。龍蝦湯味道好濃郁同牛角包好夾🤤🔸鮮茄和牛面頰酥皮火山煲 $208原個酥皮係面，可以用槌仔扑開浸埋落佢啲蕃茄湯一齊食。酥皮吸晒啲湯，食到停唔到口🤤另外佢嘅牛面頰煮到夠𣺉又入味，唔驚食到個嘴好攰😂🔸招牌龍蝦汁蟹肉伊麵 $188蟹肉伊麵配上嘅龍蝦汁味道同牛角包一樣咁濃郁。蟹肉同蟹籽嘅份量都唔少，食落啖啖肉充滿鮮味。但係就略嫌佢有少少蟹殼碎，不過整體蟹嘅份量已經值回票價🙈🔸荔枝玫瑰鮮奶抹茶 $39頂層有芝士奶蓋加少少玫瑰花碎，味道濃而不膩。佢嘅抹茶將玫瑰同茘枝味攪勻，飲落味道清新唔會俾奶蓋cover咗👍🏻#FEVI_cafe#FEVI_尖沙咀📍Fast Gourmet尖沙咀彌敦道100號The One 6樓L608號舖…查看更多

早有聽聞一間食流心牛角包嘅餐廳～最近終於嚟咗尖沙咀新店試試佢啦。店員好cheerful咁接待，第一印象好好呢。餐廳環境好寬敞，坐得好舒服。法式龍蝦湯流心牛角包，呢個signature必試～流心效果出色，打卡一流。平時都好鍾意龍蝦湯，而呢個好符合預期，好好味。法國鴨肝醬，因為我唔食，無影到相🤣朋友有讚好的～法式龍蝦汁海鮮酥皮火山煲，見到在場每枱都有嗌呢個。入面好足料，有帶子、蜆、青口、蝦等等，仲有少少蔬菜，龍蝦湯同樣好飲。英式威靈頓牛柳，上菜時見到仲諗係咪過熟，呢個橫切面睇好似全熟，不過切開就見到粉嫩嘅肉啦～口感好好，肉味濃，配蒜片食好正。牛油果流心蛋沙律，好鍾意流心蛋配菜菜食，好好味呢～份量唔錯。黑熔岩芝麻流心牛角包，芝麻流心效果比湯更出～味道似偏淡嘅芝麻糊，唔會太甜都幾好。可惜嘅係用餐時間比較短，好在呢度上菜好有效率，唔會食得太趕。會想encore試其他菜式呢～…查看更多

係尖沙咀the one行街，肚餓望下商場餐廳指南，見到有間新開張既餐廳，叫享慢煮意，之前有係其他分店食過下午茶三層架，食物好精緻，環境亦都好法國風格，所以一定要試下依間新店。依間裝潢都係走外國風格，俾人感覺係坐得好舒服慢活個種休閒感覺。包點：法式龍蝦湯流心牛角包外皮焗到好脆，一切個包就會爆出龍蝦汁漿，流到成件碟都係。試過好小心分開兩半想拎住個包飲埋湯，但不成功。淡牛油味既牛角包點上香同濃味既龍蝦湯係好夾，亦係依間餐廳獨有的。前菜：牛油果流心蛋沙律及法國鴨肝醬個人喜好拮爆流心蛋，因為蛋漿無論配搭任何食物都會令食物濕潤無咁乾，亦會更加香同口感更滑。配搭沙律都係一樣，再加上新鮮牛油果，啖啖都清新既感覺。法國鴨肝醬多士依個鴨肝醬唔係平時好鹹會即時飲野個種味道，質地亦係好滑個種，好易搽上多士，而且係薄薄一層已經夠，唔駛搽至突起，因為要再配上酸菜，兩者搭配令個脆多士好好味。主菜：1.西班牙黑毛豬腩&黑毛豬頸 配法式蘋果蓉兩塊黑毛豬腩肉扒 食落肉汁有少少油分，點南瓜汁微甜中和返。黑毛豬頸只有一塊，但是超級琳身，我個人喜歡這款多於豬腩肉，肉質會較瘦。2.慢煮挪威鮮三文魚牛油果忌廉意粉很厚身的三文魚扒，肉質好滑，本身夠味。意粉用左忌廉汁好滑身，配上磨菇片，好味。3.法式藍青口酥皮火山煲（時令菜式）這個是廚師推介，因為近來的藍青口是今季限定，聽落幾吸引，叫嚟試試。依個菜式係需時，因為要係面頭加脆皮，係放大版既酥皮湯。火山煲係外面係好少食到。而款式亦有其餘兩款，包括法式龍蝦汁海鮮及鮮茄和牛面頰火山煲。一上菜，係用個爐上菜，一滾時個煲從酥皮中出晒煙，果然係火山。依個時間要好有儀式感地用鎚仔卜爆佢，很好玩。藍青口比平時食開既更細隻同更有海水味，配上忌廉汁好味。最後用汁點返酥皮，正。飲品：提拉米蘇芝味特飲底係expresso,上層係好厚同好甜既tiramisu,兩者作一個中和，第一次咁樣飲，幾特別。甜品：特濃牛奶軟雪糕牛角包，法式焦糖燉蛋甜品又食牛角包，今次係加入雪糕。牛角包俾人既第一印象係甜既，所以加埋雪糕，印象係好夾。食落真係好好味。法式焦糖燉蛋蛋好滑，上面燒到有一層焦，甜甜地，令到依個晚餐有一個完美既收結。…查看更多

人氣流心牛角包法國菜餐廳於尖沙咀開了分店，難得有泊車優惠，下班後驅車前往裝潢以優雅法國小花園作主題，盡顯法式風情試業期間主餐牌有八折優惠，另有試業招牌餐單供應，可自選三或四道菜招牌鹹味流心牛角包共三款！切開酥脆的法式龍蝦湯流心牛角包，濃郁湯底馬上流出碟面另加$28可選爆漿日本蟹羔流心牛角包內的蟹膏十分鮮甜前菜法國鴨肝醬配烤麵包甘香美味，綿密柔滑主菜招牌龍蝦汁蟹肉伊面湯汁鮮美，伊麵充分裹上醬汁英式威靈頓牛柳只需加$48，酥脆酥皮包著嫩紅牛柳，外脆內軟甜品法式焦糖燉蛋面層脆脆，濃郁的蛋香混合自家製果醬，口感豐富…查看更多

最近尖沙咀新開左一間法式慢活餐廳，環境優雅舒適，令人有種放鬆休閒嘅感覺。仲有多款特式打卡牛角包，鹹食又有，甜食又有😳多到眼花撩亂 𝘚𝘰𝘧𝘵 𝘖𝘱𝘦𝘯𝘪𝘯𝘨 𝘚𝘪𝘨𝘯𝘢𝘵𝘶𝘳𝘦 𝘔𝘦𝘶𝘯 - 𝘍𝘰𝘶𝘳 𝘊𝘰𝘶𝘳𝘴𝘦📜 𝑺𝒊𝒈𝒏𝒂𝒕𝒖𝒓𝒆 𝑺𝒂𝒗𝒂𝒓𝒚 𝑳𝒂𝒗𝒆 𝑪𝒓𝒐𝒊𝒔𝒔𝒂𝒏𝒕法式龍蝦湯流心牛角包🥐爆漿日本蟹膏流心牛角包，口感酥脆，一刀切開內裡流心餡料湧出，充滿著鮮香蟹膏味和濃郁的龍蝦湯香味，讓人垂涎欲滴！📜 𝑨𝒑𝒑𝒆𝒕𝒊𝒛𝒆𝒓慢煮雞胸凱撒沙律，讓人有驚喜的味道！雞胸肉入口嫩滑軟腍，簡單地用黑椒鹽調味，已經好入味。新鮮生菜🥗再配上沙律醬調味恰到好處，為整道菜增添了清爽感。法國鵝肝醬，配上熱辣辣蒜蓉多士🥖。稍微有啲可惜係鵝肝醬油味唔夠出，塗抹係多士上反而被香濃牛油搶左味。👧🏽提議可以一口多士，一啖鵝肝醬，伴碟既酸菜仲可以解膩。📜 𝑴𝒂𝒊𝒏法式龍蝦汁海鮮酥皮火山煲，玩味十足既菜式。餐廳提供迷你錘仔扑、扑、扑，敲碎酥皮再享用內裡既海鮮🦐香濃龍蝦汁浸泡著蝦、蜆、帶子、青口等同三色蔬菜🫑，好豐富！不過蜆肉有沙，扣左少少分。⭐️要盡快敲打酥皮，唔好掛住影相，因為海鮮煲有蠟燭座熱，唔係就會淋哂。英式威靈頓牛柳，賣相一流❤️ 金黃色酥皮，酥皮上有金箔點綴，外層酥脆包裹着鮮嫩粉紅牛柳同菌香濃郁蘑菇醬，入口充滿濃郁牛香同蘑菇香，唔需要蘸芥末同蘑菇汁都已經好夠味🤤📜 𝑫𝒆𝒔𝒔𝒆𝒓𝒕即磨濃縮咖啡☕️軟雪糕牛角包，一個打卡甜品🍦 十分有創意，應該無人諗到會用雪糕配牛角包🥐 𝘈𝘧𝘧𝘰𝘨𝘢𝘵𝘰 濃咖啡倒落牛奶雪糕，微苦啡味和棉密奶香配上香甜酥脆牛角包，每一啖都是幸福☺️手工蛋糕️🍰浪漫殺死巨蟹座，♋️蟹女純粹被名字吸引，其實係法式經典甜品歌劇院蛋糕，入口充滿香濃朱古力味，連少食甜點既 👦🏻 都覺的好食🍹 𝑫𝒓𝒊𝒏𝒌𝒔𝘊𝘰𝘶𝘳𝘴𝘦 唔包飲品，另外叫左杯蘋果薑汁，果汁來自歐洲進口。薑味濃烈，而🍎果酸中和了辣度，整體口感非常獨特，值得一試另一杯係 𝘊𝘳𝘦𝘢𝘮𝘺 𝘋𝘪𝘳𝘵𝘺，滿滿奶蓋鋪面，十分吸引餐廳食物質素同價錢都有驚喜，位於尖沙咀地段既 𝘍𝘰𝘶𝘳 𝘊𝘰𝘶𝘳𝘴𝘦 都係 𝖧𝖪𝖣𝟤𝟫𝟪𝘶𝘱，無論口感味道、環境氣氛、服務，帶來極致享受。宜家試業期間，仲有八折優惠❤️…查看更多