燒肉の殿堂

營業中

休息中

天氣突然間又凍返，係時候要食熱辣辣既燒肉啦！呢間樓上燒肉店主打日本和牛，新開無耐已經見到唔少人去打卡佢地既大阪城盛合。-🎈大阪城 和牛五點盛合 ($358)最打卡able既盛合，以日本大阪城為主題。大阪城既每一層都有唔同既部位，當中包括最頂層既牛磚（腰部位置）中層既和牛五花（腩肉位置）及最底層既和牛三角（前胸肩胛位置）除此之外仲有一碟厚切牛舌同和牛小排。醬料方面食客可以配搭自家燒肉汁、檸檬海鹽或辣味噌。桌上亦擺放左黑胡椒同鹽俾食客自行添加。-五款各有各好，視乎你中意既口味。例如我中意入口即溶既口感，和牛三角既重油脂感就最啱我。友人就最中意牛舌，夠哂厚切！-🎈法式鵝肝多士 ($128)軟淋既鵝肝配上香脆多士，食落係滿滿鵝肝既油脂香同多士牛油香。加上少少魚子醬及蘋果醬，稍稍去除油膩感。-🎈明太子撈烏冬伴月見 ($58)對於呢個價錢真係無得投訴。鰹魚湯味道清香，烏冬夾雜住明太子同日本蛋黃既味道。雖然話明太子係微微辛辣，但食落又唔覺🤣-🎈古早冰菠蘿柚子梳打 ($38)其實就係冰菠蘿+柚子梳打🧐。真係有一條冰菠蘿係入面，同燒肉一齊食好解膩。-🎈雜果賓治 ($32)滿滿既雜果加梳打！-🎀總括而言🎀

姐係而家想係香港食燒肉，係真係易過借火，根本唔關氣侯定係季節事，咁你話係屋企唔得咩？得…但唔係咁方便囉，首先你屋企要返咁上下大，仲要有露台，比你擺部牛龜咁大既BBQ爐先啦，所以都係出街食吧啦。唔洗講咁多，黎得「燒肉の殿堂」知咩事咖啦，燒啦，好嗎？👇📌和 牛 -▪️ 大阪城和牛五點盛合 - $338▫️ 黎呢到必食呢個賣相好似三層寶盒咁既「大阪城和牛五點盛合」，頂層分別係和牛金塊磚、中間既就係和牛小排、最底就係和牛三角腩，再配搭特級厚牛舌同埋和牛五花腩。最正一定係呢個金塊磚，輕輕每邊燒到焦香，食落肉質非常嫩滑鬆化；而三角腩油花豐厚，口感相當滑溜；牛舌芯比起一般市埸更加爽嫩，絕對可以用高質黎形容！📌主 食 -▪️ 和風湯燉牛舌 - $78 ▪️ 法式鵝肝多士 - $128▫️ 另外嗌左個「和風湯燉牛舌」，牛舌燉既時間非常足，食落口感係相當彈牙，加上白蘿蔔夠哂鮮甜軟腍，好好食；仲有呢個「法式鵝肝多士」鵝肝相當肥美嫩滑，入口係即化咁制，完全唔油膩，面頭仲有d魚子醬、蘋果肉係面頭，平衡左整個油膩感，非常balance。📌特 飲 -▪️ 可 爾 必 思 梳 打 - $30▪️ 古 早 冰 菠 蘿 柚 子 梳 打

同區搵餐廳見到新開嘅燒肉店，殿堂の燒肉。見到係單點燒肉，燒肉の鬼馬上去試吓。刺身和牛他他 擺盤好用心，將生蛋穿開，然後配搭自己喜歡嘅材料：蔥花，京蔥，Wasabi，鹽，青檸。溝埋真係好好食最後食塊薑片，清清個味蕾。法式鵝肝多士鵝肝配上蘋果好清新，而且減少油膩感。大阪城和牛4點盛合一上枱已經好誇張，有三款日本和牛，三角腩，和牛肋條等。店員話呢個係殿堂級推介，用日本直送嘅和牛做嘅精選😍另外有我最喜歡嘅厚牛舌，設計好得意可以用個夾夾檸檬汁唔使整污糟隻手。大蜆冷麵呢個又係值得一題嘅佳作，超大隻蜆，已經好打卡，配上掛湯既調味，非常開胃。牛油果軟殼蟹沙律勁大隻軟殼蟹，牛油果裝着醬汁，感覺幾新穎，食完咁多和牛，舒服晒。仲有叫咗小食味淋網燒魚乾，芥末秋葵車厘茄漬，都唔錯呀。