沙田新強記燒鵝海鮮酒家

阿仔識得講:去飲茶, 做mom的即刻Action😍, 帶佢食沙田名物美味雞粥, 一唸就唸到大圍嘅新強記, 老字號質素有保證.🥢沙田新強記雞粥記得上次一位嘅份量都好豐足, 主要嗌俾阿仔嘅乖乖食野之選. 個雞粥一上枱已經聞到勁香雞油味, 粥底好綿滑, 讚嘅係當中嘅雞肉係滑架! 唔係求其𢳂d for出味only嘅骨位, 每次黎飲茶必食.🥢叉燒包Li間茶樓嘅叉燒包特別大隻架🤤, 廚房有飽點師傅整真係唔同d, 軟綿綿嘅叉燒包, 入邊嘅叉燒餡好豐富好Juicy, 一籠3件大滿足.🥢新強記蝦餃王我最鐘意就係有得揀一籠/半籠, 咁我地2個大人就啱啱好半籠2粒, 滿滿爽口鮮蝦, 餃皮恰到好處, 必食!🥢叉燒腸粉足料地包滿切碎叉燒, 腸粉口感夠滑！🥢 椒鹽魷魚鬚好好味!!! 每條魷魚鬚都包住一層薄而脆嘅炸漿, 食落一d都唔dry, 食到唔停口.🥢鼓汁蒸鳳爪同坊間酒樓好大分別係鳳爪size零舍大零且多皮食到, 個醬汁味道夠濃好好味呀.🥢睇到其他枱叫嘅乳鴿好大隻! 下次多d 朋友食一定嗌😄.…查看更多

在80至90年代，一想到雞粥，大家都會聯想到沙田強記。新鮮嫩滑的雞件，配以軟綿綿的粥底，無論晚飯或消夜，都是不錯的選擇。經歷數十年的歲月，沙田區的變遷很大，強記雞粥變成新強記燒鵝海鮮酒家。今天午餐到新強記吃雞粥，店內有8成枱滿，想必食物質素有一定水準。我們二人食量有限，只能輕食。先點一窩雞粥，再來午市優惠孖寶；煎饟茄子和荳沙煎堆仔，加一隻燒乳鴿，最好不過👍🏻軟綿綿的粥底，每粒米都煲至有如花開，並不是米漿能做到的效果，而且滲入少少雞味。雞件選用10多件雞髀部分，肉質不太嫩滑，但可以接受，雞味濃卻挽回不少印象分數。整體來說，好味😋。燒乳鴿選用中等大小的乳鴿，肉身不會太厚太薄，口感不錯，可惜皮做不到應的脆。溫度方面，咬一啖感受到鴿肉烹製後的餘溫，水準一般。煎饟茄子和荳沙煎堆仔都能做到少鹽少油，味道與一般茶樓無異。…查看更多

身為大圍友 👧🏽 細細個就聽過新強記呢個名！每逢週末放假都會同屋企人飲茶，今日就帶 👦🏻 去一盅兩件，順便再試馳味燒味 🍖 懷舊風味嘅酒樓，舊式嘅裝修頗有味道；今次再到臨已經無一個個蒸爐放出嚟，全部點心紙落單 😌🍖 紅燒乳鴿每次必定會嗌燒乳鴿，配上淮鹽香脆惹味，食到Lam Lam 👅🥘沙田新強記雞粥份量有分大/例/位，單點一位原煲上，粥底綿滑入味，雞件亦唔少，鍾意食粥嘅可一試 🤤🥬 鮮蝦菜苗餃出色之作‼️大大粒，皮薄又爆餡，蝦新鮮彈牙之餘菜苗都唔吝嗇，一口一粒好滿足🫑 虎皮尖椒釀滿鯪魚肉，煎得香脆，加上頗辣嘅尖椒，十分惹味🍘 山竹牛肉球唔似坊間小食店嘅牛肉球般重粉，真係啖啖肉，加上芫荽碎，馬蹄，同埋索滿喼汁嘅炸腐竹，酸酸哋減低膩感 ❤️🍗 豉汁蒸鳳爪炆得入味，但再腍啲就好🦴 排骨蒸陳村粉見到有買少見少嘅點心 👦🏻 忍唔住嗌埋，排骨蒸得腍身入味，但陳村粉略嫌乾身同未夠入味🥯臘腸卷熱辣辣嘅包包住臘腸 👦🏻 見到對眼發光了，一啖咬落豐腴嘅油香出晒嚟🥢 香茜牛肉腸外皮薄透滑嘟嘟，香茜味十足下午茶優惠價 🎉 孖寶 $38.8 兩份加 $58 多一件金牌燒乳鴿｜原價$78新強記懷舊新式點心齊全，十分適合一家大細嚟飲啖茶食個包 ❤️ 平日晏晝入座人不是太多人，如果想飲茶嘆點心就三點前好到啦 。至於出名嘅燒味，要留待下次個肚有空位時再試試了🤤…查看更多

🪿大圍呢間老字號酒家係沙田區嚟講絕對係馳名，佢既燒鵝、乳鴿、雞粥都係招牌菜式，好出色。✨沙田新強記雞粥（$138，例）雞粥味道好鮮，雞肉嫩滑，米同水既份量剛剛好，不會太稀，粥會食到雞既香味。✨金牌燒乳鴿（$78）乳鴿燒到外皮好香脆，調味好香不是死鹹，食完會覺得叫一隻乳鴿實在太少了。✨古法羊腩煲（$388，一煲）附送時蔬一碟，生菜份量都多，而且好新鮮。羊腩切既大小剛剛好，不會太大舊，羊腩處理得很好，沒有腥味，去毛去得很乾淨。可以粘上附送的腐乳醬，超級美味！…查看更多

今日黎新強記飲茶, 為左食沙田名物: 雞粥&乳鴿, 都係去老字號新強記吧！雖然老字號, 但枱櫈餐具各樣都乾淨企理, 點心紙每一款附圖, 所以點菜無難度.🥢金牌燒乳鴿 乳鴿脆皮又juicy, 剪好4件食起上嚟唔會搣到成手油, 乳鴿肉嫩呀, 必食之選.🥢沙田新強記雞粥 另一款必食嘅一定非雞粥莫屬, 店家以一個煲仔上碟, 熱辣辣雞粥味道真係好豐富, 每一口粥都充滿雞油嘅香味, 抵食之處一定係滿滿嘅雞肉, 而且件件都勁嫩滑, 正a !🥢蜜汁叉燒包 阿仔最愛嘅叉燒包係爆餡地出煙一籠有3大件! 佢最後自己食左1.5個就知道幾咁好食, 我覺得個包身夠哂軟熟, 叉燒餡完全唔dry好好食.🥢蝦餃 可以揀一籠4件, 2件真係一件非常貼心嘅安排, li度嘅點心好大件, 好足料, 蝦肉爽口美味.🥢叉燒腸粉-切好6件, 煙煙韌韌足料多叉燒.🥢鳳爪- 汁好濃入味, 豐富骨膠原.🥢黑芝麻卷- 原來係熱辣辣的所以下次可以食先點, 我覺得黑芝麻味好濃呀.…查看更多

在沙田大圍逛街就去新商場食飯就要新強記食雞粥一定要去沙田，大圍的新強記除了雞粥和燒味飯最有保證外，點心也不錯，即叫即製，還有不少懷舊點心呢。沙田雞粥濃郁鮮美，雞肉軟嫩可口，有髀肉和胸肉，加上薑葱絲，香氣撲鼻而來。叉燒飯的叉燒顏色紅潤，肥瘦相間，肉質軟嫩，鋪在白飯上，讓人食指大動。蘿蔔絲酥餅是一道懷舊小吃，已經甚少酒家有造。酥餅的外皮酥脆可口，內餡的蘿蔔絲鬆軟香甜，沒有過多的調料，很符合我的口味。非常好食。懷舊鴨腳扎又是另一道滋味點心，腐皮包着鴨掌、豬肉和芋頭，口感層次豐富，味道出眾。新強記食物優質，價錢合理（2-3:00下午茶時段還有特價），位位阿姐都好親切，難怪屹立大圍多年。…查看更多

每次經過大圍港鐵站都會望到這間掛著大紅燈籠的地標食肆 - 沙田新強記燒鵝海鮮酒家。不少客人專程入來沙田都是為了品嚐他們的招牌菜「沙田三寶 - 雞粥、乳鴿、燒鵝」。這家老字號酒家除了招牌三寶，還可以找到不少的懷舊菜式和手工點心。金牌燒乳鴿（$68）鎮店之寶之一，金牌燒乳鴿，原隻上並沒有斬件，肉汁緊鎖在內，用手拿著慢慢品嚐，真係好味到手指都舔埋。沙田新強記雞粥（$60/位）粥底綿滑並充滿雞油的香氣，雞件嫩滑有雞味，沙鍋盛載的雞粥更可保持溫度。新強記燒鵝飯（$68）燒鵝的皮很薄，下面一層薄薄的鵝脂加上香嫩的鵝肉，甘香而不膩，配合酸梅醬汁，味道更豐富。椒鹽豆腐（$58）金磗一般的椒鹽豆腐，一口一粒。豆腐炸至外脆內軟，火喉到位，香辣的椒鹽令味道更有層次感。黑椒蒸爽肚（$36）這是一款懷舊點心，黑椒蒸爽肚，豬肚爽彈帶點嚼口，適量的黑胡椒不但增添香氣，更可為味道提鮮。 門面內在環境餐牌…查看更多

大圍新強記雞粥，乳鴿及燒鵝遠近馳名，其他粤菜相信質素都唔錯先可以屹立大圍多年如果想一次過想齊以上推薦的鎮店三寶，可以叫晚市套餐，會比較抵食，但套餐只供應星期一至五啊我哋今次散叫， 想試下唔同菜式。沙田新強記雞粥(例牌)雞件嫩滑有肉香， 應該輕輕炒過再放粥。綿密粥底高質夠味，配上炒過雞件，兩者味道完美混合叫得招牌嘅，真係唔會令人失望。份量都唔小，有一大鍋，三至四人食都無問題新強記小炒王整體鹹香有鑊氣，鮮嫩韭菜配上如蝦乾，魷魚等海味，輔以菜甫及腰果。下飯及送酒都係一流之選椒鹽九肚魚炸粉輕薄，魚身細膩嫩滑，基本上不用咬，就可以把魚整條吞下，食晒食碟都唔會有負擔沙爹金菇肥牛煲味道濃厚而不會膩，除了主角金菇肥牛外，還有不少粉絲把沙爹醬仔完美吸收，份量亦相當充足地點好方便，大圍站出站就見到，不錯的粤菜選擇…查看更多

這一天我們來到了大圍的新強記食晚餐。之前都曾試過在此約家人食晚飯呢次得我哋兩個人，合宜點嘅餸菜都唔係話好多，點左三樣野已好夠飽。沙田新強記雞粥吸引我哋呢度食嘢嘅最大原因係想食沙田雞粥。我地想搵間坐得舒服嘅地方佢食沙田雞粥😊粥底好入味，雞嘅精華及鮮味味道，都落入晒粥底裏面，一啖接一啖食好滿足。粥內嘅雞肉都好滑，仲係啖啖肉好香，呢d真係屋企做唔到嘅。金牌燒乳鴿依度嘅燒味都好出名，我地點左紅燒乳鴿。外皮勁香脆可口，肉質有彈。加埋淮鹽及醋食更別有一番風味。XO醬海鮮豆腐煲豆腐內好香滑,豆味都香，配合醬汁一齊食的確唔錯。海鮮料較多，有帶子、魷魚、被。紅豆沙最後仲有紅豆沙做甜品，豆好起沙，甜度適中，唔錯😊…查看更多

沙田飲食，最馳名的是什麼? 入沙田，去新強記食雞粥乳鴿啦！沙田新強記始創於70年代，專門售賣沙田生滾雞粥及燒乳鴿，主打三大招牌菜式：燒鵝、乳鴿和雞粥，多年來成為了沙田必食名菜。今日有幸可以食大廚出品的招牌菜式，梗係要同大家分享下金牌燒乳鴿 本身我自己唔係特別鍾意食乳鴿，但係新強記呢隻乳鴿真係好嫩滑！沙田新強記雞粥 好食！粥底棉密，而且雞件啖啖肉，雞油很香，食咗兩碗！新強記燒鵝皇香桃咕嚕肉脆皮炸大腸粟米龍躉斑塊咖喱牛腩煲…查看更多

沙田大圍新強記最出名就係食雞粥和燒鵝,餐廳裝修用傳統中式為主,枱與枱之間略寬敞,服務員殷勤招待顧客。沙田新強記雞粥沙田新強記最出名就係食雞粥,粥底唔會太稀,恰到好處,香滑嘅雞和鮮甜的粥,令你下次來新強記繼續食雞粥。新強記燒鵝新強記另外一個招牌菜就係燒鵝,每次來新強記必叫嘅食物,燒味廚師燒到啲鵝隻隻都皮脆肉嫩。新強記小炒王小炒王好足料,除咗有韭菜花之外,仲有魷魚鬚,腰果,魚仔和菜莆粒,非常之豐富和香口。椒鹽鮮魷椒鹽鮮魷炸到金黃色,鮮魷唔會韌,鮮味有口感。…查看更多

依間燒鵝酒家係沙田區好出名仲記得細個黎過一兩次朝聖～今次襯母親節孝敬一下媽媽🤪裝修好冠冕堂皇 好有古代感連隻碟都係一塊山水畫🙈一定要點三寶: 燒鵝雞粥乳鴿!最喜歡都係雞粥 夠入味飽肚😚.▫新強記燒鵝王 $130一場嚟到就梗係要嗌招牌🙆🏼‍♀️果然係油令令 帶點油香之餘有煙燻味肉質厚實 燒鵝汁甜甜的令味道更香口.▫金牌燒乳鴿 $48外皮香脆 鹹淡適中 點埋淮鹽同醬汁更滋味!.▫沙田新強記雞粥 $98又一經典!! 超大一煲 每人起碼食咗三至四碗😶雞粥綿滑帶點鮮甜 用雞件烹煮 肉依然好嫩滑個粥吸晒啲精華 每口都有陣香濃嘅雞味 想更正可以再落埋胡椒粉.▫椒鹽九肚魚 $98炸得好酥脆滋香 九肚魚本身帶點軟骨同時都好爽滑 做開胃/下酒菜就岩晒🤪.▫上湯海味雜菜煲 $108點都要嗌返碟菜嘅🙈落滿粉絲同蝦乾 仲有西蘭花同菜心等有埋上湯烹煮 調味和軟度剛好 好足料健康!…查看更多

今日同屋企人飲茶, 有人話想食雞粥, search到li間喺大圍MTR過條天橋就係嘅新強記, 平時搭地鐵經大圍都一定見到li間茶樓, 咁多年但入面食野環境又keep得ok wor.🐔沙田新強記雞粥 ($40/位)黎得飲茶🫖無理由淨嗌粥😅, 原來一位係一個煲仔上👍🏻. 想講li個雞粥真心正, 粥底綿滑每一口都充滿雞肉嘅精華, 當然唔小得嘅係好多件嫩嫩嘅雞肉啖啖肉呀, 又有好多薑絲同葱提味, 推介!!!🥢金牌燒乳鴿 ($48/隻)Li度嘅燒乳鴿比起坊間茶樓感覺大隻d, 個皮燒得寧舍脆而且唔會燒到乾柴咁, 個碟亦都無話油淋淋, 屋企人後來encore了.🥢新強記蝦餃皇, 蟹子燒賣皇而家已經好少茶樓一籠蝦餃燒賣係4大粒!! 而且勁足料, 鮮蝦肉又爽, 仲好大粒添, 睇返特點都係$26實在街坊價抵食. 🥢蜜汁叉燒腸, 蜜汁叉燒包Li度有燒鵝食咁我suppose啲叉燒都係自家燒吧👍🏻, 食落完全唔dry, 叉燒好夠味亦唔會勁多肥膏個隻.🥢再剔個厚切•香煎蘿蔔糕+好味花生🥜底•鼓汁蒸鳳爪>> 飽飽…查看更多