麻辣派對 (金百利廣場) (已結業)

呢幾日突然辣癮起想食辣野，即時約埋朋友仔一齊去。麻辣派對唔係第一次食，但每次都諗一輪食咩，太多選擇。餐廳環境偏向昏暗，情侶夫婦拍拖夠浪漫，有裝修坐得舒服。 朋友全部食得辣，即時點咗中辣嘅泡椒田雞🤣，仲有好多配料可以加， 怕食唔晒淨係加咗魔芋QQ彈彈，幾得意，田雞啖啖肉，肉質比較滑，又酸又辣超惹味 ，雖然好辣但停唔到🤣全部菜嘅辣度可以改，如果食唔到辣，建議大家食小辣。今次試咗麻辣肥腸，辣椒鋪滿全碟睇落好多，但唔太辣，大腸肥美炸過偏乾身，無太大驚喜。 水煮系列都出色，今次叫咗水煮魚，肉偏厚，唔會切得太薄身，口感豐富，肉質唔柴，本身有芽菜，再加咗薯粉，吸晒辣汁，好正。全部菜式都份量十足，4個人食已經夠飽。 餐廳唔會限時，可以慢慢食，傾下計，值得推介。

一齊都中意食酸菜魚之類既重口味野，今次過海食麻辣派對！一入門就覺得好暗，裝修偏舊，但有啲五顏六色既燈，都幾有情調既，但就同餐廳風格好似有啲唔太夾😂✨水煮魚今次揀左江團魚，食落口真係啖啖肉，魚肉夠哂嫩滑～而水煮個汁食得出落左好多香料，而且唔係死辣個種，比較多層次！值得一提既係佢哋上面個層油都好有油香，唔係單純既一層油only，非常出色！另外想講成個份量超多，兩個人都食唔哂！✨鮮椒爽脆生腸第一次食冇染色既生腸，都驚會有陣腥味。但呢個生腸處理得好乾淨，唔會有味之餘，仲好爽口！加埋啲椒、蒜香料味，十分惹味～

今日去到銅鑼灣嘅金百利廣場，難得人少少就上去搵嘢食，最後揀咗呢間裝修非常之少女心，成個場地擺滿曬花花嘅川菜，好強嘅反差萌。擔心太辣，所以一嚟即刻叫杯水果茶，比想像中大杯好多，而且好多生果，飲落去清清哋，唔會太甜。朋友驚熱氣叫咗罐加多寶。健康啲叫咗蒜香牛油野菌雜菜，一放低嘅時候已經聞到好香牛油味，雜菜有秋葵、椰菜、萵筍等等，食落仲好香蒜味。我哋仲嗌咗個紅油火雞腎做配菜，非常之惹味，除咗雞腎，仲有花生同青瓜絲，餐廳亦都加咗花生醬，撈埋食一流，仲有啲似擔擔麵。嚟到主菜水煮魚，食客可以選擇用咩魚，我哋就揀咗比較少見黑魚，肉質比平日水煮魚食到嘅魚結實，但比較多骨，食嘅時候要小心。鍋入面仲有蒟蒻、芽菜同河，兩個人絕對夠食，我仲加咗炸豆腐角，入哂湯味非常好味。朋友仔叫咗碗白飯送水煮魚，都好惹味。埋單計數，如果唔係口痕叫咗好多小菜應該300有找。

已經好耐冇食過辣野啦！於是約咗朋友今晚開一個麻辣派對!去到既時間已經有好多人排隊，不過好彩一早係open rice book咗位，去到既是時候等1，2分鐘就入得去。前菜我地叫咗燒椒小皮蛋 ， 皮蛋細細粒，味道唔會太辣，而且好開胃，唔覺唔覺就好快食曬。之後我地叫咗孜然蔥爆羊肉，羊肉一d都唔騷，配埋大蔥，味道非常香口食川菜緊係一定要叫水煮魚! 我地叫咗小辣，愈食愈辣，但配埋白飯就一流!! 魚既份量好足夠，我地2個人都差d食唔曬。由於水煮魚有d辣既關係，於是我地叫咗清炒䈑筍解辣。不得不提既係員工既服務態度非常好，走既時候店內已經清洗緊，員工多番提醒我地要小心地滑。

上次食過口水雞，今次食下水煮魚～～有得叫BB辣 ，對於唔係好食得辣又想食既我實在太好了LUNCH $78 包左白飯 飲品 甜品水煮魚到～份量對於女士頗多望落好辣 但食落都OK味道唔錯呀 魚好多 食極都有😆💬建議成班黎食叫唔同既餸Share食!

今晚帶家人到銅鑼灣 ”麻辣派對”這餐廳佈滿了花花，七彩繽紛、浪漫氣氛，但四處飄來不是花香，而麻辣香氣。水煮魚（桂花魚）麻辣水煮桂花魚＂，桂花魚鮮香味又有質感，還保留一塊一塊的，咁先至係水煮魚，麻辣湯底配料有豐富材料，大豆牙菜、木薯粉、香蔥...等精華。口水雞 （小辣）口水雞 (細) ，但份量一點也不少，雞肉滑不留口，雞皮爽口惹味。下次可以挑戰中辣！😅乾煸四季豆炒四季豆夠曬鍋氣，尤其是配料肉粒，香辣味道超爽！正川味麻婆豆腐好戲在後頭，每次必吃的麻婆豆腐，以飯送食，天作之合， 一吃就是二大碗飯！👍🏻豆腐軟滑，川味香濃。最愛中的最愛當然不少得的 啤酒🍻辣味食品，最佳朋友，必定是冰凍啤酒。

今日7個人黎到呢間麻辣派對，開個迷你派對🎉 重點係我地7個都唔算係好食得辣嘅人，仲要有一個朋友係一丁點辣都唔食得嘅！咁點算好？黎呢間麻辣派對可以食到咩？🤔🤔呢個大家就有所不知啦 呢間野好嘅地方係所有野都可以選不辣 而辣就有唔同辣度選擇 例如 BB 辣，小辣，中辣等等。。。。所以無辣不歡嘅人黎得，有辣不歡嘅人都黎得！不錯不錯睇睇店內環境，好有係深圳食探* 果d餐廳嘅感覺d 燈光呀 設計都幾似table setting 就係咁簡簡單單呢幾杯係水果茶 我地仲叫咗幾杯檸檬C.... !? （冇影）先講唔辣嘅 有2碟，就係炆豬手同埋津白牛腩呢2碟都係好好拌飯的！汁味道好好，而且牛腩超級「林」而豬手都好有果種骨膠原嘅感覺！但呢2個嘅汁味道較相似。到辣嘅菜啦！我地全部都叫小辣因為有朋友喉嚨痛而且我講過我地唔係好食得辣唔好睇佢咁多辣椒其實都唔算好辣 想讚嘅係佢個魚 勁滑又冇骨而且都算爽口 ！！口水雞正D雞夠哂嫩夠入味麻辣牛展，都係好「林」麻辣牛肚 夠爽口！總捨其實每一個麻辣菜都係差不多味道 就係有果種香料。。。拌飯的確一流！而且呢間價錢合理，味道都算正宗！超適合好麻辣嘅人黎食！推推推

作為愛吃辣的一份子，聽到這間餐廳就想吃了。先來一份水煮魚，一上菜就十分吸晴，有時很怕麻辣菜式一味靠辣，但這碟麻辣肩備，有水準可惜當晚朋友有些病，我們只叫了小辣，如叫中辣應該更惹味第二道菜叫了蔥炒羊肉，喜歡吃味濃朋友可以試下，鍋氣足，如用來送白飯真係一流，啲蔥炒到入哂味，非常香口。最後再叫多杯水果菜來解辣就最正喇，大大杯夠你飲足成晚，入面有檸檬青檸，吃濃味啲都唔怕口渴。另外我地仲叫左個麻辣雞煲，很足料，五個朋友都夠食，雞滑味濃

又到每月一飯聚時間，朋友負責搵地方，叫我地去麻辣派對，一於奉陪！食店位於金百利中心，裝修幾奇特，就好似開派對一樣，燈光暗暗，有很多色彩配合，無論牆上、天花頂、燈飾。我們被安排坐在卡位，較為狹窄，坐下來第一件事就是點菜，四個人每一選一個喜歡的，叫了麻辣雞，麻辣田雞，麻辣雜菜，水煮魚（其實名稱價錢都記不起！：）上菜時真被嚇親，全碟只見到辣椒，而且碟大料少，叫了四杯飲品，4個餸，檯面都不夠用！整體本人評價食物：份量少，味道不錯服務：服務員部分有禮熱情環境：比較黑，光度不足喜歡辣是不錯選擇，辣度可以自由選擇，就算不食辣，BB辣可以接受。

之前喺深圳試過一次 一試難忘可惜冇機會再食而家香港都有 太正可能銅鑼灣太多選擇 晚飯時間都唔full有卡座 有長枱 有裝修 食物仲 幾好啦！因為回憶既味道代替唔到推介係水煮口味 加水晶粉有蓮藕都好正辣子雞就好熱氣 見仁見智味道偏咸 最好叫埋個白飯送啦！