Outdark (H8)

營業中

休息中

隔咗一排又好想食韓國嘢！成日一諗唔到食咩就會嚟到呢間！即使禮拜四晚都爆座，即興約無book枱我哋都要等一段時間先入到去～睇到餐廳仲有free photo box! 大家可以試下玩😜期間限定🌟Chimac set $248而家做緊超抵優惠，雙拼炸雞再加兩支CASS先$248！要咗甜辣同醬油，兩者都係炸得外皮香脆，內裏十分鮮嫩多汁，大大嚿雞但同時都做到無骨，名乎其實啖啖肉！仲有一大堆薯條薯角薯格，我哋仲加咗芝士波🤣🤣🤣拉絲拉到癲咗！呢個餐食得晒一定飽到傻仔！🌟水冷麵配牛肉 $138香港夏天熱辣辣，食返個水冷麵降下溫先啦！呢個味道同韓國還原得好似～麵質十分煙韌，高湯帶唔少碎冰，食落超清爽！另外仲可以揀牛肉/豬肉/五花肉，我哋揀咗牛肉，炒得超香口好惹味～🌟海鮮蔥煎餅煎餅帶有大量蔥段、蝦及魷魚，煎得香口，點埋醬汁更好味，送酒一流✌🏻

餐牌內頁唔單止介紹香港分店，更有介紹「Outdark」自己本身嘅故事，原來佢哋喺嚟自韓國釜山，雖然曾經到訪過，不過對上嗰次去釜山已經喺2012年嘅事，今次同個老死嚟到食飯，勾起小弟唔少晌釜山旅遊嘅回憶。一出電梯就喺餐廳，佈置得好有心思。喺門口嘅牆好似首爾南山塔咁樣掛滿晒情人鎖仔，夠晒浪漫，而裡面最大亮點就喺晌微微燈光之下掛滿好多「星星」，令到整個現場都好有氣氛。朋友未到，先慢慢睇一睇餐牌有啲咩好揀，有韓色炸雞、芝士鍋、韓式烤肉、炒年糕、街頭小食、煎餅、炒粉絲、麵條、紫菜飯卷、炒飯……等等，而飲品方面，多款梳打特飲、乳酪特飲、汽水、燒酒、啤酒……等等。此外，最近新出嘅夏日餐單，一面介紹韓國特色嘅菜包肉，另一面就介紹水冷麵，對我嚟講兩樣嘢都唔陌生，以前都試過，不過，炎炎夏日真喺幾有興趣食番個水冷麵啫。Coolpis 菠蘿乳酪汽水 $20有時晌啲放題度都會見到啲韓國罐裝嘢飲，反正都知啲梳打大概喺點，所以，小弟貪新鮮試咗呢款原裝汽水，飲落菠蘿味好突出，少少乳酸嘅酸味，配炸雞唔錯喎。西柚梳打 $48老友同樣諗住食炸雞，就嗌杯清爽啲嘅凍飲，佢就點咗杯西柚梳打，佢話啱晌佢，因為西柚味道酸酸澀澀，入口

有朋友食過呢間韓式餐廳話幾推薦，終於約到一日可以一齊嚟食😃一入門口就係一個好似情人橋嘅影相位，都幾靚幾吸引如果想參與一份可以問店員拎鎖頭寫上願望再掛上店員都幾花心思整店內嘅佈置我自私飲嗌咗個桃汁，好好飲果汁清清甜甜之餘仲有好多好碎嘅桃肉，好真材實料👍🏻仲要咗柚子米酒，睇得又飲得米酒入面加入咗少少柚子皮，口感同味道上都好真實少少甜，微微澀，好飲😍食韓國嘢當然唔少得炸雞我地要咗雙併炸雞： 原味炸雞併香蒜蜜糖炸雞兩種都好好味，原味外皮夠乾夠脆，好香口香蒜蜜糖就微微甘甜，食多都唔會滯好欣賞佢地配嘅薯仔有幾種：薯條、薯格同蕃薯塊，口感各有唔同又有選擇👍🏻另外又要咗個芝士豬肋，幾唔錯份量都好大，好抵嗌旁邊嘅蛋同紫菜飯都好好味到芝士差不多溶晒時，店員仲會示範點樣用芝士完全包住排骨炸醬麵都好香口，係稍嫌多油咗少少😛，味道確係唔錯的最後仲再叫個水冷麵加個炒豬肉超正！炒豬肉好好食，十分推介😍 夠乾身夠味道，好適合下酒