黑龍

營業中

休息中

喺灣仔返工一段時間💼,都無好好去覓食~今日有同樣喺灣仔返工嘅朋友帶我嚟食拉麵🍜,一間正宗由日本人開嘅店~雖然店仔細細,但食客絡繹不絕👯‍~我自己本身喜歡吃筍,所以有麻油炒味筍揀唔會食枝豆~佢有麻油味好香,鹹鹹地好開胃~煎餃子本身40,生啤就58,呢個套餐有齊只係90,當然要嗌啦🗣~如果想同朋友嚟吹下水💦,又唔太餓,其實叫呢個都幾適合~佢嘅餃子煎得好靚🥟,個底好煎香~配埋個生啤🍻,喺呢間咁有氣氛嘅拉麵店真係好爽~嚟到主食方面,我哋點咗個牛筋black拉麵🐮~呢個拉麵似乎都幾受歡迎,我見其他檯都有點👍~牛筋好軟滑,而個湯底非常香濃,而且啲麵非常掛湯,入口又彈牙😋~另外試下櫻海老沾麵,個湯面滿滿嘅櫻花蝦🦐,飲落口完全係蝦味爆發🤯!如果唔喜歡咁重口味,仲可以加啲湯,調配返適合嘅口味~佢嘅配料都好吸引,叉燒油香~流心蛋更加係咬開就有蛋汁流出嚟🍳,每樣食材都一絲不苟~呢間店不停有客人到,好不容易先等到兩檯客一齊走咗偷偷影下個環境📸~呢度好有日本風🎏,仲會聽到大廚講日文~實在有喺日本食拉麵嘅感覺!難怪由2014年開業🎍,可以屹立至今~佢哋仲會每月有啲優惠,今次就送炸蝦🍤~記得嚟食時睇下有咩優惠,唔好

呢間嚟自沖繩嘅過江龍係網民大推嘅香港必食拉麵之一‼️由日本人開設 主打各款濃郁湯底拉麵同沾麵 正宗日本風味✨.📌黑龍豚骨拉麵 $88湯底果然同網民所講一樣 真係超濃厚 接近芡汁咁 揀左無辣 味道偏鹹 但都食到肉嘅甘香‼️拉麵揀咗硬 但可能係幼麵 食落都偏軟身 唔夠爽口 不過勁掛湯 有少少沾麵嘅感覺🍜配料有蔥, 洋蔥, 筍, 紫菜同兩片叉燒 叉燒肥瘦適中 肉質軟淋 但唔算好嫩滑 脂肪位入口即融 豬皮同筋位幾爽🐷碎紫菜好索湯 荀好爽脆 帶點黑椒辛辣🤤另加配咗辣木耳(+$12)好爽口, 玉子(+$12)半溏心 蛋黃香滑微微漿口, 叉燒(+$15).📌櫻海老沾麵(小) $98麵底有得揀凍/熱 我就揀咗冷 凍冰冰嘅麵浸落熱辣辣嘅湯到 冰火交融🧊🔥拉麵爽滑彈牙 加上好粗身 更有咬口🍜配料有荀, 辣木耳, 玉子同叉燒 呢款嘅叉燒冇浸湯 相對冇咁軟淋 但就爽口有肉感啲🐷櫻海老湯超足料 勁多櫻花蝦 加埋香蔥同洋蔥粒 鮮甜又香口 最正係個味好濃郁 但唔會過鹹🦐濃稠度剛好 沾到麵又唔會好杰💯另加配左紫菜(+$12), 筍(+$12), 辣木耳(+$12) 碎紫菜加入個湯到超好食🖤.📌黑龍叉燒飯(小) $88主角