Kopitiam By Saya

營業中

休息中

召喚鍾意食泰國菜嘅朋友！ꜱᴀʏᴀ大角咀店曾經獲得米芝蓮推介，今次試下荃灣，綠色植物加木系裝潢，有格調。食完後覺得全部食物都好食，值得推介！✨爆蒜炒蟹肉滑蛋飯 $128💖必點招牌菜式，真心推介！滑蛋大約七成熟，蟹肉份量比想像中多，配上香脆嘅蒜片蔥花辣椒撈飯一流！重口味愛好者的最愛！✨炭燒豬頸肉$108好食好惹味！豬頸肉中間肉位嫩滑Juicy，口感脆脆地彈牙。✨蝦多士 $58必點招牌菜式，好食嘅小食！多士炸得香脆，熱辣辣炸起！好多蝦膠，啖啖都係蝦膠！舖滿芝麻好香～✨檸檬葉燒雞全隻$288💖好大隻！！完全被份量嚇親！兩個人食到要外賣拎走～燒雞調味充滿檸檬葉香～皮脆肉嫩， 雞肉真係勁嫩，超級好食！✨椰子雪糕$28💖好食，值得推薦！有驚喜，充滿椰子香，仲會食到絲絲椰肉！✨凍泰式奶茶 $38✨椰青$48椰青夠凍夠清甜！椰子肉都輕易刮到～欣賞泰式奶茶唔會好甜，滿足！

呢晚我約咗友人嚟呢間米芝蓮泰菜，得獎名店果然係好有人氣，平日夜晚嚟到都要排隊先有得入座，餐廳有窗邊海景位㗎🌅檸檬葉燒雞全隻燒雞好香，皮脆肉嫩，原隻上勁有氣勢🐥 燒雞嘅外皮味道帶點甜甜地，另外點埋泰式辣醬食就更加惹味 。爆蒜炒蟹肉滑蛋飯呢個係店員推介嘅菜式，蟹肉嘅份量都幾多，同炸蒜一齊炒，所以勁香口🦀 下面嘅滑蛋有啲似蛋包飯，蛋入面嘅飯只係白飯，但係可以額外加餐廳提供嘅泰式酸辣醬，撈飯真係一流😗粉絲蝦煲打開煲嘅嗰吓就聞到好香嘅胡椒味，有四隻大蝦喺炒粉絲底，大蝦有好多蝦膏🦐 粉絲吸咗蝦嘅精華好鮮味 ，份量都好多㗎。泰式炸蠔餅本來以為係蠔餅會係圓形一塊，估唔到佢係切開一件件 ，每件都有薄薄嘅炸粉包住飽滿嘅蠔肉🦪 每一啖都係勁酥脆。甜品叫咗兩杯好有泰國特色嘅飲品，凍泰式奶茶同抹茶椰奶☕️ 泰奶茶底醇厚，抹茶椰奶嘅抹茶同樣甘香，仲有淡淡椰子味🥥呢間得獎名店嘅性價比真係好高，食咗幾款海鮮嘅菜式都幾正，鍾意食海鮮嘅朋友就啱晒啦😚