小曼谷泰國美食 (已搬遷) 新店位置

每一次去到九龍城都會必食小曼谷，當然今次都唔係我第一次試喇，座位都有點像茶餐廳模式，泰國裝飾不多。椰青: 好鮮甜，即叫即開，仲有好多肉好好飲，不過食完都已經飽幾成咯冬陰公湯: 酸酸地辣味不多，這樣一般不吃辣都飲到呢。湯都油不多有雜菌類加少少海鮮，的確招牌菜。好適合愛飲湯的我。泰式炒椰菜苗: 好惹味的泰式炒再配合椰菜苗嘅硬度，又入味，真係食到唔停口。明爐香檸汁蒸桂花魚: 先有香檸汁俾我地加落個爐魚度，我當然都會忍唔住飲返啖喇! 酸酸甜甜又辣辣地好開胃，魚肉都軟身吸晒啲汁就仲正。

黎到全香港泰國菜最集中既九龍城, 當然要入鄉隨俗食番泰國菜啦, 因為據聞呢度住左好多泰國人, 所以泰國餐廳先開到成行成市行過見到呢間小曼谷泰國美食, 門面都算幾乾淨企理架, 睇睇價錢ok 就入去坐低慢慢揀冰凍椰青 - $37夏日炎炎行到身水身汗, 緊係要飲番d 凍野涼涼個人先啦, 食泰國菜又點可以少得即開冰凍椰青呢😝辣椒膏炒大頭蝦 - $178侍應未拎到黎, 遠遠已經聞到陣陣香濃既辣椒膏味, 一碟有4隻, 而且每隻都好大隻, 2個人食剛剛好食得晒😂大頭蝦蝦肉極爽甜. 味道同辣椒膏非常夾香芒蟹肉炒飯 - $84炒飯極有鑊氣, 原本以為芒果撈落去會怪怪地, 點知同蟹肉同肉鬆係可以襯托出另一種清新口味, 感覺好refreshing 泰式蝦膏炒椰菜苗 - $68食過蝦膏會令你一試難忘用好多隻鮮蝦打造而成既蝦膏, 濃濃既蝦味聞好香, 食落更香, 用黎炒菜真係一流👍👍

今日來到九龍城食泰國菜，小曼谷係我其中一個必食之選。門口有架篤篤車，可愛的氣球公仔十分易認。夜晚都幾多人，記得預早打電話訂枱。泰式咖喱法包依個咁震撼的菜式，幾乎每次都會點。今次食叫咗 泰皇咖喱法包軟殼蟹。大大的法包，裡內是滿滿的咖喱，旁邊是炸得香脆的軟殼蟹。將法包切開，醬汁都從麵包中澎湃地流出，好喜歡這震撼的畫面。法包烤得外層香脆 ，中間柔軟，吸收晒咖喱汁，啖啖香濃滋味。咖喱微辣偏甜，帶有蛋香，怕辣的都可以食。軟殼蟹炸脆，啖啖肉，重點係唔要剝殻，懶人之選。 唔覺唔覺兩個人食晒成個法包。 不愛吃魚的朋友，今天突然話想食魚，一於叫個明爐蒸烏頭。 原條烏頭圓潤肥美，份量十足。魚肉肉質細嫩，魚皮柔軟帶油香。唔食魚的朋友都表示好味，沒有泥味，讚！伴菜有豬肉丸、芹菜 、椰菜等好好味。整個菜的精髓在於個魚湯湯底，鮮、甜、清，還帶有、酸梅、香茅、南薑等味道。食晒啲魚肉，仲忍唔住要飲埋啲湯。 最惹味的香葉肉碎燴皮蛋。外層炸得脆卜卜的蝦肉 ，彈牙的蝦肉包住溏心皮蛋，伴香辣肉碎和豆角。肉碎味道似生菜包嗰種，香辣醒胃的。上面炸到翠綠的珍珠葉，令整個餸的擺盤更吸引，食落香味不大，不過脆卜卜咁幾過癮。椰

好多年前已幫襯過小曼谷總店，當年小曼谷還未有其他分店，現在已經有兩三家分店了。  每次來到小曼谷必吃辣椒膏炒海鮮類的，因為真係炒得好好味。 在重新裝修過後倒時第一次回總店吃，門外也擺放了吹氣大公仔同一架TUK TUK供拍照之用內部整體間格和以前沒有太大分別，門一邊保留了卡座水吧燒烤區依舊在門口一角牆上放著店中自家製辣醬作陳列酸梅七喜 HK$34椰青 HK$35有兩粒酸梅 ，一陣可以變超人用了心形碟盛放的青芒絲沙律筍殼魚 HK$168平時沙律都係一粒粒/一片片/一絲絲/一條條, 第一次吃沙律係成條魚上， 筍殼魚被炸至香脆，再曬上大量青芒果絲和特製沙律醬汁同吃泰式椰菜苗炒咸肉 HK$82辣椒膏炒海鮮 HK$168影相出來好似好少咁, 查實係隻碟勁大海鮮有大蝦有大花甲有魷魚有青口 全部都好大件 !再配埋大量洋蔥橙籠椒蔥等配料同炒，超惹味  蒜蓉包(一客4件) HK$28個辣椒膏個醬真係好正，一定要配白飯或蒜茸包或薄餅食，唔好浪費咗個汁呀 !

認識我的人都知道，去九龍城吃泰菜，小曼谷是我首選。總店裝修之後都没去過，趁生日月話事，當然要來吃吃~😊門表光鮮了，還有架粉紅色督督做裝飾，非常突出。枱與枱的空間比以前寬闊，坐得較舒適。也許我太久没來了，除了主餐牌，現在還有套餐選擇。夏日炎炎，先來個椰青消消暑。椰青蠻大粒，份量多而且非常清甜。椰肉很容易就刮到出來吃，薄薄的、夠爽口。食泰菜當然少不了我最愛的「公車攬爆」😁生蝦非常新鮮，肉質爽嫩，加上秘製辣汁夠晒惹味。但$98/6隻，有點貴⋯⋯辣椒很辣，不太吃辣的朋友可以齋點醬汁，不要吃那小辣椒啊~炒飯的size比想像中少⋯⋯份量只有一般碟頭飯，4人share只有半碗仔。但勝在足料，蟹肉多又大件，值得俾個like~芒果又香又甜，加點肉鬆再配飯，使炒飯的味道更豐富。小妹認為炒咖哩可謂小曼谷的招牌菜，每次幫襯都會叫的指定菜式。😁炒海鮮比想像大碟，不止碟大，料也多。青口、大蜆、大頭蝦、魷魚、帶子⋯⋯足夠4-5人份量。但海鮮略嫌熟了一點，不夠嫩。別看它又黃又紅好似很辣，咖哩微辣帶甜，不吃辣的朋友仔也大讚。咖哩非常惹味，用來撈飯或者配酥餅／蒜蓉包一流！雖然已經9成飽，但仍然心思思想要蒜蓉包來配咖哩😝一

小曼谷都開咗十幾年了。呢間都幾多位。閒時都會同朋友過來聚餐。門囗吹氣公仔會揮手指你入去，好有趣!3個人叫3個菜已夠食有餘。小菜也幾大碟。椰青$35是小型些的椰青，依然清甜，可食滑嫩椰肉呢!杧果沙冰$34比一般西式沙冰更味濃。沙冰好柔軟，其實不算多冰呢!很喜歡亦推介作夏日消暑飲料。泰式拼盤 (細)$108泰式拼盤已有4款小食。蝦餅很推介。已貼心地每件一開二。蝦餅是剛炸熱上，肥大彈口，外皮少少炸脆。魚餅也不錯。魚肉味濃，好滿足。春卷亦有多粉絲。紙包雞的肉略有少許乾，及不夠熱身。青芒絲沙律筍殼魚$168筍殼魚不算很大條，比手掌大少少。魚皮脆，魚肉亦很鮮嫩。加一點泰式沙律的甜辣汁食，就剛好。青芒絲加花生、辣椒，都幾辣，也很惹味!大家也邊叫辣，但停不了口。青芒絲沙律筍殼魚整體效果不錯。泰皇咖哩炒大頭蝦$158最後食泰皇咖哩炒大頭蝦。2隻開邊大頭蝦有4邊。其中一隻比較好肉質、彈牙。超多蝦膏。加上不辣但 creamy 多蛋花的咖哩汁，非常配。

貓奴俱樂部會員又見面，今次我地要食泰國野唔洗諗一致舉腳讚成小曼谷，讀書年代食到而家，一直保持水準服務又好，平日晚飯時間坐爆但店員都一直保持笑容又有禮貌，生意好係有原因hi 小曼tuk冬蔭公湯(大) $128最中意呢度既冬蔭公湯係用新鮮大蝦，鮮甜爽彈，比起其他用急凍蝦又腍又霉真係差好遠。冬蔭公分為大同小兩個size，大size有三隻超大隻既原隻新鮮大蝦！泰式拼盤(大) $158食泰國餐又點少得拼盤，樣樣有啲幾個人share就最岩！大size每樣有三件，但每件size很大，而且廚師會預先將佢地一分為二，所以4人以下建議order小size就夠了當中我最愛香葉包雞，雞肉又香又juicy,中間還包裹著一粒栗子，味道同口感同樣豐富！明爐酸辣煎烏頭 $158烏頭預先煎香過，再加酸辣湯浸煮，酸酸辣辣十分刺激過癮，都幾辣架！椰青 $35最後當然要飲反個冰凍椰青，我呢個好香甜，肉又嫩清，真係幸運埋單時仲有甜品送，椰汁糕，就唔算好味，不過心意搭夠每次食都絕無失望，食得開心會繼續支持

九龍城可以說是半個美食天堂，火鍋，泰菜，甜品等等一應齊全。今次經友人介紹下，選擇了後生仔最愛的小曼谷，到底是否好吃到震，哈哈哈！那天吃飯時候大概七八點左右，正值食飯高峰時段，我們在遠處已經看到門口有一大群人在等候中。 大概等了半小時，終於可以進去了。 我們只有兩人，店員就叫我們坐在水吧旁邊，所以整頓飯我們在嘈雜的環境下度過.....我們叫了：因為我本身麻麻通菜，加上又唔中意馬拉盞味，但友人就讚不絕口，好用鑊氣，味道剛好，不會太鹹。豬頸肉燒得好香，肉質好淋（我食過有的好dry好硬），配上他們的甜酸辣汁，真系冇得頂最後因為見到太多人叫咖喱，我們又唔執輸，叫左個咖喱蝦和蒜蓉包試下大蝦真系隻隻都勁大條，同埋有蝦膏架！可惜咖喱偏甜，食芡汁多過食咖喱的感覺，有點失望蒜蓉包就普普通通，沒什麽特別，自己在家也可以整到的，甚至比它好的貨色，點上咖喱汁食，一定食到你飽我們也叫了：一點也不好飲，一點也不甜 整體而言，這頓飯正正常常，沒什麽特別和驚喜，環境比較嘈雜和不整潔，除非友人堅持再要去，我未必想再吃第二次......