Greyhound Café (海運大廈)

營業中

休息中

之前聽親戚介紹過幾次呢間餐廳，一直都想搵機會試吓，終於有個朋友喺樓上返工所以約佢喺呢一度食飯。裝修格局係西餐廳，當然餐牌入面都有西餐同埋泰菜，咁啱我哋三個都係揀泰式嘅菜。頭盤有粟米湯同沙律兩款選擇，兩本都係西式，賣相唔錯水準亦合格。估唔到主菜又有湯，需然是泰式湯，但係短時間內真係飲唔到兩個湯，應該係個餐牌寫得更加清晰一點，頭盤唔使再揀湯。啖啖蟹肉黃咖喱飯個名好吸引，我食落感覺蟹肉份量都係唔夠多，咖喱如果有少許辣會更加開胃。Phad Thai 泰式金邊粉冇乜特別，水準合格。海南雞飯嘅雞份量都幾多同幾滑，但油飯就普通一啲啦，唔夠香。泰式奶茶相對上正宗，但只有凍飲無熱飲比較奇怪一D。最後加錢（跟餐半價）叫了一個椰子同芒果蛋糕，呢兩個真係完全西式嘅蛋糕都唔錯。佢哋一啲都唔夠fusion ，創意唔夠，反之一係做正宗嘅泰菜或者正宗嘅西餐會更加好。以呢個價錢性價比唔高。

今晚食完飯去左Greyhound 食甜品，可能未必個個都知，佢個甜品menu其實都有好多選擇，食完飯過嚟唔洗迫，又唔洗排隊，嘆個甜品真係唔錯。不過今次去到門口佢啲服務員不斷汁枱，見到我地好似見唔到咁，企左幾分鐘，明明好多枱都唔安排我地入坐。坐底左問佢攞個甜品menu，準備好叫野食，服務員唔攞紙筆記低我地食咩，轉個頭又返嚟問多次我地係唔係叫左咩咩咩⋯⋯真係好無奈。今次叫左佢主打嘅椰子蛋糕，另外叫左個Apple crumble。椰子蛋糕大大件，一層層crepe加上幼滑嘅cream，甜度主要嚟自個cream，中度甜，加上每層都有椰子肉，啖啖都有多重口感，不過cream嘅部分其實都估幾重，如果唔鐘意食cream人士要留意啊！Apple Crumble熱辣辣，誠意之作。中度甜，蘋果加上Crumble 好有口感，而且帶有牛油味，好香。蘋果稍稍大粒左少少，可以切一半，另外仲配上一個醬可以加上去，食crumble 時加就覺得無咁乾，不過crumble 嘅甜度已經cover 左個醬了。用餐其間服務員更多次走到我隔離枱，想收走佢地差不多食晒嘅碟，仲示意叫佢地可能食埋最後一件，幫佢收走隻碟，感覺好似迫人食快

觀禮後，經朋友帶路，來到這個泰式Fusion 菜。先來的是較西式的煙肉波菜沙津。波菜算新鮮，但煙肉太脆，略嫌有點乾身，也沒有甚麼味道。這個雞翼的味道尚可，但也是較為乾身了點，而且在把雞中翼再分成一半之後，覺得雞翼更為細小。這個薄餅則不錯，外脆之餘內裡的餡料也很夠份量，吃上來鬆軟，好。這個肉碎飯也可以，肉碎的醬汁不會太咸，用來配飯一起吃剛剛好。到真正較為泰式的食物了，就是辣。這一味海鮮意粉真的很辣，發覺是因為有很多辣椒籽在當中，令辣味更加突出。而意粉的軟硬度也適中，海鮮的味道也鮮。這個鹹魚做主菜的意粉也一樣，第一味道就是很辣。而鹹魚則不咸，只是脆口的，不過沒有魚味。到甜品時候，點選了兩款較為東南亞味道的：椰子及香蕉因為是用了千層的方法，很有口感，有軟有硬的層次。而自己較喜歡椰子味那個，因為有淡淡的椰子味，而香蕉那個就沒有太多的蕉味。