明記潮館 (砵蘭180+商場)

營業中

休息中

爹哋鍾意食潮州菜，特登揀咗呢間慶祝父親節位置比較難搵，上到去裝修幾特別除咗潮州菜式，都有好多其他小菜，唔驚唔啱食▶️ 滷水鵝片 ($188)鵝片好薄身，肉質鮮嫩🪿滷得入味底部係嫩滑嘅豆腐，仲有花生粒▶️ 韮菜豬紅 (+$8)叫夠$300可加錢換購，份量足一嚿嚿四方磚形狀嘅豬紅，口感似啫喱，滑捋捋好得意▶️ 椒鹽鮮魷 ($148）好大碟！勁多椒鹽粉，夠晒惹味入口香脆，炸粉好薄而且乾身魷魚煙韌大條🦑▶️ 薑蔥霸王雞- 半隻 ($138)雞肉雖然係蒸🐔但唔會太乾好有肉地，唔淨止得骨雞肉調味幾好👍🏻又唔會太油▶️ 蜜椒一口牛柳粒 ($160)賣相似模似樣牛柳粒食落好腍唔韌，中間粉粉地色醬汁甜甜地薯仔都覺得唔錯🥔外層焦香，唔係爛蓉蓉▶️ 金銀蛋娃娃菜 ($108)個菜就細咗少少，不過好足料，上面勁多鹹蛋鹹蛋白撈飯好正😋娃娃菜清脆且索湯▶️潮式蠔仔餅($118)經典潮州菜式，間間製法唔同呢個冇咩麵粉，大部份蠔表面鋪滿金黃色脆脆，香口▶️ 蜜餞欖角焗肉排 ($118)每件大大嚿，都算有肉▶️ 得意熊仔冰凍檸茶 ($42+8)每張枱都會見到，打卡嘢🤣係幾壯觀嘅，成1L咁多熊仔冰可愛🐻味道就同一般檸茶一樣，略嫌味道被冰溝

在旺角地區吾易找的大廈內，大廈上了一層係茶餐廳，好彩問吓樓面服務員，轉個彎再上一層就係《明記》，因朋友話要食地道潮洲菜，就試下呢間，原來此店只做晚市。潮州菜一定要叫《豬紅韮菜》《滷水鵝肉》《豬大腸拼墨魚》等等。環境比較嘈，有啲服務員比較惡。最後發現檯檯都叫《熊仔檸檬茶》，我哋有叫左杯來打卡，真係好得意。訂位都係用Openrice 超方便。

大師兄由澳門返咗嚟香港，係以前就話無咩大不了，但現時出入香港，又話3+4，又話什麼0+7，一個字 "亂" !人地澳門同大陸都正常通關，點解香港搞成咁?新加坡見到香港搞成咁，爽爆!愈講愈著!講翻食飯好過!大師兄想飲酒吹水，但又有師兄想話抱埋小朋友出席，而D師兄妹又忙無時間搵地點，於是搵場地就放在係我哩個中意四處搵美食嘅師弟身上!又要有酒飲，又要平民價又要有 VIP 房方便照顧小朋友又要唔好打邊爐因為對小朋友有一定危險又要交通方便就腳又要收得夜到12:00仲要時間唔多打親電話訂位都話full又要菜色唔太差，限制多多結果都任務成功訂咗旺角明記潮館!D師弟師妹有D準時有D又話遲D到食住等有D又話唔食嘢見吓大師兄 only，而哩方面明記潮館絕對有優點，明記自由出入，唔會好似D放題入場就要俾錢，又有時間限制.點咗椒鹽大瀨尿蝦，椒鹽鮮魷，凍螄蚶，墨魚豬耳鵝腸滷水三併，啫啫介蘭，石鍋明記炒飯，西蘭花帶子，京都焗肉排，溫公齋煲.餐廳好有心將椒鹽大瀨尿蝦分開三份，我再細心D，剝埋蝦殼方便D師妹食.瀨尿蝦肉嫩鮮甜，連同椒鹽入口更惹味.哈哈... 哩碟螄蚶考起班師兄妹，居然無一個識開殼，教咗三次佢地都唔識放放

一行4人約食飯，其中一友人想食打冷鋪，佢即時推薦明記。本身對打冷不抱任何期望，只係覺得打冷都唔平，但食完之後，抱住個肚，望住張單計番人均消費，個個都話好抵食！性價比夠高一開始嗌咗幾碟野，本身都預要食食下再嗌多一兩碟，點知佢碟碟份糧都超大份！絕對係大方打冷鋪😍😍欖菜肉鬆四季豆：呢碟四季豆好入味，入面粒粒豆都帶有欖菜同啲肉碎既香味👍🏻 咸度適中，欖菜配四季豆絕配，必叫！椒鹽鮮魷：話說我好怕啲椒鹽出面層粉好多好油，但呢碟椒鹽鮮魷既炸粉好薄，仲要一啲都唔油🤤 啲椒鹽炒得好香！下次有機會要試晒佢成個椒鹽系列！水煮魚：我個人係好鍾意食又辣又麻既川菜，呢碟水煮魚絕對係我成餐飯最愛！！！ 入面除咗有啖啖既魚肉，仲有大量既薯粉同金菇仲有其他配菜，唔算太辣太麻，但絕對會令嗜辣之人止止心癮🌶 唯一挑剔既係，魚肉有細骨，食既時候要非常小心～炸蠔餅：我諗炸蠔餅係打冷必嗌既餸，入面啲蠔真係多到你唔信！仲要隻隻蠔都勁飽滿，呢份蠔餅係我咁耐以嚟食過最多蠔而啲蠔又係最飽滿既！又係必點！👍🏻明記招牌炒飯：呢碟炒飯好特別，佢係用石頭鍋上！碟炒飯炒得好靚，粒粒飯都彈牙，又係好食既～今餐個個都捧住個肚走，人均消費$111，以食

潮州菜係其中一種我最喜愛既中菜。我家蘿蔔頭經常帶我去試新野，今日黎到旺角呢個充滿美食既地方，都不忘要去試下呢間好出名、好多人既潮州菜。我地行完街差不多9點先開飯，無諗過咁夜都仲要等位😒。。不過好彩等左十分鐘左就有得入去啦三心兩意既我，又想食蠔餅、又想食滷味、又想食海鮮、又想食菜。。誰不知呢到如果你叫野食叫夠$300，佢會送一個滷水拼盤俾你。。所以貪心既我一於叫多幾樣叫夠$300就有個免費既滷水拼盤啦😝我地兩個人叫左薑葱雞(點知佢落錯單落左沙薑雞🙄)、蠔仔粥、瑤柱上湯絲瓜、椒鹽鮮魷、再加埋免費既滷水拼盤。。。食到抱住個肚走呀1. 沙薑雞啲雞肉嫩滑，但味道有點淡，要另外點沙薑汁先更野味。2.蠔仔粥既蠔鮮甜，可惜柴魚太硬咬唔開3.瑤柱上湯絲瓜係店員推介既煮法，亦係最驚喜既一款小菜，絲瓜非常清甜，湯底用雞湯煮成，好食到連湯都飲埋🤣4.椒鹽鮮魷炸得好香口，味道不錯5.滷水拼盤亦好好食、好入味，估唔到免費既質素都咁高大家值得一試😋