龍華酒店 (下禾輋)

喺沙田生活咗幾十年，竟然未去過龍華酒店，實在說不過去。於是趁住風和日麗，我地就前往一探究竟！我地喺沙田站B出口出發，沿住沙田中央廣場小路，行咗大約十分鐘，就到咗龍華酒店門口。昔日仲未有吐露港公路及九廣鐵路嘅時候，相信駕車前來茗茶的人，一定係絡繹不絕啦！我地懷住興奮嘅心情，沿住燈籠小徑步行上去，見到門前有隻大肥雞，好可愛。然後又見到一隻識講「哈囉」嘅小鸚鵡，十分趣緻。去到餐廳門口，店員問我地想坐室內大廰定室外雅座，由於當日都幾大風，所以我地就揀咗坐大廳。裡面只有一兩枱客人正在進食，完全符合限聚令要求。打開本餐牌簿，嗰啲舊陣時嘅廣告單張真係好有懷舊feel！我地點咗龍華三寶：雞粥、乳鴿、山水豆腐。喺等緊食物送嚟嘅時候，我地欣賞吓大廳裡面掛起嘅粵語長片電影明星嘅黑白照片，同埋一代武打巨星李小龍先生嘅彩色掛畫。而今年適逢係李小龍先生誕辰80周年，真係令人不禁懷緬過去常陶醉，一半樂事，一半令人流淚。講吓啲食物先，粥底好綿，雞肉嫰滑。乳鴿好脆，拎上手仲有少少熱辣辣，記得趁熱食！椒鹽山水豆腐份量好大而且都係好脆口，不過略鹹，可能因為唔夠喼汁啦！喺龍華酒店度過咗愉快嘅下午！希望疫情後大家多多幫襯，唔好俾呢啲香港情懷失傳呀！…查看更多

係沙田讀書讀左十幾年，學校又係龍華附近，但竟然未去過龍華食乳鴒....行完HOME SQUARE，心血來潮，近近地不如食龍華LOR!經過一段民居既路，到左龍華入口，行條樓梯，兩邊掛哂紅色燈籠，行行下，左邊見到隻孔雀@@ 雖然有籠困住不過都俾佢嚇親。兩個人叫個左三樣野食，不過都食唔哂脆皮乳鴒咕嚕肉椒鹽豆腐馳名脆皮乳鴒係好食，但係唔係得佢一間咁好多食呢? 又唔係WOR，出面好多地方其實都差唔多，而且都幾貴，所以感覺麻麻，可能因為期望太高。咕嚕肉椒鹽豆腐不過另外兩個送就好好味~ 比出面D 中餐好食~ 服務不錯舊式裝潢，都幾特別既~…查看更多

媽咪好鍾意食乳鴿，所以細個都帶過我黎幾次，呢度都算係有兒時回憶。數數手指都有超過十年無黎過食，所以早排趁媽咪生日，就一齊再黎重拾當年嘅味道。.龍華酒店嘅交通唔算太方便，位置係瀝源邨同沙田警署附近。餐廳係山上面，所以要行一條樓梯上去，年輕嘅我都還好，條樓梯對爹地同媽咪黎講都幾辛苦，行上去都幾吃力。我地上去嘅時候，見都有個婆婆好努力咁行上去，我就諗如果可以安裝番一條扶手電梯就更加方便老人家。沿途有好多紅色燈籠，有啲千與千尋嘅感覺，有興趣可以係到留影。行到上頂仲會有啲雀籠，我記得細個係有雀仔睇，沙士之後就無嚕。龍華有準備到四人至十二人嘅套餐，如果唔知叫咩好，可以直接叫套餐。我地唔太想飲湯，套餐又無平好多，所以就散叫。.龍華紅燒乳鴿 ($98@1)我地一行四人，叫左四隻乳鴿，一人一隻你可以叫廚房原隻上，又可以叫佢幫你斬件上。我地叫左斬件，一開四，方便食。乳鴿一定要趁熱食，凍左就唔好食啦。熱食嘅時候皮脆肉嫩，咬落去有肉汁流出，十分惹味。不過，媽咪話以前有得叫乳鴿王，係再大隻啲，再好食啲，而家都無咁好食。.我地另外叫左三個小菜：- 椒鹽豆腐 ($108)呢個豆腐炸得幾好，唔會太熱氣同太油膩，不過食到底個啲有好多椒鹽粉就有啲咸。- 新鮮菠蘿咕嚕肉 ($138)新鮮菠蘿好甜好食，不過個咕嚕肉就麻麻地。雖然調味幾好，但肉質好實好硬，而且每塊肉都扁同乾，咬開都幾費力，唔太好。- 蒜蓉炒菜心 ($108) 菜心好嫩，炒完都唔會好乾，幾好食。唯獨係價錢偏貴。- 雞粥(一窩) ($118) 我地主食無叫白飯，試左餐廳推薦嘅雞粥。呢個真心差，完全唔合格啲粥底看似好線，實則係加左好多粉漿，完全無米香味，食落都唔好食。雞件連皮一齊好肥，食落唔嫩口，而且係無咩味道，十分失望.我覺得餐廳水準參差，除左個乳鴿係保持得到，其他都一般。味道肯定係無以前咁好，如果食過，唔算太值得踩條咁辛苦嘅樓梯上去食。如果未食過，都可以考慮上去食個乳鴿嘅。…查看更多

這晚有親友生日，年近歲晚都怕難訂位，結果即日訂到這店，心裡已有點不妙感覺，一行六人，七點到達，點了下列菜式：紅燒乳鴿，嚴格來說應該稱為炸乳鴿，入口皮算香脆，但肉質較鞋，炸得已老火偏乾，肉汁不足。豉油皇乳鴿， 入口鴿肉鬆軟，嫩滑可口，肉汁豐富，但味略濃，算是水準不錯之作，但估不到竟是全晚的唯一佳作。炸大腸，用上新鮮大腸炸，皮炸得頗脆口，較為薄身的炸得透，入口咬落脆而爽口，但可惜部份的腸膏太厚而炸得不夠干乾，入口尚肥，咬落滿口油。椒鹽豆腐，無特別，兼且皮不夠脆，也不夠熱，入口內裏尚算滑，而味道就很淡，食不到椒鹽味。沙窩古法梅菜扣肉，扣肉用五香粉醃過，非常夠味，與一般客家菜的梅菜扣肉桐比，這個比較乾身，但入口也夠淋軟，可惜梅菜小一點。沙茶菜芯牛肉，沙菜醬汁很惹味，牛肉入口尚算嫩滑，菜芯就好一般，有老有嫩，沒有揀過。西煎軟檸雞，是全晚最失敗的菜，雞肉醮粉炸，做得非常乾，入口如同噬樹皮，茨汁嚴重不足，成個菜淡而無味。…查看更多

講起沙田龍華，很多香港人都會認同是我輩童年回憶的一部份。回想起小時候，父母總會偶爾在週末帶同我們去龍華，席間必然會到室外空地玩耍，昔日的場面仿如昨天一般，歷歷在目。龍華其實早建於1938年，開始時是所渡假式酒店，直至1950年餐廳正式開業，同年首創了龍華乳鴿，令她聲名大噪。可惜時至今日，已不復當年的熱鬧。今午趁著路經沙田區，食神決定再來懷緬一下過去。酒店依舊，在龍華酒店四字之下，一條長而窄的路直達餐廳，兩旁花園似早已荒廢，欄杆等亦破舊不堪。餐廳裝飾擺設跟以往相似，就連伙記都似是當年的一班老主顧。毫不猶疑先點了龍華乳鴿，一隻紅燒乳鴿，一隻鹵水乳鴿，果然入口滋味不變。聽說龍華只用出生廿五天的乳鴿，所以肉質幼嫰而骨香，紅燒的燒得外脆而內嫰，鹵水的甘香但味道相對不算太入味。除了乳鴿還揀選了椒鹽豆腐、揚州炒飯等菜式。椒鹽豆腐稍為似炸粉，口感普通，不值推介。揚州炒飯就頗有鑊氣，水準比起茶餐廳的有過之而無不及。離開時倘有點依依不捨的心情，回想起一個一個的童年常往的老餐廳續一結業，不知道龍華還能守多幾年?…查看更多