天虹海鮮酒家

已經一段時間沒去南丫島，今次星期五晚專程入去食個海鮮餐。餐廳有船來回中環尖沙咀，船程約半小時，都可以話係非常方便。可能真係多左人北上，即使星期五晚上，餐廳都唔滿座。雖然以家天氣唔算凍，但坐室外餐廳亦有暖爐提供。今次食到南丫島經典海鮮餐，非常惹味。海鮮餐真材實料，今餐樣樣都好味！冇得彈最喜歡椒鹽瀨尿蝦，外殼炸到勁脆。吉列鮮魷都係必點，既唔油又食酥脆新鮮嘅魷魚🦑炒蟶子非常入味，最後我地仲加點了天虹炒飯及炒麵。…查看更多

為了避開假日的人潮，特意在週中前赴南丫島。落了船，喜見天朗氣清，水更是清澈了不少，環境開揚，使人心曠神怡！來到老字號天虹，先點了客二人餐，另加一碟白灼蝦，還有兩支青島，一切準備就緒，開餐！以前白灼蝦皆為基圍蝦，迄今已進化至海中蝦。蝦當然是大隻得多，一碟例牌有半斤。剛灼起的中蝦肥美爽彈，更重要的是其鮮甜度直迫天花板！二人套餐由芝士焗龍蝦開始。兩件半隻龍蝦由頭到尾都極其多肉，絕對是啖啖肉愛好者的福音！廚師落芝士更是絕不手軟，澎湃得滿口都是芝士與龍蝦的合奏！繼海中蝦、龍蝦之後，輪到瀨尿蝦出場。椒鹽瀨尿蝦是蝦尾部份，炸得夠透夠脆，蝦殼容易剪開。有些蝦殼居然也吃得入口！蝦肉跟椒鹽的無縫配合，互相揮影！接著的海鮮由魷魚承接。酥炸吉列魷魚的吉列炸皮十分香脆，半滴油也找不到。魷魚有嚼勁、不靭，蘸些酸甜醬，惹味得很。份量甚多，食極都有。相比之下，蒜蓉蒸元貝較為失色。雖然蒜蓉和粉絲俱不俗，奈何主角元貝竟有點靭，失卻應有的嫩滑，小人認為是蒸過了頭。清炒時蔬是白菜仔，白菜仔爽甜有致，爽腍恰當，清清爽爽的，正好為豐腴的海鮮餐解除一下膩滯。多年來天虹的水準沒有跌過，實力長存！…查看更多

📍#天虹海鮮酒家📍Lamma Rainbow #LammaRainbow 🇭🇰香港南丫島索罟灣第一街23-27號地舖🇭🇰G/F,23-27 First Street,Sok Kwu Wan, Lamma Island, HK🌐南丫島 #MFJ南丫島 #MFJ中菜#MFJ_LammaIsland #MFJ_ChineseFood味道: 👅👅👅👅👅賣相: 👀👀👀👀回頭率: 🔆🔆🔆🔆🔆為了食，真的可以去到十分盡！饞嘴之人，海鮮愛好者，是次選擇開船到南丫島，自來海鮮加工外賣，務求食到個個滿足！😍😍💯清蒸阿拉斯加長腳蟹🦀自來7斤的阿拉斯加長腳蟹！人生第一次自己剪長腳蟹，比我想像中容易得多！清蒸真心的清甜！蟹夠新鮮不漏肉💯翡翠炒龍躉球🐟自來一條9斤重的龍躉，超級誇張🤣龍躉要兩味，第一味起肉，配西芹荷蘭豆炒球！肉質夠厚，口感超爽脆，魚香好味！💯紅燒龍躉頭腩🐟第二味紅燒龍躉頭腩！9斤重的魚，起肉後的頭骨腩要不蒜蓉蒜，要不椒鹽，很少紅燒！誰不知紅燒竟然是最好味的！ 骨腩走油做得非常的出色，香脆惹味，加上紅燒味濃，骨腩完完全全吸滿汁，惹味到爆燈！⭐️龍丼茶香雞🐔龍丼茶香雞十分特別，雞滑帶爽，雞肉和雞皮足滿著茶香，入口有陣陣的燻香，好味！🆗天虹炒飯🍛炒飯就普普通通，但總要滿足一下飯桶們，順道吸吸油膩🤣⭐️白灼花螺🐚雖然是養花螺，但都爽口，甜醬真是絕配下次想試試辣酒煮😋💯日本池魚刺身🐟當天空運到港的3斤重的日本池魚都是自來🤣池魚刺身食日本菜經常食，但如此大條真係第一次！刺身厚切，超級爽口而且鮮甜，如果有香蔥醋的話真的不得了！💯椒鹽池魚頭腩🐟3斤重的魚，只算頭腩都有起碼1.5斤吧！龍躉已經做骨紅燒，池魚就椒鹽！池魚是扁身魚，魚骨較闊，椒鹽可以啜得更惹味！他們椒鹽做得十分好，首先夠乾身，二來夠濃夠惹味，但又不咸！下酒一流！⭐️豉椒炒蟶子🐚大大隻的蟶子啊！又肥又肉爽！豉椒味味到剛好，椒味不會太重，下面的應該是煎米粉餅，吸了豉椒汁味好正，適合小朋友食！⭐️蝦醬炒鮮魷🦑鮮油除了椒鹽，真的很少吃其他做法！蝦醬炒鮮魷確的確第一次，想不到又挺夾！魷魚十分新鮮，食下去爽口，加上蝦醬味香，惹味惹味！💯椒鹽瀨尿蝦🍤食海鮮，當然有我最喜愛的椒鹽賴尿蝦！賴尿蝦夠大隻，肉甜而且每一隻都有很粗的膏！重點是他的椒鹽！又香又惹味，每隻賴尿蝦腳都給我啜得乾乾淨淨，差點連碟都舔光🤤在香港除了西貢的通記外，他絕對是我暫時評分最高的椒鹽賴尿蝦，必食！今次是有人請食飯，加上自來和外賣，所以性價比就不評論了，但出品的確高質好味，非常滿足的一餐 ♥️♥️#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #南丫島美食 …查看更多

今日約左朋友行山食飯，我地搭１點半既船由中環去榕樹灣，３０分鐘船程即２點就到達榕樹灣，我地落船就即開始慢慢由榕樹灣→索罟灣。行到沙灘附近見到有士多，我地４人坐低每人食左碗麵又行過，全程我地行左約１小時３０分左右，３點１５分開始至４點４５分左右畢！我地去到索罟灣就揀返一向食開既天虹，食過冇數次，今次質數比以前食既差左小小，但係整體都ｏｋａｙ！椒鹽瀨尿蝦瀨尿蝦好大隻，而又多肉，最緊要係好新鮮，必食之選。豉椒蟶子雖然唔係蟶子皇，但係隻隻睇落去都好肥，體積雖小勝在啖啖肉已足夠！辣酒煮東風螺我地真唔好彩，花螺無貨，所以由東風螺代替，不過唔緊要啦，因為個汁先係主角。清蒸游水海鮮其實我係一個好鍾意食魚既人，但係呢條游水海鮮我食左一啖就放棄，唔知點解肉質味道怪怪。有一位人兄係唔食魚既，不過都比另外２位食到得返棚骨。天虹秘制蟹秘制醬汁幾特別，可以話係大膽創新，同平時出面食開既煮法唔同，值得一試，但係個人比較喜歡薑蔥炒。芝士薯蓉焗元貝呢個係我必食既，因為真係好好味呀，無論芝士、薯蓉、元貝都係１００分。天虹炒飯因為我地各人都飽飽地啦，每人係咁二啄左幾口就放棄，幾好味，但太飽吃不下，我們真浪費！ 蒜蓉白菜仔No Common，因為簡簡單單既炒菜一定好食，如果唔係．．．…查看更多

辣酒東風螺 照片所見只剩下一半, 不是我們食左, 其實上臺已經是這樣, 可以講的是個煲太大, 所以上臺時, 我們都嚇了一跳,好似d 送給人食左一半咁 ; 另外不辣亦欠缺酒香實在失望 補充我本身不是食得勁辣的人豉椒聖子 + 吉列鮮魷 $80 不過不失椒鹽瀨尿蝦 $50/隻當時有2種瀨尿蝦可選, 一隻是逐兩計, 另一種是$50/隻, 當時所見2種瀨尿蝦的size 不是差很遠, 而且$50/隻的那種size 都ok, 便選了這隻, 但當上臺時, 比在魚缸見到的細左些 蒜茸桂花蚌 $25/隻他們的做法是不加豉油, 只加大量蒜茸在蚌上面, 所以上碟賣相很清, 但給我的感覺變為蒜茸才是主菜咁, 食到成口蒜茸, 都未必食得出蚌的鮮味, 我都知蚌類是鮮味/淡味的食物, 要靠其他配料帶出來, 但配料始終是配料, 不應喧賓奪主另外還叫了蒜茸白菜仔 和 海鮮窩麵 (一般啦)清炒芥蘭 ,那碟芥蘭一上臺便知是先用水灼過才炒的, 我不肯定是否所有食店都是先灼過才炒, 因為我都知炒芥蘭需時頗長, 但我在其他食店食過的炒芥蘭給到我有鑊氣的feel, 唔會上碟見到芥蘭的水份其實當日所叫的菜式, 全是穩陣做法, 如蒜茸, 豉椒 等, 唔應該失手, 所以我覺得只是一般, 如果專登為左去這間食店才入南丫島就無謂啦不過值得一讚:洗手間算清潔沒加一前菜不用收費另外因為在這裏食野, 有免費船返中環/尖沙嘴, 叫做省了$25…查看更多

由榕樹灣行左大約一個鐘的路，終於到索罟灣，好應該獎勵下自己，食番餐靚海鮮﹗整個索罟灣好似畀天虹玩晒，感覺好獨市。但有好野食的話，講咩「鋤強扶弱」？梗係邊間好食就邊間啦，哈哈。因為好愛海鮮的C小姐一早訂左枱，所以可以坐係近海個邊。坐低左之後，伙計徐徐送上小食一碟，唔係花生酸瓜等行貨，而係烤麩。烤麩甜甜的味道啱啱好，稍為林了少少，可以更有咬口。冬菇味道好香，而且份量唔孤寒，加埋木耳，係一碟很有誠意的小食，即刻加晒分。食完小吃後，大家都要降一降溫，抖左半個鐘後先叫野，伙計都完全冇出聲。第一次來到，出左去問伙計有咩介紹。如果係一般的酒家啲阿叔一定唔想睬你，但依度的人就好有耐性同我講，同我講點整會好食，今日咩野特價等。佢話第一次來叫餐會咩都有，抵食啲，但係大家都想食多啲海鮮的關係，就決定散叫。六個人要一個豉椒炒蟶子皇、特色炒蟹、椒鹽瀨尿蝦、蒜蓉蒸扇貝同埋一條蒸燕子星。豉椒炒蟶子皇淨係個賣相已經殺死人。大大抽的蟶子肉擺左係六個空殼上，証明畀你睇份量冇呃你的。蟶子唔老，非常之新鮮爽口。個豉椒汁惹味非常，濃烈的黑椒味加上廚房的鍋氣同炒到仲有啲生生地的洋蔥...太無敵了...即刻要叫碗白飯去送汁﹗雖然係咁但蟶子的鮮味仍然食得到，每人一大隻都唔係好夠喉呢﹗全晚的最愛﹗特色炒蟹（用的是肉蟹，週末特價$150隻）其實就係避風塘炒蟹。小弟一向唔太鍾意避風塘式煮法，因為覺得太乾了。但依度的特色炒蟹係濕好多的，美味的程度真係高幾倍有多。配料炒得香到不能形容，味道的平衡取得好好，夠辣夠香夠咸。蒜蓉豆豉辣椒等等係炒到仍濕濕地，唔係其他地方咁炸乾晒脆晒就算。蟹係睇落去幾大隻的，但其實唔算特別多肉，但勝在肉好新鮮同好甜。第一次覺得避風塘式原來係咁好食的，第一次愛上了依一個煮法。瀨尿蝦又係一樣一向討好唔到我的食物，而且小弟又實在太懶去食。但依度的椒鹽瀨尿蝦，卻係另一回事。我地要了三隻大的瀨尿蝦，每人半隻。咬開左面頭的殼，「損」左「損」後就開始食啲肉。一邊大啖大啖食清甜的蝦肉，一邊咬底下的蝦腳去食個椒鹽味...太滿足了﹗講真的，蝦蟹太少肉了，而豬牛羊就因為要趙耐啲，所以真係冇咩肉好似瀨尿蝦咁可以大啖大啖的不停食。瀨尿蝦唔太乾唔太油，而師傅的功力更加一直冇失手過，椒鹽的味道很香。依一碟椒鹽瀨尿蝦另我對瀨尿蝦有所改觀。蒜蓉蒸扇貝係全晚大家最期待的，我地仲要特地要求左要多粉絲，因為係精華所在﹗雖然有好多的蒜蓉，但仍然食到扇貝的鮮味，但扇貝蒸得太耐，有少少鞋。同埋粉絲唔係太索到啲鮮味，有點兒失望，不過都算係唔錯﹗最後的蒸魚係條燕子星，即係一種較平價的星斑，伙計話抵食。以價錢來講的確幾抵食，但真係同貴啲嘅斑有幾大出入。肉比較削，而且唔係特別滑，即使係個面豬登都有少少鞋。但好彩夠新鮮，而且個蒸魚豉油（加埋蔥同熟油）調得好好，未必係成餐最好的，但亦都相當滿意。最後叫左碟油鹽水浸菜心，食完咁多精彩的海鮮後，當係清一清腸胃，幾清甜的。講真，唔係話完全飽晒，但係食完成餐的個一種滿足感真係去到頂峰。一向都唔係海鮮迷，但依一餐真係食得好痛快，三百幾蚊其實好抵了﹗之後可以免費搭佢架私家船返市區（停兩個站︰中環同尖沙咀）好爽，唔係為左慳個十幾蚊，而係感覺好似貴賓﹗食物好唔駛再講，伙計們的服務全部都好好，廁所又乾淨又靚，真係將港九新界好多海鮮酒家比下去。其實只係需要半個小時的船程（入去西貢、鯉魚門可能仲耐）就可以食到啲咁高質素的海鮮，南丫島真係唔係咁唔方便，日後可以多啲來。…查看更多

上星期日同女友去南丫島旅行,回程時經索罟灣走,路過天虹海鮮酒家,睇見食物十分新鮮,正想下次先嚟試食,但係有個哥仔話幫襯佢地就有免費船返尖沙咀,我聽到後立即講"唔該兩位",哈哈.我地叫左聖子,瀨尿蝦,貴妃蚌同天虹炒飯樣樣都好好食回程仲可以夜遊維港,好滿足呀!…查看更多

當日同隻狗狗去南丫島玩由榕樹灣行到索罟灣去左天虹食晚飯三個人點左五樣茶，包括辣酒煮花螺蒜蓉粉絲元貝 x3豬頸肉炒白菜椒鹽瀨尿蝦 x2白飯 x3最正係瀨尿蝦, 好入味, 好正!!元貝好新鮮!!花螺, 個汁就好辣, 但d 肉就唔辣, 但都好好味Total: 600 + 10% = 660…查看更多