瀛鍋

最近有開心嘢要慶祝，搵咗間有刺身又有得打邊爐嘅餐廳食飯！餐廳幾得意有個比小朋友玩嘅area，另外仲有幾間包廂，好啱商務或開party用。🐟海花金古（條）（刺身） $888🐟特瀛刺身 $168餐廳有各類海鮮刺身，我哋叫咗比較少見嘅「海花金古」。金古肉質富有彈性，口感爽脆，肉質亦好嫩滑，帶有獨特嘅甘味，魚味非常濃郁且鮮甜，相當不錯。
其他刺身都好肥美，魷魚爽口彈牙好鮮甜。🍽️椒鹽三文魚骨腩 $78三文魚骨腩外皮炸得好鬆脆，食落惹味而唔油膩，性價比高！🍽️鮮味卜卜蜆窩 $288卜卜蜆鍋底入面除咗有大大隻嘅蜆，仲有大量白蘿蔔同粟米。上枱等蜆開口就可以食用，蜆肉新鮮無沙，湯底鮮甜。🍽️手切鴛鴦牛（小） $368兩款牛分別係手切本地A級鮮肥牛同全天然霜降肥牛肉。A級鮮肥牛油脂分布均勻，帶有濃郁嘅牛香；霜降肥牛肉油花呈大理石紋路，肉質嫩滑且多汁，近乎入口即溶。🍽️珠江風鱔片（例） $158魚片口感Q彈，味道濃郁，無骨，配搭卜卜蜆湯底鮮味更突出。🍽️鮮蝦水餃王(粒) $15水餃王好巨型，餃皮好滑溜，餡料有原隻蝦肉、豬肉、黑木耳、筍絲等，整體口感爽口彈牙，值得一試。🍹洛神花大大杯 $38🍹大大杯手打檸檬綠茶 $38洛神花酸酸甜甜好開胃；檸檬綠茶用咗新鮮檸檬配搭蜂蜜綠茶，茶味好甘香，好解渴。幾滿意嘅一餐~…查看更多

瀛鍋，位於九龍城既火鍋店，一店兩層，下層闊落之餘仲有小朋友玩既area👶🏻上層仲有包廂，家庭友善仲要寵物友善👍🏻勁多高質同特別既食材🤩飲返啖原漿啤酒，再揀野食🍺頭盤優惠：南非冰鎮鮑魚，原隻冰鎮，好爽好鮮，味道唔錯👍🏻值得一試，椒鹽三文魚骨腩，好大碟而好香，椒鹽好惹味，送酒一流🥳打邊爐！鮮味卜卜蜆鍋，蜆好肥美，非常鮮，加埋蒜同粉絲食，好正🤗手切鴛鴦肥牛，安格斯肥牛厚身，口感豐富好味😋手切本地牛非常濃牛味，推🫶🏻皇帝蟹柳，真係好大條，加個鮮味湯底幾夾，濃味👍🏻鮮雞子味道唔錯，細節粒，鮮蝦雲吞，蝦子味濃，味道好好，皮都好滑😍韮菜肉碎餃，好食，餃子真係唔錯，調味好好，推介要食🤞🏻整體食物質素高，環境又正，店員服務好🙌🏻火鍋黎講算好多唔同既選擇同食材，聚會覓食都好適合😎…查看更多

想減肥的時候朋友約吃火鍋怎麼辦🫣就是引導他吃卜卜蜆😂😂吃完一大鍋蜆後基本上也吃不了多少其他的了🤭這間火鍋店還有一個很大的兒童區，放了很多玩具可以給小朋友盡情玩樂😯確實是不多見🤣卜卜蜆鍋用清湯底慢慢把蜆煮開，等湯底沸騰後基本上就可以吃了🌟整鍋蜆的狀態都是新鮮飽滿，沒有一隻死蜆👍🏻湯底愈煮愈鮮甜，結尾來一個烏冬吸飽湯汁真的是神來之筆🌟等吃蜆的同時也點了一份小吃椒鹽三文魚骨腩🌟這小吃十分香口惹味，外脆裡嫩♥️我們沒點啤酒配它有點可惜了🙈雜丸中的香芋包心貢丸有驚喜🌟外層的貢丸爽彈有肉香，裡面香芋餡軟糯香甜👍🏻一向不愛吃包心丸的我表示這個可以🤣手切牛肉色澤不錯夠新鮮👍🏻…查看更多

平時到九龍城多數食泰菜， 今晚就去瀛鍋打邊爐，位於九龍城福佬村道82-84號福成閣地下A-B號舖。 店內有兩層， 地面座位闊落，一樓有幾間房。 餐廳主打港式火鍋📌，我點了椒鹽三文魚骨腩$78、 香辣味魚皮$48、刺身三文魚$168、 南非冰鎮鮑魚、馳名鴛鴦鍋$108、手切本地鮮牛肉$288、 牛爽白肉$128、 手打四寶丸$78、 脆鯇魚片$58。 ▪️椒鹽三文魚骨腩 ～ 酥脆惹味， 唔算多骨。 ▪️香辣味魚皮 ～ 滿口香脆， 帶點香辣。 ▪️刺身三文魚 ～ 厚切三文魚，肥美鮮味。 ▪️南非冰鎮鮑魚 ～ 鮑魚肉厚帶嚼勁，餐廳慶祝14週年， 送每位客人一隻冰鎮鮑魚， 至5月31日。 ▪️馳名鴛鴦鍋 ～ 鴛鴦鍋和豆腐清湯鍋， 價錢抵。 ▪️手切本地鮮牛肉 ～ 牛肉鮮嫩，肉質鬆化味濃。 ▪️牛爽白肉 ～ 十分爽口，帶有牛油香味。 ▪️手打四寶丸 ～ 每一款手打丸都Q彈爽口。 ▪️脆鯇魚片 ～ 薄切魚片，口感紮實。 餐廳有房，私隱度高，非常適合商務客、寫字樓客人和生日party聚餐，更設有一個兒童樂園， 讓客人可以一邊打邊爐一邊親子。 🏷️溫馨提示～ 整個用餐體驗均屬個人分享意見， 只作參考😊。 …查看更多

今日同朋友去開九龍城個頭，平時嚟九龍城好自然就會諗起泰國餐廳，而今次我哋比熱情嘅職員喺餐廳外面嘅招徠吸引咗，嚟咗呢一間叫「瀛鍋」嘅海鮮火鍋店打邊爐。餐廳有兩層，下層座位闊落，充滿空間感，特別之處係竟然有一個好大又好多玩具嘅兒童玩樂區，一班爸媽喺度打邊爐敘舊嘅時候，小朋友亦都可以喺隔離呢一個親子區入面玩，喺而家租金咁貴嘅香港竟然有一間餐廳會撥咁大個空間出嚟做玩樂區而唔係座位，真係好少見。二樓有好多間包廂，四人、六人、八人、十二人，甚至係廿幾人嘅聚會，都有相應嘅包廂，充滿私隱度。我哋嗌咗椒鹽三文魚骨腩、原條深海石蚌魚刺身、瑤柱滋補潤肺白肺鍋、鮮蝦水餃皇、正脆鯇魚腩、手打四寶丸同娃娃菜。適逢餐廳開業14周年，係10/4-31/5期間晚上六時後光顧堂食，就可以一人送一隻冰鎮南非鮑魚，鮑魚都幾大隻，咬落去爽口彈牙，味道鮮甜，喺一道唔錯嘅開胃菜；椒鹽三文魚骨腩每一件都唔會切到好大嚿，炸到魚皮外脆而魚肉內嫩，椒鹽嘅味道亦都啱啱好唔會太辣但又好惹味；原條深海石蚌魚刺身一上枱已經好驚艷，賣相非常吸引，睇得出師傅刀工好好，每一片都好薄身，口感爽口，食材新鮮，配搭酸汁一齊食可以提升出佢嘅鮮味；瑤柱滋補潤肺白肺鍋呢個湯底都好正，湯料豐富，用咗牛肺同豬肺去煲，味道濃郁；鯇魚腩好少魚骨，食落魚肉爽口而味道又唔腥；手打四寶丸有牛丸、墨魚丸、鯪魚丸同蝦丸，全部口感都好彈牙！📍九龍城福佬村道82-84號福成閣地下A-B號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

今晚係2024年最凍既晚上，一定要黎個打邊爐應下節，好有氣氛呀有好多款湯底揀，我地女士既當然鍾意花膠雞湯底啦（有竹笙、花膠、半隻雞同魚唇）$368，一滾起，黎返兩碗充滿骨膠原既湯飲下先，非常黏嘴夠骨膠原，又好濃郁鮮甜、竹笙仲好大塊呀！好肚餓，叫咗個炸椒鹽三文魚骨腩小食 $78啲三文魚骨腩炸起一啲都唔油，脆漿夠薄，食落好鬆化，仲想上一層椒鹽七味粉，更添惹味！田園菜籃 $88店員話呢度啲菜係有機㗎，所以食落都好放心。有粟米、秀珍菇、生菜、油麥菜同蕃茄，樣樣都好新鮮，粟米亦都好甜。手打四寶丸 $78一上碟就知道呢幾粒丸一定係師傅自己手打嘅。不論係蝦丸、墨魚丸、牛肉丸、豬肉丸，粒粒都好彈牙，鮮味十足。鮮蝦水餃皇（兩粒） $15/粒呢個堪稱係舖頭嘅招牌，係人手自家包製嘅。雲吞外型飽滿，入面包咗好多餡料，有原隻鮮蝦、木耳絲、新鮮豬肉、筍絲等，所以食一粒都好飽肚，唔怪得要斷粒計😆😆好正！兩個人食呢個份量都已經好飽，所以今晚我哋都冇叫麵類、肉類。呢間唔入黎都唔知原來係間寵物共融既中日式火鍋店，樓上有一間間房俾養寵物既主人包間房去打邊爐，咁就唔需要擔心自己既寵物會打搞到隔離檯既食客啦，地下層既一個corner仲係兒童遊樂天地，咁就好啱充滿能量既小朋友食食下嘢過黎玩下放電！…查看更多

九龍城除了泰國菜餐廳外，還有不少的火鍋店，而且質素也是不錯的。餐廳樓高兩層，地方寬敞，設有電視，可以一邊看電視，一邊享受火鍋。地下那層有大量卡位，二樓是高私隱度的廂房，每間房間都各有特色，可以自成一角，適合和一群朋友聚會。職員服務不錯，也會介紹跟進食物。入座後，職員先送上醬料架，選好醬料後就可以開始大餐了～♡花膠濃雞鍋$288 🥢必點🥢非常濃郁的雞湯，雞肉還是有雞腿、雞翼的位置，肉質比較嫩滑。上菜後職員才會切開雞肉，職員提醒我們先喝點湯才放食物吃火鍋，雞湯十分濃稠，很滋潤的感覺，建議大家真的要多喝幾碗才開始火鍋啊！湯裏還有不少配料，有貼心已去了核的紅棗，可以補氣血，以及明目的杞子，養顏的花膠，十分養生美顏啊！♡游水海石蚌$398 🥢必點🥢魚肉肉質鮮嫩，呈半透明感，每塊魚肉厚薄都切得很均勻。有提供芥末豉油和酸汁，芥末豉油帶刺激味蕾的感覺，而帶酸汁則可以出魚的鮮味，各有風味。♡手切鴛鴦肥牛$368(細)有本地牛頸脊和安格斯牛各一半，可以嚐到兩種味道的牛肉呢～本地牛頸脊比較有口感，而安格斯牛就有油香味一點。♡椒鹽三文魚骨腩$78外皮金黃香脆，用上三文魚骨腩位置，骨少肉多椒鹽十分惹味啊！餐廳的丸和餃子都是自製的，而且款式不少，可以嚐試一下呢！♡鮮蝦水餃王 每隻$15大粒飽滿，有豬肉、蝦，可以單隻點的。♡手打鮮肥牛粗丸鮮紅色的手打的肉丸，用上肥牛製成，味道鮮味有肉香味。♡胡椒豬肚丸胡椒豬肚湯喝不少，胡椒豬肚丸就第一次吃，雖然不及喝胡椒豬肚湯般濃味，但感覺也很特別。♡金沙流心魚蛋少有的款式，咸蛋流心的魚蛋，滋味的咸蛋咸香味。♡香芋包心貢丸 🥢必點🥢芋頭味香濃，而且芋頭份量多，做到包心效果，加上豬肉的香味，兩者味道剛好，不會搶到對方味道。♡鮮蝦雲吞蝦肉彈牙有口感。♡韮菜肉碎餃皮薄，帶有韮菜香味。餐廳細至蔬菜也十分講究，用的是有機菜，所以點了兩款菜嚐嚐，♡超甜鶴斗(矮白菜)$48♡皇帝菜$58單看外表已經很翠綠，菜葉完整，吃下感覺很新鮮。✔️餐廳設加一服務費…查看更多