稻埕飯店 (K11購物藝術館) (已結業)

中秋前夕借勢約朋友食飯做節🌕，我哋去咗K11新開嘅「稻埕飯店」。由於訂咗枱，去到可以直入，無訂枱嘅話又咁爆場，真係要等位！餐廳都幾先進，我哋一坐低店員就為我哋送上手機紫外光消毒機同電子屏幕菜單🖥。朋友唔大食(仲走澱粉質)🙈，所以我哋只係叫咗兩個小食、一份主菜同甜品。鵝不是鴨肉(例牌)($98)，餐廳嘅菜式名食哂字，有趣有趣🤣。無骨鵝肉有七至八片，以台式白滷水浸製，所以唔會過重口味，食落清爽。伴碟除咗令菜式變靚之外，亦讓食客進食鵝肉前後可以清清味蕾。其中包括薑絲芽菜同醃菜甫蘿蔔，後者好入味好好食🤤。不夠．臭豆腐($68)，臭豆腐嘅造型精美，好似積木咁一件件搭住。從來唔食臭豆腐嘅我見佢唔係太臭🤣，所以㩒住個鼻試咗一件，原來食落係無乜臭味，而且非常脆口。鹽酥豬扒滷肉台梗米飯($86)，以一個托盤咁盛住飯、豬扒、蛋同甜酸子薑。🥚溏心蛋流心效果一流；子薑偏辣，則作開胃之用。滷肉飯選用台灣直送台梗9號米，🍚米粒飽滿，黏性較平日食開嘅強。滷肉份量多，肥瘦適中，仲有搭配椰菜。不過飯就唔算多，應該係單點Size。鹽酥豬扒🐷超好食，而且大大件！炸皮又薄又香口，脆得嚟唔熱氣，炸衣同肉身並不分離，肉質鬆軟，正

朋友返香港之後一直未有機會見面，趁住放假終於約到佢出嚟，估唔到佢最懷念嘅居然唔係地道廣東菜，而係台灣菜，上網搵到呢間主打古早台灣風味菜嘅餐廳，當係為佢洗塵。餐廳喺K11入面，店面非常大，座位同座位之間空間亦好寬敞舒適。AI人工智能送餐係餐廳亮點之一，點菜後機械人會自動送餐到食客嘅餐枱，好有新鮮感。滷水鵝片大概兩人份量，擺盤非常精緻，用嘅係台式白滷水，冇一般潮式滷水鵝咁深色濃味，但就更加能夠突顯到鵝肉嘅清香。鵝片滷得夠入味，肉質鮮嫩，每一塊都帶住薄薄嘅鵝皮，入口油香滿溢，水準非常高。臭豆腐炸得極度鬆脆，散發住佢獨有嘅發酵味道，非常香口，而且一啲都唔油膩，配上酸酸甜甜嘅醬汁，感覺更加清新。鹽酥豬排配上滷肉台梗米飯，係好正宗嘅台灣風味，份量唔細，鹽酥豬扒炸得非常酥脆，香口惹味。台梗米飯黏度高而且粒粒飽滿，食落有咬口，配上嘅軟嫩香濃嘅滷肉，令人胃口大開。桂花酒釀丸子味道微甜，帶有淡淡嘅酒香，加上軟糯嘅小丸子，作為飯後甜品非常合適，唔會有過多嘅罪疚感。紅棗杞子桂圓茶就飲得多，估唔到用米水嚟沖泡效果會咁出色，入口口感微稠，清甜得嚟帶少少米香，令人一試愛上。朋友點嘅草莓櫻花沙冰好大杯，入口唔會有好濃

今日去開尖沙咀K11 就睇下商場有咩食啦，可能今日準時收工，人流都唔多，不過其實呢輪都真係唔多人行街地底上一層就見到大大塊招牌寫住有間 "稻埕"係轉灣，好奇心驅使梗係行去望下啦。原來係一間都幾大間既台灣餐館，佢個佈局相當闊落，岩曬而家大家都相保持距離既心態啦。雖然話6點幾岩岩收到，但都已經見好半間坐佐人，好在我地都唔使等即刻有位坐。佢係用電子餐牌，其實佢好多野都好現代仲有D得意高科技野。例如坐佐陣佢竟然問我地使唔使要個電話消毒筒，好得意又有心既服務望緊餐牌仲見到有送餐機械人，真係估唔到台灣野都咁正咁黎得食台灣野，梗係點返D台灣特式野啦，我地就點佐個古早油飯，一個乳鴿，一個蔥油包同埋兩杯極度台灣特式野飲先黎係個櫻花蝦古早油飯，櫻花蝦拉面真係食唔小，但用落台灣油飯真係第一次食，估唔到又真係好夾，重料櫻花蝦，隻隻炸都好鬆脆但又唔會油淋淋，再配埋薄脆海苔去中和返個油飯真係無得頂之後黎既係滷水乳鴿呢個乳鴨不得了，平時食乳鴿就通常就咁炸，呢度就配滷水，再加好多不同配菜，而最緊要係除佐個乳鴿皮脆肉嫩，係連其他配菜都好正，我最鐘意係佢個蓮藕，薄切再炸非常香脆，呢個真係十分，佢係全部配菜都好正，最後係成

在疫情下無法遠赴寶島，於是就來到位於尖沙咀K-11 的稻埕飯店尋找地道台灣味。餐廳面積寬敞，以追尋「那些年的古早回憶」作概念，裝修風格古典優雅。電子餐牌選擇繁多，讓人選擇困難症發作。店內還有智能機械人負責送餐，新奇趣緻之餘，令服務更有效率。餐廳主打古早味台灣菜，古早味意指讓人懷念的古老味道，菜式實而不華，呈現反璞歸真的寶島原味。胡椒蔥肉包 $38包身附上有如展翅的薄膜，就如飛碟般搶眼奪目。蔥肉包個子圓潤飽滿，底部煎得金黃，包身質地軟綿不黏口。一口咬開肉餡紮實，濕潤多汁，滲入胡椒的微辣辛香，使肉餡倍添鹹鮮惹味。台式滷水乳鴿 $68台式滷水比起傳統港式滷水味道較淡，滷汁色澤清透，不死鹹不口渴，不會蓋過食材的原味。乳鴿肉質柔嫩，肉汁豐富，滷得入味，隱含甘香醇厚的滷水韻味。櫻花蝦古早油飯 $58表面撒滿酥脆的櫻花蝦，滿有蝦鮮精華的鹹香滋味，相當好下飯。糯米飯粒入口煙韌微黏，混合豬腩肉、冬菇及栗子切粒，令口感提升至多重層次。桂花酒釀丸子 $36桂花香氣沁人心脾，留下清甜甘香的餘韻，甜而不膩。酒味不會太濃，配上口感軟糯的小丸子，散發陣陣獨特幽香。飲品則點了蜂蜜白苦瓜汁 $38 和檸檬愛玉 $36，