吳留手居酒屋

營業中

休息中

憂鬱週一，職務關係，到銅鑼灣工作。年輕同事帶老夫覓食，原來同事早已致電留座，故未需候座。居酒屋位於邊寧頓街天橋隔離，不算旮旯，但不起眼，地方頗小，低調隱世。價錢尚可，老夫點了一客胡椒雞扒定食。未幾，上菜，擺盤精美，器皿小巧別致。前菜是麵豉蒜頭，蒜頭沾滿橘紅色汁醬於藍釉試瓷碗中，色味俱全，既不刺鼻，亦不嗆口，難言其妙！米飯上有數粒黑芝麻，如白宣紙上飛灑數點墨彩，悅目，可見店主對食物賣相有要求。雞扒外皮香脆，乾身，肉質尚好，胡椒味稍突出，但不嗆口，加檸檬汁，清新可口，不油膩，若是盛夏之時，亦為佳選。味增湯尚可，未算出色。整體而言，不錯！是日午膳為繁忙憂鬱週一帶來點點生氣。

今日同同事早左開完會，就決定去附近搵間未食過嘅新餐廳食日本嘢。最後我哋揀咗邊寧頓街嘅日本餐廳叫做吳留手。因為比佢個名吸引到。原來餐廳有2層，我地係坐樓上嘅。我哋兩個都叫咗午市定食，一個係三文魚丼，另一個係柚子胡椒雞扒定食。個三文魚丼飯會撈埋蟹籽，令成碗飯感覺豐富好多。三文魚新鮮，而且數量不少。雞扒有驚喜，外脆內軟，出面餐廳很少做到這個脆皮。所有午市套餐都會有前菜小食，以及麵豉湯。麵豉湯唔咸都唔錯。以呢個價錢環境舒服都不失為一個選擇。加$10仲會可以有飲品。下次應該會再去試吓d串燒。