杏甜品 (香檳大廈) (已結業)

這間甜品店的粉綠色門面好靚，好易搵到，走上樓梯到1樓，店內左右邊都好多座位，奶白色牆身，粉綠色的梳化，環境幾舒適。自己找位座，之後看餐牌，原來不只供應甜品，仲有自選三文治套餐，就點呢個啦～全日輕食自選三文治套餐 (HK$98)．套餐有一款三文治，一杯飲品和一個迷你甜品雞胸南瓜醬皮塔餅．這是我的自選三文治組合．皮塔餅烘得暖暖的，微微香脆．多片雞胸肉，嫩滑．裡面塗咗有機南瓜醬，甜甜的，滑滑的，配雞胸肉好正．仲夾咗新鮮爽脆嘅紫洋蔥片、番茄片和羅馬生菜．整份三文治好健康又好食杏咖啡．這是熱杏仁茶咖啡，好香的杏仁呀．飲落幾特別，可以養生同時可以提神椰皇木蓮凍燉雙皮奶 (+HK$48)．將迷你甜品升級做這個大甜品，我覺得非常值得！．木蓮凍，口感冰爽滑口．雙皮奶，口感奶滑，充滿牛奶香，同時也有清甜的椰子香味．也加入煉奶做糖水底．食完感覺好滋養呀～📌提提你：此店原來無洗手間㗎，最近嘅洗手間要行去附近The One 或 Mira Place 喔。

復活節假期的下午4點去到尖沙咀，難得杏甜品唔需要排隊，就入咗去~試咗輕食套餐set B+抹茶杏仁奶凍吸吸。輕食套餐set B包一份飲品、三文治、輕營甜品，賣$58算抵食呢！今次叫的係杏咖啡、和風雞肉三文治、杏仁奶凍。前兩者味道不錯，咖啡適合鍾意飲淡啡味的人，有少少苦澀加上濃香杏仁味；三文治夾有生菜和番茄，還有一抹厚厚的雞肉沙津，用上竹炭麵包都好特別。唯獨杏仁奶凍冇乜杏味，似係一杯白色魚膠粉啫喱，可以不試。至於杏仁奶凍吸吸，其實即杏仁豆腐飲品，相對set B的奶凍反而杏香四溢，而且定價$38有咁大杯，都好抵飲。

近著美麗華廣場的一間樓上甜品鋪，清新白色與淺木的裝修，環境好舒適，開放式的廚房可以看到製作過程，十分放心。芒果奶昔雙皮奶 - $59傳統的雙皮奶糖水結合創新的芒果奶昔，上面有一片片鮮甜的芒果肉，再鋪滿一層濃香清甜的芒果奶昔，而下面的雙皮奶依然滑溜溜，充滿奶香。店家還有三款套餐十分划算，每款包三款指定食品。SET C - $88杏咖啡傳統的Latte加上杏仁充滿獨特的杏仁香味，還有一片片酥脆的杏仁片。煙三文魚蛋沙律三文治健康的竹炭麵包好香好鬆軟，夾著清新的日式蛋沙律和一片脂香的煙三文魚。雜果杏仁乳酪好多新鮮的水果，有蜜瓜、士多啤梨、藍莓和香蕉，中間有很多爽脆的果仁類，鋪在濃稠幼滑的乳酪上，最底是綿密的杏仁味布丁，好大杯超抵。