木玥巷

每次幫襯木玥巷都係外賣型式，這次就趁返娘家staycation 時，三婆孫坐低慢慢食！擔心要等位，於是來個early dinner，7點去到可以直接坐低✌🏻兩大一小點了：鹽酥雞飯 、牛肉麵 和三星蔥餅，對於細食(😆)的我們仨份量足夠有餘。婆婆跟小朋友都讚鹽酥雞粒好食，香脆可口，一粒接一粒食得好滿足，而且份量多到要我執手尾😆不過佢地就冇食到牛肉麵，果然嘴刁呢樣野係有遺傳😂紅燒牛肉麵是我每次都會點的項目，大大舊厚切牛炆得腍軟又入味一啲都唔靭，加埋淡淡的藥膳湯底，依舊保持到水準😋另外婆婆亦對三星蔥餡餅讚好，金黃香脆的外皮包裹著滿滿的三星蔥餡香口非常👍🏻- 木玥鹽酥雞飯 $76- 紅燒牛肉麵 $76- 宜蘭三星蔥餡餅 $38…查看更多

鍾情台灣美食嘅朋友仔一定要試一試木玥巷，唔會令你失望！今日午餐同朋友食咗以下3款，全部都真係好好味👍🏻紅燒牛肉麵$82先飲淡湯，湯底有淡淡嘅藥材味，麵條好有咬口，牛肉有4大塊好足料，炆得好腍，白蘿蔔、紅蘿蔔都好香甜！黯然銷魂安格斯滷肉飯$85滷肉飯食得多，多數都係豬肉嘅，呢間嘅滷肉用咗安格斯牛肉，好特別！肉碎連蛋汁撈飯一齊食，真係無得頂！木玥鹽酥雞飯$68鹽酥雞真係好出色，炸得非常之香脆，份量俾得勁多！😋…查看更多

木玥巷開業無耐已想過來試試，某個晚上一心去試下啦，但去到見到門口人頭湧湧馬上令我卻步這幾日放假就決定過去食lunch, 因驚要等位嘅關係，所以開門不久就到，最後真係唔需要等位打開餐牌午餐選擇唔算多，但樣樣都好似好想食咁，有選擇困難症嘅我最後同老闆揀咗「木玥鹽酥雞飯+紅燒牛肉麵」飲品就只要了兩杯凍咖啡。先來鹽酥雞飯，單睇賣相已經好吸引，滿滿嘅鹽酥雞，旁邊有一小碟伴菜，而醬汁旁還加上一小撮菜絲，睇到已經好想食先試鹽酥雞，炸得好好唔油林林，可惜雞本身唔係好夠咸，再用埋旁邊甜甜嘅醬汁味道就剛剛好，之後再食一口青瓜可去除熱氣嘅感覺。再來紅燒牛肉麵，先試一啖湯，唔似台灣嘅牛肉麵咁濃味，但就有好清甜嘅蘿蔔味，再試埋舊牛肉，望似好鞋，但食落超林，好軟滑，最後差唔多成碗湯都飲晒第二日即刻帶埋我家小老闆一齊過嚟試埋其他款式。黑糖蘋果西打豬軟骨飯，酥炸排骨飯和木玥鹵豬手便當🍱，飲品就叫了柳橙汁百香果茶和凍咖啡。豬軟骨飯份量十足，豬軟骨勁軟滑，勁入味用嚟送飯一流酥炸排骨都幾大塊，廚房好細心送上前已先介了幾多刀，方便人客食用，同之前鹽酥雞一樣炸得非常好，但今次嘅排骨就偏鹹。最後豬手便當一樣相當出色，豬手非常入味，入口即化，食完感覺到滿口骨膠原柳橙汁百香果茶賣相亦相當吸引，打卡真係唔錯，但飲落就是橙汁果茶一杯已而（跟餐+$28）我反而鐘意杯咖啡多過果茶（跟餐+$6）整體「木玥巷」嘅食物不錯，午餐這個價錢cp值高，下次會再試埋晚餐PS 星期六、日及公眾假期午餐係要加一服務費嫁…查看更多

上兩個月和家人（四個）去屯門木玥巷食午餐。到達時，非常多人在門前排隊等入坐，大約三十分鐘左右，職員👨‍💼便安排入內進食，我們order左木玥鹽酥雞飯、酥炸排骨飯、紅燒牛肉麵和木玥招牌便當。大約十多分鐘後，午餐陸續上台，鹽酥雞同在台灣食嘅差不多，味道調控得很好；酥炸排骨炸得很鬆化，肉汁也很多，味道適中；紅燒牛肉麵，牛肉很軟淋同很入味，滷水味道非常像台灣；木玥招牌便當🍱嘅雞腿🍗有足夠嘅豉油汁和滷水味，而且雞腿🍗很滑。午餐嘅飯亦好軟糯，配菜亦做得很仔細。我們每人都叫左杯餐飲，餐飲亦很好有特色。…查看更多

木玥鹽酥雞飯($58 + $10 轉安格斯滷肉飯)平時嗌鹽酥雞飯通常得幾舊仔，但木玥巷呢度完全係俾散嗌小食嘅份量仲要多 😱 上枱見到都真係嚇親 😂 鹽酥雞炸到酥脆，配上酸酸甜甜嘅醬汁仲可以將油膩感減低～ 強烈建議大家要加錢轉做安格斯滷肉飯，佢唔係用一般豬肉而係用安格斯牛肉整成，比嘅份量好足之餘入口仲非常之香牛味，而且冇咗豬肉嘅肥膏相對地亦冇咁罪惡感 😛————————————紅燒牛肉麵($65)牛肉同蘿蔔都炆得好腍，湯底唔會太油，而且帶有些許清甜，麵條都好Q彈～ 不過雖然係餐牌推薦單品之一，但入口相對地就冇咁驚艷啦 🧐————————————…查看更多

餐廳：木玥巷地區：屯門地址：屯門井財街7號力生大廈地下4-5號舖日期：18/1/2021時間：11:50人數：2人 眨吓眼已經過左一年冇得去台灣旅行，實在太掛住台灣嘅美食😢於是我哋就搵下有咩台灣餐廳，睇OpenRice見到都幾多好評於是就決定試下呢一間木玥巷🤔，我地一去到已經見到有幾個人等候，好誇張未開門已排隊，亦增加左我哋對呢間餐廳嘅期待😝好彩我哋早10分鐘到達，如果唔係就要等第一輪食完先有得入座🙈我地嗌兩個套餐，由於我哋鍾意食鹽酥雞所以嗌左一個係木玥鹽酥雞飯（$58），另一個係因為見到佢特別推介就試下木玥招牌便當（$74），加上之前喺台灣火車站食過一個便當回味無窮😳希望可以搵返台灣便當嘅感覺😚亦嗌多左一個小食宜蘭三星蔥餡餅4件（＄36），跟餐有優惠價所以再嗌多左兩杯嘢飲，一杯係木玥招牌水果茶（＄28）、另一杯係檸檬蜂蜜（＄22），總共＄218。鹽酥雞香脆酥，香嫩又多汁，超Juice🤤另外配搭左個醬汁酸酸甜甜，更加開胃，而且鹽酥雞既分量非常之多，食完碗飯都未食晒啲鹽酥雞😂真係超誇張😆下次黎食一定會再嗌呢一個鹽酥雞飯😋而木玥招牌便當🍱原來係滷雞腿🍗，超巨大嘅雞腿，滷得非常入味好食，口感軟嫩一口咬落肉汁與醬香化在口中，食完呢個雞腿便當真係好飽好滿足，鍾意食滷雞腿嘅朋友非常值得黎食🤩蔥餡餅好香香蔥味道，外皮薄薄脆脆，裡面包住肉同蔥，咬落充滿肉汁，仲配左一個醬料類似少少辣嘅蕃茄汁，配搭埋一齊食又幾特別😁飲品方面，木玥招牌水果茶同檸檬蜂蜜都唔錯，招牌水果茶非常大杯🍹，不過我哋之後會想試黃金水果茶，期待下次再嚟😋…查看更多