Supreme Steak & Grill

出深水埗找好西吃，本身諗住encore食素年既，誤打誤撞行左去隔離條街，路過門口見個menu好似ok，就試一試。整體味道ok既，但性價比唔高(lunch set飲凍檸茶要另加$15 lol)，份量都唔算大，食完仲有啲空虛，覺得嘥左quota，早知食素年無咁嬲，今次真係老貓燒鬚。😩當日時間大約3點幾4點，入到去全個場得一枱客(當時係驚驚地係伏)，硬著頭皮坐下了。點餐用剔紙仔形式(有d唔環保)，個waiter好cool無乜禮貌，感覺不太好餐廳有下午茶set，但係揀唔落手(因為真係太輕盈 唔會食得飽)，所以都係叫返lunch set1) 和牛釀大啡菇漢堡伴薯條 $70- 本來叫$90 A4和牛漢堡，落完單佢先話售罄 ，咁無計，唯有食呢個 (但我想要多d肉呀......)- burger ok la，正常野，略嫌碟野有d凍，熱啲會好啲- 成碟份量唔大，好快食完- 薯條幾好喎，脆脆的，有薯味- Latte用機器沖，麻麻地，no good2) 明太子意粉 $60-  後悔叫呢個餐😩😩 明太子醬味道係幾好既(都係用現成醬整)，但係 好 空 虛。除左跟一隻溫泉蛋之外就無了，就好似食緊一碟有明太子醬既澱粉質咁，無其他野送下口 (i mean 肉類/海鮮)，好dry.....而且份量唔大，食完會覺得唔夠。- 強烈建議店家配返個餸，蝦呀蟹肉呀乜都好啦⋯⋯最多adjust返個價總結：食完唔會覺得滿足，唔算話好飽，我淨係記得我當時食完係覺得好嬲同揼心口，同一個價錢我去隔離食素年一定會滿足好多，點解我要屎忽痕試新野😩😩😩😩😩…查看更多

近哩幾年多左好多好靚嘅Cafe/餐廳選擇開係西九龍、深水埗、荔枝角等等既地方搵食就越嚟越方便同埋集中😗Book左12點1130am已經到左 舖頭個閘半開係門口等左陣就可以入去餐廳樓底好高空間感好好 就算位置唔算多 感覺都唔會侷促每張枱都有足夠距離 同埋用膠板👍🏻叫左4個set lunch 包野飲 (coke/Americano)🍴1. 西冷牛扒 $160 7成配薯條，🍟可以係90分鐘入面不斷refill 。雖然🥩有小小乾 但牛味都算幾重 下次試下medium 先🥶🍴2. 和牛蕎麥麵 $90 和牛超嫩！ ！ ！ 😋入口即溶咁滯，加埋滿滿既蔥花，淡淡既湯底 本身就算唔係蕎麥麵嘅粉絲，都忍唔住食左幾啖🍴3. 炙燒三文魚丼飯 $70有三大片三文魚，一隻溫泉蛋🤑🤑將佢哋撈埋一齊食個感覺好滿足呀！ 🍴4. 明太子意粉 $60 意粉上面又係有隻溫泉蛋睇落個碟好似好細，但其實份量一啲都唔小$60黎講 真係物超所值了👍🏻飲埋杯美式咖啡☕️就圓滿結束今日深水埗之旅(港島人表示滿意)價錢好抵食，又無加一，食物質素亦都唔錯下次再嚟試吓佢其他嘢食先🤩…查看更多

呢度個門面幾型格，黑色窗框大門，裡面地方幾大，高樓底、灰色水泥牆、木枱、黑椅等等。餐牌上有好多選擇，價錢也很平民嘅，只不過店面只得2個人服務全場，感覺人手不太夠，不過無加一服務費，所以不能要求太好服務啦。美國黑安格斯肉眼牛扒 (HK$180/200g)．三成熟，真係煮得剛剛三成熟．牛扒肉質幾鮮嫩，不過有些少根．配有一些蔬菜，gravy和茄汁．可以90分鐘任飲汽水和任食薯條．我哋encore咗薯條3次，即叫即炸，新鮮👍🏻凍檸茶 (跟牛扒餐 +HK$15)．朋友點咗一杯，以為小加$15就可以任飲，原來係每一次點一杯都要加$15🙀．之後朋友轉咗飲雪碧*明太子意粉 (HK$60)．看似好細碟，其實份量正常．意粉煮得有點太腍．意粉有滿滿嘅明太子醬汁，味道不錯👌🏻．溫泉蛋就煮得剛好，流心蛋黃和蛋白，撈埋意粉一齊食好正呀！．午餐包咗一杯熱美式咖啡☕️提拉米蘇蛋糕 (跟牛扒餐 +HK$30)．咖啡味蛋糕，軟熟濕潤．中間夾咗幾多馬斯卡彭芝士忌廉．味道不錯👌🏻…查看更多

朋友洗車， 係附近坐底等等，見到呢間餐廳門面乾淨，坐位又闊落就入去試試影左幾張門面，睇落都覺得闊落乾淨，係同區少見餐牌簡單，我諗呢到主打食扒，仲有任食薯條，不過我地今次就叫左兩個lunch set朋友既牛肉伴飯$70+$15凍檸樂。 飯蒜味濃，好香，用上左日本既珍珠米，加上甜甜粟米，而牛肉係精華，5成熟左右，有牛味。$70好抵食明太子意粉$60+龍眼茶$10。 意粉夠彈牙，明太子份量唔會辜寒，幾creamy，好食！ 最出意就係呢個龍眼茶，好香龍眼蜜味，飲完仲有回甘。重點係可以續杯，抵飲。 …查看更多

Supreme Steak & Grill係一間走平民路線嘅日系西餐，午餐全部幾十蚊有交易仲包埋汽水，好食之餘賣相亦靚仔，所以即使唔近港鐵站，但午市都一定坐滿人。餐廳走明亮簡潔路線，裝潢冇乜花巧，勝在地方乾淨企理，每張枱旁邊都有透明膠板相隔。三文魚明太子茶漬飯($80) - 白飯上面鋪滿蔥花、芝麻同堅魚碎，最吸睛當係係上面大大舊明太子。玄米茶係分開上，食之前先將茶倒入飯內。玄米茶沖開蔥花之後，下面嘅三文魚終於露出黎，食之前先攪勻明太子同芥末。因為加左明太子同芥末，茶漬飯清淡得黎多左啲鹹香味同芥末嘅微辣味，啱晒食滯左或者冇乜胃口嘅朋友。三文魚都算厚肉，份量都足夠，唔會太鞋。明太子意粉($60) - 每條意粉上面都掛滿明太子，醬汁唔會太多，唔怕食到好狼狽，意粉上面仲有流心蛋，流心效果出色。每個午餐都包一罐汽水或美式咖啡，亦可加錢轉其他野飲。Supreme嘅午餐只係比一般茶記貴少少，但食物賣相同味道已經有西餐廳質素，仲要唔洗加一，非常抵食。…查看更多

尋晚去開附近做野，做完野果陣見到福榮街果頭新開左間西餐廳好似幾受歡迎，所以就去左試試喇！佢地既brunch set係全日供應既，今次試左個Mentaiko Pasta (明太子意粉）。除左明太子之後、仲落左七味粉同埋加左個溫泉蛋係面，非常日式！味道唔錯，溫泉蛋同明太子意粉真係perfect mach! 而且明太子份量好多、佈滿左每一條意大利粉，每食一啖都伴隨住明太子既香味，令人齒頰留香！ 碟意粉話咁快就俾我清光光喇！）價錢亦好大眾化，連埋野飲都只係＄60。下次想黎試下佢d扒餐，見佢d薯條可以無限refill嫁，下次一於再黎食窮佢！…查看更多

今日同朋友嚟咗深水埗食午餐, 我哋嗌咗一個炙燒吞拿魚至尊沙律, 另外加一個明太子意粉, 同埋加多30蚊要個藍莓芝士蛋糕。呢度嘅環境都幾新淨, 闊落, 光猛, 同埋有啲工業風。 地點都近深水埗地鐵站, 行五分鐘就到。 價錢方面一啲都唔貴, 又唔使加一。 食埋個甜品, 兩個人都唔使二百蚊。 如果要牛扒套餐嘅話, 仲可以90分鐘無限添薯條同汽水。味道方面, 我覺得炙燒吞拿魚好好味, 好香, 喺第二度比較少有燒吞拿魚食。 另外個明太子意粉都好多汁, 芝士蛋糕都好食又未算好驚喜。服務都好殷勤, 職員成日裝水, 又唔會催我哋走, 好輕鬆就坐咗兩個鐘喇。 如果傍晚嚟嘅話, 仲可以喺附近嘉頓山行下影相打卡。…查看更多