Supreme Steak & Grill

營業中

休息中

You can have AYCE fries when you order any dinner set. 😋We got the Spanish Iberico pork rack, wagyu sirloin steak and sous vide BBQ Spanish pork. We were quite disappointed with the wagyu sirloin steak, even though it was the most expensive item. It wasn‘t that good. It was a bit hard and had too many tendons. But surprisingly, the pork rack and BBQ pork were so tender and tasted juicy! Also, the fries were so crispy and served hot. We were so full, but we still managed to get a refill once 🤣 Fe

在深水埗的Supreme Steak n Grill用晚餐，這次的體驗實在令人滿意。餐廳提供的套餐中，有90分鐘的免費任食薯條，讓人吃得過癮。主菜選擇了Angus封門柳肉，雖然肉味不算濃郁，但選擇Medium的烹調方式恰到好處，肉質鮮嫩，汁液充盈，咬上一口非常滿足。薯條則是另一個亮點，炸得金黃香脆，每一口都讓人忍不住想再來一份。這種搭配讓整個用餐體驗更加豐富，不過需要注意的是，餐廳不設加一，意味著想要多點的話就得計劃好份量。整體來說，Supreme Steak n Grill的晚餐讓人感到物有所值，尤其是套餐的設計相當合理，適合與朋友或家人共享。環境舒適，服務也不錯，讓人倍感放鬆。若有機會再來，一定會考慮再次品嚐這裡的美食！

想据扒，本身諗住求其茶餐廳頹据，但心有靈犀咁同老公一齊揀咗呢間🤗門面西餐廳工業風，都整齊企理。墻上有幾部電視介紹下啲扒，但個餐牌無圖，點餐紙排版上有啲唔明點樣剔加280蚊可以叫A5和牛扒套餐，要親切既店員幫忙😆套餐都可以薯條任食，包一杯飲品。薯條要配汽水👀我叫左豬，心諗希望係慢煮之後再煎既🐷。果然係！一刀切落去已經好肯定係，肉質好冧，好好味。老公塊A5西冷🐮，5成熟，都係充滿左入口溶化既油脂。兩塊望落去手掌甘上下大，諗住如果唔夠食先再另叫小食。但加埋個食唔停口，而且食到最後筒底個條都係脆嘅薯條🍟。真係好滿足😌好飽好罪惡感，所以冇再添食薯條，下次會帶小朋友再過嚟食下其他，如意粉甘😆如果可以有多幾條菜攝牙罅就更加好啦，prefect池！

😱😱😱 咁嘅服務真係唔得！兩份扒餐竟然無飯無意粉，扒又細份，仲要晚上八點就話無飯賣？！🤬🤬🤬 咁叫人點夠食呀？😡😡😡 價錢仲要唔平！兩份餐要$380唔好意思，我真係好嬲，因為最基本食飽都做唔到，呢個經歷真係太差了！😭😭😭 以後唔會再幫襯呢間啦！😤😤😤

嗌咗個封門柳$190 200g medium廚師手藝精湛，牛扒嫩滑多汁，完全無「un」嘅感覺好滑好軟熟服務都好周到，員工遞餐時會讓路叫佢地幫忙影合照都好有耐性薯條方面，新鮮但未夠脆，食得出係自家製埋單時2人$380食到好飽，大推

早前睇網上分享SSP有高水凖牛扒食肆，襯今天出九龍更過去試吓，店面企理約可容納50人左右。個人嚟講牛柳、肉眼、封門柳三選一，必定選封門柳。點了封門柳五成熟、洋甘菊花茶、朱古打批。去之前都睇過一些食評，發現有個通病：一碟都血水(煎完灘得唔夠)小弟當然理解小店不可能與高級扒房或五星酒店去比，如果小店一份牛扒要十五至二十分鐘出餐，相信被人媽到飛起一地負評。上餐時check了一下有少量血水滲出，於是乎放一邊灘吓先，幾分鐘後開始食，血水少了肉汁保留了，須然不是我食過最好但都好高水評，牛味、肉質、黑椒醬都唔錯。如果改刀時用較薄身的切法效果會更好。另外套餐加個餐湯來加長用餐時，D牛扒就可以煎完灘一陣才出餐來減少血水問題。當然整個餐牌、價錢、廚房流程都調整的話，老闆自己衡量吓肋。花茶、甜品都是叫貨的屬正常品質囉。香港好的食肆已不多，希望你們加油呀！

叉燒口感嫩滑，溫泉蛋煮到岩岩好，撈埋飯一齊食，味道唔會太咸。賣相都好精美，環境衛生闊落，冷氣充足。位於深水埗嚟講，呢間西餐廳都比較抵食，午飯價錢由$60起，包野飲。

叫咗碟封門柳七成都好似生肉咁唔寫太多但總括係難食紅茶d牛扒質素都肯定好過呢間比廣告 or 社交媒體網站介紹入黎既 中一次伏已經夠P.S 塊扒最後係食唔哂 因為頂唔順薯條係無鹽 佢任 refil 但我地係無 refil 過

網上對小店有高度評價，基於好奇心便於星期日晚到此一试。店舖位處平静的街道，從地鐵站前往约需6-8分鐘。我們到店時约7點半，只有數枱客人，慢慢多人來，差不多有八成满座。餐廳做緊和牛推廣，晚餐加二百幾蚊便有一客和牛。因為我們想多试其他菜式，便沒有點呢個優惠。我們點了四個晚餐，有漢堡、鲍魚意粉、安格斯封門柳和法式羊架，薯條每人一客，另外點了豬肉串。食物整體味道不錯，薯條夠脆，餐飲選汽水不用额外加錢。環境坐得舒適，又冇加一，值得再來。

媽媽放假，諗住帶佢食好西。點知個牛柳一咬落去成口都係筋，根本咬唔爛！食咗一舊放棄咗。再嚟個意粉收你145。俾你嘅係冷飯菜汁嘅質素有乜可能西餐用現成嘅中式蒜蓉？仲要有浸酸味。嗰嚿西蘭花係發黃嘅。根本質素就係阿媽喺雪櫃嘅隔夜餸炒埋一堆話佢係隔夜餸，簡直都已經係貶低咗啲隔夜餸門口個阿姐黑口黑面十問九唔應好趕客。服務嗰3分係比另外個叔叔嘅如果唔係我一粒星星都唔想俾。個叔叔好熱情，見到我媽媽個沙律醬冇晒自己拎出嚟

呢間餐廳平時都超級多人排隊，今日見冇乜人排隊終於可以入去試一試。價錢睇落非常親民，西餐嚟講係算係好平。我哋叫咗一個$60嘅叉燒飯，同埋一個大約$70嘅burger再加一個比目魚飯。叉燒飯非常之香而且味道濃郁，叉燒唔會太韌，食過返尋味。加埋隻溫泉蛋，簡直係絕配。另外個burger就不過不失，而且有好多薯條，份量非常之充足，burger入邊嗰塊牛肉粒MIX埋蘑菇都幾特別。最後個比目魚飯，你會食到好新鮮比目魚嘅口感好鮮甜而且外層煎到脆脆撈埋飯食真係都好特別㗎。呢間我會放喺我嘅必食list入邊，因為環境好乾淨同埋枱同枱之間嘅距離都算闊，坐落都幾舒服，同人傾偈都唔會太嘈吵。

去開高登買電腦，等候取機顺便附近揾食，六點左右入座，入去時服務員態度已經唔係好，叫她落單時語氣甚差地叫我自己填寫，未夠七點菲籍待應走過嚟問還有冇要加單，說岀面有人等位，如果冇就埋單，即刻飮埋罐可樂走人，店铺起碼有二位待應都係好似唔休做，完全冇禮可言，值情趕客，食物方面味道係可以的，叫咗🐷鞍好軟身又唔會好孩及A5和牛好味道，咖啡☕唔錯，埋單$450冇收加一服務费，可能冇加一所以就没有服務，食一次夠啦。

食肉獸出動🥩，辛苦做左成個禮拜，點可以唔獎勵自己一份靓牛扒啊～聽朋友之前食過，話係佢食過堪稱最高 Cp 值嘅餐廳，老細對食物好有心思，仲有食材超有料，A5和牛都係200幾蚊就食到，點可以唔試試！.今次 3 個人，叫咗個二人同行 Set + 晚餐 Set，主菜外包任食薯條同一罐飲品！幼身薯條炸到脆卜卜甚是香口，忍唔住食完一條到一條🤪，結果加點咗 2 次，Staff 態度都好好，見差唔多食曬都會主動走埋你幫你 Refill！.萬眾期待嘅和牛，都無令我哋失望！係入口驚豔嘅程度，油花好重，5 成熟啱啱好，入口即溶超邪惡😈，不過建議都係要 Share 食～女仔要自己食曬一舊都真係有啲難度。.另外亦叫咗封門柳同油封鴨腿，鴨腿比較偏乾不過調味啱啱好，封門柳偏肉味濃啲，都好好食！最尾全部清曬碟！.除咗地點遠咗少少，港島去唔係好方便之外，呢間餐廳對我嚟講無咩缺點🤣

#pb食在深水埗 #pb西餐系列 深水埗高質平民扒房🐮通常去深水埗都係去cafe 今次想要介紹一間高質平民扒房俾大家🤪 佢開業4年 位於深水埗福榮街 黃金電腦商場附近 位置幾方便👍🏻 店內環境幾大 座位之間都幾闊落 坐得幾舒服😍 店員好nice 好細心介紹menu 而且上菜速度好快🥰.佢有10款晚市套餐 包括油封鴨腿、豬鞍、牛扒、羊架等😋 價錢$145-$450不等 包薯條、汽水 / 咖啡 價錢幾抵食😍 最特別係如果每人叫一份套餐 就會有90分鐘薯條任食🤪 其他小食、沙律、甜品都只係$35-$70不等👍🏻🔹安格斯級封門柳🐮推介❤️ 我地叫左5成熟 切開見到肉質好粉嫩🥰 封門柳肉質好淋 而且牛味好濃😋 特別一讚係佢配芥末牛汁 牛味更加濃 好正😍 本身跟餐薯條已經好多 佢用左幼薯條 味道唔會好鹹👍🏻🔹新西蘭法式羊架🐏羊架有4件 一人餐黎講份量幾多 同樣叫左5成熟👍🏻 食落口感好淋 冇咩筋👍🏻 如果羊味再濃d就更加好🤪🔹印第安烤無激素雞翼（辣）🐣推介❤️ 雞翼好大隻 味道唔會好辣 落左香料烤好惹味😋 而且肉質好嫩滑 咬落好juicy😍🔹巴馬火腿至尊沙律🥗賣相好colourful 有少少似中式四寶

本身都唔知深水埗區有間咁抵食嘅扒房，全靠朋友推介！我2個人叫咗佢哋個晚市雙人套餐，$190肉眼扒+優惠價$280 A5和牛西冷牛扒，肉眼好淋好好食，唔會好似其他餐廳嘅肉眼又貴又多根位。A5西冷更加唔使講，牛肉味好重👍。佢哋嘅薯條仲有係任食，絕對唔會驚唔夠飽！最後我叫咗2件甜品，$40朱古力蛋糕+$35紅桑子芝士蛋糕，2件都非常好食！唯一美中不足係佢哋店員真係太少，有時想叫佢哋嚟fill薯條都可能要比啲時間。