尚鮮海鮮料理

營業中

休息中

坐落係佐敦的隱世火鍋店，見網上咁多好評，今日決定黎試一試！入座餐廳都算闊落，平日晚市唔算太多人。我地叫左兩款湯底，麻辣湯底同冬瓜湯底。冬瓜湯底喜出望外，香濃甘甜，d湯渣都食得。老闆話冇落到味精，唔錯！至於麻辣湯底一開始食都唔算辣，不過越食越辣，都幾惹味。上菜之前會上個調味架俾我地，頗高級。手切安格斯牛幾新鮮，口感彈牙。落清湯滾岩岩好帶到個牛味出黎。豬紅就落麻辣湯底會正啲，滾完出黎食辣辣地好惹味。脘骨腩一出黎見到厚切已經吸引，口感脆脆地彈牙，食落去都幾新鮮。日本葛絲就意外地好食，好中意落麻辣湯底滾到佢有啲似酸辣粉咁食。我地又試左幾款串燒，最驚喜係個芝心牛丸，一咬落去即刻爆芝士汁！照燒雞翼就外脆內嫩，好好食。燒賣就正常水準。整體黎講都係滿足的一餐，可以一再幫襯！

餐廳主打海鮮火鍋，亦有各款肉類，手工製丸類餃類。座位雖然唔算多，但勝在環境舒服，靜靜地食飯，而且服務好好。叫左星級之選套餐每位$328，有加一。仲叫左洛神花蜜茶1000ml($68)。首先侍應俾一大盤醬料，自行配搭添加。湯底2選1，揀左土鄉芫荽清湯，有機田園雜菜湯。湯底冇味精，好清甜，飲完都唔會口乾。芫荽香味濃郁，而且加入多件皮蛋及豬肉煲制而成，下火一流。而雜菜湯既蕃茄已經煮爛，味道突出。好特別，平時打邊爐少有冷盤，今次套餐有清酒鮑魚，泰式生蝦。廚師好貼心地將鮑魚切件，方便享用，仲有陣陣清酒味。而生蝦面上有d微辣既醬汁，食落又幾夾，生蝦新鮮。海鮮拼盤有海蝦，聖子皇，鱔片，大蜆。聖子皇及大蜆大大件，煮熟完都冇縮水，而且鮮甜。鱔片淥一淥就熟，爽口。而手切安格斯牛更出色，紋路靚，完全冇筋，好濃牛肉味。配料擺放別出心栽，可以省位置，又靚。3層塔上層及中層係豬三毛，豬血嫩滑，豬皮爽口，豬肝厚切煮完唔鞋。而下層既鮮打豬肉丸及墨魚丸都好彈牙，木耳鮮蝦雲吞入面有大大隻蝦，湯汁係哂入面，鮮甜。芝心獅子狗卷，脆皮芝士腸就不過不失，鍾意食芝士既朋友，就一定要食芝心獅子狗卷，芝士爆汁一流。蔬菜野菌盒有娃娃菜，

呢間餐廳之前聽朋友講過食物好新鮮今日去佐敦就試埋呢間分店。冬天咁凍就想食打邊爐，而且女仔都應該對自己好啲係時候補下身。咁就揀咗個滋補嘅湯底，藥膳醉雞鍋。佢配埋佢啲新鮮雞非常之好，份量都幾大，而且佢啲雞好新鮮好嫩滑，係唔會韌，係好鮮美嘅雞，真係食雞有雞味，講就易彈做到其實都唔係咁易。飲品揀咗洛神花蜜，因為多人就叫咗一壺咁就會抵飲啲。一上枱見到佢顏色好深應該係用咗好多好足料嘅洛神花去整。咁味道就酸酸地係幾開胃，之前都聽過女仔係特別啱飲洛神花，尤其月經調整。比酸梅湯更加濃味，係好健康嘅飲品。不過可以減少啲酸味會更加岩味。之後就叫咗一碟大嘅花甲，平時都有食開花甲，但呢啲真係一隻都大好多。不過我覺得佢可以唔使特登扯開佢將花甲嘅肉切開一半，成粒完整嘅肉食咁就會肥美啲。但係都係鮮味嘅。之後食咗啲鮮腐竹、有幾甜粟米、仲食咗我好想試好耐聽咗好耐嘅羽衣甘藍好開心！先食下啲蔬菜會健康啲又可以飲到呢個藥膳醉雞鍋嘅原鮮味。原來羽衣甘藍都幾好食，平時見人哋會將佢焗左佢成為健康脆片小食，但係而家加去打邊爐滾熟佢黎食都好味。不過留意佢嘅莖比較硬，就要煮耐啲，唔係話好似生菜🥬咁好快就熟。如果唔夠熟就會唔夠好食所以煮嗰陣

今次已經係我第二次嘗試呢間火鍋店，之前食過銅鑼灣分店，試過佢嘅刺身同埋火鍋🍲，已經覺得材料好新鮮今次專登帶屋企人嚟試吓佐敦分店，結果完全冇令我地失望，首先餐廳嘅環境坐得好舒服，空間夠大，而且職員嘅服務態度一流，好親切同埋會同我地介紹一下食物枱上有好多唔同嘅醬料同埋配料，可以自己調校醬汁我哋揀咗個藥膳醉雞鍋，因為覺得好養生，可以令火鍋湯底冇咁肥膩，職員會幫我地將切好嘅生雞放去湯底，慢慢熬好就再放其他食物，我哋一開始首先試吓個湯底先，飲得出好濃嘅藥材味，證明真材實料，值得一試我哋叫咗一份大花甲，食落去好鮮味，好似啱啱喺海上撈上嚟咁，基本上唔使點任何醬料，食佢嘅鮮味已經好足夠之後一定要介紹同推薦呢款手切安格斯牛，因為牛肉嘅質地好滑，有一種入口即溶嘅感覺，基本上滾幾秒已經食得，而且牛肉味濃郁，牛肉嘅紋理都睇得出好靚，係我最喜愛嘅材料另外就叫左黑松露豬肉丸併金沙牛丸，呢兩款丸都令我喜出望外，因為佢唔止肉質美味，而且佢裏面仲有驚喜豬肉丸裏面嘅黑松露味道超級香，食完成個口都係黑松露嘅味道，而金沙牛丸裏面原來就係鹹蛋黃，其他火鍋店好少食到，好特別喜歡食肉嘅我哋另外仲叫左份豚肉片，豚肉嘅味道比較清淡，但