家後

營業中

休息中

好少中午lunch食麵食餃子，今日同朋友兩人在深水埗家後豪食一輪，點了8隻煎餃套餐C配麻辣雞翼；8隻湯餃子；牛腩、雲吞、蘿蔔三拼菠菜麵；鮮大腸湯羹；日式炸雞（4件）。最好食是日式炸雞，應該是即炸的，上枱時熱辣辣，外脆內嫩，味道也不錯，無計熱氣都要食。😋麻辣雞翼係真辣，有辣油，無hea大家，係幾野味既。😆鮮大腸湯羹好似魚羹湯咁，店員有落胡椒粉，大腸係好爽，但太煙韌，好有咬頭。😅至於牛腩、雲吞、蘿蔔三拼菠菜麵都唔錯，菠菜麵爽，有加兩片生菜，蘿蔔都林都入味，雲吞係有蝦仁既，爽口，牛腩就正正常常，三樣餸都係三粒，我覺得單點可能真係唔夠食。🧐🧐餃子當然係呢間餃子店既重點，我們都點了湯餃同煎餃，可能我都係喜歡食香口野，煎餃略勝一籌，餃皮煎到好香脆，唔會過焦，這點令賣相唔錯，當然煎餃都係香口啦😋；至於湯餃都係正常發揮，餃餡調味都剛好，我們點了餐單上有手指公推薦既三款，洋蔥豬肉餃、芫茜豬肉餃、雲耳椰菜豬肉餃，另外，我都加咗個白菜豬肉餃，都覺得味道唔錯。👍🏻👍🏻想食清淡D嘅朋友都係建議揀返湯餃，因為煎餃的確餡料嘅油分都比較多。😄最後埋單兩個人食咗$200樓下，兩個字「好飽」！😆😆

今日去深水埗行街,人唔多但天氣好熱,午餐就唔特登搵,只係想食下無味精既野,今日係條街已經熱到傻再食味精野飲幾多水都唔得,見呢間小店係主打家庭餃子就入左去試下,好彩無揀錯,果然係無味精既家庭食店店面裝潢平實,最重點係價錢貼地,絕對係良心小店,入面無咩好特別既裝飾或者好吸引既裝修,簡單既餐桌 食物方面有飯,有麵,有小食,有餃子,有甜品,選擇都算幾多，我地兩個人,點左一個豬手飯,一款餃子,一個炸雞, 一個菜,仲有一個飯團日式住家飯團，超好食，好香好惹味，就算無其他餸都食到兩個，米用日本米又煙韌又香，呢個價錢超值日式炸雞，一上菜已經香噴噴，忍唔住食左先，雞肉好嫩滑多汁，用既應該係雞脾肉，連少少雞皮一齊炸，肉汁唔會走晒但又唔會油膩，抵讚炸粉仲好薄，店主誠意十足，絕對有驚喜紅燒豬手飯都有驚喜，無諗過出街食豬手都可以咁腍咁滑，份量又多，唔使用力咬已經皮同骨分開，而且一定無落味精，食完唔會口乾，衣家出街食飯要揾一間無味精嘅店真係好難呢度俾左一個新標準我洋蔥豬肉湯餃子都唔錯，餃子大大粒，手工製造，湯底係淡淡嘅粉葛味，係住家飯既味道，好足料，見到老闆係用心去做食完已經飽都食唔落甜品,門口個凍櫃見到佢個日式

每幾個月就要返嚟再食一次！今次食晚餐， 7點鐘嚟到已經好多人要排隊，同埋都好多人買外賣，所以建議大家早啲到！雙拼湯餃（老火湯配芫茜豬肉餃+菠菜豬肉餃）個老火湯好正，無味精，味道又唔會太濃，蓋過咗餃子個味。芫茜餃入邊有大量芫茜，芫茜味超香濃，比起其他餃子店嘅芫茜餃更加出色！菠菜餃味道比較特別，其他地方少食到，但係意外地味道好清新，推介大家一試！雙併煎餃（韭菜豬肉+洋蔥豬肉）真心超級推薦洋蔥豬肉餃，記得係要煎！因為對比湯餃，煎完之後洋蔥嗰個味更加出，而且同其他餃子個味嘅對比較大，所以好有驚喜。佢啲餃子煎得好靚，唔會太油，配埋辣菜脯食，味道一流麻辣雞腎$20 ，勁大碟！！雞腎夠哂爽口，配埋麻辣醬，勁惹味！一定要食，真係超抵食是日油菜—津白又係$20蚊勁大碗勁多菜，抵食到唔知點形容！日式炸雞雞炸得剛剛好，雞肉Juicy，肥瘦剛好，四大舊先$25，又係超抵食之選！日式手作芝士蛋糕必食推介，出邊好多餐廳都有買巴斯克芝士蛋糕，但都賣成30-40蚊一件，呢度賣$25 ，而且我覺得更加好食，啲芝士勁creamy勁滑，而且個面焗得焦度剛剛好！（蛋糕賣得好好，如果大家驚黎到賣晒嘅話，就建議你早啲嚟食！）唔使

餐廳老闆好有心思，除左售賣餃子、飯麵，仲有多款下飯小食，而且最意想不到既係，竟然有手作日式甜品。晚市7點，已經坐滿人，座位舒服，亦有唔少人買外賣。叫左雙拼煎餃($40，雙拼加2)，跟套餐有飲品及飯糰($15)，家後鮮大腸羹($35)，日式炸雞($25)，鹵水雞腎($20)，日式手作芝士蛋糕($20)。煎餃隻隻飽滿，煎得好靚，就咁望已經見到焦脆狀況。一咬，d肉汁爆哂出黎，而且香口得黎唔油膩。仲可以配搭自家製辣辣菜脯，先爽口，後帶辣，口感更佳。另外仲有唔常見又特別既款式如芫茜、洋蔥，迎合唔同人既口味。韭菜豬肉餃夠香，餃子皮薄。雲耳椰菜豬肉餃清甜，雲耳椰菜爽脆，豬肉肥瘦合宜。飯糰自家製造，日本米粒粒都混和帶甜既日本醬油。特別係米飯同配料係一齊混合，再人手捏成三角形，所以啖啖都食到飯及配料。牛篣清爽，飯唔會過軟。估唔到價錢親民，勁大碗，而且用料十足。選用既新鮮大腸清理得好乾淨冇異味，屬靭身少少既口感，爽。其他配料有豬紅、豆腐、肉絲等，每羹都係餸。自己食一碗，係超級飽肚。個人非常鍾意大腸既口感，平時好少食到。炸雞有大4件，肉嫩有肉汁。炸粉唔厚，而且炸粉混有d調味料，香口唔膩。鍾意可以配埋甜酸辣醬

又出動去食餃子，今次去左深水埗呢間家後試下😋😋😋————————🔸洋蔥豬肉餃 (煎餃) $40/8隻睇佢哋嘅IG story話一定要叫洋蔥煎餃，所以就叫咗。煎餃嘅皮好薄，咬開原來入面係紫洋蔥，好甜好juicy，點埋菜脯仲正！不過如果少啲油就Perfect啦。評分：🌕🌕🌕🌕🌖-🔸芫茜豬肉餃 (湯餃) $36/8隻皮繼續好薄，一咬落去嗰陣芫荽味真係湧出嚟🤩🤩🤩🤩勁香！我未食過芫荽味咁香嘅水餃，d豬肉又好juicy，真係好好食！個湯係粉葛湯，好有老火湯既感覺，冇味精，輕鬆飲哂🥰🥰評分：🌕🌕🌕🌕🌕-🔸日式炸雞 (4件) $25啲雞好嫩滑，炸皮又脆又薄，仲要好乾爽冇咩油！評分：🌕🌕🌕🌕🌘-🔸日式住家飯糰 $15好好食呀😍😍d米係珍珠米所以大大粒，撈埋啲好似梅菜嘅醃菜，鹹鹹甜甜咁好好食😆😆評分：🌕🌕🌕🌕🌗-🔸自家製日式手作芝士蛋糕 $20聽到老闆同啲客講話芝士蛋糕一定要試， 所以都叫左個黎食。本身已經好飽，但冇後悔叫左😍😍蛋糕軟綿綿咁，但好香嘅芝士味，又唔算太甜！評分：🌕🌕🌕🌕🌖-老闆走黎同我地傾計，叫我哋食嘢先唔好影住，又極力推介洋蔥煎餃🤣🤣食得好開心，一定會再黎！

家後，名副其實真係好有家既感覺。從熱鬧既地道大排檔隔離，我發現左佢既存在! 門面並唔算十分起眼，我選擇佢，係因為佢既人情味...疫症當道，每個人都為口罩而人性盡露，呢家店鋪，竟然係門口張貼告示表示有需要口罩者可自取，就係因為呢份大愛，我選擇左佢，支持呢間小店既付出。入到去店內，枱與櫈都用左好有住家感覺既木紋，簡單又不失大雅! 店內有種懷懷舊舊既感覺，環境既好與壞，會直接影響進食既心情，呢一點店舖可以值得加分，因為好有家既感覺!睇睇餐牌，食物種類都唔少，而招牌既餃子都有9款口味湯既﹑煎既﹑有麵底既，基本都齊晒，選擇亦都好足夠!!!除左餃子之外，佢亦都配有套餐同其他小食選擇，而且價錢真係實惠到......於是我就點左個湯既白菜餃，女皇就點左個煎既白菜餃，我地兩個都揀左是日飯團，再配左個炸雞小食。湯。白菜豬肉餃湯底用上老火蓮藕湯，唔咸，味道好甜，應該都用得幾足料煲，餃子都算大隻，皮夠薄，餡料都好足夠，脹卜卜咁，唔會有好多空氣食落肚餃子既調味亦都適中，唔會太過濃味而失去左本身食物既味道。煎。白菜豬肉餃女皇叫呢個白菜煎餃，我冇食到，但女皇就話好好食好好食岩岩埋枱個陣，又真係幾香既，而家黃金比例佢

成日覺得住係深水埗既人好幸福，雖然人比較多，但係都有好多野食，而且價錢親民，好多小店都帶有夢想，以及一點點人情味！今日就同老公誤打誤撞咁入左一間小店，叫家後！老闆非常健談，上facebook睇到家後既意思原來係代表賢內助，或者係為左稱讚老婆而改呢個名？十分浪漫！雖然係小店，但係坐位非常舒適，唔會太迫，仲有電視睇！當然，如果電視係播RTHK32或viu我會更開心🙈 食物價錢十分大眾化，選擇唔算多，但係貴精不貴多！每款食物都感受到老闆既用心同誠意，價錢平，但係質素高首先推介必食既煎餃！好食到一向見飽就收既老公都要encore!仲要一次過食哂4隻洋蔥豬肉煎餃，搞到我要第二round先食到🤦‍♀️餃子皮薄多汁，外皮煎到脆卜卜，餡料又唔會過多！而味道適中，唔會太咸或太淡！我食過洋蔥豬肉、韭菜同雲耳椰菜3隻煎餃後，最鐘意都係韭菜餃，非常香口！不過老公就鐘意洋蔥豬肉，因為係用紫洋蔥，好香好甜！每個人口味都唔同，真係要試匀哂先揀到最岩自己心水既！之後仲叫左牛雜麵，牛雜入味，肉質鮮嫩最特別係可以選擇波菜麵，唔係到到都可以食，比較特別！之後有好好好吸晴既鹵水拼盤作為蛋控既我，見到咁靚既溫泉蛋，真係好驚喜咁樣

自問自己吃餃子已經成精，無餃子不歡！荃灣的餃子屋，長沙灣的甜記及太子的手作餃子店！今次介紹嘅深水埗的家後！全手工制的家庭式料理！餃子皮薄餡靚！湯頭係日日新鮮出爐，老闆跟據當日的食材來安排煲咩湯！出現過肉骨茶湯底，靈芝豬骨湯、赤小豆扁豆湯、菜乾豬肺湯等等！喜歡喝湯的朋友可以去喝一碗足料家庭靚湯！另外值得一題的是他們的菜脯夠辣也很惹味！當然是自家製作！除了餃子，仲有車仔麵及牛腩飯可以揀！菠菜麵很好吃！正常一般的車仔餸任君選擇！

平靚正家庭式餃子店👍🏻講起食餃子 大家都會諗去太子食去鴨寮街買去旅行用嘅電話卡 餃子癮突發😂一search就見到呢間新開嘅餃子唔諗甘多 馬上試！選擇唔算好多 有大約八款餃子、小食、車仔麵一心吃餃子 所以同朋友order煎餃同湯餃 同小食🥟 煎餃 $38煎餃 total我地嗌左十六隻 有八隻係後加嘅係因為實在太好食啦！餡料方面 嗌左芫茜、韭菜、洋蔥、菠菜豬肉餃煎餃煎得個皮好香脆 脆卜卜呀 唔會好油膩👍🏻一咬開煎餃 裏面爆曬肉汁 超級好食！其中最愛洋蔥豬肉餃同芫茜豬肉餃 煎過嘅呢兩款餃子更惹味更香😍再點埋自家製嘅辣菜莆雖然唔算好辣 但係更加提鮮👍🏻🥟 湯餃 配是日例湯 $38湯餃方面湯底揀咗西洋菜豬骨湯餃子就嗌咗粟米冬菇雞肉餃、雲耳椰菜豬肉餃湯底清甜 配兩款餃我覺得最適合不過粟米冬菇雞肉餃裏面都好多粟米 味道比較鮮甜而椰菜豬肉餃就好爽口👍🏻✨ 酥炸肉丸 $25✨ 日式炸雞 $25小食方面我哋帶咗兩款酥炸肉丸非常特別裏面有洋蔥同半肥瘦嘅豬肉口感一流 炸得香脆 細細粒可以一粒食晒👍🏻日式炸雞 肉質嫩滑好Juicy 一定要趁熱食啊！總括嚟講呢一間家庭式嘅餃子店餃子相當高質 價錢都平 值得再enc

⁣煎雲耳椰菜鮮豬肉餃拼煎洋蔥鮮豬肉餃（$38）⁣【好味度：7/10】⁣⁣⁣⁣⁣煎餃嘅皮真係非常薄，輕輕就可以咬穿。😯 成嚿放入口，咬開仲會爆汁，夠juicy。💦 而且佢煎得啱啱好，煎好嗰一邊係金黃嘅顏色，入口好脆。🥰 豬肉方面比較少肥肉，健康啲。🐖 餡料方面都唔會打得太爛。✅ 而且椰菜個菜味都好突出，亦都有咬口。⁣⁣⁣⁣⁣⁣😜⁣⁣⁣⁣⁣⁣例湯：肉骨茶（+$5）⁣【好味度：9/10】⁣⁣⁣⁣⁣呢度嘅例湯竟然有肉骨茶飲。😇 部分款式嘅例湯仲可以加做湯麵嘅湯底。🍜 雖然只係例湯，但真係一啲都唔馬虎，有成條排骨。🤩 藥材味啱啱好，唔會太重，湯頭甘醇鮮甜，好好飲。⁣⁣⁣⁣⁣🥳⁣⁣⁣⁣⁣⁣⁣日式炸雞（$25）⁣【好味度：8/10】⁣⁣⁣⁣⁣餃子店竟然仲有炸雞添。🎌 而且個炸雞都係自家製㗎。🏠 佢本身會醃定啲雞肉，去到落單嘅時候先會即刻落油鑊炸，所以真係即叫即製，非常酥脆。😁 而且炸漿都好薄，酥脆得嚟唔會成口粉冇雞肉。😋 雞肉亦都好多汁，雞肉味好濃，好juicy⁣⁣⁣。⁣⁣⁣😎 仲有可以點埋泰式辣醬嚟食。🥵⁣⁣⁣⁣⁣⁣鹵水拼盤⁣⁣⁣（$39）⁣【好味度：8/10】⁣⁣⁣⁣⁣本身佢仲有雞翼尖㗎，但係我

深水埗對於我來說是吃喝玩樂好地方，每次吃完東西我都會去玩具街尋寶，可以玩上一整天，今天也不例外，晚上八時多才回家。住在深水埗的朋友今天帶我去一間家庭式經營的餃子嚐餃子，她說不少街坊捧場，包括她和媽媽，除餃子好吃之外，重要的是店主一家的人情味招待。家後的食物全無添加味精，都是以鮮味取勝，光憑這點已吸引一堆回頭客再次光臨。看見酥炸脆肉丸的照片特寫，我不禁被它吸引，馬上要吃上一碟酥炸脆肉丸。迷你小巧的肉丸炸至金黃誘人的色澤，毫不油膩，裡頭的豬肉碎鮮嫩多汁，趁熱吃更棒。菠菜鮮豬肉餃在我心中是家中必備的口味，菠菜鮮豬肉餃渾圓飽滿，每顆很獨立，餃皮不會黏在一起，我超怕那種一夾就連環破的餃子。餃子的豬肉肥瘦比例恰到好處，有著剁碎的菠菜清甜，厲害的是餃子咬第一口有微微湯汁滲出。餃子湯底選擇有三款可選，豬骨湯，牛骨湯及是日例湯，今天的是日例湯是肉骨茶，我不用多想決定配肉骨茶。肉骨茶入口甘甜，沒有胡椒味，比一般喝的溫和。排骨肉十分鮮美不乾柴，肉質細嫩又帶有彈性，好不美味。日式炸雞每塊蠻大塊的，份量上頗足夠，朋友吃得過癮。炸雞外皮炸得漂亮，吃起來酥酥脆脆，雞肉先醃製過後油炸，鹹香夠味不死鹹，肉質鮮嫩不乾柴，

我同男朋友都算得上係餃子🥟KOL為左發掘好食既餃子🥟經常都去太子、荃灣兩邊走就算好多人推介既餃子店🥟都唔代表一定好食今日好想係度推介呢間小店 入面既野食全部都好高汁！我地點左韭菜豬肉餃 同香菇雞肉餃再各配上豬骨湯同肉骨茶湯🍵 真係冇得輸我中意肉骨茶湯 味道清淡得黎帶點清甜唔似街外既味精湯！而且餃子用料新鮮 入面既韭菜好翠綠 入口爽脆餃子既手工做得非常好👍🏻 包得好紮實唔好入面好得空氣！我地仲點左個滷水拼盤 樣樣都整得好好食個糖水蛋超流心！睇見都想再encore!大腸處理得好好又入味！本身想點碟日式炸雞🍗但太飽既關係唔敢點老闆偷聽到之後 竟然免費炸兩粒請我地食🥺太佛心了吧？小店就係充滿住人情味！炸雞外脆內嫩 好多肉汁🤤呢間好店好值得推介！我同男友往後會好經常黎食🤤🤤