Mano (海濱匯)

營業中

休息中

去海濱公園玩用盡體力咁濟，我媽知道附近商廈有間高質手工薄餅餐廳，即刻去醫肚補充能量先得💪🏻🥗牛油烤蔬菜牛油烤過後更加帶出蔬菜本身嘅清甜🍝新鮮黑松露蘑菇扁意大利麵一上枱就聞到好濃烈嘅黑松露賣相好得，好少見到會有埋黑松露片伴碟扁意粉掛滿醬汁彈牙有嚼勁，整體唔會太膩🍕四重芝士薄餅(10吋) 用上四款芝士(巴馬臣芝士、水牛芝士、車打芝士、莫薩里拉芝士)🧀整成，拉出超長拉絲🤤薄餅批邊脆得黎鬆軟，唔會太硬身新鮮出爐薄餅芝士味冇想中濃烈蕃茄醬味道有少少蓋過芝士味但原來稍為攤凍食先會食到芝士嘅咸香味Bellini Di Mano🍹(Peach puree, lemon, ginger ale)檸檬皮自帶嘅苦澀味融合香甜嘅桃味，營造出苦中帶甜嘅感覺，加上薄荷葉嘅味道慢慢滲出，解渴一流

餐廳位處於觀塘海濱的一幢高級商業中心，主打意大利菜🇮🇹，食完晚飯仲可以散步欣賞下美麗維港🌃。意式脆皮燒豬腩卷配辣肉腸蘭度豆🐖呢款意大利傳統菜，唔係到到有得食，當然要叫黎試吓。外皮香脆，豬腩肉肥瘦參半，肥羔入口甘香，蘭度豆淋到起沙，配合彈牙辣肉腸粒，再加上新鮮火箭菜🌿，中和返個油膩感，非常滿意👍！新鮮黑松露蘑菇扁意大利麵🍝香濃嘅黑松露及蘑菇味撲鼻而來，加上芝士及牛油的醬汁，充分融和一起。扁意大利麵非常掛汁，麵條口感彈牙，再配搭上蔬菜🌱，食落口一啲都唔覺膩。提拉米蘇🍮整體口感柔軟綿滑濕潤，底層蛋糕帶有咖啡香味，芝士層香滑可口，為這頓晚餐畫上完美句號💯。

呢日放假，同大大細細去新茶果嶺公園玩，之後沿着海濱一路行，行行吓行到海濱尾，就去對面嘅海濱𣾀睇吓有乜食。Mano嘅裝修好有假日氣氛，牆上面有個酒箱，感覺好似俾人飲番杯，望住個景，relax 下！意式脆皮豬燒腩卷配辣肉腸蘭度豆燒豬腩個皮好脆，肉質肥美夠腍，食落去仲有淡淡油香。辣肉腸撈埋蘭度豆，加埋新鮮火箭菜沙律一齊食，清新得來又惹味！新鮮黑松露蘑菇扁意大利麵呢個意粉菇味好濃郁，麵質彈牙，裏面有好多蘑菇，面頭仲有新鮮嘅黑松露，我睇住佢煮完個麵即刻切落去，配埋巴馬臣芝士，成呢菜十分美味，大大細細都爭住食。蜜桃冰茶蜜桃冰茶有蜜桃香同少少甜味，非常好飲！

🇭🇰✨觀塘海濱匯手工薄餅及意粉🌊🍕星期日係觀塘海濱Chill完一個下晝，去埋一街之隔嘅海濱匯一樓花園露台欣賞鹹蛋黃，之後去隔離嘅Mano食dinner，堪稱一個完美嘅weekend🫶🏻睇完鹹蛋黃，啱啱好6點半左右，好彩早啲入去，否則7點餐廳就full house要等位🥲原來餐廳名「Mano」，喺意大利文係「手」嘅意思，意指pizza & pasta都係手工製作，所以我哋都叫咗新鮮黑松露蘑菇扁意大利麵 ($148)、卡邦尼薄餅 ($168)試下😆Pasta嘅黑松露味好香、意粉偏硬身有咬口🍴Pizza薄底足料，可分6塊，每一塊上面都有一隻流心蛋！🤩🍳最後梗係要食埋個甜品Affogato ($58) 先圓滿🍨☕️📍 Mano (海濱匯) (觀塘)觀塘海濱道77號海濱匯1樓4號舖