上海弄堂菜肉餛飩 (綿發街)

營業中

休息中

自從跑馬地黃泥涌三角公園封鎖咗行車線入口之后, 已經絕少入去哩個我以前返室內設計助理嘅工作地方.未封路之前, 久不久都話揸車經跑馬地轉個大圈過返九龍, 今次專程坐電車入去感受一下, 當然..... 面目全非了...... 如果唔係出差香港島, 被D港島區同事無意間知道我識少少風水, 叫我去佢跑馬地屋企睇睇, 相信都唔會走入嚟.睇完風水之後, 由於想自己四處行下緬懷一翻, 於是婉拒咗同事晚飯之邀請, 約埋女友小熊四圍行.行到一處叫綿發街, 見到一間叫上海弄堂嘅餐廳, 小熊話哩間上海菜好出名, 於是就入去幫襯.其實...... 吸引我行入去綿發街原因係我見到一個類似戰時防空洞入口嘅建築物.小熊睇份 menu 睇得好開心, 我就八八卦卦睇個防空洞.....問小熊有咩想食, 佢話睇中好多野.....最后點咗兩個 set, 前菜有燻魚, 醉雞, 小籠包, 酸辣湯, 主菜有獅子頭同紅燒肉百頁結, 擔擔麵一辣一走辣多蔥, 另外再點一客蒜香排骨.小熊話哩間上海店好出名, 果然見到食家蔡瀾一個大大嘅"蔡瀾推薦"金招牌, 記然咁出名, 就專登試吓最最最簡單嘅野, 豆漿!試過好多上海店嘅豆漿, 淡茂茂, 唔

今日中午和太座在區內上徒手體操課，落堂後正找地方來個遲午飯，被横街内這上海小店招牌吸引，便入内光顧，雖是不大的面積，枱數五，六張，但看來亦好雅緻😀先選了我們至愛的家鄉燻魚做前菜，味道正宗，魚肉軟硬適中， 醃製工夫恰到好處，這一餐冠軍之菜😋😋👏👏主食點了陳年花雕醉雞套餐，無錫小排骨套餐套餐奉送飲品(選項有豆漿，酸梅湯，茅根竹蔗水)及白飯或菜飯(改擔擔麵另加十元)醉雞花雕酒味濃香，雞肉甘甜嫩滑，全無油膩感 ，水準之作😋😋無錫小排骨， 甜醋味香濃， 排骨肉鬆軟甘香，肉質入口 融化，豬軟骨好有嚼感😋😋太座作主食的擔擔麵賣相亮麗，聽她說味道好地道👏我的菜飯清香又有口感，好决定👏一頓享受的上海式午餐在品嘗一杯熱豆䊢之後完结了👍🏼

今日去咗跑馬地，見天氣凍凍地就想食啲熱辣辣嘅中式嘢，所以就去咗上海弄堂。每位食客都會有一杯大麥茶，比普通中式茶多一陣香味。最近天氣轉變，感覺好乾燥，所以叫咗姬松茸豬展湯滋潤一下，燉湯好滋潤好補，飲完成個人即刻暖哂。我叫咗紅燒肉百頁結一人套餐，配脆皮春卷，春卷啱啱炸起，熱辣辣好脆口，而且用咗比較健康嘅蔬菜餡。紅燒肉百頁結嘅紅燒肉煮到好腍好入味，肥瘦適中，唔乾得嚟又唔會太多肥膏。之前未食過百頁結，質地有啲似腐皮。加錢轉咗個擔擔麵，上海弄堂嘅擔擔麵不嬲都好高質，少少辣好惹味，麵又夠彈牙，仲有好香嘅花生醬味。朋友就叫咗比較健康嘅嫩雞煨麵，有好多菜粒同雞粒，雞肉都夠嫩唔會乾。最後仲叫咗個小籠包，一上菜熱辣辣，蒸氣令到小籠包脹卜卜，皮夠薄，豬肉好肉地，肉汁同濃湯完美混合。

有個晚上有機會到跑馬地附近攞D野，差不多八點鐘了，搵野食先...地點：跑馬地綿發街10號地舖環境：坐了一個鐘，餐廳一直播著「老上海」情懷歌曲，好懷舊，好舒服服務：有善親切食物：一人套餐、一客麵、一客點心、一客甜品一人套餐 $88小食 - 菜肉餛飩四隻雲吞非常皮薄又滑，咬落去好多汁呀...滿口都係蔬菜同豬肉汁，食得出食料係非常新鮮，加上包得出色，四隻好快就食晒啦主菜 - 陳年花雕醉雞 醉雞睥同雞翼都好入味，一上枱已經聞到好香的花雕味...雞肉嫩滑到不得了...最想讚係雞皮薄身彈牙，唔怕食到肥膏配白飯/菜飯/湯麵我就選擇＋$10轉擔擔麵好細心呀有剪碎兩下炒得香濃惹味的豬肉碎，少肥膏比較健康...手打的麵的彈牙配上香濃的湯底，值得介紹係湯底並不是花生醬湯底比一般食到得更有味道＋$5 可配豆漿一杯小籠包 /4隻 $38一籠四隻熱辣辣的小籠包，皮薄多汁...一口咬落鮮甜的豬肉汁彈出，肉質不多肥膏更覺得清新爽口排骨擔擔麵 $69非常香口好味的豬扒，炸到皮脆肉嫩肉質鬆化，一D都唔油膩，咬落去有肉汁彈出黎嫁，一碟豬扒加上個麵的份量都好多嫁豆沙鍋餅 $40即叩即做熱辣辣的豆沙窩餅，煎到金黃色的皮入面有飽