Le Viet

營業中

休息中

好好彩上網買到 ＂全港戲院日＂$30戲飛，位置係尖沙咀睇2130, 出到嚟點都要醫下肚，行到The One睇下有咩選擇，最後入咗Le Viet晚餐時間坐滿客，地方算乾淨衛生，不過枱與枱之間比較窄，侍應見我們行裝多，就立即比個箱我地放包包，值得一讚豬頸肉湯濛 | $83湯和餸分開上，豬頸肉煎得香又唔會太乾身，湯底夠味但粉比較少，女仔夠食男就半飽招牌飯 | $93有煎豬扒、雞翼、扎肉和太陽蛋，整體而言味道唔錯，若有醬汁會更好，價錢小貴，但遊客區關係尚能接受

貴為日常飯堂之一，CP值同味道當然都要有返咁上下。呢間位於The ONE內嘅越南餐廳大部份主食一百有找，平得嚟食物質素都唔差。最近幾次去都要排隊先有得食，無論係午餐定晚餐時間基本上都坐滿人，明顯有一定人氣。-🍜豬頸肉湯河 $75基本上我話食Le Viet就等於係嚟食呢個😌好鍾意佢個豬頸肉條邊燒得香脆同時又保留到中間肉汁，厚薄適中同唔會太多肥膏。河粉湯底都一樣唔錯，而且大大碗唔係次次食得晒🙉-🍚招牌飯 $86男朋友次次嚟食lunch都簡呢個高級版頹飯😂今次晚餐簡唔到又照舊🤣餸有豬扒、雞翼、札肉加煎蛋，呢間個札肉好好味我次次都偷佢一兩塊🤭-🥬椒絲炒通菜 $65廚師火候控制得幾好，炒完都仲保留到通菜個爽脆口感同青綠色澤，不過就比平時食到嘅炒通菜辣。-總結：日常飯堂之一，非為打卡純為醫肚絕對推薦一試，食物質素對得住價錢。

成日見到THE ONE 呢間LE VIET 都坐無虛席, 今次即管試下, 食越南野梗係試下生牛肉湯河, 一試個湯頭就大概知道餐廳質素, 等左10分鐘左右湯河就上枱, 有3大塊牛肉, 另外會比青檸同辣椒粒, 河粉份量唔算多, 男仔食就可能唔係好夠食, 個湯算濃郁, 食完唔會覺得好重味精好口乾既感覺. 加埋辣椒粒係會更加好味, 唯一不足就係略縑唔夠芫茜!另外叫左個招牌飯, 貪佢有唔同既餸, 有扎肉, 豬排同雞翼, 仲有煎蛋同酸菜, 本身一睇以為果3款肉都會一樣味, 點知原來3款都有自己既味道, 幾有驚喜, 豬排好重香茅味, 雞翼既香草味都好出, 個人都幾喜歡呢個飯另外叫左杯3色冰, 好飲, 正常水準係尖沙咀既商場以呢個價錢食到呢個質素既越南野,又坐得舒服, 都可以ENCORE!!!