珍姐海鮮火鍋飯店

📖 “珍姐” 嘅老闆應該係叫 “珍姐”. 食咗半碟牛, 有位白衫夥計 走埋嚟吹水, 我八卦問邊位係老闆, 呢位阿叔指住自己, 話佢就係老闆. 天啊! “珍姐” 原來係男人?!🥰 中環 “珍姐” 屬 “預約困難店”, 曾經要提前三個月訂位, 晚市玩兩轉, 分別係六點, 八點四十分.😱 老友 “陳登” 年初惡攪江湖飯局, 初訪 “珍姐”, 食咗一啖牛肉, 結果又被臨時召喚 “秘密任務”, 人在江湖, 身不由己. 🤗 神推鬼㧬, 今日再戰 “珍姐”. 講講玩法, 網上提前兩星期搶位, 按人頭 $500 綁定信用卡, 同時預訂鎮店菜式, 包括 騸牯牛肉, 手切灘羊肉, 海鮮拼盤, 招牌豬骨蜆煲, 等等.🏘️ “珍姐” 位於蘭桂坊橫街地舖, 鐵皮屋大排檔格局, 玩懷舊, 設十張八張枱, 包括卡位, 方枱, 圓枱. 夥計 穿上香港經典 茶餐廳 白色制服. 播著八九十年代金曲.🥢 六點準時開閘, 起動節奏急速, 夥計忙住介紹牛肉俾各枱顧客, 調味格, 湯底, 食材 蜂擁而上!🐚 招牌豬骨蜆煲, $298. 豬骨湯味道一般, 蜆量既多又鮮嫩, 但俾唔到味道落湯底, 反而讚下兩隻豬腳仔, 非常腍滑.🐂 騸牯牛肉, $420. 夥計用心介紹, 由左至右, 牛背, 封柳, 腩包, 正脊, 脊邊. 牛肉高質, 味道較濃, 建議預留.📖 翻查資料: “騸牯牛” 即係 一歲前被 閹割 嘅公黃牛, 閹割後激素減少而變得溫馴, 精力保存, 脂肪比肉長得多, 牛身肥美, 脂肪均勻地分佈喺身體不同部位, 呈雪花般細緻紋理, 大約三至四歲屠宰.🐐 手切灘羊肉, $258. 用筷子夾就碎濕濕, 羊肉帶羶味, 不俗!🦐 海鮮拼盤, 每位 $208. 象拔蚌仔, 帶子, 北寄貝, 琵琶蝦, 花竹蝦. 訂位時預留, 自動按訂位人數安排, 每位 $150-250, 當日有乜俾乜. 象拔蚌仔, 北寄貝 非常新鮮, 充滿海水味. 帶子六七成熟, 溏心喎, 琵琶𧎚 滑捋捋, 一流, 花竹蝦 大大隻, 鮮甜彈牙. 另外送一份炸魚, 老老實實, 唔夠乾脆.🐂 老蘭嫩牛四併, $358. 封門柳, 頸脊, 匙柄, 胸簽. 由瘦到肥, 封門柳最重牛味, 有嚼口, 胸簽相對多油脂, 入口滑溜.🍺 周生啤, Ciao Beer, $58. 據悉係自己品牌啤酒, 我心諗: 啤酒老闆係咪姓周? 原來 “周生啤” 意思係每週生產, 由 Heroes 代工.🤗 總結: 人手十分充足, 上菜收碟有效率, 不停加湯, 服務態度具本土特色, 哈哈. 論食物, 牛肉高質, 但未算震撼, 湯底實屬普通, 埋單唔平喎, 氣氛係賣點, 期待再訪.📖 後記: 今日有緣見到老闆, 就係走埋嚟吹水嘅 白衫夥計, 佢話 “珍姐” 呢個名係隨意改嘅, 睇返英文名 Big JJ 就覺得攪笑.…查看更多

中環超有氣氛地道靚牛邊爐🍲 珍姐海鮮火鍋飯店(中環)📍中環和安里9號地舖「人世邊個最初初，叫安歌太天真太傻，奇怪今晚叫安歌，叫得充滿熱血是你跟我」珍姐依個名號差不多等同於預約困難店，咁啱有朋友轉讓張枱，當然二話不說即刻應承，我係第一次去食，本著不期不待不受傷害嘅心態，餐廳裝修就係平時茶餐廳嘅格局，但細心一睇餐廳角落收藏住唔少靚酒，餐廳會一直播放唔同經典K歌，同朋友一邊一打邊爐一邊估歌仔，仲有客人會開心到大合唱，而老板侍應亦會拎出私人珍藏靚酒同食客暢飲一番，非常熱鬧。-氣氛:4.7/5⭐️ 當晚客人全場氣氛都非常高漲，全部一齊大合唱經典歌曲兼且同老板侍應暢飲一番，非常熱鬧，係好難得嘅體驗。-招牌豬骨蜆煲 $288 4.2/5⭐️朋友因為已經食過幾次，豬骨蜆煲需要提早預訂，侍應好熱心咁幫我地分咗每人一碗湯比我地品嚐咗，湯底濃而不膩，蜆嘅鮮甜已經融入哂湯底入面，非常唔錯。-扇牯牛皇 $420 4.3/5⭐️-老蘭嫩牛四拼(M) $328 $4.3/5⭐️-牛舌(M) $98 $4.1/5⭐️朋友亦提前扇牯牛皇，係每日凌晨香港屠宰，基乎係每枱都必點嘅。另外侍應亦會好熱心咁介紹今日有邊D靚牛以及屬於乜部位，口感同埋油脂分佈都一一介紹，當然心大心細又選擇困難嘅我地都係聽從意見揀咗牛肉拼盤，大概記得有封門柳，牛頸脊，匙柄等部位。侍應亦會示範一次牛肉大概灼5-7秒就可以上碟，唔洗全熟，食到靚牛嘅原汁原味。比較特別鐘意封門柳，肉味濃郁，唔洗點醬汁都已經食到牛嘅鮮味。牛舌粉嫩爽口，鐘意食牛舌嘅朋友都推薦。-即炸魚皮 $68 4.3/5⭐️-炸雲吞 $78 4.2⭐️小食方面，我地就叫左魚皮同炸雲吞，魚皮份量非常多，而且好鬆脆，好推薦。炸雲吞亦都用料豐富，非常飽滿，友人對依兩樣小食都好滿意。-北海道帆立貝 $138 4.1/5⭐️-廣島刺身蠔 $138 4.2/5⭐️-鮮製三寶手打肉滑 $148 4.2/5⭐️-潮州黃牛丸 $88 3.9/5⭐️-珍姐冰茶 $68 4.2/5⭐️餐廳亦可預訂海鮮拼盤，我地當日無預留到就點咗帆立貝同蠔，全部都好新鮮用料，甜鮮飽滿。三寶手打肉滑係自家製作，其中菜脯蝦醬豬肉滑因為混入咗蝦醬，令豬肉滑配搭出咸鮮味，好唔錯。牛丸非常結實彈牙，不過無太大驚喜。珍姐冰茶係用咗凍檸茶做基底嘅cocktail，好有茶餐廳風味，亦都好解渴。-總結:餐廳係中午做返茶餐廳生意，夜晚搖身一邊就變成打邊爐熱點，本身都無抱住非常大期望，始終覺得唔係專食打邊爐嘅餐廳，但由侍應鉅細無遺咁向客人介紹唔同食材部位特點同進食方法就可以知道佢地對食物出品質素都好高要求。另外氣氛當晚真係非常一流，由於我地預訂尾場，唔洗趕住還枱，全場客人都歡呼盡興到最後，老板同侍應最後更會同大家飲番兩杯，非常好客，加上咁多首膾炙人口嘅K歌，總會有幾首令大家燃起唔少回憶。# 珍姐海鮮火鍋飯店#Centralfood#中環美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#珍姐#打邊爐#拾下拾下#K歌之王#扇牯牛#老蘭嫩牛…查看更多

足足等咗兩個月終於食到呢間預約困難店果然係名副其實，抵珍姐咁出名。一早預訂咗兩個湯底，伙記們會先比咗頭啖湯我地飲，真係好入味。就咁飲豬骨湯味道好濃厚，不過打邊爐的話，椰子雞湯就入味啲珍姐主打係牛肉，我地應該係先預訂咗老蘭嫩牛四併，牛脂分佈由瘦去到肥排列，不過無論係邊個位，咬口都好冧，一食就知係靚牛，好味到感動另外好出色嘅係薄切牛舌，我個人未試過打邊爐食牛舌，今次係第一次，好驚喜。放入口唔會太難咬，仲有啲彈牙，好好味海鮮拼盤都好似要預先預訂，全部食材都好新鮮，有樣你睇伙記話我哋放耐咗少少，又煮耐咗少少，不過我仲係覺得好好食食材新鮮果然唔同啲！成間餐廳嘅氛圍仲好熱鬧，老闆伙計得閒走黎同你乾杯傾吓偈一齊唱香港經典金曲，成晚都笑到停唔到 十分有人情味嘅一間火鍋店，已經成功預約下一次，好期待…查看更多

標榜自己"一般"嘅人氣港式火鍋店, 由初搬到中環鋪位開始食到呢家預約困難店, 水準仍然咁"一般"預約嘅時候已經預訂扇牯牛皇同招牌豬骨蜆煲, 可惜當日全港未有扇牯牛, 欣賞佢哋堅持唔賣隔夜牛, 咁我哋就叫咗大份嘅"老蘭嫰牛四併", 有齊封門柳、牛頸脊、牛匙柄同牛胸簽, 店員一如以往會介紹唔同部分嘅特色同埋建議時間上湯底之前會有醬料可以自己mix & match, 不過湯底夠味其實唔洗都可以飲陣啤酒就上招牌豬骨蜆煲個煲堆到好滿, 店員會幫手夾起豬骨同建議先飲碗湯, 香濃豬骨湯加埋蜆好鮮甜海鮮拼盤 - 每日唔同, 視乎當日有咩新鮮海鮮, 多數會有蟶子、蚌仔、沙白, 今次我哋有大蝦, 仲大隻過蟶子鮮製三寶手打肉滑 - 一次過試哂三款, 菜脯蝦醬豬肉滑、墨魚滑、”魚羊”滑, 最吸引一定係”魚羊”滑, 羊肉較味濃但咬落有鯪魚肉口感, 幾特別不過又唔係鮮; 豬肉加埋菜脯蝦醬好有屋企蒸肉餅feel; 墨魚滑都鮮爽, 只係比較上2款淡味而失色最後每位都送上桂花蒟蒻, 開心甜蜜完結一餐…查看更多

要BOOK珍姐食個晚飯真係唔係咁容易，終於再可以返嚟食喇，都係依舊咁熱鬧。 入去坐低，店員就已經搶先為我地介紹當日嘅「老蘭嫰牛四併」有咩食，說時遲那時快另一位店員又話有啱啱洗乾淨嘅海鮮併盤，好快就已經點完菜喇～ 叫左杯日啤等開飯。 值得留意嘅係，佢地嘅啤酒係幾貴嘅，其實佢地係有 在店侍酒師，葡萄酒價位亦相對合理，如果多人分享嘅話開返（幾）枝酒都係一個唔錯嘅選擇~ 湯底叫左佢地嘅「招牌豬骨蜆煲」， 上菜後店員幫手撈起兩舊大豬骨之後建議我地飲下啖湯，係唔錯嘅，話晒係邊爐湯底，小咸啦，但係湯頭好香濃，第一樣諗到嘅係想車個拉麵落去牛四併 出現喇，靚仔呀，四款唔同部位唔同肥瘦，肉味同油感各有千秋，如果可以食生啲不妨試下熝六七秒食下 medium 啲，出色呀～ 海鮮併盤有蝦有蜆有貝有蟶子，隻蝦大到，肉厚又實，其他都好鮮甜， 可以有咁嘅質素嘅併盤sample一下，又唔洗叫晒成份其實幾好。最後仲叫左 「鮮製三寶手打肉滑」，包括有「金沙墨魚滑」、「菜脯蝦醬豬肉滑」同埋我最想試嘅「”魚羊”滑」，菜脯蝦醬豬肉滑 食落係好似蒸肉餅，菜脯味幾出， 唔錯。 ”魚羊”滑 好明顯味道上羊大過魚，但係就好滑同最有特色，最後 金沙墨魚滑 好鮮，但係可能另外兩款味道比較濃相對地就平淡左少少。 喺珍姐食飯嘅氣氛係真係好好，店員們個個都有講有笑，店內不停播住唔同年代嘅廣東歌，不時食客們都會大大聲一齊跟住唱，不敢會諗，有時每日食餐飯，無非，都係想開開心心。 唯一可惜嘅係當日扇牯牛全港早無新鮮貨（佢話），無得試過佢地「扇牯牛皇」，唯有努力book枱下次有綠再試。…查看更多

不要妒忌姐😂book到珍姐因為候補有位😂😂意圖或企圖book 珍姐嘅人💛都知，真係一枱難求🤤🤤🤤🤤 要食正嘢，首先你要付出😂唔止要俾耐性book位，出咗地鐵站仲要行條斜路🧗‍♀️🧗‍♂️雖然行完好攰，但係見到珍姐個招牌🤣🤣真係咩都抵返晒💛入場氣氛超好，聽住一系列經典歌曲 🎶🎶 首先嚟咗佢哋嘅招牌豬骨蜆煲$288 ，留意番呢個煲要係book枱嘅時候一早預訂🍲🍲🍲 西芹，粟米，豬骨，蜆，熬製而成嘅湯底，湯滾嘅時候🔥🔥侍應會搵個盤拎起兩舊豬骨先，然後每人不一碗湯俾我哋飲🥣🥣，超濃嘅豬骨味再加上蜆嘅鮮味！呢碗湯真係一流😍😍😍飲完靚湯就到今日嘅邊爐料，我哋叫咗騸牯牛$420（again, 係需要預訂）🐮🐮，成碟由牛既唔同部位組成，而我最欣賞既係牛腩頭，因為淥10靚秒就已經夠，肉色粉嫩，口感甘香，好少可以食到❤️❤️❤️老蘭嫩牛四併（封門柳，牛頸脊，牛匙柄，牛胸簽）$328，當中封門柳最為好食，牛味重❤️💛再加埋又係預訂既蟶子皇$68，洗得好乾淨冇沙👍🏻👍🏻而且啲蟶子好鮮甜彈牙🤤🤤另外仲叫左即炸魚皮，夠香脆；同埋香酥腐竹（呢個就外型相當震撼，但味道冇乜特別）食完超飽😂想落下場嘅朋友就可以去附近蘭桂坊飲野🥂🍸🍷🥃希望想食珍姐嘅你book到枱啦💛💛加油🥰‼️留意番珍姐星期日係全日休息‼️…查看更多

打邊爐都有omakase!? 一定要試一試佢啦。除左火鍋，仲主打酒、牛同音樂，聽到依度已經唔可以唔去喇！由於本身位置唔算好多，而且依家都係極火紅，基本上只可以後補Booking，食到食唔到完全靠彩數。Book位既時候已經訂左海鮮同牛肉，點解叫Omakase，就係當日有咩新鮮就比咩你，牛既邊個部位正就比邊個部位你，完全係由佢發辦！依個湯底都係要預訂既，因為每日煲到黎賣既份量有限，所以唔訂就唔會有，先飲湯，飲完再加湯打邊爐。湯底一飲就知道係老火靚湯，而且唔會飲到味精既原味靚湯，豬骨同蜆都相當足料，就黎跌出黎咁濟。蜆肉唔會太老，但湯又飲到底層有淡淡蜆味，似係湯底本身有用蜆煲，上枱之前再加新鮮蜆肉。一黎就會有介紹環節，介紹你訂左扇牯牛皇今日係咩，另外如果想追加老蘭嫩牛四併又會有咩選擇，會係唔同既部位。我地4個人去食，先食左扇牯牛皇，入面已經有4個部位，每個部位每人2至3塊左右啦。未食過扇牯牛，只係聽過牛味會濃好多，果然一食同普通牛係有差別，一塊牛肉好似食緊牛扒咁，果種濃郁既香氣係唔可以係普通牛體會到既，而且每塊都香嫩無比，一啲都唔韌，但又唔會食到鬆肉粉既味道。食過之後就返唔到轉頭，由於有少少唔夠喉，所以就補多左個老蘭嫩牛四併。同樣4個部位，同樣每人2至3塊，其實佢都好好食，比起出面叫既牛級數真係差得遠，但講令人震驚既程度都係扇牯牛皇更勝一籌。不過既然主打牛肉，只要黎到都係2隻食晒嫁喇，一定唔會後悔！◍ 涮羊肉片 ◍足夠既羊味，而且完全唔臊，嫩滑程度只比扇牯牛低一級，都係高質之選，份量上同牛差唔多，但就冇分部位咁講究。平時怕食羊既人都可以試下，唔敢包你一定接受，但如果依個都接受唔到，相信你感受唔到食羊既樂趣。只要打邊爐就不能沒有午餐肉，依個係一代偉人既名言，好似係。炸得脆之餘，又唔會燶，入面亦相當軟熟，而且唔同出面既午餐肉，佢仲可以就咁食，唔一定要放湯。你會話午餐肉可以有咩咁特別，但係就咁開一罐切比你，同炸過，炸得好就可以睇得出店家既用心。次次食任何野都好少會影漏既，今次老闆其實有請食一碟肉，佢都講到明係啲邊邊角角，不過正常都會影相，點解今次冇？完全係因為個氣氛！音樂既共嗚，客人與客人間既互動，個個伙記都拎酒周圍去同啲客人飲，成個氣氛似係酒吧多過似係餐廳。蘭桂芳五花百門既新餐廳，間間都講求IGable，依間珍姐就裝修到成間地痞茶餐廳咁，點解都可以full成咁？除左野食好食，氣氛真係好可以影響到件事。珍姐係少數去完，馬上就plan下次食既日子，真係好想再浸淫係珍姐既美食同氣氛之中。…查看更多

秋風起，係打邊爐既季節呀 (其實對我黎講，一年365日都係打邊爐既季節)🍲今次食到一間我覺得係香港食過最好食既邊爐!!!!!!仲要好黃💛環境正✅氣氛正✅湯底正✅牛肉正✅老闆正✅朋友話呢間野勁難book　位置喺蘭桂坊前的斜路　串燒店轉右門口好有玩味，霓虹燈招牌，係懷舊港式裝修呀，仲一路播住懷舊金曲我地一行6個人，留左全間舖頭中間既圓枱俾我地之後開多張摺枱俾我地放食物，好有親切感，好有家的感覺-講講湯底　招牌豬骨蜆煲🐽🍲哇　奶白色的湯好濃味　少少胡椒味　天氣凍凍地驅寒岩哂真係飲左幾碗湯先開始打邊爐勁多條豬骨同埋豬手　骨髓係豬骨煲既精華飲得出係非常有誠意足料既濃湯 一定唔係用味精湯仲要會不斷加湯　唔怕會愈食愈淡-4人套餐 $1380已經包左餐牌上面大部分既野重點係幾款牛都包左!!唔洗自己再簡招牌寫得老蘭嫩牛　牛就一定要試啦老闆會成盤牛拎出黎同我地介紹唔同部位的牛食法，味道都會逐一介紹其實我都唔記得同埋唔識分套餐包一碟大既手切封門柳，細既精選牛(牛頸脊,牛匙柄,牛爪邊)唔好問我有咩分別　到時問老闆我淨係知全部都好好食!!!!! 不過我favourite係勁鮮嫩既牛頸脊🐮-💛厚切午餐肉🐽超邪惡嘅一樣嘢 其實我戒左食午餐肉㗎啦 但係見到佢咁厚切真係忍唔住 外脆內Juicy💛海魚魚蛋🍡魚蛋好爽口彈牙朋友食到辣親條利 仲問魚蛋係咪有流心 一咬開係蜂巢型 吸晒啲湯嘅精華 食嘅時候小心辣親條脷呀👅💛即炸魚皮🐟新鮮熱辣炸起，食到尾聲都仲係脆卜卜，究竟係點做到㗎全部嘢食都好好食不能盡錄自己去試吓啦-老闆仲請我地食糖水 - 桂花菊花蒟蒻冰🍧 多謝老闆🙌🏻-廁所有驚喜 記住去visit下😹佢日頭會化身成為一間茶記　見到佢手切牛豬油撈麵勁吸引可惜我唔喺附近返工希望我介紹完　都仲book到枱打邊爐啦!逆市開張，希望你哋繼續加油呀💪🏻等多啲人可以食到你哋嘅靚牛…查看更多