江蘇銘悅

江浙菜係中國八大菜系之一，香港食到江浙菜嘅地方唔多，今日朋友就介紹咗一間喺上環嘅江浙菜，裝潢以貴族寶藍色為主調，高雅又不失時尚。午市商務套餐 （$498/位）三小碟雙色鎮江肴肉・蔥油海哲頭・魚子醬海鹽糖心燻蛋肴肉紋理完美，入口即化；海哲頭爽口，帶有蔥油香氣；燻蛋蛋黃糖心流動而不膩，入口煙熏香氣十足，搭配頂級魚子醬，鹹香交織，一場奢華嘅味覺享受。雲南真菌螺頭老雞燉湯湯色澄亮，滋味醇厚。每一口都感受到食材天然鮮美與豐富嘅層次，飲完後滿心舒適。宮保海虎蝦球海虎蝦新鮮，爽口彈牙，經典宮保醬汁辣中帶甜，醋香味濃，用左乾辣椒伴碟，賣相精緻。百葉子櫻桃肉櫻桃肉即係平時食嘅東坡肉，燜煮後肉質軟嫩，醬香四溢，將豆腐皮造成百葉子形狀做伴碟。海苔酥脆魚片炸過嘅魚片外層酥脆，魚肉鮮嫩柔滑，帶有海苔鹹香味。乾煸四季豆四季豆炒得好香，帶點脆感，口感仍保持軟嫩。招牌小籠包皮超級薄，餡料多汁且鮮美，咬下去濃郁嘅肉汁在口中爆發，讓人回味無窮。精選甜品是日甜品係雪耳雪梨糖水，潤喉潤肺，為午餐完美作結。…查看更多

中菜中除咗粵菜外、個人甚為欣賞江浙菜，合乎自己口味之餘菜式亦精緻，食材和賣相講究並非粗枝大葉之輩上環呢間江浙菜館有著私房菜般風格環境優雅，職員也有禮待客。適逢餐廳有個“週末點心套餐”，正好在此茗茶食點心、悠閒地嘆一個豐盛午餐♤香煎脆皮素鵝~腐皮煎得層次分明、酥香不過油膩。餡料較為簡單就是冬菇絲♤雙色鎮江餚肉~平時食上海菜都一定點呢款。餐廳做得頗為晶瑩高貴，黑醋啫喱配剔透肴肉，入口酸甜有致亦Q亦彈，唔駛另外再點醋亦已入味♤嵩山香乾馬蘭頭~馬蘭頭的味道別具強烈風格、喜歡的就很愛吃。慢慢細嚼會滲出點點甘澀清香味，配豆乾把所有材料切得細碎，簡單以鹽、麻油調味成為這個適合夏天進食的涼拌小菜♤宋嫂鮮魚羹~一切有魚入饌的菜都會得我歡心。呢個魚羹用嘅魚肉夠白、做成魚蓉效果又滑又Q味道都幾鮮美，混合薑絲、葱絲、火腿絲等熬成羹，個人覺得好飲♤鮮螺頭燉老雞湯~另加$50飲到呢個幾滋潤嘅靚湯，食材足料味道清潤唔過鹹♤江蘇雞頭米河蝦仁~雞頭米係芡實的一種我好鍾意食，佢有咬口帶少少彈性好啱我呢類咀嚼控！河蝦仁色澤白似玉味道淡而脆，亦係一道適合夏天食佳餚♤水煮牛肉薯粉條~嗌時都猶疑片刻因為唔嗜辣，經職員極推就大膽一試。牛肉比我想像中嫩和濃，湯汁入口重麻輕辣燙，個人而言可以接受，薯粉吸收了醬汁非常惹味Q彈滑捋捋，撈飯食可以扒兩碗♤招牌小籠包~小蒸籠內一個包上，這個體積較平時的大一啲，餡/汁/皮各方表現平均可以一試♤黑金奶黃包~黑金色澤搶眼，奶黃不甚流心份量適中，打卡成分居多…查看更多

/江蘇銘悦🇭🇰/#sa上環篇 ➖➖➖<經濟商務午市套餐🍽️> ➖➖➖難得又一次食中菜嘅體驗☺️係新年前揀左呢間位於上環嘅江蘇菜印象中以前去旅行可能都有食過～江蘇菜包含: 上海、江蘇同浙江 最為人熟悉嘅例如有小籠包😝原來小籠包以外都可以菜式都幾多元化價錢大概係$498 /1位 ➖➖➖1️⃣ 淮揚三小碟 :陳醋肴肉、甜梅酒醉雞、無骨燻魚平時會配海鹽流心蛋 當日無晒 轉左做燻魚 醉雞 雞肉嫩滑 酒味突出之餘都偏向甜 容易入口 第一次食燻魚 唔會過咸 無骨✨反而最鍾意肴肉🫶🏻平時少食到 特別係有層啫喱狀嘅肴肉～酸酸甜甜😆➖➖➖2️⃣ 松茸螺頭燉湯個湯鮮甜足料～ 唔會好油膩👍🏻有瘦肉、螺頭同菇等食材➖➖➖3️⃣ 乾燒虎蝦球 蝦球夠晒彈牙😋酸酸甜甜 又會帶微辣😎➖➖➖4️⃣ 三蔥煎炸鱈魚片個汁同蝦球幾似 鱈魚厚厚一片但唔會太厚炸粉 魚肉鮮嫩 個汁好似平日食到嘅咕嚕肉😚➖➖➖5️⃣ 鮮鮑角櫻桃肉第一次聽櫻桃肉呢個term 😳係類似牛柳粒～幾鍾意個角仔 口感酥化鬆脆 一齊食會無咁油膩😆➖➖➖6️⃣兩頭烏奶油高山菜食完肉食番清清地嘅 高山菜即類似黃芽白個汁好有奶香😛➖➖➖7️⃣招牌小籠包平時最愛嘅小籠包小籠包皮厚薄均勻 比平日食嘅扁身 但都一樣幾juicy ～一咬開就會爆汁！ 肉餡有咬口➖➖➖8️⃣是日精選甜品: 合桃糊加湯圓 近期愛上嘅中式甜品 合桃糊味道天然 質感稠身 有沙沙地嘅口感 入面仲有芝麻湯圓😍…查看更多

呢晚朋友帶咗我去上環品嚐私人會所級嘅商務晚餐🥣Menu有好多菜式，真係唔知揀咩好😵‍💫，所以最後就叫咗每位$498嘅晚市套餐～😆淮安三小碟（左起）甜梅酒醉雞·巧手一口燻魚·陳醋肴肉醉雞酒味濃郁，好鮮嫩；燻魚甜甜咸咸，愈食愈開胃；陳醋肴肉有薑醋味，甜甜地幾特別👍🏻松茸螺頭燉湯🍄燉湯真材實料，香濃得嚟唔會油，而且無味精👍🏻乾燒虎蝦球蝦肉好彈牙，好鮮味🦐糟溜鱈魚球魚肉好嫰滑，醬汁甜甜地，估唔到又幾夾🐟金盞牛柳粒鍋巴卷牛柳粒用上上海粗炒嘅醬汁，好惹味，鍋巴好香脆，但比較痴牙🧐兩頭烏奶油高山菜味道幾清，唔會油膩，仲有少少金華火腿粒作點綴及調味😋招牌小籠包小籠包皮好薄，裡面有好多湯汁👍🏻是日甜品芒果南瓜糕作結尾，淡淡清新嘅芒果味🥭座位好闊落，而且設有包間，私隱度更高～…查看更多

午市套餐(每位$338)🥢淮揚三小碟✨陳醋肴肉江蘇必食菜式❤️ 食落唔油膩 彈牙有口感✨海鹽流心蛋流心蛋煮得岩岩好 簡單用鹽調味食到蛋嘅香味👍🏻✨甜梅酒醉雞醉雞帶點酒香 肉質嫩滑好開胃🥢金腿雲吞雞湯用咗金華火腿同雞煮成雞湯熬成乳白色 味道鮮甜唔油膩飲完成個人暖曬😆🥢河蝦仁雞頭米第一次食雞頭米 原來係茨實 聽講可以健脾養胃 河蝦仁咬落爽脆😋🥢京燒鱈魚片鱈魚片外皮炸得香脆 肉質鬆軟 配埋甜酸醬好惹味😋🥢金盞牛柳粒鍋巴卷銅巴卷外型好似甜筒咁🤣炸得香脆 牛柳肉汁滲入鍋巴 🥢黑白蒜上湯浸時蔬食咗幾個濃味嘅小菜 係時候食啲無咁濃味嘅菜清一清😆黑蒜食落帶點微甜 可以帶出🥬本身嘅清甜🥢招牌小籠包嚟到最期待嘅小籠包😍小籠包入面好多汁 皮薄餡仲好多必食😋🥢是日甜品- 酒釀湯圓最後食個暖暖嘅桂花酒釀湯圓做總結🤰🏻有桂花味嘅清香加埋芝麻湯圓好滿足😎…查看更多