老掌櫃東北菜館 (海之戀商場)

營業中

休息中

bookmark咗呢間嘅片皮鴨好耐！今次終於來吃了！性價比真係好高！🔹北京填鴨（半隻）$168本身好鍾意食片皮鴨！！一咬落去鴨皮嘅油脂咇晒喺口入面，係好幸福又邪惡嘅滋味～～～餅皮口感煙韌，厚薄適中，包埋青瓜、京蔥、醬汁同埋主角鴨皮一齊食，真係超級滿足！同埋鴨肉嘅生熟度拿捏得剛剛好，食落好嫩好味！🔹孜然大蔥牛肉 $86呢道菜炒得好香好惹味！！！有海量嘅洋蔥同埋大蔥，牛肉份量都不少，超級送飯🤣🤣🔹拔絲地瓜 $7熱辣辣上枱，地瓜沾滿糖漿好吸引！本身以為係台灣嗰種拔絲地瓜，點知原來食法好唔同！店員教我哋要過凍水先好食，如果唔係會焫親！🔹高力豆沙 $13/1呢款係東北傳統嘅甜品，咬落好鬆軟，有淡淡的蛋味，中間係豆沙蓉做餡，唔會好甜膩！

😋抵食，環境舒適去荃灣行街，想搵嘢食，海之戀商場有間食東北菜，行去望望，首先望到餐廳座位好特別，因為有落地玻璃，望到海景，可以坐戶外或者室內。再睇睇菜牌，食品相片同價格都好吸引☺️平均都係$40幾蚊，小菜價錢又唔貴，重有甜品。選擇左個窗邊位置，望住個海景，心情特別靚😊。菜牌好多選擇，最終揀咗以下菜式🍽秘製杭州骨+菜飯冇諗到套餐碟餸都好大碟，菜飯平時比較多油，今次呢個好好，菜飯唔多油，排骨唔會太肥🍽京蔥羊肉餃子配酸辣湯底食到羊肉又飲到酸辣湯，一個菜式兩個享受，超正👍🍽千層醬豬耳平時食嘅豬耳係一條條，呢個豬耳製法好特別，見到一層層，😂所以叫千層豬耳，口感味道正🍽口水雞不會太多辣油，醬汁味道好好🍽拔絲地瓜渴望想食，非常滿足！因為唔係度度都有而且有水準👍🏻🍽桂花酒釀丸子酒味啱啱好，桂花香一流👍，丸子細細粒，價錢實惠，物超所值！🍽豆漿豆味香濃，好抵飲😝

第一次吃這家是在 大角咀時候，記得個陣好多人排。呢加難得荃灣開左分店，梗係要試下！預先在app 上訂位 ，由於是星期六早幾日訂也只有6點這位置。但幸好有book! 7 點過後基本上較要等位。先叫了前菜麻辣海蜇頭，這個十分推介！因為好少地方有得食，海蜇頭係挑選最爽滑的部分，所以食落去好似食緊啫喱咁！加上麻辣味好夠好開胃。主菜片皮鴨都好食，唯一敗筆係甜品個拔絲地瓜。總括泥講，野食跟大角咀時一樣 環境開揚了坐得舒服啲。如果泥荃灣donki 行的話 都推介可以食呢間，除左donki foodcourt 之外