農

營業中

休息中

科學園用餐的好處是不用特位，呢間看似茶餐廳的間隔，一進去便被High Tea 架上既彩色饅頭吸引，有理由相信係假既，因為靚到一個點。以自助方式點菜，頭實說，圖像細到看不見的。所以特意選出五顏六色來品嚐。我們一行3人，所以點了點心，叫了蟹粥，再加1個茶壺湯已是足夠。有時，色彩斑斕既食物，好難想擺落口。不過這次的顏色，是天然色素，吃起來多了份安心。蝦餃---裡頭有2隻大蝦，爽脆，食1粒就包晒。當然，其他的點心同樣可愛，每個都有獨立既造型。以小雞為例，原來是叉燒包，可口味美。

假期入左大埔踩單車，入夜就去左科學園食晚飯，估唔到原來科學園都幾多餐廳，今次搵到間農家菜，超有驚喜😍爆汁乳鴿咬開真係爆肉汁，火喉燒得岩岩好，皮脆肉嫩，乳煲更加係由自家農場14日穀飼既BB鴿🐦而且店家仲準備左即棄手套真貼心，用手食乳鴿零舍滋味鹵水豆腐鹵得好入味，而且豆腐好滑，軟硬適中爽脆海蜇頭麻油味好香濃，海蜇頭口感爽脆，味道鮮甜，做前菜一流拉絲啤梨（芝士）青青綠綠啤梨外型超可愛，糯米外皮入口煙韌唔會太厚，內餡係拉絲芝士，甜甜咸咸既味道幾得意沙薑懶人雞何謂懶人雞？雞肉已經預先去骨，第一次食炸子雞類既菜式會係無骨🐥😂啖啖肉，而家雞皮好脆好香，雞肉脂肪唔會過多，細細既薑粒係雞肉中間，更加中和到膩感肉骨茶超吸睛紫砂茶壺造型🫖將肉骨茶湯倒入功夫茶小杯，每次細細啖更加飲得出肉骨茶濃濃既胡椒同當歸味，而且係紫砂茶壺中既湯水保溫非常厲害，就算食到飯餐尾段啲湯仲熱🔥魚香棋子初初睇到菜式名既時候係一頭霧水😂果然係魚香茄子既friend😆沾滿炸漿既厚切茄子片炸得香脆唔肥膩，上面佈滿魚香肉碎，咸咸香香，係魚香茄子既變奏版田園炒花青苗（XO醬）花青苗好特別，一般餐廳實在少見，有啲似超迷你翠玉瓜既口感，XO醬少少

🖐🏻蒜蓉香辣鳳爪 $68🥚口水彈蛋 (鵪鶉蛋) $48辣辣哋 冰涼清新嘅前菜🥣氣鍋雞 $78好特別咁用紫砂壺上保溫效果好到我哋食到最後一道菜都仲係暖嘅質地偏濃稠厚身 而且有好濃郁嘅椰子味依家有個特別優惠係兩位惠顧就會送1隻乳鴿～🍗爆汁乳鴿乳鴿烤到油令令色澤光亮肉質鮮嫩彈牙而且鎖住到肉汁 🍐拉絲啤梨 $48原本以為咁精緻嘅啤梨造型入面會係啤梨蓉 但原來係拉絲芝士 超級有驚喜！外殼好似鹹水角 香脆軟糯帶啲甜味裏面嘅芝士好香奶味 上面仲搽咗枝朱古力百力支 增加甜味得嚟毫無違和感！🍄松露懶人雞 $148揀咗半份都超級多料～懶人雞係完全去骨嘅 直接啖啖肉大大塊雞皮切成一格格正方形 薄脆可口唔會過份油膩下面蓋住撕成一條條粗條狀嘅雞肉 嫩滑有口感中間仲收埋咗啲沙薑粒同埋青瓜絲黑松露唔淨係喺雞皮上面有細細篤 而係撈勻咗喺雞肉裏面真係啖啖都有黑松露菇菌香味🦀️避鳳塘軟殼蟹 $108軟殼蟹炸到鬆脆可口 薄薄炸皮入面係鮮嫩嘅蟹肉表面鋪滿避風塘嘅重點——辣椒同大量炸蒜！令整體層次更豐富之餘都超級惹味🍍烈焰菠蘿炒飯 $128火焰菠蘿非常吸睛 隔離枱兩個姐姐都喺度偷影我哋個飯😌掀起菠蘿蓋入面其實係入面其實瑤柱蛋白炒

今日去科學園揾舊同事聚舊，佢地推介食呢間高水準中菜館，餐廳裝橫幾靚，食物選擇好多，有多款特色創意菜式，我地試左以下幾款💕爆汁乳鴿🐥即叫即炸，一上枱熱辣辣，皮脆肉嫩，香口多汁香口明符其實嘅爆汁💕蒜蓉香辣鳳爪蒜香味很濃，帶點微辣，味道幾惹味💕盆栽冰菜🥬擺盤好靚，冰鎮冰菜一上台好似茂盛盆栽，非常之翠綠新鮮，入口爽脆多汁，再加上沙律麻醬汁，讓人胃口大開💕湘炒筍煲🍲筍好新鮮香脆，份量算足料，調味適中帶點甘辣，好惹味💕拉絲啤梨🍐三大粒啤梨造型的點心，多層酥脆，內裡清甜軟糯，我好喜歡🤩💕沙薑懶人雞🐔上層係炸子雞的薄脆雞皮，下層喺拆曬骨啖啖雞肉嘅手撕雞，唔怪之得叫懶人雞🤣沙薑味幾濃郁，份量都幾多💕氣鍋雞🥣呢個湯好有驚喜，以可愛的茶壺盛載，椰子味超香濃，雞湯香甜，每飲一啖都好滋潤💕鹽焗聖子聖子粒粒都非常大隻，肥美肉厚，啖啖鮮味爆汁💕烈焰菠蘿炒飯🍍一上枱，店員為原隻菠蘿淋酒點火，火焰菠蘿即刻震撼眼球，非常有氣氛而且好吸精，內裡嘅瑤柱菠蘿蛋白炒飯非常足料，炒得夠乾身，粒粒分明，亦富有蛋香，值得推介💕猫山王榴槤造型可愛逼真，榴槤味非常濃郁，榴槤控實鍾意💕柚子花精凍味道清甜，帶有淡淡柚子清香，口感彈牙如果凍💕白

之前老細請我同其他同事黎呢間食lunch，都覺得佢啲食物唔錯，所以今次我帶朋友黎呢度食dinner，估唔到平日夜晚都幾多人黎科學園呢度食飯，今次試咗好多唔同款式嘅野，樣樣都幾有水準，有啲賣相仲好得意🌟檸檬鳳爪叫咗呢個酸酸地嘅開胃小食，鳳爪去哂骨，食落爽口🌟盤栽冰菜第一次食冰菜，外表幾特別，葉同莖都佈滿了晶瑩剔透嘅水珠，加上底下冰鎮住咁一盤上，真係幾似盆栽，而冰菜原來好有營養🌟拉絲啤梨Share俾朋友睇時，佢地真係俾個賣相呃咗以為係真，實際上係一碟點心，食落有啲似甜版鹹水角，入面係拉絲芝士，而個啤梨柄係用朱古力百力枝整，呢碟睇得又食得🌟爆汁乳鴿呢隻乳鴿係因為兩位堂食就送，外皮少少脆，肉質入味而且仲好juicy，所以無需配淮鹽🌟松露懶人雞（半隻）懶人雞即係去骨手撕雞，雞皮油脂唔多，炸到好香脆放喺面，而底下蓋住嘅係充滿好香黑松露嘅雞肉，雞肉醃得幾啱味道🌟肉骨茶呢個係馬來式肉骨茶，藥材足料，味道香濃，用紫砂茶壺裝住幾特別🌟鹽焗蟶子鐵板裝住一堆鹽，上面放咗8隻蟶子，一來保持度溫度，二來有少少鹹味可以吊出蟶子嘅鮮味🌟田園炒花青苗（XO醬）未食過呢隻菜，所以叫黎試下，口感有啲似豆角，而配埋三色椒同菇

見網上有人介紹過呢間餐廳，係主打新派農家菜嘅，仲係由利苑的廚師團隊班底主理。蒜蓉香辣鳳爪 $68夠燜夠入味盤栽冰菜 $58新鮮，而家天氣咁熱，食呢個好正爆汁乳鴿 $68用自家農場出產的穀飼BB鴿，真係爆汁，完全唔乾，肉質嫩滑，好入味，必食👍氣鍋雞 $78椰子煲雞，用紫砂茶壺上枱，presentation好靚，仲好保溫，椰子同雞味都好濃，好好味，必點😋😋松露懶人雞 $148即係冇骨手撕雞，𥚃面仲有青瓜絲，食落唔油膩，仲有勁多松露，上面仲鋪滿脆脆嘅雞皮，好有心思又好味，必點💯避風塘軟殼蟹 $108好少有咁大隻嘅軟殼蟹，好香口，炸醬唔厚👍求其芥蘭 $68挑選過嘅芥蘭，好嫰，吵得有鑊氣農仔荷葉飯 $98陣陣荷葉香，仲有勁多料😋拉絲啤梨 $48造型好靚，個皮類似咸水角個皮，少少甜甜哋，入面喺芝士，好有特色貓山榴槤 $42榴槤布甸，榴槤味香濃椰香拉絲 $28有少少似蛋散，再有椰子香白桃烏龍 $28及胎菊潽洱 $28食得飽飽飲落好舒服好消滯總括，好有創意，樣樣都好好食，有誠意嘅餐廳💯💯