HeySoNuts

營業中

休息中

❣️聽過呢間cafe好耐，但最近先約到朋友一齊去！雖然係小店，但都幾多人❣️出左主食之外，飲品甜品係必點！大推麻糬窩夫 ，真係少有地好多麻糬夾心🧇薑味麻糬窩夫配黑芝麻蓉及香草雪糕$72- 奇貌不揚但一食難忘！可以落甜品最高評價-唔甜！窩夫外皮夠脆又有少少薑味，夾上好多麻糬，煙煙韌韌，非常難得！🍔手撕豬漢堡配薯條$132- 用上芝麻包，包皮脆口，入面係豬肉碎加熱溶芝士，又有幾多菜類，啖啖滋味🐑香草烤焗羊膝配法式燉菜及乳酪$328- 非常難得地肉質夠軟嫩，以香草調味，肉質素唔錯，推介！- 旁邊燉菜都幾多，味道唔錯又健康🥞開心果梳乎厘pancake $104- pancake 蛋味夠濃香，texture軟熟，上面粒粒開心果，都唔錯👍🍸飲品都係超級推介，irish coffee 好濃香威士忌味，但又易入口，正！gin tonic coffee係refreshing 之選～剩係為左甜品，都會再去！

由宋王臺站行去餐廳都算近餐廳人氣十足，建議大家都預先book枱小編為住佢嘅甜品而去亦留意到每一枱都真係必叫窩夫或者疏乎厘🔅白酒煮活蜆配蒜蓉包 $138蜆肉鮮甜脹卜卜，大大隻🔅羊肉醬炒貓耳朵意粉 $148貓耳朵煙靭，細細粒啱啱好兜住啲羊肉醬一齊咬呢道菜帶有羊嘅羶香味，仲伴有粒粒芝士比較少餐廳會有類似菜式，食羊嘅不妨試吓💕🔅手撕豬漢堡配薯條 $132麵包面層帶有麥香，爆餡嘅手撕豬肉混合咗濃郁又甜甜地嘅醬汁口感鬆軟又juicy，亦都好飽肚😚🔅Tiramisu日式疏乎厘班戟 $104疏乎厘pancake入口軟綿綿又輕盈上面就係tiramisu奶油同手指餅然後再自行淋上香噴噴嘅咖啡可以一次過食晒兩款甜品，大滿足😍

🙋🏻‍♂️餓底探員去咗土瓜灣調查呢間cafe，小店揉合西式餐飲，法式甜品及精品咖啡，將新派元素結合傳統烹調技巧，呈現出不一樣嘅咖啡室🍔手撕豬漢堡配薯條 $132🙋🏻‍♂️表示外脆內軟嘅麵包夾住芝士，番茄同生菜，仲有爆餡嘅手撕豬，食落有一疏疏肉絲，口感鬆軟幼細，加上香濃醬汁，仲配上香脆薯條，必食推介👍🏻🍄‍🟫松露油忌廉野菌汁貓耳朵意粉 $102🙋🏻‍♂️表示貓耳朵口感煙韌，用上幾款菇菌，配上松露油同忌廉野菌汁，食落香滑creamy，充滿濃郁菇菌香味🧅炸洋蔥圈 $72🙋🏻‍♂️表示一圈圈洋蔥圈炸到金黃酥脆，口感外脆內軟，配上芥末醬，食落有咖哩辛香，味道特別🍏肉桂蘋果金寶法式千層酥配香草雪糕 $72🙋🏻‍♂️表示法式千層酥口感鬆化，咬落香口酥脆，夾住香甜嘅吉士醬，面頭放上肉桂蘋果金寶，香濃嘅肉桂蘋果加上香脆嘅金寶，完美地將兩款甜品融合，再配上香草雪糕，多重滋味😋🧇窩夫配焦糖布丁及香草雪糕 $94🙋🏻‍♂️表示厚厚嘅窩夫砌起嚟好大份，口感鬆脆，充滿蛋香，配埋香草雪糕一齊食，冰火交融嘅感覺好過癮，再配埋香濃軟滑嘅焦糖布丁，超滿足🥰☕️手沖咖啡☕️宏都拉斯藝伎 $75☕️瓜地馬拉波旁 $75🙋🏻‍♂️表示現場有咖啡師

👧🏻😋👅🍽✨甜品出色必食千層酥🥰-☕️ 土瓜灣名店cafe, 鹹甜餐點都好有特色, 大部份都係訂座客人, 親切小店家庭式美味☕️ 除左餐廳仲有做到會服務有8-20人套餐, 或買佢地既千層酥做聖誕甜品都諗得過-▪️茶漬橙朱古力慕絲千層酥 $88由頭到尾都係靚料, 千層酥切開乾淨利落, 脆口唔膩; 朱古力幼滑香濃; 橙肉香甜帶淡茶清香, 係名副其實perfect match▫️薑味麻糬窩夫配栗子蓉及香草雪糕 $72栗子蓉以Mont Blanc形式唧上窩夫面, 口感細膩柔滑唔會太甜; 厚身窩夫入面有煙韌麻糬, 薑既微辣被糖漿平衡, 暖心甜甜的▪️開心果茉莉花醬日式梳乎厘班戟 $104Pancake好soft好fluffy, 開心果味唔算好重, 反而茉莉清香幾突出▫️手撕豬漢堡配薯條 $132勁多手撕豬肉一絲絲好軟滑, 仲索滿晒汁, 用手食係會漏的, 好彩店內有得洗手, 但呢個juicy burger同香脆薯條係值得食到捩咁棄🤭▪️黑啤自家製煙燻豬腩肉意大利飯 $138熱鍋上打開仲出緊bubble, 個飯較濕但唔會太腍; 煙燻豬腩肉夠鹹香, 但略嫌欠黑啤麥香▫️蒜蓉包一客 $50▪️白桃手搖冰茶 $48

今日去咗土瓜灣 HeySoNuts 嘆啡食野，係間好文青嘅Cafe，藍白花紋嘅餐枱好吸睛，主菜和甜品都好好食。🔹️手撕豬漢堡配薯條呢個漢堡係推介！手撕豬好軟，好嫰滑，調味非常出色！🥰薯條都炸得好好🔹️自家製喇沙汁海鮮扁意粉喇沙汁唔算辣，好香椰汁味，蜆、蝦、魷魚好新鮮，意粉都幾掛汁。🔹️咖啡拖肥榛子朱古力千層酥配雪糕呢個千層酥非常鬆化，咖啡拖肥醬好特別，仲配咗大大球嘅雪糕🥰。🔹️榛子鮮奶咖啡呢度嘅奶啡拉花好靚，咖啡好香好nutty❤️，超級ig able！🔹️白桃手搖冰茶