豐鍋雞煲 (京瑞廣場1期)

每次想食雞煲就會諗起石門呢間豐鍋雞煲🤤🤤佢既雞煲同用料都好正😋#滋潤椰子雞煲 🥥🥘❣️用左一大個椰青加落去，仲刮晒啲椰子肉一齊煲～湯夠清甜🤩fafafoodie 飲左4碗湯😗新鮮雞肉嫩滑又有雞味👍🏻仲有好多又大又粗嘅竹笙😍呢個椰子雞煲真係必試HKD198#頂級雪花肥牛 🥓❣️應該係屬於牛板腱位置😙肥瘦均勻👍🏻牛味都好出🤤比起牛小排佢係薄身少少HK118#自家炸響鈴 🫔❣️即炸響鈴上枱時仲熱辣辣，大大件好鬆化😚佢仲有芝士/紫菜響鈴都係即叫即炸架～HKD59#手工即炸魚皮 🐟❣️大大片炸魚皮係豐鍋既手工之作，好似真係冇見過第二度有，真係枱枱必點‼️好似搵熨斗燙直左咁🤪即食或浸湯都好正😊HKD54#手工四寶丸 🦑🦐🐟🍢❣️手工四寶丸有墨魚丸/蝦丸/鯪魚丸/墨汁墨魚丸，全部都好彈牙，fafafoodie唔小心跌左粒墨丸落枱時竟然有回彈😲啲丸仲好真材實料，唔係溝好多肥豬肉個啲丸🫣真係有好多墨魚粒🤩讚HKD89#白鱔片 🐟白鱔新鮮，肉質爽口彈牙，仲有啲油脂香～不過要小心細骨呀😉HKD102醬油費 $8p.p.加一服務費#豐鍋雞煲#fafafoodie_石門…查看更多

呢排天氣凍，好想食雞煲，搵左石門出名雞煲。石門出名多好野食，而呢間雞煲係好值得為佢特登搭車入嚟，全部野都好高質。豐鍋招牌麻辣雞煲 (半隻)我地叫左BB辣，雞煲一上已經香味撲鼻，滿滿既雞件，忍唔住要即刻食! 啲雞肉嫩滑得嚟仲入晒味，湯汁香麻濃郁而不膩，大滿足(*๓´╰╯`๓)♡食完雞煲加湯打邊爐極品本地手切牛頸脊 (小)厚切牛頸脊，鮮嫩牛味重手工四寶丸 (蝦丸+墨魚丸+黑墨丸+鯪魚丸)全部真材實質大大粒，新鮮又Q彈，黑墨丸最特別野生竹笙 全部大大條好新鮮，索哂啲湯汁黎食一流雜菜籃有生菜、唐生菜、白菜仔、油麥菜。啲菜好新鮮又靚，洗得好乾淨玫瑰抽子，龍鳳檸樂玫瑰抽子我地轉左熱飲，店員話有幾款可以轉熱飲好貼心ヾ(@^▽^@)ノ 全部大大杯，仲要好飲…查看更多

屯馬線開通，去石門確實超方便，今晚就慕名到石門一間火鍋雞煲店（豐鍋雞煲）見佢係openrice嘅好評點激超多，呢排天氣又轉涼，食下雞煲暖暖胃先。先點兩杯解渴消滯凍飲🍹黎到緊係要試試（豐鍋招牌麻辣雞煲🥘），兩個人食order左半隻雞（小辣），一上枱，店員姐姐即刻幫忙將雞件返炒，雞件伴隨一大堆香料（大蔥、原粒乾蔥、紫洋蔥、香芹、大量芫荽），返炒幾下，麻辣香氣即時到位👍🏻。要讚一讚隻雞，好肥美肉厚，啖啖肉嘅口感，好幸福😋，每件雞都掛滿麻辣醬，入口麻麻辣辣香香，食得好過引；下次再黎可以升級試下中辣😋。咁靚嘅麻辣汁緊係要叫碟牛柏葉黎索汁啦😆。手工四寶丸：鯪魚丸，鬆鬆軟軟，好鮮甜鯪魚味蝦丸，爽彈鮮甜墨丸同黑墨丸，呢兩款我最鍾意，尤其黑墨丸，除左Q彈有墨味外，中間仲有好多墨魚粒粒，口感一流👍🏻。頂級安格斯牛（小）份量好大碟，7分肥夾3分瘦分鋪均勻，入口牛味甘香，肉質鮮美滑嫩。…查看更多

朋友同我慶祝生日，又想近近地係沙田食，就帶左我黎試我最愛食的雞煲!因為黎之前我無特登睇食評，所以無咩期望，點知一食，就將呢間餐廳列入去我的最愛了!首先，叫半隻雞煲，因為呢排身體問題，只叫了BB辣，但其實已經做到麻香味，亦有少少辣味滲出黎!堅好食~等我好番要食大辣!(店員會幫手攪拌雞煲)跟住，點左個頂級安格斯牛小排，牛味濃!好正!值得叫!仲有我每次都會必點的響鈴，講真出面真係唔係間間響鈴都好食! 但呢度堅係即炸!堅脆! 真係必點!最後，仲有四寶丸同娃娃菜。可能叫得太多，2個人食真係清唔曬~但呢間又就腳又好食的雞煲一定會再來!…查看更多

豐鍋招牌麻辣雞煲：醬汁調教得好嘢味，配料好足薑蔥蒜頭可以話係雞煲嘅靈魂，佢地整得好好入晒味👍🏻👍🏻👍🏻頂級安格斯牛：油脂分佈得好好，入口即溶，打邊爐必備。手工四寶丸：蝦丸、墨魚丸、黑墨丸、鯪魚丸打得好爽好彈牙。即炸紫菜響鈴：響鈴包住d紫菜黎炸好特別，炸得好香口好味呀⋯⋯手工即炸魚皮：真係新鮮魚炸出黎，成條上見到都好滿足，炸得勁脆。什菜藍：樣樣有小小，唔使食咁多，菜又新鮮。玫瑰柚子：好香柚子味加埋小小玫瑰味，打邊爐唔係唔飲呀⋯⋯藍妹啤酒🍻唔使講啦⋯⋯…查看更多

疫情期間好耐冇出去打邊爐啦，今日突然好想食雞煲，同屋企人去咗屋企附近嘅京瑞廣場，食呢間豐鍋雞煲。呢間都好出名咖！聽過好多朋友話好食，所以今次book咗兩位6:30pm，當時放工時間已經好多人食緊啦，好彩算早入嚟食😋豐鍋招牌麻辣雞煲一定唔少得！但係我哋食唔到超級辣，叫咗小辣。肥牛一定唔少得啦😍叫咗頂級安格斯牛（小），仲有手工四寶丸，即炸芝紫菜響鈴😋黥魚皮同埋雜菜籃。另外仲叫咗一個椰青同埋一杯德國手工麥啤！飲品好冰凍，好耐冇飲過椰青！真係好正，夏天飲一流！雞煲嘅雞肉非常嫩滑，份量好多，而且辣度剛剛好。我哋呢啲唔食得太辣嘅人叫小辣就最啱啦！牛肉好香濃牛肉味，而且雪花好靚好均勻。入口即溶。魚皮好香口，係我至愛！重點推介⭐️即炸芝紫菜響鈴入邊有芝士同紫菜，好邪惡但係真係好濃郁嘅腐竹味，而且超級脆！雜菜籃入邊有三款菜，啱晒我哋呢啲貪心想一次過食幾款菜嘅人😆食飽飽，成餐真係好滿足呀，唔怪得知咁多人食啦！…查看更多

真係好耐無同朋友出街食飯..👭🏻想搵個地方可以傾下計又方便返屋企既,就揀咗石門唔經唔覺,石門開咗好多唔同既餐廳🍽️而之前同事曾經介紹過有間好好食既雞煲🐔🐔一直好心動,今次就去試一試佢有幾好食啦都真係不得不講,而家出街食飯,真係成個死城一樣..☠️好少人好似我咁大無畏反而呢間雞煲,竟然可以坐滿全場,一定有佢可取之處黎到呢度,緊係要食雞煲啦!!豐鍋招牌麻辣雞煲(半隻) $168🐓叫咗個小辣,感覺都唔係好辣🌶️下次可以挑戰一下食中辣, 剌激一下個味蕾雞好嫩滑,份量都唔少食完呢煲都有半飽既感覺🤭食完雞煲,加湯叫餸是必須吧!頂級安格斯牛小排 $178🐮唔好睇佢份量好似唔多但佢既油花好靚,每人都食咗好多塊🤤入口竟然有即溶既感覺好滿足呀!!!👍🏻👍🏻👍🏻手工四寶丸 $85粒粒都好大粒,一次過滿足4個願望最鐘意係蝦丸,好彈牙🦐仲食到有蝦粒,好足料手工即炸魚皮 $48🐠長長既魚皮,即叫即炸即出爐唔洗點湯都好好味反而點湯要浸耐少少先入味即炸紫菜響鈴 $38又是即叫即炸即出爐,響鈴入面包住紫菜份外多咗一種口感好得別,點湯食係絕配什菜籃 $68真係勁足料既什菜籃分別有白菜,娃娃菜同生菜🥬齊晒打邊爐必吃之菜,同朋友食唔洗爭👭🏻💬飲埋野,人均都係$300,呢個質素,真係抵比…查看更多

今晚老豆話想食雞煲🍲，瑞京廣場呢度好多不同種類既食肆，小食、酒樓、快餐店、cafe同韓燒都有見呢間火鍋店好評幾多，就決定黎呢度試吓啦！門面同內在裝修都好靚，環境非常舒適點餐紙有自助醬料區，喜出望外！竟然有白飯叫咗個滋補螺片花膠雞煲（半隻雞）半隻都已經好大碟啦⋯隻雞好新鮮，大大件，有黃油螺片唔算大塊花膠筒亦都靚，好重膠質手工四寶丸先上一共有4種丸。硬度ok，唔會一夾就散蝦丸既蝦味好濃，同一般蝦丸好唔同黑墨丸既味道最出！丸裏面仲有粒粒白色墨魚，有咬口之後就到安格斯牛，賣相好吸引！開邊既切法，有點厚度試左幾次，燙大約8秒左右岩岩好脂肪爽口，牛肉味好濃郁，口感好正炸魚皮好大塊！比較厚身有幾種響鈴選擇，今次試吓紫菜響鈴好大條！非常非常飽肚，因為本身比較厚身，燙耐少少比較好最後點左雜菜籃，有超過4種菜，都係好新鮮既！飲品方面，點左汽水都係好大杯的整體來講好好，無論係食材、環境衛生同舒適度都屬於高質！店員亦都好醒目，服務態度不錯👍🏻性價比高！…查看更多

豐鍋係京瑞廣場一期既一樓同地下都有，我地去左一樓食雞煲。環境: 坐得好舒服，枱面同餐具都好乾淨無油跡。服務: 店員好靚女，又有禮貌，有問必答，即使長氣小小嘅問題，店員亦都好有耐性咁樣解答，值得表揚。食物: 我地一開始叫左個滋補螺片花膠雞煲($208)，辣既雞煲就食得多，今次我就叫左個養生嘅煲。雞肉非常鮮嫩，明顯唔會係放左好耐先拎出黎賣，加上個湯底，我地放哂d野落去煮左陣，湯底更鮮味。食完之後都唔會好口渴，證明用料天然又唔咸。特別推薦-頂級安格斯牛小排($178)就咁睇油花分佈都睇得出好平均，熟左之後更加明顯，雖然價錢係貴少少，但質素絕對值得。自創爆芝紫菜響鈴($42) 響鈴內層有紫菜同芝士包住，絕對適合芝士迷，芝士流哂出黎，如果食哂成舊會有少少偏咸。手工四寶丸($85) 非常彈牙，一食就知全手工打，用料非常天然，讚!德國手工麥啤($29)(抵飲!)好有麥味，飲住食雞煲一流。手工即炸魚皮($48)我鍾意成舊炸魚皮dom落去煲，之後等佢軟哂先食都依然好香口。…查看更多

阿女上次來「豐鍋」食過午餐後，表示很想來吃雞煲，所以今晚一家人來試吓。先叫咗一個「滋補螺片花膠雞煲」（半隻$188 ），雖則話係半隻雞，但我覺得都幾大隻，隻雞都尚算滑，個湯都幾好味，花膠都有好幾舊。食到咁上下就打邊爐，我哋叫咗一客「頂級安格斯牛小排」（ $178 ），份量唔少，而且雪花紋好靚，脂肪均勻，食落去都好鮮嫩。另外叫咗手工即炸脆魚皮（ $48 ），冇諗過係咁大塊，好驚喜！好脆而且好有味！阿仔不停再要！再要！另一驚喜係響鈴，佢有三款唔同響鈴，今次我哋揀咗即炸紫菜響鈴（ $38/3件），條響鈴都大條有紫菜夾住喺裏面，係幾有特色。至於「手工四寶丸」（$85）就有蝦丸、鯪魚丸、墨魚丸，同埋黑墨丸，全部人手打，仲放幾粒蟹籽喺面，食落好彈牙，好食！雜菜籃（ $68 ）有三款菜，全部都好新鮮、深綠色好靚。佢都有幾款特飲，我哋揀咗「大話七」（$32）同埋「水蜜桃梳打」（ $38 ），前者其實係七喜加話梅，話梅味唔算重，不過感覺好過淨係飲汽水，後者冇乜特別，幾好飲呀！…查看更多

聽朋友講，石門開咗間好惹味嘅雞煲 - 豐鍋於是專程黎到拜訪一下位置非常易搵，係正石門地鐵站隔離餐廳不算太大，但勝在座位非常闊落舒適，亦有卡位 窗邊仲有Be@rbrick可以比大家打卡🐻今次黎到目標當然係食麻辣雞煲與友人叫了半隻雞，因為要留肚試埋配料。附上Menu比大家參考一下餐廳職員非常細心，因為我唔食莞茜，但友人想食。職員特登拎咗碗仔同我地夾起莞茜分開雞煲有分4種辣度，BB,小,中,大辣，亦有唔辣，任君選擇。而我就叫咗小辣試一試🤗一上煲，「滋滋」聲，香氣撲鼻。小辣都已經夠麻辣，醬汁十分惹味。而雞肉十分嫩滑，雞又不會過肥，雞皮彈牙P.S. 加湯前，記得食埋入哂味的紫洋蔥職員幫手加湯後，我地就叫咗幾樣配料食 首先係手工四寶丸，每款2粒，岩哂我咩都想試墨丸好彈牙，內有墨魚粒，而黑墨丸比墨丸鹹少少，較爽滑，重墨魚味。蝦丸入面都有一半以上都係蝦粒，再加上蟹籽，鮮甜。鯪魚丸，就打到起哂膠，爽滑鮮味打邊爐又點少得牛呢重點之一安格斯牛🐮紋路係雪花❄️切得好細緻。碌幾下就食得，入口即融好滿足。雞煲湯底超夠味，都唔洗點豉油呢另外再點了即炸紫菜響鈴🔔，是豐鍋的招牌菜之一因為響鈴係即叫即炸，非常新鮮，可以即食即食脆口，浸湯惹味，再夾埋紫菜脆上加脆呀尾聲，就叫咗雜菜籃🥬有齊唐生菜，白菜仔，油麥菜，娃娃菜同菜心，又係岩哂多心的食客，樣樣有齊飲品點了德國手工麥啤，也值得一試🍻🍺…查看更多

前幾日和朋友到大圍踩單車，之後決定喺附近食埋晚飯。做咗咁多運動，梗係食飽啲補充體力，雞煲是個唔錯嘅選擇😂——————————🔹招牌麻辣雞煲 (BB辣) $168這裏的雞煲看似平平無奇，但食落令人驚喜。朋友唔太食得辣，叫左BB辣，店員一開始會把雞件和芫茜不停攪勻，煮至熟透，才開始食。雞件煮得入味嫩滑，食落唔會好麻，好惹味，好快就食晒！後來因為越煮越辣，朋友提議換另一個煲打邊爐，用豬骨湯做湯底，味道濃郁，不錯👍🔸頂級安格斯牛 (小) $178安格斯牛色澤紅潤，油花分布平均，食落肉質滑嫩之餘，還充滿牛肉香氣，令人一啖接一啖！好好吃🔹手工四寶丸 $85四寶丸顧名思義有四種手打丸：蝦丸、鯪魚丸、黑墨丸和墨魚丸。人手製作，入口彈牙，名副其實真材實料！最喜歡黑墨丸，吃起來爽口彈牙，還有些墨魚鮮味👍🔸即炸爆芝響鈴 $66 (6件)這裏的響鈴卷即叫即炸，裏面還加入了芝士！放入熱辣辣的湯底，芝士呈現半溶狀態，一口咬落去即刻爆漿，口腔充滿芝士香氣和香脆的腐皮，好滿足～🔹手工即炸魚皮 $48平時打邊爐都會食炸魚皮～但這裏的魚皮是店家手工即製，每塊都好完整，不會碎濕濕；用上鹽和胡椒來調味，所以味道好濃。輕輕一焯，外軟內脆，超過癮！🔸什菜籃 $68超級大盤！有菜心、白菜、娃娃菜、生菜等多款蔬菜，新鮮翠綠，這個價錢可以食到咁多款又份量多的菜，真的抵！…查看更多

今日同舊同事食飯，佢話今次地方佢選啵。今次間雞煲就係沙田石門的京端廣場一期，離馬鐵石門站不遠，舊同事帶路下，不用十分鐘就到。原本約左9pm 但師奶朋友見到9:30半就配料半價，咁就等一等，食平D啦。間餐廳唔算大，大約十零張枱，地方都好乾淨。入座立刻叫野飲先，一個咸檸七$32，一個水蜜桃梳打$32，舊同事話梳打唔算太甜，又大大杯，都值回票價。到點菜時間，佢話要滋補一下，所以叫花雕藥膳雞煲$158黎到聞到個湯底好香藥材味，湯內有不少龍眼肉，杞子，而花雕味都好濃。首先當然要等湯滾再放雞啦！兩個女人叫半隻雞剛剛好。雞件好多肉，一見淥到熟就食，超滑！打邊爐當然要叫菜，樣樣都想食，得兩個人又叫唔到太多，咁叫雜菜籃$68啦。有幾款菜，啱哂。雖然夜，但都好新鮮下。見到隔離枱的手工丸好似幾好食，大大粒。即刻叫碟食。手工四寶丸$85，有四款丸，每款兩粒。有墨魚丸、蝦丸、鯪魚丸、黑墨丸。四款都好食加彈牙，鯪魚丸最好味，加上藥膳湯底竟然好夾，因為其實一向覺得鯪魚丸最普通，今次改觀哂。我再叫多碟順德撈魚皮$58。舊同事最初唔敢食，驚啵。我就叫得當然唔會唔食啦，一放低即刻再撈一撈佢，熟的魚皮沾滿碟底麻油香料，加埋蔥花芝麻食，舊同事見我不停口，佢夾一口又話原來味道又唔錯，幾爽口。總結：因爲食9:30pm後，食完差不多十一點了，因為怕沒有巴士回家，餐廳職員立刻熱心地指點我揾車站，超nice，立即加哂分，下次再約朋友黎食。…查看更多

今晚在附近石門區一間新開張還不到一個月的雞煲火鍋店訂了位，依時到達，卻全店滿座，要等上廿多分鐘才有位置，有些沒有訂位的客人就只有望門輕歎了，在這區新店能有這麼多客人是不容易的。服務員以女士為主，都很有禮貌，服務態度很好。雞煲火鍋店一如區內其他食店般店舖面積不大，只有大約三十多個座位，但又不見得太擠迫，不過醬料區及飲品櫃就不及任食火鍋店般大。我們是聽朋友推介而來食雞煲的，所以坐下來就點了個豐鍋招牌麻辣雞煲半隻($168)，不過因為不嗜辣，所以只可要走辣，無緣嘗試麻辣的味道了。等了一會服務員就端上招牌雞煲來。雞煲需再加熱多5分鐘，份量也不少，除了雞件之外，還有香芹、洋蔥、蔥頭、薑、和蒜等，雖然走辣，但仍聞到香噴噴，食落十分惹味，雞肉尤其是雞翼及雞腿，肉質嫩滑入味。飲品我們要了鹹檸七($32)，夠大杯又有幾件鹹檸檬，鹹鹹地味道不錯。雞煲食得差不多就加湯變成火鍋，頂級安格斯牛(小)($178)看上去油脂均勻，食落還很有牛味，只要灼幾下就可以食，肉質嫩滑，不需要蘸些甚麼，味道已經足夠。雖然牛肉下面是椰菜絲，但份量也算足夠。手工四寶丸($85)有黑墨丸、鯪魚丸、蝦丸及墨魚丸各兩粒，味道都很鮮甜爽滑，特別是黑墨丸裡面還有墨魚粒，煙韌有嚼口。即炸爆芝紫菜響鈴($42)都頗為特別，外面是一大塊腐皮，裡面有一塊紫菜包著些芝士，只要稍為一灼，腐皮變成軟身就可以食。腐皮吸收了湯汁，與紫菜及芝士一起食，又與一般的響鈴不同。即炸魚皮($38)夠鬆脆，上面有些蒜鹽，即食或放入火鍋都可以。我們就選擇即食，鄰枱見了也立刻加單。最後還要了皇帝菜($38)，十分新鮮脆嫩，放入火鍋中一會就可以食，是不錯的選擇。豐富而味美的一餐，難怪開業不久已有不少的捧場客。…查看更多