百利火鍋海鮮酒家 (已搬遷) 新店位置

上星期已經約定左舊同事今晚兩枝公來百利打邊爐，偏偏遇上打風，好彩天文台話深夜先考慮掛8號風，所以我地兩個先可以照原定計劃來新裝修完的百利再次品嚐呢度的靚肥牛。😋我地係舊公司經過工作到三更半夜，正好公司附近呢間百利開到零晨，所以我地久唔久OT完就會過來食個肥牛飲枝啤酒先返歸。早前係網上見到百利重新裝修完，又好耐冇見過呢個舊同事，所以約定左今晚。百利裝修完之後真係新淨左好多，門面已經換上富有色彩的招牌，餐枱餐具都係真的同以前唔同哂，而且二人枱大張左好多，張枱設計到其中一邊可以擺放到好多火鍋配料。不過有一樣野冇變，就係舊式火鍋店果種人情味，店員同食客有好多交流，店內氣氛非常熱鬧。😆係店外已經見到將會用來做手切肥牛的牛肉放係透明雪櫃。😍二人枱其中一邊可放好多火鍋配料。百利有兩層，今晚我地係樓下食，唔知二樓裝修成點。🙈店內刺身區好有日式風格。點餐前店員已經提供調味架俾我地自行調配自己口味的豉油。雖然重新裝修過，不過價錢同以前都差唔多，而且翻新後新開張仲有啤酒送，但係舊同事揸車來仲會送埋我返屋企，我冇理由自己飲咁冇義氣嘅。🤣火鍋湯底我地揀左海底椰子鮮雞鍋，鍋底有椰子肉、雪耳等清甜配料再加上半隻雞，

今晚再幫襯這間新裝修老字號火鍋店，感覺煥然一新，仍然是有兩層，地方寬敞舒適，乾淨衛生，入口處還多了一個刺身檔， 居然有一點東瀛feel呢！嘩！依家裝修完新張酬賓每人送Asahi啤酒大樽裝一支，啱晒我地班酒鬼！雖然是火鍋店，但有多款刺身如加拿大象拔蚌，蟶子及北海道海螺刺身等; 另外還有一些特色日式及泰式小食供應，食物品種非常多元化。火鍋配料種類當然更豐富，先來一客"人氣脆響鈴" $28, 真的非常鬆脆，浸入沙嗲湯數秒後即可，外軟內脆， 湯底是靈魂所在，沙嗲湯香濃惹味，食後也不口乾。"招牌墨魚滑" $72 ~ 手打墨魚滑香彈軟滑，份量大碟夾好食！"必食石灣蝦公魚腐" $42 ~ 確實必食！較普通魚腐扁身，質感輕盈軟綿，味道鮮美"花鵰醉雞半隻" $98 ~ 雞肉鮮嫩，即使滾得太耐也能保持嫩滑口感。不過花鵰酒味稍微，若再濃些更好。"潮州魚皮餃" $32 ~ 每隻也晶瑩剔透，餡料飽滿豐盈，真係皮薄餡靚，爽口微彈 ！"潮州炸魚皮" $32 ~ 每條也很粗壯，非常香脆可口，浸泡在沙嗲湯後更覺香惹，令人回味！"手切本地肥牛" $180 (例) ~ 份量十足，牛味濃郁，脂肪比例適中，每一口都充滿牛肉嫩滑