快樂小羊火鍋料理 (銅鑼灣廣場一期)

營業中

休息中

呢一日出開去銅鑼灣睇戲，突然想食類似小肥羊嘅邊爐，之前聽過人話呢間都唔錯，所以諗住試吓。本身諗住睇戲前食，因為OpenRice book有折，最尾太遲book book唔到早😂 就變咗睇完戲先食，仲好，6點幾食係85折，原來9點半有75折，仲平咗！間餐廳都幾大，可能去到嗰時都晏，2個人都俾咗張4人檯我哋，都坐得幾舒服。叫咗個 成雙鍋 $128一邊清湯，一邊麻辣，清湯嗰邊個味有少少似小肥羊嗰隻湯底，但都唔係好夠濃。麻辣嗰邊都普通，又唔係話真係好香🙊羊羊大拼盤 $268喺OpenRice見到人哋食好似幾開心，可以試到三款羊，而且我哋得兩個人，諗住可以樣樣試啲。但三款羊都有啲「鞋」，後尾問返侍應係邊三款，佢話係 滑嫩太陽卷、羔羊肋卷、草原臻選大片羊。仲要食完覺得好似唔係好夠喉，於是乎之後又叫多款羊。軟骨高鈣羊 $88呢個係後加，反而我哋覺得呢個好食啲，個羊味香啲，而且冇咁「鞋口」。手工丸雙拼 $98有 手打墨魚丸，同埋 黑松露羊肉丸。我覺得個手打墨魚丸幾彈牙，唔錯。個羊肉丸就普通。皇帝菜 大$42 細$21本身係嗌個細嘅，之後個菜吸咗啲湯好好食，第二轉叫咗個大😂鹹檸檬七喜 $28杯嘢飲就正常

假日好友相約了我們到位於銅鑼灣廣場一期的{{快樂小羊}}來個吃貨聚會！一行四人預約了窗邊梳化位置，座位寬闊舒適，並以QRscan菜單，十分方便。可能大家都是第一餐吧！瘋狂的點菜，快樂的飲飲飲轉眼整張枱被放滿了！起初我對大家也有點懷疑是否可以清枱吃完…最後我知道這個想法是多餘的XD除了大大份量的牛羊拼盤必點之外，不要走漏{{快樂小羊}}的熟食啊~它們的蒙式烤羊串、蒙式羊棒骨也相當惹味即點即烤…熱辣辣的…再加杯凍冰冰啤酒…還有金蒜燒廣島蠔…不要錯過！不要錯過！不要錯過！而象拔蚌刺身…鮮甜爽口，每塊都是厚切的…最重要它夠冰凍.-----------------------------------------是日︰大家都開開心心的前來；快快樂樂的離開。大滿足超果腹吃貨們出動吧！

今日去咗銅鑼灣「快樂小羊火鍋料理」食Lunch，午市依家做緊優惠，17:00前結帳離坐即享6折優惠 (此優惠不適於酒水、飲品、鍋底、和牛、茶芥及加一服務費)，最終我哋叫咗：1️⃣ 1 x 成雙鍋 (清湯 + 辣湯) $1282️⃣ 1 x 羊羊大拼盤 $2883️⃣ 1 x 鴨血 (半份) $344️⃣ 1 x 脆爽鮮毛肚 (半份) $435️⃣ 1 x 響鈴 (半份) $266️⃣ 1 x 功夫青筍 (半份) $217️⃣ 2 x 蒙式烤羊串 $528️⃣ 2 x 茶位 $28價格💰：$496 ($620 + 加一服務費 $62 - 六折 $185.6)味道😋：OK留意⛔️：要用手機📱掃瞄單上的2D條碼落單