Pentola (大埔藝術中心)

營業中

休息中

經過大埔藝術中心，入去行左個圈，入面唔止有文藝工作室、小店，原來仲有餐廳。呢度前身係一間中學改建而成。Pentola 樓底非常高，地磚同牆身則以泥紅色為主，餐廳仲保留左前身原有嘅窗花，極具特色。侍應先上前送上餐前麵包，可配上意大利醋同橄欖油一齊食。Cold Brew  $53新鮮青口配茴香酒汁  $128青口肥大肉厚，茴香酒汁帶點微辣，好食。而旁邊的麵包條，略嫌烘得比較硬。炭燒安格斯封門柳配燒汁薯條  $198封門柳燒得剛剛好，肉嫰多汁帶點焦香，好 juicy。火箭菜沙律新鮮，食完肉再食沙律，可減油膩感。意大利香草醬大蝦闊扁麵  $158手工闊扁麵有虎蝦、番茄乾、黑橄欖。虎蝦肉質彈牙，配上意大利香草醬，不錯。慢煮牛面頰番紅花意大利飯  $168牛面頰油花充足，肉味香濃。經過慢煮後，肉質超腍，輕輕一切就分開，而且好入味。意大利飯加入巴馬臣芝士煮，有芝士香。意大利飯唔會太硬且有咬口。

前幾個月首訪係下午時段，有不同嘅手工意粉選擇，已經覺得好正要再嚟，今次二訪決定食晚餐，除咗試手工意粉，仲試吓意大利飯，兩碟前菜同湯，當然少不了甜品同飲品，小編就好滿意，真心推。◇ 意大利燉海鮮湯這個海鮮湯，用料非常豐富，海鮮類有蜆肉、青口、虎蝦同鱸魚，其他配料有蕃茄、番紅花同茴香，用所有這些食材熬出嘅湯底非常鮮甜，因為用茴香，味道又被拉回去甘香，令風味獨特◇ 白鯷魚茄子蓉多士唔多見嘅茄子蓉，雖然顏色唔太吸引，但味道同口感都有驚喜，白鯷魚本身味道偏淡，搭上茄子蓉能提升白鯷魚鮮味，配兩件酥脆多士，口感豐富◇ 意大利風乾火腿拼盤風乾火腿薄切，味道鹹香，搭上提子，今鹹甜味得到平衡，好開胃，前菜必選◇ 意大利香草醬大蝦闊扁麵餐廳出名手工麵，這碟嘅闊扁麵，比一般的更煙韌，口感更佳，醬汁係意大利香草醬，加入黑水欖同番茄乾，帶出獨有味道，當然主角虎蝦，size中等但肉質彈牙◇ 慢煮牛面頰番紅花意大利飯喜歡意大利飯那種軟綿綿質感，這碟做到這個水準，主角牛面頰因為慢煮，肉質超級嫩滑多汁，牛肉味濃郁，配菜只係番紅花，但出來嘅味道好夠，整碟份量剛好，非常不錯◇ 提拉米蘇不同餐廳出品嘅Tiramisu各有特色，