窩子

營業中

休息中

在新蒲崗這片舊區之中，窩子絕對是少有的高質小店。記憶中好多年前已經幫襯過，如今依然屹立，實在難得。雖然裝潢樸實，卻予人一份舒服自在的感覺。選擇不算多，但每一道都見心思，無論咖啡、熱食還是甜品，都有水準、有誠意。🏅慢煮手撕豬腩窩夫三文治（$116）每次都忍唔住要叫！豬腩慢煮至入味、肉汁豐富，手撕成絲，配搭外脆內軟的窩夫，鹹香交融，非常滿足。🏅慢煮三文魚意大利飯（$138）三文魚嫩滑且呈自然粉紅色，魚皮煎得香脆，意大利飯吸收了魚香與調味，層次豐富，恰到好處。🏅法式千層酥（$82）千層酥非常薄脆，抹茶忌廉配上新鮮士多啤梨與士多啤梨雪糕，口感清新，甜而不膩，是餐後一大享受。🏅多莓果茶（$46）果香濃郁，口感清甜怡人。🏅焦糖鮮奶咖啡（$48）焦糖香氣撲鼻，奶泡細膩，咖啡順滑。

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧1️⃣ 👑慢煮手撕豬腩窩夫三文治 ($116)大大力推介！😋😋😋Mr.mochi每次黎親都必點！佢人生中第一次食鹹窩夫就係喺呢度！🥪🐷 呢個組合太特別🤩 慢煮手撕豬腩肉☺️份量十足😇肉質軟嫩多汁🤪完全不乾柴🤤 每一絲豬腩肉都充滿香濃肉汁🤓😋 窩夫外脆內軟🤤口感豐富🫣單食已經好好食🤔仲有蕃茄片🍅同生菜🥬搭配慢煮手撕豬腩肉更加係絕配！💯 再加埋香濃芝士，更加係錦上添花！🧀️ 2️⃣ 慢煮三文魚意大利飯($138)🐟🍚 🤩 意大利飯煮得軟糯入味☺️感覺幾正宗🍚醬汁應該用咗忌廉同芝士調製而成😛口感濃稠順滑🤤 三文魚皮煎得金黃酥脆🤩入口香脆😍口感豐富有層次！🐟 鮮嫩多汁😋 💖3️⃣ 抹茶士多啤梨法色千層酥配士多啤梨雪糕($82)🍰🍓🍦顏值同味道都在線！💯 千層酥層次分明🤩睇落呈金黃色 😗酥皮薄脆🤓 搭配新鮮士多啤梨同士多啤梨雪糕🍓🍦欣賞佢個士多啤梨雪糕😏味道天然😋仲有士多啤梨果肉粒！💖 兩塊千層酥中間係抹茶吉士😚絲滑柔順🤗4️⃣黑糖焙茶鮮奶($44)😜個拉花好靚🤤黑糖味唔係好夠！但係咁樣就會冇咁甜🤗茶味濃郁香醇 😇加埋鮮奶飲落順滑🥹焙茶

本人超鍾意復古味道嘅事物˘ ³˘♥ 或者因為生活喺現代，對舊時嘅一切都會覺得新奇有趣！而呢間Wozi Cafe 嘅內部環境嘅裝修正正走懷舊風格⁍̴̛ᴗ⁍̴̛ 綠色牆身，掉漆嘅櫃桶，架上亦放滿濃厚復古味道嘅擺設，好有feel～嘢食嘅質素同樣good good ，同朋友約食飯嘅話，呢間方方面面都真係值得試！✎ 野菌松露油忌廉扁意粉 ($98) 9/10相對夠味，鹹度適中，松露同忌廉簡直perfect match，味道仲好出！正！另外好多野菌片，足料～而意粉好彈牙有口感。好食到完全感受到廚師嘅用心烹煮！✎ 慢煮三文魚意大利飯($138) 9/10三文魚唔會煮到好熟，火喉岩岩好，用刀一切就見到啲汁慢慢滲出，果然係慢煮嘅效果，入口幾嫩，飄散住三文魚味～三文魚皮好脆，成塊炸魚皮咁脆！好味！而意大利飯唔係硬身個種，岩哂香港人胃口，相對軟腍同creamy ，個白汁味偏出，微酸，好開胃惹味！✎ 慢煮手撕豬腩窩夫三文治($116) 9/10呢個真係創意料理，以窩夫夾住入面嘅餡料，似漢堡包/三文治咁。手撕豬腩勁多汁，鹹鹹地，入口充滿豬腩味，夾埋表層個塊芝士一齊食，豬腩味中帶點芝士燒焦味，可以想像到個味道幾獨特香口！

今晚泥新蒲崗俾野朋友我地一齊去左-窩子cafe食晚飯🥣📍-我地首先點左牛油果沙律配虎蝦🦐好大碟，虎蝦大大隻，又新鮮，入面仲有牛油果、火龍果和車厘茄🍅-之後我地點左慢煮手撕豬腩窩夫三文治🥪慢煮豬腩肉撕成肉絲，方便享用✅最底層的窩夫脆脆地，中層豬腩肉香多汁，再加上蕃茄、生菜及頂層的芝士🧀不過都會幾濟😜😜-主食點左慢煮三文魚意大利飯🍚三文魚表面金黃酥脆，正常！-飲品朋友點左熱情果手搖冰茶！ -餐廳環境裝修都有特式，幾岩同朋友慢慢坐不過位置唔近車站，難揾少少🤏

間中都想同朋友去Cafe chill下傾偈❣️呢一日朋友帶我到一間復古cafe🔎係位於新蒲崗既窩子📍-我地首先點左慢煮手撕豬腩窩夫三文治🥪滿滿的手撕豬肉，加上窩夫，好厚實！ 豬肉調味好夠，唔會太淡💕-我地再點了慢煮三文魚意大利飯🍴足料，三文魚好林呀🥢不過份量就比較少！ -甜品方面，我地甜左焦糖香蕉配雲呢拿雪糕（法式千層酥）🍧真的會少少甜‼️如果怕甜既朋友要留意呢!-飲品我們分別點了熱情果手搖冰茶 同冰鮮奶朱古力🍫我鍾意朱古力，牛奶味好重!🥛-不錯的晚餐 好岩同朋友傾偈可是地點真的不算方便，不算易找呢⚠️

是日去左新蒲崗區玩劇本殺，玩完之後已經到左晚餐時間啦。 見窩子都有好多好評， 又可以walk in，就入去試下餐廳內裹裝修都幾型格，有d懷舊海報，係對門比較重而難推。 我地獲安排坐係窗邊既4人位。叫左多人推薦既八小時慢煮萬字醬油豬軟骨飯已經燜到好淋好入味醬油配埋個蛋黃連白飯簡直一流，好開胃！慢煮口水雞係加配既，但完全冇諗過佢係點醬食既，幾驚喜！皮脆肉嫩，不過我唔敢食咁多皮野菌松露油忌廉扁意粉中規中矩，扁意掛左好多汁，好野味！慢煮三文魚意大利飯加入檸檬汁後好清新，意大利飯唔係好生果隻；飯裹面既香草好得意，令到整體味道更有層次。 青蘋果金寶法式千層酥配雲呢拿雪糕叫埋個甜品就功德圓滿啦估唔到佢有好多配料，又放到好靚，岩晒鍾意打卡既我

復古style環境極有風格 附上各款文宣💛仲有特色酥皮薄餅 出名嘅甜品 疏乎厘等等 真係好想試勻餐牌上唔同款嘅嘢食喔-🧇 慢煮手撕豬腩窩夫三文治 ($88)窩夫三文治非常特別 創新嘅諗法利用窩夫代替普通麵包或拍多士實在從未試過 窩夫偏厚身而且外脆內軟好有口感 加上窩夫有淡淡蛋香配上其他食材感覺清新 配上生菜蕃茄 芝士 同手撕豬肉 一共兩份三文治 份量都幾多!!! 手撕豬肉調味亦唔錯 講得係慢煮絕對係誠意之作 唯一可惜係手撕豬肉變相好快凍咗🥺-🍛 慢煮三文魚意大利飯 ($98)意大利飯份量都唔少喎 用上濃濃忌廉汁都幾飽肚 加上三文魚煮得好出色 外皮脆脆肉質新鮮 鍾意嘅仲可以唧少少檸檬汁僻腥味 即使唔加檸檬汁亦都已經好好味啦*******************GOOD FOOD • GOOD MOOD 🎈

午餐時段，知道呢間要預更多時間等位（實在很旺場😅），所以都有晒心理準備，大概都等咗半個鐘才入座...(夏天等位真係要好有毅力與耐性😓)同友人一行4人，叫了4個主食share, 都加＄12跟餐，估唔到上菜速度幾快，好快有得食（因為之前聽聞上菜速度也是一大考驗），今日還好還好。👌🏻4個主菜都好食，咖啡都好，最特別係食西餐，配中湯，真係我估你唔到🤣總括嚟講，我地都好想有下次，不過真係要預更多時間才可（想食午餐時段都唔係咁易）💪🏻期待下次再食。

Saturday Treat🥰🥰🥰懶洋洋的星期六瞓到下就起身搵嘢食諗起去新蒲崗有好多好嘢食三點去到窩子一等就等到四點先有位雖然熱辣辣但係等咁耐都值得嘅因為真係好好食😘😘😘飲品先到解一解渴朋友叫咗一杯mocha 而我就叫咗一杯hazelnut latte咖啡即叫即沖好好飲拉花都好靚我真係好鍾意食risotto 呢個慢煮三文魚意大利飯超級正個飯煮得好好芝士味十足又夠冧三文魚香口又脆加埋檸檬汁好開胃分量原本睇落好細但同朋友分享都夠飽薄餅超級有驚喜除咗比預期中大之外佢個餅底係酥皮雖然好有罪惡感但真係好好好味而且佢仲係熱辣辣上碟Pizza果然係即叫即整即食最好味其實都已經好飽但仍然係好想食窩夫窩夫外脆內院二紅豆蓉都好好味不過真係太飽嘅關係我哋食咗一半就冇食到真係覺得有啲對佢唔住😂😂😂😂所以都係果句等一個鐘真係很值得😘😘😘而佢真係有三點開始等到同食到五點都仲係好多人排緊隊等要有心理準備啊🤣🤣🤣

「窩」即是「家」的意思，四個年青人將這個咖啡店好似自己的家去經營！他的食物、咖啡、甜品自然用心製作，選料與及食材配搭都別具心思，而且不斷創新，能完全感受到他們的誠意！小小食店，卻有着無比信念，食物自然好食，值得推介👍🏻！每次經過這小店外面都排滿人龍，今日同朋友慕名而來食個午餐！座位雖然不算很多，但是有落地玻璃滲透外面嘅光線，感覺十分和諧！綠色嘅牆身到處有特式的裝飾，中間是吧枱位置，感覺新潮型格。首先與朋友各自叫了主食，第一個係「慢煮三文魚意大利飯」 （$98），特色而且精美，三文魚上有片檸檬，賣相已經攞咗很高分數！怎料食落更意想不到的美味！意大利飯很creamy而且飯很有口感，至於那三文魚肉質十分鮮嫩！食材與及烹調技巧都得到很高分數！不是誇張，真是媲美我食過很多高級的意大利餐廳呢！第二個係「慢煮手撕豬腩窩夫三文治」（$88），首先份量非常足料大份，窩夫加上滿滿的手撕豬腩肉，已經吸引了我的食慾！豬腩肉絲有口感但腍身，入口醬汁豐富而且味道濃郁，相信是這裏的秘製醬汁吧！夾埋窩夫一齊食！非常有特色，而且配搭非常之match ！相信是我食過的鹹窩夫當中最好食的！忘記一提豬腩肉絲上面舖了片芝士！使

Bookmark左呢間餐廳一段時間，但始終新蒲崗都唔係啲常去嘅地方，所以一直都冇機會試。今次特登的起心肝過嚟食呢間窩夫主題嘅餐廳！呢度嘅裝修好特別，睇得出好俾心機去佈置，除咗裝修用嘅水杯同埋枱櫈都好有懷舊feel！唯一嘅問題係，兩個mains上枱嘅時間相隔太遠，食晒成個waffle再等咗15分鐘個risotto先上🥺好彩我哋係share食，所以大家都可以食住個窩夫等。整體來講，食物質素真係唔錯，價錢都好合理，如果有機會經過呢頭嘅話一定要支持下小店～.bookmarked this waffle cafe for a long time now 😆 but always too lazy to travel to sanpokong just to try this place 😂 the look & the feel of the cafe is pretty cool 😎 very old-school! the only problem we had was the timing of the food 🥘 we ordered a waffle and a risotto bu

幾個星期前下午經過呢間cafe，見到大排長龍，攞籌要等十幾張枱，所以冇等到，去左附近餐廳吃羊肉手打拉麵。今日決意要食到佢嘅窩夫，早上十一點幾到餐廳門口，等佢十二點開門去食。因為武漢肺炎疫情肆虐，餐廳暫時唔招待內地客人，我仲聽到職員話唔用湖北雞蛋👍🏻餐廳環境行懷舊風格，坐得幾舒服，仲要係開放廚房，可以一路等野食一路睇住廚師整窩夫沖咖啡。我地一行三人叫左假日早餐，慢煮三文魚意大利飯，手撕豬腩窩夫三文治，一杯Cappuccino，加一份蒜蓉包。蒜蓉包熱辣辣，好香蒜蓉牛油味，同沙律菜一齊食好夾。三文魚意大利飯煮得啱啱好，三文魚好滑一啲都唔鞋，冇過熟。手撕豬腩窩夫三文治比預期大份好多，窩夫好脆，又有蛋香，配埋豬肉食一流。最後嚟嘅假日早餐亦都好大份，煙肉洋蔥炒蛋好滑，菠蘿加埋有蜜糖味嘅乳酪一齊食感覺好清新！總結食物味道整體中上，結帳離開餐廳時見到有好多人等緊位，果然係區內出名Cafe!

Happy Friday 同男朋友去新蒲崗食野，見到呢間裝修簡約，又岩口味就決定要食。雖然排隊等左一段時間，但啲食物令我覺得好值得等 😂慢煮三文魚意大利飯Risotto 底好creamy，三文魚肉十分嫩滑，叉開佢，魚肉紋都見唔到！見到既係一大舊又滑溜，又soft既燈橙色肉！凍黑糖焙茶鮮奶好簡香焙茶味，黑焙同鮮奶都恰到好處，唔會搶左茶味。忌廉野菌烤雞薄餅好特別既餅皮，係酥皮底，好似食緊酥皮丹麥包咁 😂 雞肉又係好嫩滑，好但唔係醃到林晒果隻，而係肉質鮮嫩果隻。熱情果手搖冰茶唔太甜，有茶味紅豆蓉配抹茶雪糕麻糬窩夫麻糟特色一定係qq！一切落去就知同普通窩夫好唔同，大量cream同雪糕淹蓋左個窩夫，好正，超好味。呢個質素既食物，係窩子食，性價比真係超高。唔怪得要排隊，所以我覺得都值得

前排有個週末去Mikiki睇展覽，之後係附近既呢間小店食飯，估唔到人流都幾多，等待位置同埋食物時間相對地長🤤▪️ 慢煮三文魚意大利飯（6.5/10）💲98面頭既三文魚呈現係半生熟既狀態，要靠啲飯整熟佢，口感會係比平時既軟嫩身，意大利飯主要係忌廉汁加上蔥花，整體感覺偏淡口，個人覺得可以多加些少調味就唔會太寡🤔▪️ 慢煮手撕豬腩窩夫三文治（7.5/10）💲88呢個總共有四件富有蛋香既窩夫，偏向係鬆軟得黎帶有實在感🤭面頭有炙燒過既微鹹芝士，手撕豬腩加上醬汁幾香口，慢煮既關係完全無嚡口韌身既渣，配搭得宜一定要趁熱食▪️ 栗子蓉配蜜糖脆脆雪糕麻糬窩夫（7/10）💲65窩夫同樣地係較為軟身，加上入面滿滿黏口既拉絲麻糬，整體感覺濕潤🤔配上唔少既脆脆椰子條，同埋略嫌有少少過甜既栗子蓉，旁邊亦有黑糖可以自行淋上去▪️ 榛子鮮奶咖啡（7/10）💲46 (Iced)▪️ 抹茶鮮奶（7/10）💲37 (Hot)大致上都順滑，奶味為重，抹茶味可以更濃🔎 整體評分（7/10）

今日試呢間平時行過見好多人排隊既cafe！窩子！網上訂左位唔洗等就入得，叫左野菌松露油忌廉扁意粉、慢煮三文魚意大利飯、經典牛油黑糖漿疏乎厘pancake！三樣野都十分好味道，就算要等待我都願意等！1. 野菌松露油忌廉扁意粉好香松露味，冇得彈，份量其實唔太夠🤣🤣2. 慢煮三文魚意大利飯呢個雖然等45分鐘左右，不過慢煮三文魚實在太好味！等待是值得的！佢煎過黎不過仲保留到半熟狀態！3.經典牛油黑糖漿疏乎厘pancake等左一小時，一上黎我地都哇哇聲，佢會動L之餘仲好香！真係好好味🥰🥰等一小時都值！重點是，這是黃店，要大大力懲罰佢！