火五越式牛肉粉專門店 (華生樓) (已結業)

太子地鐵行五分鐘就到，不用等位。食果時都多附近人士落黎叫外賣，一人套餐揀幾抵，我地就嗌左啲特別啲嘅試下 ！👍🏼街坊價錢👍🏼食物多款選擇👍🏼有特色item👍🏼食物質素中上(生)牛肉粉 $45黎到好大碗，牛肉多唔少嘅，生牛肉粉都係唔可以擺太耐，啲牛肉老左就唔可以食。果到有好幾款醬汁比你加落去，仲有生辣椒🌶️，即刻個味道都提升曬。火五特式鳳爪撈檬 $42未食過鳳爪加撈檬! 鳳爪酸酸甜甜咁，微辣，好爽口！推！提提大家佢果個撈蒙酸汁好重料，唔係好似出面果啲好水咁，建議唔洗落太多！意大利黑醋汁蒜蓉牛油雞翼 $58幾欣賞呢個黑醋汁嘅配搭，酸酸地，佢又有頗多蒜蓉係上面，味道上有層次感，仲要佢係連雞翼尖😋手作大蝦米紙卷 $38一個傳統嘅越南小食，都係可以配酸汁食，每舊入面都有蝦,蘿蔔,青瓜同粉絲做配料凍越南三式冰 $19椰味重過奶味好多，入面再加上經典嘅三色澱粉條，個人覺得如果太多會影響口感，好在佢比例都ok，食完辣野飲返杯就完美。…查看更多

火五生熟牛肉檬粉 ($58)呢個係我既至愛，生牛肉鮮嫩，上枱時帶點粉紅；牛腩大件，不會靭口，入口即溶；湯底清甜，帶出淡淡的牛肉香氣，又不會過咸。最鐘意加埋佢既自家製醬料：辣椒醬、海鮮醬同XＯ醬，令湯底的味道多一個層次。火五麻辣酸菜牛丸檬粉($58)好少越南餐廳有麻辣湯底, 朋友喜歡食辣, 一於試試佢。湯底夠麻又夠辣、牛丸大大粒、彈牙爽口、份量大碗、如果想試新野的朋友, 可以試試佢呀.意大利黑醋汁蒜蓉牛油雞翼 ($58)越南餐廳必叫的小食吧!!!雞翼十分香口, 脆卜卜, 面層既蒜蓉同黑醋汁十分夾, 酸酸地咁, 真係好好味.飲品叫左提子梳打 ($19) 及 綠茶 ($10)總括而言，十分抵食，又大碗，環境乾淨，坐得又舒服，可再幫襯。…查看更多

每次食越南🇻🇳Pho都係中意佢既湯底，今次黎到太子火五試下先。可能近排疫情關係，見到好多外賣速遞員出出入入，但都有不少顧客堂食。火五火車頭牛肉粉 $62份量多，好大碗，可以2個人食。呢個火車頭配有生熟牛肉，扎肉同和牛牛丸，個牛肉湯底係自家熬製，濃郁到真係不得了，就略嫌有少少咸，但就回味無窮！牛肉好嫩，和牛牛丸肥美既美味，但佢個河粉就索哂啲牛肉精華湯底，入哂味！榴槤炸彈 $48呢個炸榴槤波波真係榴槤愛好者必食！係流心榴槤餡糯米糍，爆餡的^^炸得啱啱好，鬆軟煙韌，齒頰留香。意大利黑醋汁蒜蓉牛油雞翼 $38一上枱時賣相好似炸生蠔，雖然呢個麵粉多左🥲但都食到淡淡既牛油香，如果係無骨雞翼就更有誠意了^^火五特色鳳爪 $22開胃小菜，一口鳳爪啖啖肉夠哂滿足，味道小清新。可能我比較中意食辣，如果味道濃點同辣一點會好味啲！好彩都有鋪頭自家製既甜辣醬去增添不少味道。越南三式冰 正價$19 跟餐$10不會太甜，椰香味撲鼻，不過硬條啫喱用飲管吸唔到，最後要用匙羹食🥲凍咸檸梳打 正價$19 跟餐$10食完啲香口炸物，緊係要點杯咸檸梳打下下火，又透心涼😙…查看更多

話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！火五火車頭牛肉粉($62)，🚂火車頭配料包括生牛肉、熟牛肉、牛丸以及扎肉。由於湯底夠熱，嚟到嘅生牛肉已經熟咗；熟牛肉本身就係牛腩，夾埋牛丸，全部都係牛🐮；當然仲有兩片扎肉。湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。手作挪威煙三文魚米紙卷(6件)($48)，米紙卷其實都好飽肚。米紙卷有四款口味，我哋揀咗煙三文魚，感覺好Fusion，組合出奇地幾夾😗。除咗三文魚外，米紙卷入面亦包住酸蘿蔔絲同菜，所以外皮煙韌，內裏爽脆。意大利黑醋汁蒜蓉牛油雞翼(5件)($38)，菜名嘅頭部份，即係黑醋汁，主要係淋上面。🍗而主角雞翼先係令我一試愛上嘅原因，因為炸衣夠薄又夠酥脆，而且帶有牛油香，第度食唔到依個味道。香茅豬頸肉($28)，🐷豬頸肉份量幾多，不過有少少乾身。另外，如果佢排得整齊啲，整體觀感亦會吸引啲。凍越南椰汁冰($10午餐價)，估唔到原來係外賣杯裝，味道似椰水多啲🥥。餐廳有提供水機供客人飲用，好貼心💦。總括嚟講，小店食物質素唔錯，送餐速度快，難怪做到咁多生意。如果想食越南菜🇻🇳，呢到係一個好去處，主食同小食都有唔少選擇。…查看更多

今日去太子附近做嘢，食埋野先返公司。行過見到「火五越式牛肉粉專門店」嘅門外嘅menu價錢合理，而且店內客人不少，一於試吓！店內熱鬧，有不少等外賣嘅客人同速遞電單車手。點菜以tick點心紙方式；清水以自助方式自由斟🚰========================火五生牛肉河粉 $42生牛肉粉可以揀河粉或濛粉，仲可以免費加粉，本身以為呢個價錢份量會偏少，點知咁大碗 😮 趁湯熱嘅時候，先試一啖，湯帶淡淡香料香氣；再放入芽菜，將生牛肉同芽菜浸熟，牛肉半生熟，肉質幾嫩滑！河粉份量好多，食極仲有，相信三人都夠食，最後食唔晒有啲浪費，下次食應該叫少粉🙈手作大蝦米紙卷 $38米紙卷滿滿嘅餡料，有蝦、生菜、青瓜絲、蘿蔔絲、濛粉，口感清爽較淡口，蘸咗放喺枱面嘅越式酸汁啱啱好👌🏼越式炸蝦春卷 $28春卷新鮮炸好，餡料有蝦膠，脆卜卜意大利黑醋汁蒜蓉牛油雞翼 $38見到黑醋牛油雞翼呢個combination，好奇心驅使下要試吓！雞翼炸起幾大隻，新鮮熱辣，外皮香脆，但炸漿偏厚；黑醋汁酸味中和蒜蓉牛油較膩嘅感覺，重口味嘅我覺得蒜蓉味可以濃啲突出啲 🤔香茅美國黑毛豬扒 $42本身以為餐牌上寫一份有兩塊，會係手掌心嘅大細，點知成隻碟咁長 😅 肉質軟腍唔柴，略嫌香茅香氣偏淡🌿炸軟殼蟹青木瓜沙律 $68青木瓜、紅蘿蔔、椰菜切成幼絲，口感爽脆，配上越式酸汁幾醒胃軟殼蟹好脆，擠埋附上嘅青檸，感覺清新，一解軟殼蟹嘅油膩感 🌿凍青檸梳打（加配$10）跟粉麵加配飲品半價幾抵，凍青檸梳打可以走甜，清爽解渴。明白點解咁多堂食同外賣食客，因為份量大方，真係幾抵食👍========================火五越式牛肉粉專門店 (華生樓) 📍 太子界限街14號華生樓地舖…查看更多

屋企人約左朋友食飯，唯有自己一條友出街搵食。咁啱去到太子見到有間越式菜就想入去試下。門面同埋招牌好大，一眼就望到，離遠都望到個招牌。內裹環境都好寬敞，由於限聚令剛放寬嘅關係，餐廳唔太多人，基本上任坐，反而佢地外賣就超多單。因為好肚餓，所以叫左幾樣餸。火五火車頭牛肉粉 ($52)首先出場嘅是牛肉粉，一上枱就心諗：「奶野，碗粉超大﹗驚食唔晒﹗」份量真是好大，餸分別有生牛肉、熟牛肉、牛丸同扎肉。牛味香濃而且呢個價錢咁大碗非常抵食。意大利黑醋汁蒜蓉牛油雞翼 ($38)雞翼炸得好脆，而且炸粉唔是太厚，配埋黑醋汁酸酸甜甜好開胃﹗不過墊底嘅菜上面見到都幾多油。不過是好食嘅﹗手作炸軟殼蟹米紙卷 ($76)呢個米紙卷嘅份量都唔少，有8件，而且每件都好足料，有蘿蔔絲、生菜仲有主角炸軟殼蟹。建議要點啲撈檬嘅甜酸汁，如果唔是會沒味。而且點左唔會蓋過軟殼蟹嘅味，好食﹗…查看更多

火五越式牛肉粉專門店太子界限街14號地舖今晚出左黎太子探朋友，佢就推介左呢間好抵食，食物質素又高既平民越南菜餐廳，所以我地就跟朋友一齊黎試下見到個meun價錢真係幾大眾化，而且選擇都幾多:)黎到越南餐廳一定要試越南粉啦，呢到個湯底夠晒熱而且好濃郁，食得出係用牛骨淆出黎，火車頭牛肉粉好足料大大份，有生熟牛肉，牛丸，扎肉。。自己最鐘就係牛丸，好彈牙好有牛味，同出面食到既唔同咖喱味香濃配合埋油香飯好夾，第一次試呢個配搭，原來唔錯wo, 值得一試:)炸蝦春卷，香草大蝦，黃金脆魚皮青木瓜沙律，大蝦米紙卷，扎肉米紙卷望落好吸引，夠晒份量既小食拼盤，4個人都夠食呀，最鐘意係個炸魚皮同春卷，炸得好香口，大人細佬都岩雞翼大大隻而且炸得好香脆，加上有d黑醋既味道，幾特別最後如果係榴槤控就一定要試埋呢個甜品，外表脆卜卜，咬落濃濃既榴槤蓉滲出黎，無得頂…查看更多

火五越式牛肉粉專門店是最近我吃過的越南湯河店最為出色，它的小食亦是心機之作，醬料更是自家製，加上價錢相宜，所以我和朋友都一吃再吃。吃主食前第一樣必吃香草大蝦青木瓜沙律，木瓜果香十足，擠上青檸汁再攪拌提味，青木瓜沙律更加甜美，令人胃口大開。香草大蝦香噴噴的，且帶脆彈感，與青木瓜沙律十分合拍。香茅豬頸肉以香茅醃漬，然後下鍋油炸讓外表呈現最迷人的金黃，豬頸肉本身口感爽彈，加上香茅恰到好處的調味，豬頸肉滋味大為提升，若喜歡吃豬頸肉的話，我推薦大家一定要點。長長的越式炸蝦春卷外層春卷皮酥脆不油膩，內裡塞滿甚有彈勁的蝦肉，單吃可以感受到蝦肉濃厚的海味，當然亦有人喜歡包著生菜，蘿蔔絲一起吃，增添炸蝦春卷的清新度。常常吃牛肉湯河有點膩，今次轉吃越式花膠老火雞湯河。透徹淡黃的湯頭由花膠，雞隻及杞子熬煮而成，喝得出湯底無多餘調味，清甜無比，陣陣溫醇。如此精緻的老火雞湯，更能突顯河粉的滑溜，值得一提雞肉煮得軟腍，輕易骨肉分離，花膠貨真價實，彈牙極致，一切食材，湯底都完美無缺。意大利黑醋汁蒜蓉牛油雞翼現點現炸，我自己也十分喜愛蒜蓉牛油雞翼的風味，加上黑醋汁更美味。雞翼亦有厚度，外圍薄脆，雞肉柔軟，還嚐到鮮美的肉汁。我一邊咀嚼，一邊感受誘人的香氣在嘴裡噴發，實在好吃，讓人意猶未盡。手作炸軟殼蟹米紙卷裡頭包著大量生菜，青瓜，蘿蔔，炸軟殼蟹和檬粉，好吃的關鍵在於米紙跟餡料比例非常和諧，每樣食材表現突出。酥脆的軟殼蟹配上厚薄適中，帶點煙韌的米紙，沾上魚露醋汁吃，味道一流。火五火車頭牛肉粉豐盛的一碗，主要以扎肉，牛丸，熟牛肉和生牛肉組成，當然湯底亦是牛骨熬成。牛骨湯頭入口鮮甜清爽，生牛肉粉嫩不乾柴，熟牛肉煮得軟嫩，扎肉挺有咬感，牛丸極具彈性，深得朋友歡心。凍鹹檸梳打和凍越式香滑濃咖啡均不賴，尤其是凍越式香滑濃咖啡，朋友說跟她在越南跟的一模一樣，散發獨樹一格的咖啡香，濃醇滑口。凍鹹檸梳打爽感彭湃，集鹹，酸，甜於一身，開胃又解膩。…查看更多

今日收工同老婆去左太子食越南野，啲野食平得黎又夠份量，味道仲唔錯！枱上擺放左唔同既調味料。椰汁冰，有椰子肉既椰子水，清清甜甜幾好飲！香茅豬頸肉，夠味唔洗點醬，唔韌夠哂爽口。黃金脆魚皮，即炸魚皮加上咸蛋醬，少少咸脆卜卜。炸軟殼蟹米紙卷，炸軟殼蟹本身比較油，但夾喺米紙卷一啲唔油膩，點埋甜酸汁更好味。黑醋汁蒜蓉牛油雞翼，外皮炸到好香口，再加上蒜蓉調味同黑醋既少少酸味，幾特別！法式咖哩牛肋油香飯，好大碗既咖哩飯，法式咖哩唔喺成日食，牛肋肉又好腍，唔錯。火車頭牛肉河粉，湯底好甜好香，河粉夠爽口。…查看更多

搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，個清雞湯可以飲埋佢，花膠雖然好似好細塊但好爽口味道唔錯，雞肉塊中規中矩，整體係個唔錯既健康既選擇！香茅豬頸肉撈檬，一個字：大份同足料！配料多之餘檬粉亦好多，仲可以免費加底添，堅食到爆！豬頸肉切到bite size 好方便食，味道岩岩好唔會太咸。小食：火五特式鳳爪，叫得店名既招牌菜式一定要試下，好好味既無骨鳳爪，開胃一流！意大利黑醋汁蒜蓉牛油雞翼，即叫即炸熱辣辣，味道層次好豐富，外面酸酸既黑醋汁，加入面既蒜香同牛油香，好好味🤤最後招牌小食拼盤，賣相靚之餘介要好好食，最好食既一定係香草大蝦同米紙卷，雖然$138好似有d 貴，但其實有6款小食仲要樣樣都好食，唯一係木瓜沙律唔夠辣。最後叫左凍青檸梳打同椰汁冰，台式飲品既size 好大杯好抵飲，亦唔會太甜，椰汁冰仲要有椰果肉，出色！總而言之係一間性價比好高既越南餐廳，正！搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，個清雞湯可以飲埋佢，花膠雖然好似好細塊但好爽口味道唔錯，雞肉塊中規中矩，整體係個唔錯既健康既選擇！香茅豬頸肉撈檬，一個字：大份同足料！配料多之餘檬粉亦好多，仲可以免費加底添，堅食到爆！豬頸肉切到bite size 好方便食，味道岩岩好唔會太咸。小食：火五特式鳳爪，叫得店名既招牌菜式一定要試下，好好味既無骨鳳爪，開胃一流！意大利黑醋汁蒜蓉牛油雞翼，即叫即炸熱辣辣，味道層次好豐富，外面酸酸既黑醋汁，加入面既蒜香同牛油香，好好味🤤最後招牌小食拼盤，賣相靚之餘介要好好食，最好食既一定係香草大蝦同米紙卷，雖然$138好似有d 貴，但其實有6款小食仲要樣樣都好食，唯一係木瓜沙律唔夠辣。最後叫左凍青檸梳打同椰汁冰，台式飲品既size 好大杯好抵飲，亦唔會太甜，椰汁冰仲要有椰果肉，出色！總而言之係一間性價比好高既越南餐廳，正！…查看更多