Outdark (H8)

營業中

休息中

係尖沙咀最多美食既厚福街H8 十七樓正宗韓國味道更多一份創新感覺整體環境偏黑但有大量燈光佈置好有氣氛廚師及店員都係韓國人 可用英文溝通冇問題菜式地道份量又大即使平日都一早滿座唔想嚟到先排隊記得要訂位!門口屏風係用左多年嚟客人掛上既情侶鎖重回舊地搵返自已當年寫上既心意別有滋味樓梯邊更有部免費任影既相機台無論情侶或一大班朋友都可開心記錄呢一刻忌廉海鮮炒年糕 $328整個份量比預想的大而且足料地道韓式既芝士爐邊燒及紫菜飯一直加熱到理想焦香如果有叫炸雞薯條更可沾上多重芝士醬別有風味爐中間的熱辣忌廉更係萬用既調味醬任何炸物或辣菜係熱忌廉既中和下成為療愈既Comfort Food大量魚糕、海鮮及年糕吸收晒忌廉既奶香變得十分柔和順滑最後真係差D忍唔住問佢地可否加忌廉汁XD甜辣炸雞薯條 半份$138每一塊無骨既炸雞外皮都十分蘇脆新鮮炸出嚟每一口都爆汁包裹住甜辣醬亦令胃口大開仲有大量已調味既薯條及薯角岩晒香港人口味海鮮蔥煎餅 $138用左大量青椒代替餅底既超健康食品面層鋪上大量海鮮及超薄的煎餅粉再加上惹味既醬油令整個煎餅不單調想食韓國煎餅又怕肥既最佳選擇

餐廳走黑色風格路線，天花垂吊星星燈飾點綴，令環境有情調。餐廳食品都係由韓國店主自己設計，由韓國人烹調，充滿韓國風味。餐牌上既每款食物都好吸引。忌廉海鮮炒年糕($328)，配上炸大魷魚。店員會幫手剪開魷魚，方便享用。魷魚超酥脆，肉彈牙，炸粉唔厚。忌廉唔會覺得膩，拌炒蔬菜、蝦仁、帶子粒，美味。鐵爐邊有紫菜飯，麻油味香。拉絲芝士充滿鹹香味。另外有小香腸、泡菜附送。烤豬梅頭肉($198)，揀左鹽味。以鐵板送上，熱辣辣。豬肉厚切油脂豐富，超多汁。底部燒烘左金菇、洋蔥等，吸盡肉汁，仲有青瓜泡菜添。加配左腸仔年糕串，淋上甜辣醬，炸烤過，完全係韓國小食。飲品叫左藍檸檬梳打，熱情果梳打。2杯飲品都唔會太甜，仲有d啫喱/蒟蒻係底，增加口感。另外有酒提供添。整體，食完好似去左韓國咁，地道韓國菜。尤其口味唔會過重，食完唔會口渴。而食物即叫即整，所以要預時間等候食物。如果多人食，就可以試多d款。等候位置，有彩色鎖扣牆身，仲有免費打卡影相機玩添。無論情侶定朋友聚會，都非常適合。

和朋友次次來都係食海鮮熱盤，炸雞雖然好味，但次次都係二揀一之下，最終都係揀海鮮熱盤！主要係真心覺得好食，出面地方食唔到。店內環境浪漫抬頭星夜滿天，場景令人放鬆心情食得痛快，加上韓食美味價錢合理，地方闊落和三五知己飯局都係理想之選。忌廉海鮮炒年糕 $328次次食原祖甜辣味，今天試下忌廉味，原來都幾好食，醬汁甜美無甜辣嗰種霸味，反而突顯各種食材原味。配料超大盆火爐燒住熱食好好食，有原條炸魷魚彈牙鮮美、年糕煙韌煙韌、魚糕軟彈、蝦仁細細粒、小蜆好鮮美，和今次仲有爽彈的黑木耳超正呀！爐邊仲有紫菜飯、菠蘿粒和泡菜，配料非常豐富，一盆好夠飽，實在超抵食。Blueberry Smoothie $45 飲落藍莓味特別濃郁，加上乳酸味道酸甜，有少許藍莓碎，好飲。Strawberry Smoothie $45比藍莓口感更滑，绵密奶昔口感，士多啤梨味都好突出，甜度適中好飲。

餐廳光線比較暗，有些星星月亮吊燈⭐️🌙，抬起頭看著吊燈用餐，很有情調！加上有鐵網掛上情侶鎖，更添浪漫氣氛，不論朋友聚餐👭或是約會👫都十分適合！♡忌廉海鮮炒年糕$328 🥢必點🥢超級豐富🤗一個鍋就可以吃到多款食物！鍋中間部分有年糕、魚糕、蜆肉、蝦🦐、炸魷魚酥、蔬菜，用上特別調製的奶油忌廉汁。而旁邊有芝麻紫菜飯、菠蘿、泡菜和粟米芝士醬🌽🧀。菠蘿🍍清新解膩，而芝士醬用的是車打水牛芝士，濃郁芝士味🧀拉絲，超級邪惡😈配合食物一起吃好正！✨️特別要推介炸魷魚酥🦑和魚糕！炸魷魚酥炸得很香脆，雖然是炸的，但不會感覺油膩，而且不厚粉。而魚糕本來我以為是腐皮，但吃下去竟然是魚味🐟，口感和味道都很特別！💕職員上菜後，會先把整隻炸魷魚剪成小件，方便我們進食🦑🔪很貼心呢～♡烤牛肉炒粉絲$98有紅椒、青椒🫑、木耳、蘿蔔🥕、粟米🌽，絕不單調！粉絲上面還灑上芝麻粒，用香濃的麻油把配料和韓國粉絲炒拌，而韓國粉絲比起平時吃的粉絲較為粗身，吃下去更有口感～♡🍓Strawberry Smoothie$45 🥢必點🥢好喝👍🍓草莓味香濃，不會太甜，乳酪口感幼滑，冰涼透心❄️配上韓式食品一流！