廣島牡蠣

🎈記得宮崎駿的《千與千尋》上映的時候風靡一時，戲中的無臉男相信睇過的人都一定記得佢。而熊妹發現近期無臉男竟然出沒於尖吵咀地帶，為《和道屋》居酒屋守著門口，要小心翼翼經過佢之後，上幾層樓梯就到餐廳樓上雅座。行過時都真係心驚驚，怕俾佢吃掉嘛😆。📌上到餐廳，環境都幾大，用上木枱木凳，牆身畫滿了五顏六色的日本風情畫🖼，再配合柔和的燈光💡形成典型的居酒屋風格。📌仲有一個個包廂卡位，需要除鞋進去內座，脫下鞋子🥿，又可以舒緩一下一天腳步的疲勞，就正正是居酒屋想讓客人到來休憩放鬆的原意。📌《和道屋》除了無臉男在門口坐陣之外，近期推出的「和食半放題90分鐘」都係非常熱門💥，自從阿豬媽同熊妹月頭係日本回港之後，阿豬媽一直嚷住掛住日本美食，今日熊妹就帶阿豬媽黎大吃大喝一番。📌「和食半放題90分鐘」星期一至日都有得食，中午12點開門，最遲1:30入座，因為3:00至6:00係落場時間，之後晚市時段就係六點至九點。和食半放題90分鐘午巿：$268/位晚巿：$388/位任飲啤酒、無酒精飲品，加$68/位1️⃣首先，每一位客人會奉送一客和風沙律🥗，然後一枱一客日本直送刺身塔，如果加$88就可以升級為香蔥拖羅火山配秘製搾柚子汁。跟住就揀選生燒即做串燒、料理或者天婦羅，每人五款。2️⃣然後，飯食有多款任食手握壽司。3️⃣主食當然唔少得主題的壽喜燒啦！配料包括日本A4和牛、北海道豚、廣島牡蠣壽喜燒，湯底可選壽喜燒或者日式豆乳豚骨湯湯底。4️⃣當中野菜盤係任食嘅，午市每款配料就可以追加一次，晚市就可以任食。5️⃣仲有溫泉蛋稻庭烏冬同埋溫泉蛋紫菜飯係任食的。6️⃣最後，飯後甜品係每一位客人一球雪糕球。日本直送刺身塔一坐刺身塔用上三文魚、吞拿魚、魷魚、帶子等等各款嘅刺身砌成一座塔嘅模樣，望落去以為份量好少，當逐片拆開刺身，發現塔嘅內部，原來包含了好多吞拿魚蓉，口感好新鮮，入口即溶，呢份刺身塔仲要係送嘅絕對係抵食，可惜無得encore🥲！香蔥拖羅火山配秘製搾柚子汁拖羅火山，面頭鋪滿一片片拖羅，內裡充滿吞拿魚蓉，成份拖羅火山浸滿柚子汁，食落好清甜，吞拿魚蓉入口溶化，《和道屋》用上嘅吞拿魚同拖羅絕對係高質貨色。日產串燒：鹽燒和牛粒一串有三粒，和牛🐮燒到熟透但唔鞋口，灑上少許鹽粉已經好出和牛嘅味道！明太子雞腿串雞腿肉燒到面頭有脆皮，雞肉好嫩滑，面頭唧上明太子醬，味道帶點辣嘅明太子醬同本身淡味的雞肉配撘好夾！焦糖菠蘿x2菠蘿有三粒🍍，面頭灑上砂糖去燒，變成焦糖，焦糖造成嘅脆面脆卜卜，連埋菠蘿一齊食，酸酸甜甜非常解膩！日產料理：甲羅燒甲羅燒蟹膏醬🦀塗上跟上的兩塊白多士🥯，就咁塗上無味的白多士上面可以啖啖食出濃味蟹膏嘅鮮味，真係大滿足！多春魚一份有兩條🐟，煎烤到面頭香脆，鹹鹹地好夠味！鹽燒三文魚頭一份三文魚頭🐠都有兩件，魚頭魚鰭位有少許三文魚肉，主要係想選三文魚骨同埋油脂位位，食落嘅椒鹽同埋三文魚油混合，吸盡三文魚嘅精華！土佐豆腐土佐豆腐🍞係近期熱門嘅日本小食，面頭用上木魚絲落去油炸，所以造成外脆內嫩嘅口感，再點上醬汁，係一款非常特別嘅豆腐食法！炸芝士年糕大大個芝士年糕波，炸起的年糕質感軟糯，咬落去仲會必出淡淡嘅芝士醬🧀，從來炸芝士年糕係可以令人食到幸福滿滿的！吉列廣島蠔面頭鋪滿麵包糠用上吉列嘅炸法變到好酥脆，咬入去廣島蠔🦪嘅蠔汁泌了出來，絕對需要趁熱食！任食手握壽司加州卷、三文魚、火炙三文魚、香蔥吞拿魚蓉、八爪魚、海膽魷魚、明太子沙律各點了一款，好驚喜地每款壽司用上醬油製造，唔需要點豉油，直接食都好夠醬油味道！其中，海膽魷魚大為驚喜，爽口嘅魷魚粒面頭佈滿海膽醬，濃烈嘅海膽味道一啲都唔腥，配上爽口嘅魷魚🦑，滋味的海鮮味道相輔相成！壽喜燒食壽喜燒當然選擇壽喜燒汁湯底，甜甜地配和牛諗起都流晒口水🤤！配料有日本A4和牛、北海道豚同廣島牡蠣。日本A4和牛雪花❄️油脂分布平均，入口非常嫩滑！豚肉當然有脂肪位，薄切食落又唔會好油膩！廣島牡蠣🦪好肥美，煮滾後好鮮味，大大隻放入口，蠔汁爆出來，唔錯！任食野菜盤最鍾意食菜嘅熊妹同阿豬媽真係唔會放過任食野菜盤🥬！驚喜地有西洋菜、娃娃菜、白菇、冬菇、蘿蔔片等等，全部材料都好新鮮，用上壽喜燒汁煮野菜，甜甜地嘅味道更出蔬菜的鮮甜味！任食溫泉蛋稻庭烏冬任食溫泉蛋紫菜飯甜品 - 日本咖啡雪糕📌香港地，任食放題咁抵的價錢，食物高質素仲要係尖沙咀地段，環境裝潢充滿日式和風氣氛🎎，係真係好值得試一試，而且可以過來找無臉男打卡一下。…查看更多

和道屋 ❤️🍣🍲🇯🇵$388和食半放題（90分鐘）呢間日式和食半放題喺尖沙咀，壽喜燒除咗蔬菜之外，仲有三款食物可以無限追加（日本A4和牛、北海道米豚、廣島牡蠣🦪），每次可以叫五件師父即握壽司🍣，食完可以再追加。另外都可以任食溫泉蛋紫菜飯，同埋溫泉蛋稻庭烏冬。只上菜一次就分別係刺身，同埋另外自選5款（每人）即做串燒/料理/天婦羅。由於咁happy，所以我就追加咗$68，可以任飲啤酒或者冇酒精飲品。時間：星期一至日 任何時段環境：一入門口有千與千尋嘅無面人，基本上坐低點菜就得。✨刺身：三文魚、油甘魚、帶子、八爪魚、希靈魚佢啲刺身都幾新鮮，特別係個帶子好滑。三文魚油甘魚都唔錯。✨手握壽司🍣每次只可以叫五件，食完先可以追加。有11款口味嘅壽司，今次呢一輪就揀咗加州卷、青芥辣八爪魚、海膽魷魚、香蔥吞拿魚蓉，同埋三文魚壽司。壽司即叫即做，新鮮高質。天婦羅同埋串燒，總共只可以叫五件，不能追加！叫咗海白虎蝦天婦羅🍤、吉列廣島蠔、海膽大葉天婦羅、鹽燒和牛粒，同埋焦糖菠蘿🍍。天婦羅即叫即炸，海膽大葉天婦羅好特別，有淡淡海膽味，但係都有一啲香葉嘅味道。天婦羅蝦同埋蠔都新鮮好食。鹽燒和牛粒半生熟嘅和牛肉質幼嫩好食🤤，加入海鹽調味之後，有一種燒烤風味。我特別欣賞焦糖菠蘿，外面嗰層焦糖有啲食緊冰糖葫蘆嘅感覺，但係佢又係比較鬆脆入口即溶，因為有焦糖外殼，所以菠蘿嘅水份鎖住咗，外脆內嫩，真係幾好食可以當甜品。沙律菜都幾好食。由於追加咗$68任飲，所以我就叫咗唔同口味嘅冇酒精飲品嚟飲。戰鬥完一輪之後決定開始食壽喜燒。✨日本A4和牛、北海道米豚、廣島牡蠣🦪壽喜燒由於呢三款食物可以無限追加，我都叫咗大約三轉追加。欣賞佢個A4和牛，因為本身好鍾意食牛嘅，覺得佢好幼滑，而且好容易熟，非常有牛味。北海道米豚，肉質高質又切得好薄，放落壽喜燒好快就熟嘅好食。廣島牡蠣🦪，新鮮又大大隻，就算放落壽喜燒煮咗一陣，都不失佢嘅嫩滑。再叫多一次手握壽司，都係咁好食。食到最尾係有一個雪糕，可以揀芝麻或者綠茶味，咁我就揀咗綠茶啦！#和道屋 #尖沙咀美食 #串燒 #海膽 #居酒屋…查看更多

和道屋⛩️位於尖沙咀加連威老道46-48號恆隆銀行大廈地舖及閣樓，推出咗全新90分鐘壽喜燒半放題，壽司刺身串燒都有，仲要主打日本A4和牛、北海道米豚、廣島牡蠣😍高質又吸引，上到黎環境夠晒和風，個清酒櫃好吸睛🤞🏻放題開始⏰和風沙律清一清口腔先，時令刺身五切，三文魚、油甘魚、希靈魚、帆立貝、八爪魚，相當新鮮而帆立貝仲好甜😋師父即握壽司任食，賣相好靚，⼀口size，食得出既好功夫👍🏻火炙三文魚同火炙左口魚邊都燒到魚油好香，好味🥳香蔥吞拿魚蓉好足料好鮮，係滿足既感覺😇海膽魷魚濃味，紫菜好脆，正即叫即生燒既串燒，勁香勁大串🍢鹽燒和牛粒，牛味好濃，肉汁爆炸，燒得好好味🙌🏻明太子雞腿串，好好味既配搭，將燒雞肉層次提升😆千歲米豚腩片，燒得香脆惹味，依個時候加埋溫泉蛋紫菜飯食😮‍💨升天既感覺🪽海白虎蝦天婦羅，味道唔錯，甲羅燒好好味，蟹味係口入面停留好耐🥰主角壽喜燒，日本A4和牛任食，油花靚，牛味又濃，同壽喜燒湯都好夾🍲北海道米豚夠晒薄身，口感唔錯，廣島牡蠣驚喜，好濃既蠔味，推介！🫶🏻整體豐富到爆驚奇左真係樣樣都好味🤤仲要星期一至日任何時段都有得食，要黎朝下聖啦🏵️…查看更多