黑龍

營業中

休息中

有日冇嘢做諗住早啲食晚餐，17:45嚟到門口未開門，兜個圈準時返到嚟已經變咗要排隊，好彩都啱啱好入到座。 首先叫咗個黑龍豚骨拉麵，辣度揀咗正常。配料有叉燒、筍、蔥、洋蔥、紫菜。賣相非常平實，但個湯底非常有驚喜！偏杰身但未至於漿口，豬骨味好濃香之餘好鮮甜，重點係唔會越食越鹹，亦都唔覺得油膩，個辣醬亦都加咗啲層次感，係我近期食過最好味嘅豚骨湯底🥹 另外試咗個山椒辛味噌拉麵，呢個就重口味好多，麻嘅感覺明顯但唔會太辛苦或者搶，呢個就配粗身拉麵，更加有咬口。幾有特色，不過都係鍾意個傳統豬骨湯多啲 最後仲叫咗個明太子飯，同樣係賣相好平平無奇，但食落都幾有趣，啖啖飯都帶住明太子嘅鹹香味，一啲都唔腥，好快就爬晒碗飯😝平實風嘅小店，但出品有實力。絕對會再返嚟食豚骨拉麵！*****多quota評價：🤤爆quota都食(🤮<☹️<😐<😋<🤤)

又嚟到 #香港30間必食ramen 今次帶大家嚟到灣仔汕頭街 來自沖繩過江龍【黑龍】，2014年開業•由日本人開設嘅正宗拉麵店，鄰近灣仔地鐵站，路程大概2-3分鐘。店鋪門面以木系淨啡黑，襯托超大紅色燈籠，九丈里都睇到，非常eye catching !!.聽聞黑龍係香港頭4位人氣拉麵店，好彩當晚6點半去都未洗排隊，但店鋪已full house~ 眼見店內有不少外國人和日本人嚟食就知道幾咁人氣~.坐低用QR CODE 落單，見到做緊12限定優惠! 只要follow官方IG 可獲2粒免費章魚燒🐙即刻同好友一齊followed 獲得章魚燒4粒~___山椒辛味噌拉麵 $108【期間限定】 拉麵上枱，未食已聞到陣陣花椒味，食落會比較清香，麻中帶辣，辣得嚟有層次，嗜辣友必點！配上濃厚味噌湯頭，冬天食簡直暖笠笠。拉麵可選硬/普通/軟，食拉麵加加蔥花是王道。灸燒厚身叉燒啖啖肉，半熟玉子啱啱好，正正子～櫻海老沾麵（小200G) $98沾麵份量有大/小可選，可揀冷/熱湯揀咗冷湯，湯底不算厚身，但非常掛湯，夠鮮夠濃味，不錯~沾麵好似烏冬咁粗，但又比較有嚼口彈牙,nice! 叉燒會比山椒的薄身少少，肥瘦均勻，半