上海榮華川菜館

晚市黎食 叫左個二人餐 幾抵食酸辣湯 真心正 唔會太辣 係我地中意既偏酸好多料係入面 正 同埋好大兜😂 真才實料下次黎都會再叫個湯 😍小菜揀左2樣🟡韭黃鱔糊同醉雞 🐔個鱔糊好好送飯 清晒 🟡醉雞酒味比較濃 我地都中意🟡額外叫左個小籠包 有4 粒 開頭我地諗 看似皮厚 但食落完全唔厚 好多肉汁 啖啖肉我地會再黎食 下次試埋甜品 😋大家多多支持小店 係用心整的食品 btw 真係人人口味唔同+ 要求既服務態度都唔同 至少我覺得 唔係啲差評講到咁先囉 💪🏻 老闆加油…查看更多

今日放工想食上海嘢，於是一齊嚟到觀塘嘅上海榮華川菜館，餐廳係家庭式經營的傳統上海菜館，店內保留上海菜館的裝潢。今晚睇完餐牌，決定叫完二人餐再加擔擔麵同小籠包。糖醋排骨嘅味道微酸微甜，排骨口感鬆軟，仲有青椒同洋葱，配飯啱啱好！ 而回鍋肉食落惹味濃郁唔會太油膩，仲有豆瓣醬嘅香味， 用薄切嘅五花腩，炒起上黎相對好香口呢～仲有我鍾意嘅酸辣湯，入面有雲耳、豆腐、木耳絲、蛋花、仲有肉絲等，材料豐富之外，味道夠酸，我哋差唔多飲曬成碗呀～嚟到上海菜館點可以唔食擔擔麵同小籠包，呢到嘅擔擔麵，有香濃嘅嘅花生醬同麻醬嘅味道，湯底味道夠濃厚。而小籠包咬開就爆出鮮甜的湯汁～最後就係味道香甜嘅八寶茶，飲落清新得嚟又有甜味，有杞子、紅棗、菊花、茶葉同冰糖等，下次再嚟嘅時候都要再飲呢～…查看更多

小時候因為媽媽的朋友住裕民中心，所以會時常帶我們去附近行街食飯，今天我就帶媽媽過來懷緬一下過去，回到呢一區搵嘢食，見到這一間超過40年的懷舊上海菜館，入到去真係幾十年如一日，好像回到過去一樣！裝修舊式簡單且樸素，懷舊紙皮石地板，龍鳳雙喜筷子套，和小時候見到的上海菜館一模一樣，完全沒有被時代改變。入到去打開餐牌，封面設計懷舊勁有feel，食物種類繁多，好多食物都好想試下！有辣的京、川菜，亦有唔辣的傳統上海菜，例如肴肉、獅子頭、上海粗炒，而甜品就好想試紅糖糍粑，畢竟肚子位置有限，今次就叫個二人套餐試試先！二人套餐小菜選擇夠多，好多招牌菜式都可以揀！小籠包($48）食上海菜，最鍾意叫小籠包，一籠四隻，一啖一口有湯汁。二人套餐 - 兩款小菜和一個湯($258) 包兩個白飯 & 八寶茶或一款小菜、一個湯及一個小點($218) 包兩個白飯 & 八寶茶我們揀了小菜兩款的套餐。糖醋排骨(二人套餐)糖醋汁香濃開胃，啱晒小朋友，醋味出眾，排骨是類似豬扒那一種沒有骨，加上大量洋蔥青椒，酸酸甜甜特別開胃，送飯之選！銀芽鱔糊(二人套餐 另+$33）揀了媽媽喜愛吃的銀芽鱔糊，份量都很足，上枱熱辣辣，銀芽爽口加上濃油赤醬，鱔唔會有腥味，撈飯絕對一流！雲吞雞(二人套餐 另+$40）用煲仔上枱熱辣辣，三大粒菜肉雲吞，雞髀肉煲到好霖，仲有金華火腿粒，湯頭香濃！八寶茶有驚喜必試！用懷舊中式杯上枱特別有情懷，第一次飲覺得香甜好飲，消除油膩感，非常足料有紅棗、菊花、桂圓、杞子、陳皮，養生滋潤。食物 : ⭐️⭐️⭐️⭐食物種類繁多，吃的是懷舊情懷及人情味，而且是小店一家上下的用心經營，這種老區小店買少見少，實在難得，應該支持!環境：雖然位置不多，晚市需要排隊，格局係舊式冰室卡座，牆上掛了很多舊日觀塘的彩繪，充滿懷舊的味道總結：經過可以帶爸爸媽媽過來試試，重拾一下情懷！下次希望有機會試吓佢哋一些川菜菜式，例如溜肥腸、辣子雞丁! …查看更多

有多年歷史的上海餐館，好多年前有黎食過，但平時觀塘開飯會響工業區覓食，都遺忘左呢間餐館。裝潢舊式但保持得光鮮企理，餐牌上好多食物都吸引，醉雞，回鍋肉，紅酒牛腩，糖醋骨，口水雞，九王鱔糊，豆沙窩餅，紅糖糍粑…不過兩個人食唔到咁多，唯有下次再拉隊黎食！① 小籠包 $48食上海菜一定要食小籠包，呢個小籠包都幾足料，不過夾起果陣唔小心整穿左，飲唔到湯汁….② 二人套餐 $258湯一款，小菜兩款，白飯及八寶茶蒜泥白玉雖然份量望落唔多，但真係好好味！蒜泥個味正過譚仔，用黎撈飯一流。時菜獅子頭兩個獅子頭好大粒，內裡嫩滑，個茨汁唔會太濃味，而且菜底好多，加埋兩隻冬菇，都唔錯。雲呑雞（另加$40）個湯好清甜，仲有四粒大雲呑，好多雞件，好足料！雞肉望落好似有啲老，但食落唔算柴。八寶茶清甜好飲，感覺消暑，可惜餐廳無提供加水，好想瘋狂添飲呢！…查看更多

其實間舖個位置真係好難搵，亦都唔係近啲咩地鐵站同埋車站，真係要好刻意想食先至會行條斜路上到嚟。不過，我覺得都好值得嚟，因為香港真係好少仲有呢啲咁舊式嘅茶記冰室樣唔知係咪因為冬天呢，舖頭冇開冷氣，不過都好夠涼如果真係食唔慣個環境都冇辦法，不過我覺得呢啲係香港特色雖然係食上海菜，但係店員好早就拎咗碗筷同埋熱水俾我哋洗，感覺好似去咗酒樓咁上海湯麵就好似濕水版嘅上海粗炒咁，不過不失啦水餃湯麵有四隻水餃，皮又薄又大粒小籠包個樣其實唔係好靚，但係真係好好食同埋佢個形狀關係，佢大粒過出邊嗰啲好多八寶茶價錢唔平㗎，都成$25一杯，但個賣相真係好好，仲要勁足料，同埋冬天飲真係好正，雖然貴啲但係我覺得好值得試！！！可惜得咁細杯…查看更多

鱔糊粗炒 $71之前喺其他店食過成碟鱔糊得三四條鱔絲，但係榮華川就做得好足料，本身上海麵好吸油，所以好多地方都炒到好油，但呢兩個最大容易發生嘅問題榮華川都無，食到連d汁都清埋，真係整得好好食🤤.小籠包 $32小籠包皮比較厚，夾嘅時候無咩壓力唔洗好驚佢穿左會漏汁，肉既調味就同其他店比較有少少唔同，所以味道有d特別唔多慣 ，不過個湯汁好好飲，整體黎講一般～.擔擔鍋麵 $68擔擔麵隻味唔似平時食開辣辣哋嗰隻，反而個酸味重d🤔.總結，大推大家可以試鱔糊粗炒好好食😍小籠包肉普通但湯好飲，平均黎講一般，而佢擔擔麵隻味同出面好多間都唔同，味道偏酸又唔辣～…查看更多

觀塘街市附近有間上海和四川菜混搭的餐館，已有40多年的歷史，更加曾經勇奪兩年米知蓮星級指南。重點係餐廳是重藍地帶的一點黃💛，請大家多多支持，唔好忘記要堅持黃色經濟圈！.📍小籠包🥢小籠包新鮮出籠，不斷散發熱騰騰的蒸氣😍，小籠包皮透薄，甚至可以在光線下看見皮下的湯汁，湯汁多，而且調味剛好。價錢又相當合理，親民價。還有，只要Like👍🏻+打卡🗺，小籠包就可以免費由六粒升級至八粒啦！.📍紅油抄手紅油抄手皮薄入口細滑，饀料用了豬肉及菜，抄手份量不少。雖然紅油看似豉油，但味道帶微辣🔥。.📍螞蟻上樹螞蟻上樹是草根妹妹男友最愛川菜之一，材料不多，主要以肉碎和粉絲為主，不過味道突出，惹味又帶辣。.📍回鍋肉最後，點了一個重口味小菜配飯吃。回鍋肉炒椰菜整體上比較油膩，少吃一點更健康。…查看更多

限聚令仍然生效期間，小店地方細小也盡量根據規限分隔座位。很欣賞店鋪職員分工合作，各施其職崗，相信是為免職崗重疊、交叉感染的防禦措施🙂熱辣辣的小籠包雖然皮有d厚，但味道一流，肉汁相當清甜😋然後來一碟上海粗炒，溫暖而偏咸，口感略帶粗「鞋」，感覺一般。再來是擔擔麵，只有花生與青葱點綴，有醋酸味，和略帶微辣，整體味道尚好🙂 但小編有疑惑：傳統的擔擔麵真正的做法是否如此？比較過香港的不同上海小店老字號，味道做法各有千秋，而性價比上，整體價錢中上。有趣的是，此小店掛了不少日藉居港插畫師Mango的作品，不少並未印刷為市面發售的產品，卻記錄了舊觀塘街景，那已不復存的美。😊…查看更多

觀塘發現老字號上海菜✨一個人放左工起觀塘唔知食咩好想食上海野 所以openrice到呢間老字號😛裝修好懷舊 有一種濃濃嘅舊香港情懷感覺好似返左去舊時甘🔸 花雕醉雞 $79🔸 小籠包 (四隻)🔸 八寶茶第一樣上枱嘅係花雕醉雞 超香花雕酒味最正嘅係雞件已經去唒骨 食落超方便呀👍🏻雞件索唒啲花雕酒味 又嫩滑雞胸位置也嫩嫩的 不錯呀👍🏻小籠包隨即上枱 熱辣辣岀唒煙黎到上海菜館當然要食小籠包啦😛皮比較厚 不過充滿肉汁 咬落好香肉味值得一讚呀 一個人輕易地啖唒四粒了😂最後飲左即焗嘅八寶茶 有菊花、紅棗、杞子等等 好順喉好舒服😌🍽 上海榮華川菜館🔎 觀塘崇仁街15號地下…查看更多

觀塘區美食花多眼亂，今次揀左一間逾40年歷史嘅上海餐館試下。推開落地玻璃門，你會覺得好似時光倒流咁返左去以前嘅年代，牆上掛住寫上菜名嘅木牌，一磚一塊都有懷舊嘅感覺，幾特別我同朋友兩個人揀左一個二人套餐，套餐包左兩個小菜、一個湯羹、二碗白飯同二杯八寶茶。湯羹方面，我地揀左個清清地嘅粟米羹，一上個粟米羹，我同朋友都講左句：「好有家嘅感覺～」，因為個粟米羹好似係屋企煲個啲我好鍾意佢嘅粟米粒夠多，如果煲得「杰」啲就更加好。Menu上面寫有「招」字嘅菜式係佢地嘅招牌菜式，我地揀左其中兩個，回鍋肉同時菜獅子頭呢到嘅回鍋肉味道偏甜，一般出面食嘅都係偏咸，但又無諗過原來甜同辣配搭出黎嘅回鍋肉又幾好食出面食嘅回鍋肉多數得幾塊肉，但呢到菜同肉都好多，正價比高，十分推薦時菜獅子頭都值得推薦，首先，兩個獅子頭好鬆軟，我幾鍾意，因為唔似其他餐廳咁落好多生粉個種質感。另外，餐廳用左娃娃菜去代替常用嘅小棠菜，啲菜幾焾，食落仲好甜，我地最後清哂啲菜，有幾可我呢個食肉獸覺得啲菜仲吸引過啲肉每次食上海野，我都會叫小籠包，雖然個二人餐份量已經好多，但係今次都無例外，額外叫多左一客小籠包（六隻)。小籠包皮簿餡靚，隻隻都有肉汁，食完好滿足最後，侍應上左跟餐嘅兩杯八寶茶，呢到嘅八寶茶甜度啱啱好，正好中和左頭先食回鍋肉同獅子頭嘅膩，好match! 而且八寶茶用茶盅上，飲嘅時候更加有feel總括而言，呢間餐廳味道好，正價比高，值得推薦:)…查看更多

為咗個考試，呀女瘦咗幾磅，一於同佢去食餐飯，慰勞下佢啦。今日要觀塘做野，仲要OT，所以唯有請老婆 Lunch 接埋呀女係呢頭食個有餸食啦⋯⋯呢間舖做上海菜，舖面就係舊式上海餐館格調，有種平民化既感覺。之前食「上海媽媽個媽媽」係裝修靚啲既，但就係冇果種......老上海既感覺。一入到去，有種懷念，就好似細蚊仔時，樓下間上海鋪一樣。家陣賣少見少啦⋯⋯講返食物啦⋯⋯餐牌上，都係老上海既菜式，獅子頭，津白，九王鱔糊。一家人，叫了個二人套餐，加多個小籠包，夠晒飽。先講講個獅子頭，肉質嫩，唔粗嚡，個汁都好正好香濃。蝦仁炒蛋：蛋滑唔在講，蝦仁食落都好有肉感，又唔似雪藏蝦。粟米湯羹，不過不失啦小籠包皮唔厚，多肉汁，呀女好鍾意…查看更多

最近Office搬咗嚟觀塘咁就梗係要喺附近睇吓有咩好食啦睇咗一輪OpenRice就揀咗依間餐廳見佢有米之蓮推介仲有我哋最鍾意嘅小籠包！餐廳有返咁上下歷史，咁點都要試試嘅～～我哋叫咗個二人套餐可以咩都試啲另外再加左一個小籠包小菜方面我哋揀咗糖醋排骨同埋時菜獅子頭個獅子頭真係好好食！有驚喜✨✨✨✨以往我對獅子頭嘅印象就係一舊好硬又咸又實嘅肉丸但係佢哋依度嘅獅子頭：大粒得黎，入面啲肉竟然係超級柔軟🤤🤤🤤🤤🤤而且味道淡淡地，配埋出邊啲茨汁同埋菜餸飯一流！我哋兩個都有讚冇彈👍🏼另外糖醋排骨都幾好味唔算太多骨咬落去肉幾爽～甜甜酸酸夠開胃，配埋啲青椒，洋蔥～正呀☺️☺️☺️豆腐青菜湯好多料，好多豆腐！ 仲有少少菇清清地, 唔錯唔錯 又可以暖下胃，份量都多，每人可以有兩碗幾佢哋個小籠包都幾好食每一隻都好多湯即叫即蒸如果like埋Facebook就可以有多兩隻😳😳😳😳😳如果我住附近真係得閒落嚟食個下午茶/點心叫個小籠包都夠晒開心🔥🔥🔥🔥超級滿足食完正餐每人仲有一杯八寶茶有菊花紅棗同埋其他…查看更多

古味既裝修，傳統既上海店今日在呢間充滿中國傳統風味嘅上海店食晚飯我地叫左二人餐 首先上既係粟米羹 份量非常大碗 好足料 一撈起係粒粒粟米 每一啖都咬到好多粟米 好香又之餘不乏口感另外仲落左d蔥花 令到湯既味道感覺更香！之後就到另外叫既小籠包出場 一籠有六隻 熱辣辣 可惜咬落去比想像粗少湯汁 而頂皮稍嫌厚左啲 另外仲有兩隻未夾就穿左 漏哂啲湯出黎醉雞一黎到我地已經聞到有好強花雕味 花雕滲哂入d雞肉 好入味 肉質都好鮮嫩不過酒量差既人 真係要小心醉值得一提係醉雞去哂骨 可以一啖食落去 好滿足！二人餐仲包兩杯八寶茶 我好鍾意隻杯啊一打開就見到好多材料 我識嘅有杞子紅棗菊花 等等 第一啖入口係好強既菊花味 甜甜地 之後有陣果味 同埋最後有d甘香…查看更多

好耐之前來過，印象最深刻是「八寶茶」，是晚想回味一下.......門面依舊，但內裡的座位變了，以前多數是圓枱，現在大多是二人枱、四人枱等，方便交談。我們點了「二人套餐」，這樣就可食不同類別的食物了 ^_^酸辣湯，材料豐富，酸辣開胃 銀芽鱔糊，要另加 $25，我最愛吃芽菜的，所以這道菜正合我心意 白飯轉小擔擔麵，要另加 $15，但份量太少了。我們點小小辣，很惹味！小籠包，皮薄、味鮮、汁多，好好味 最後飲杯八寶茶，解油膩、幫助消化，甜甜地，味道不錯！二人套餐：銀芽鱔糊、酸辣湯及小籠包。…查看更多

觀塘食肆林立，但近巧明街嘅餐廳偏向西餐，食個Lunch價錢幾乎過百。想要食平啲，試小店老味道，就要行遠少少去牛頭角/祟仁街街市個邊！Lunch跟住觀塘地膽同事，去祟仁街揾米芝蓮級上海菜老店穿過街市再爬上斜坡，終於見到銅字招牌，餐廳門面係舊式裝修，唔起眼嘅小店往往都可以尋到寶外面易拉架大大隻字寫住「學生餐$32」，學生好抵食！店入面同樣裝潢簡單懷舊，牆上有木牌寫嘅菜式名、香港黑白色舊相、仲有啲手繪畫。睇牆上資料先知，原來小店由1975開業，已經超過40年歷史，裝修應該冇大改動，仍然保留住上海老店風味菜式選擇唔算多，午餐嘅「客飯」即係Lunch set，價錢都係40-50左右，一飯一餸一例湯，另加+25有小籠包4隻，都叫經濟實惠餐具似茶樓碗筷，一坐底就會比杯水，餐具同一碗用嚟洗餐具嘅水。除咗酒樓，真係得返好少地方會咁貼心，預咗比水再洗下啲碗筷。簡單清清地，叫咗三個客飯，一齊share試味碗飯好大，保證食得飽！是日例湯：西洋菜湯，味道清淡，味精唔重。蝦仁炒蛋係即炒，上枱時熱辣辣，好香蛋味。炒蛋十分滑溜，唔會炒到過熟散開一粒粒~蝦仁都掛住係蛋上面，可以一齊食到，平時係餐廳見到個啲都係蝦還蝦，蛋還蛋，好少可以做到二合為一咁食。蝦肉爽脆，啱啱好熟，份量都唔少，有5-6隻蝦夾係蛋入面銀芽炒肉絲，肉絲份量比較少，幾乎大部分都係銀芽芽菜爽甜，好有鑊氣，賣相看似清淡，但其實入囗惹味，味道調得好好三個菜入面，依個最好食，有驚喜！見隔離枱有三個學生同時叫炒粉絲，問咗店員先知依個叫螞蟻上樹，即係肉碎炒粉絲。色水好濃，有啲豉油王炸麵嘅感覺粉絲幼細，好易就拉斷，囗感幾煙韌。醬油味比較重，用嚟送飯食都唔錯。不過我都係鍾意韓式粉絲多啲，唔會斷開細細條同埋夠韌。壓軸小籠包，加$25有4隻，性價比都算平。好欣賞佢籠底放兩片椰菜，可以防止小籠包痴底，唔駛驚夾起個陣整穿個皮，保住啲肉汁喺入面上菜時，店員就已經提示要襯熱食！個皮都算簿，咬咗一細啖已經有肉汁湧出。成粒放入囗，真係會係爆出肉汁！肉味香甜，果然皮薄餡靚難怪同事話係必食觀塘近年搞重建，小店真係買少見少，舊日情懷，傳統味道之後都唔知再食唔食到。我地食到1:30左右，店入面嘅人已經所剩無幾，一方面諗可以包場，如果大家去食可以揀依啲時候，唔洗驚等位。另一方面諗，小店前面有地盤，附近好多店都搬/執，唔知可以撐到幾時呢？整體味道不錯，性價比高，難怪兩年入選米芝蓮，實至名歸強烈推薦小籠包…查看更多