老長沙湘菜館

營業中

休息中

環境4分：做房為主，私隱度極高，可以畀四分。衛生4分：Ｄ枱面有枱布，衛生一樣畀四分。服務5分： 服務員爽手唔囉唆，效率高，態度好，畀滿分。味道5分：1) 小炒黃牛肉BB辣都夠辣，可以送飯，牛肉砌到細細粒容易食，食落都唔un，同芫茜一齊炒好野味，睇落小小一碟但食落份量都非常足夠。2)  乾煸四季豆炒到唔係全熟，爽爽地唔淋，非常新鮮。3)  大盤有機花菜都可以送飯，Ｄ菜好脆，夾住Ｄ肥豬肉非常野味，木桶上特別有feel。抵食5分：平均每人兩百幾蚊三個餸又有肉又有菜，仲飲埋啤酒，好飽肚，抵食絕對值五分。

湘菜亦且係湖南菜，以辣較為常見既菜式，我都係第一次試。話哂我對食辣都頗有研究，而且我特別享受，最鍾意果種刺激既快感，每秒幾萬SHU既辣度，瞬間係我口腔裡面燃燒，呢種感覺，真係唔簡單。👇🏻📌精 品 小 炒 - ▪️ 小 炒 黃 牛 肉 - $168▫️ 先黎一道「小炒黃牛肉」，淨係睇賣相都知有幾猛料，大量青尖椒、紅尖椒，一入口已經想噴火，牛肉肉質嫩滑，調味岩岩好，香濃得黎唔會太鹹，鍾意食辣既話一定爽到爆！▪️ 平 煱 千 葉 豆 腐 - $138▫️ 另外呢個「平煱千葉豆腐」又係人氣招牌菜，一大個平煱裝住青尖椒、紅尖椒、豬肉、蒜頭、洋蔥、千葉豆腐，師傅炒得非常夠功架，一上枱就滿滿鑊氣；最鍾意佢個千葉豆腐，口感煙韌好有咬口，整體送酒一流，好食。▪️ 農家窩窩頭 - $68/8個▫️ 最後一定要試試佢地經典湖南菜「農家窩窩頭」，窩窩頭睇落好似個饅頭咁，實則裡面係空心，比你連埋冬菜、青尖椒、紅尖椒，一齊食，口感軟綿得黎仲食到個種鹹鮮味，好特別。