樂天皇朝 (利舞臺廣場)

營業中

休息中

我們於18/7（五）約下午五時入席。樓面並不多侍應，一坐下已奉上普洱茶和小菜（炆花生🥜及3粒栗子🌰），不過小菜過淋，但就好入味，些微咸。我們叫了8個菜式。❶特式皇朝小籠包（$148）：有8粒不同的小籠包，對我來說其實差唔多味道😅，川味都不算辣，可接受範圍。❷花蔬蒸餃（$72）：有6粒，味少許硬，入面是蔬菜及粉絲。❸菜肉雲吞豬骨湯（$65）：有6粒，豬骨湯味道不濃，肉餡多，鮮甜可口。❹雪菜鹹肉炒年糕（$95）：鹹肉只有5塊，年糕是薄片的，加上雪菜就入味。❺鮑魚炒飯（$128）：面頭有一粒鮑魚，濃油赤醬，油潤卻不膩，恰到好處。 ❻酒釀芋圓（$43）：芋圓Q彈有嚼勁，但冇特別味道。❼宮廷驢打滾（$52）：凍凍的驢打滾更彈牙❽蒜茸清炒菠菜（$80）：翠綠欲滴的菠菜，油潤光澤吃下去卻是爽口，口感特別。小插曲：當我們食到差唔多，便叫了年輕女侍應可以上甜品，但佢可能忘記了🥲，所以我們又等待了一陣子。後來另一個較年長的女侍應問我們是否吃得差不多，我們話等緊甜品，佢話幫我們催一下🫩之後，男經理又走過來話因為我們「㩒」了後上，所以先未到🙄🙄。（男經理做法大可不必❗️客人感官上會覺得你哋推卸責任，雖然我們「㩒

丫妹今晚請食飯, 選址利舞臺廣場原座新搬舖嘅「樂天皇朝」, 再一次品嚐餐廳別具特色、多種口味嘅小籠包。餐廳企理光鮮, 店員有禮, 招呼周到。丫妹拍板order了幾菜式share。【芝麻醬油麥菜】HK$72冷盤油麥菜整齊被卷起, 以薄切青瓜片固定, 口感爽口清新, 配有芝麻醬沾點, 提升味道。【蘿蔔絲酥餅】HK$52酥餅外層超鬆化, 內裡釀滿了清甜多汁的蘿蔔絲, 頗有層次。【竹炭流沙包】HK$48流沙包質感鬆軟, 一咬流沙湧出, 甜甜的。【特式皇朝小籠包】HK$148八款不同口味嘅小籠包, 分別有原味、糟溜絲瓜、鵝肝、黑松露、芝士、蟹粉、蒜香、川味, 餡料鮮嫩多汁, 皮薄做到一咬爆汁, 每款味道各具特色, 散發餃皮味道, 同時亦沒有覆蓋到餡料嘅鮮肉味。【皇朝魚湯酸菜魚】HK$238(例)自選了小辣, 湯底酸中帶微辣, 不是傳統重口味, 片片魚肉無骨頗嫩, 配有萵筍、大量酸菜同埋好滑嘅冬粉, 份量足夠2-3人share食。【宮廷驢打滾】HK$50糯米粉團卷著了甜甜地嘅紅豆蓉, 表面平均沾上了黃豆粉, 入口軟糯微甜, 不錯。

難得約大忙人朋友食飯，揀返個環境舒服嘅地方，可以慢慢食，傾吓偈。新店比舊店光鮮，服務態度依然好，出品亦保持到質素，滿意的一餐。小食 $15 丶茶位 $12/位入座先奉上一壺普洱茶，用蠟燭暖住嘅，餐前小食係軟綿栗子＆軟糯花生芝麻醬油麥菜 $72油麥菜捲成卷狀再加青瓜片，口感超爽脆，點埋芝麻醬更好味，一件接一件，好鍾意呢個清新食法特色皇朝小籠包 $148皇牌八色小籠包，賣相可觀外，每色代表不同嘅口味，一籠就滿足哂，店方建議先食原味，再順時針食至川味蘿蔔絲酥餅(3個) $52朋友至愛嘅蘿蔔絲酥餅，即點即製，熱辣辣，酥脆香口，清甜蘿蔔絲，出面已經好少見，所以嚟親必點香辣水煮魚 $208以大紅袍辣椒、花椒等煉製出獨家辣油，讓湯頭香辣，椒麻味過癮，本身食唔到太辣，我哋揀咗少辣，啱啱好嘅辣度。除咗鮮魚片外，仲有索哂湯汁嘅薯粉、豆腐皮丶芽菜等，份量足。竹炭流沙包(3個) $48爆漿流沙包，食嗰時真係要小心宮廷驢打滾 $50聞說呢款甜品係清朝太后喜愛嘅甜品之一，主要用糯米糰丶紅豆蓉丶黃豆粉製成，煙韌、軟熟又香甜。