樂天皇朝 (雅蘭中心)

特式皇朝小籠包必點八色小籠包，分別係原味、漕溜絲瓜、鵝肝、黑松露、芝士、蟹粉、蒜香、川味，由原味食到最濃味，每種都有獨特嘅味道。 蟹粉兩面黃同平時食開嘅幼麵唔同，呢個兩面黃用粗麵煎香，口感有啲似粗版點心麵，十分惹味。配埋時令嘅蟹粉醬，鮮味十足。 宮保腰果雞丁用辣椒乾同醬汁爆炒，甜辣嘅味道令人上癮，腰果同雞丁口感脆嫩相間，味道同口感都多層次。 宮廷驢打滾源自清朝嘅宮廷點心，糯米外層裹住炒香過嘅黃豆粉，內餡係紅豆沙，因外觀形似毛驢喺泥土中打滾而得名。點心口感軟糯，香甜不膩，為呢餐畫上完美句號。…查看更多

今日太想食小籠包，即刻諗起樂天皇朝，決定同老公一齊去食Lunch ，Menu 好多選擇也有唔少無肉餐單啱食素的，以前同老公食過呢間都覺得好好食。🧡皇朝擔擔拉麵🍜🧡老公好鍾意個擔擔面，麻醬花生醬味濃郁又帶點少辣，越食越滋味。🧡招牌原味小籠包🧡佢哋嘅小籠包真係每次食都唔會失望，皮薄多汁餡靚，夾起上嚟又唔會穿👍🏻 好食到我可以一個人食曬成籠😂🧡花蔬蒸餃🧡呢個素餃特別叫比老公，皮薄裡面餡料也很足，點少少辣椒油好食。🧡竹炭流沙包🧡呢個包一咬落去中間就爆曬汁，好流沙好香。🧡聞香蔥油餅🧡個蔥油餅做得好好，個餅皮做到好鬆好酥脆。甜點：💜宮廷驢打滾💜之前食過一次我哋已經勁鍾意，今次來一定再叫，糯米皮黏黏的，包住豆沙餡，上面再放上滿滿的黃豆粉。P.s. 佢哋茶芥前菜嗰碟炆花生真係好好食🤭…查看更多

每次經過雅蘭都會見到樂天皇朝嘅八色小籠包海報，諗住一定要去試返次！最近終於同屋企人去咗食，餐廳位於雅蘭中心二樓，裝潢十分典雅，座位闊落，係同家人朋友聚會嘅好地方。皇朝小籠包（$142）平時只係食過原味小籠包，第一次食咁多口味嘅！好有驚喜～除咗原味之外，仲有川味、蒜香、芝士、糟溜絲瓜、蟹粉、鵝肝、黑松露。個人最鍾意麻辣嘅川味，勁香勁惹味，亦唔會好辣，食過返尋味。芝士味同黑松露味都好濃郁，食得好滿足！蘿蔔絲酥餅（$48）外表鬆脆可口，入面嘅餡擺咗一陣都仲係咁熱，唔錯！皇朝擔擔麵（$68）屬水準之作，麻香味濃郁，辣度溫和，麵有咬勁。瑤柱芙蓉賽螃蟹（$98）好耐冇食過賽螃蟹啦，決定係呢度食返次～味道同回憶嘅一樣，唯一美中不足之處就係上碟時蛋黃經已穿了，打卡就冇咁靚。宮廷驢打滾（$48）最後當然要以甜品作結，食落非常煙韌可口，紅豆蓉味道不會太甜，正合我意。…查看更多

朋友話成日食西餐好悶 所以想食下其他 咁我就諗起之前食過樂天皇朝既小籠包好好食 就帶左我朋友去♡招牌原味小籠包 $68/6粒雖然餐廳有好多款口味既小籠包 但我都係鐘愛原味小籠包 感覺上較傳統 薑絲係自己加既 朋友鐘意食薑絲 咁就岩唒佢啦 ♡李白醉雞 $88個醉雞啖啖肉 唔算太多骨 雪凍既醉雞我都會忍唔住食埋個雞皮 吸收哂酒既味 真係好好食 可加$10轉雞髀♡薑汁炒芥蘭 $68芥蘭好大條 食落去勁爽口 唔會好苦 連我朋友本身對芥蘭唔係特別鍾意都表示有驚喜♡宮廷驢打滾 $48/3粒個名好特別 同埋個樣有d似糯米糍已經好吸引我去食 入面係紅豆餡 外面鋪上黃豆粉 食落好煙韌♡上海炒飯 $93有蝦仁有菜心有牛展一齊炒 唔會好油仲粒粒分明 好有咬口 用醬油炒亦唔會好鹹…查看更多

請朋友食生日飯，佢指定想食小籠包，就同左佢黎呢度試下個八色小籠包啦！個主角皇朝小籠包果然係皇牌，幾有驚喜👍🏻。我地一人食四隻唔同味，大部份嘅味都一食就食得出同埋都幾夾個小籠包。佢個小籠包嘅皮做得唔錯，唔會厚又唔會夾起黎好易穿。嚟到一定要食呢個！皇朝擔擔麵比想像中辣，但係差咁啲花生味。個炸饅頭都可以，新鮮炸起唔會好油，然後要點大量練奶😆。甜品就叫左個宮廷驢打滾，又幾好食喎！本來以為係熱嘅，原來係凍嘅好似扁左嘅糯米糍咁，夠煙韌又唔會好甜。飲品我個個薏米水都幾好飲，加左檸檬飲落酸酸地，同埋啲薏米都夠腍。等緊朋友黎嘅時候其實我都食左大半碟小食，係煮過嘅花生加粟子，整得幾入味都唔錯。…查看更多

提前慶祝母親節，因為疫情關係，家母有啲擔心外出食嘢，所以買外賣返企同佢慶祝。樂天皇朝喺OpenRice 外賣自取有八折，去到好準時已經有得拎👍🏼👍🏼朝牌菜八色小籠包，必試，所以叫咗一人一籠。按住佢嘅建議食法，由淡到濃⋯⋯食到每隻嘅唔同口味嘅，個人最鍾意原味同芝士。當然都點了廚師推介嘅松子魚。呢樣好貴，原價都要二百三十幾蚊。比較失望，條魚好細，食到好少魚肉，好似食炸麵粉咁。個汁好差，似色素開，得一樣水果，罐頭菠蘿👎🏼👎🏼冇水準！呢樣係上海風味醬鴨。味道不過不失，可惜少得可憐，用個甜品膠碗裝住。有兩三舊脾肉，其他係胸骨，連頸都有，冇乜肉食。同餐牌張圖片差得遠👎🏼👎🏼👎🏼最後係甜品，點了宮廷驢打滾。最滿意呢樣，味道不過不失👍🏼👍🏼第一次食樂天皇朝，慕名而來，可惜冇下次，朝牌菜已經試咗三四樣，唔吸引下次再去食🧐🙈🥲…查看更多

疫情之下，有時都要出街抖下氣，食番餐好。😬 不過當然，要揀啲衛生嚴格，乾淨寬敞嘅餐廳，就會比較安全嘞。⁣⁣⁣⁣😅⁣⁣⁣⁣⁣⁣皇朝小籠包（$118）［好味度：8.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個係佢哋嘅招牌菜，簡直係嚟呢嘅必食。✅ 八件都係唔同顏色，唔係人造色素，而係卒取自唔同食材。🤓 八隻小籠包都係唔同味㗎。🎱 而佢嘅小籠包，皮都好薄，但又唔易穿，加上入面好多湯汁，豬肉瘦中帶肥，算係食過當中，非常高質嘅小籠包。👍🏻 小籠包分別就係呢啲八隻口味：原味、人參、鵝肝、黑松露、起司、蟹粉、蒜香、麻辣。😗 全部被都好入味，各有特色，但同時又覺得同小籠包嘅味道都幾夾，嚟呢度就真係必食。⁣⁣⁣⁣😁⁣⁣⁣⁣⁣⁣蟹粉炒飯（$128）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣蛋炒飯鋪上超多橙黃食嘅上海蟹粉，感覺已經好正。🥰 入面仲有啲蟹黃添。🦀 將蟹粉同埋炒飯撈勻嚟食，食落啖啖都有蟹肉，真係超級滿足，好難忘。⁣⁣⁣⁣😚⁣⁣⁣⁣⁣⁣沙拉排骨（$92）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣今次都叫咗啲熱炒小菜去試下水準，果然都唔失望。😝 沙排骨經過炸過，香脆而入面豬肉仍然保持水分唔乾。💦 炸過都油膩，而且少骨多肉，果然有功夫。👨‍🍳 沙律醬都調配得啱啱好，唔太酸，亦唔會太多去冚過豬肉嘅味道，兩者balance得啱啱好，果然有水準。⁣⁣⁣⁣⚖️⁣⁣⁣⁣⁣⁣宮廷驢打滾（$45）［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣見到呢一個甜品名咁特別，於是就叫咗佢嘞。💬 佢係有啲似糯米糍嘅質感，而面頭舖上咗花生粉，入面再捲入紅豆。🤨 之所以有個咁特別嘅名，皆因賣相好似隻驢子喺沙入面打滾。⁣⁣⁣⁣⁣⁣⁣⁣⁣⁣臨走嘅時候，餐廳仲送咗兩細杯柑桔蜜，話對肺部好好，真係好貼心。⁣😙 ⁣⁣⁣…查看更多

之前看到朋友發上社交網站的美食照，太吸引而果斷bookmark了。所說的就是這一間「樂天皇朝」，這晚和友人到訪其旺角分店來一個痛快暢吃。因為近月情況，客人量不算多。餐廳樓底高，座位寬闊，坐得舒適。網上多人推介的李白醉雞，份量蠻多。雞件入口有絲絲酒香，個人認為酒味可以再濃一點。雞肉略嫌有點鞋身，嫩滑度不夠高。加$10可轉為雞腿肉，可能情況會有所改善。酥餅外皮香脆，一層一層的酥皮感覺是很考手工之作，而裡面就是啖啖蘿蔔絲。這裡的招牌菜又怎能不試！八個顏色各代表一種口味，打卡度也很高。桌面上也有教學，建議由淡味至濃度吃起來。筆者和朋友happy share，各試4款，分別進食了原味、人蔘、蟹粉、川味。果然每一顆味道都好鮮明：入口就是滿滿蔘香、蟹粉鮮香，川味更有著微微麻辣感。而原味則突出了豬肉香味。但有點稍嫌小籠包皮做得有一點厚身。排骨感覺其實就是豬排，酥炸後入口香口惹味。肉質做得夠腍，配上甜香沙拉醬也是相當夾。不過，炸香後的排骨跟沙拉醬，多吃2塊會有點油膩感。菜肉雲吞大隻，餡量夠多，雲吞皮也做得薄身滑溜。配上豬骨湯頭，清淡中帶點豬肉香。正好消減一下前一道菜的膩感。擔擔麵頗大碗，幼白麵條質感有點煙韌，也挺掛汁的。麵頭稠身，以辣味為主導，再有一股花生香湧上喉間。糯米粉揉成的外皮煙韌Q彈，中間捲入甜甜的紅豆蓉，然後灑上黃豆粉。跟驢子在黃沙中打滾有像而得名，原來更是當年滿族的宮廷美食。感覺跟日本的厥餅有像，但又多一份豆沙香，味道更豐富。…查看更多

依排都係收早，三點就可以收工，但係唔代表可以周圍去，個個行街都人心惶惶……之但係點都要釋放一下自己，所以今日約咗朋友仔收工先去happy hour🍺然後再去食好東西😋7:30準時去到依間樂天皇朝，依段疫情嘅時間，講得衰啲就可以去食一啲平時好多人排隊嘅餐廳，依間樂天皇朝就係其中之一🤭入去坐低之後，就交俾朋友仔發板🤷🏻‍♂️佢嘅餐前小食係栗子加花生，成碟係我食晒，又幾好味喎，栗子做餐前小食有幾特別喎😙八種顏色嘅小籠包，我記得係有原味、松露、芝士、蟹粉，另外四隻味道比我朋友食咗😭蟹粉炒飯，蟹粉汁好好味😋鮮蝦雲吞，唔係普通雲吞麵鋪咁嘅味道，大大隻鮮蝦非常爽口，豬骨湯非常濃郁🤩糖醋魚片，識我都知道我最鍾意食糖醋汁，有依個咕嚕汁加菠蘿，我就一定會叫，果然冇令我失望🥰麻醬油麥菜，我朋友問我係唔係已經淥熟咗啲菜，我同佢講，如果啲菜淥熟咗仲會咁爽口咩？🤣雖然係生食，好爽口、好清新，配搭麻醬非常之合適👍🏻👍🏻驢打滾，我第一次食，我朋友極力推薦，感覺似雷沙湯丸，糯米煙煙韌韌，正喎🤩食甜品就當然唔可以少得豆沙鍋餅啦，完美結束！…查看更多

今日約咗班friend去到旺角食樂天皇朝，我哋係特登嚟為咗為咗食佢嘅皇朝特色八色小籠包，咁當然仲叫咗幾個小菜一齊食啦，一入到黎嘅裝修十分舒適，我哋先叫咗兩個小食，一個係陳皮五香牛肉，淡淡的陳皮味，令到牛肉味更加突出，而且賣相非常精美，另外我哋嗌左一個四川夫妻肺片，充滿四川嘅香辣，食得辣嘅朋友必定要試吓，前菜嘅份量都算十足，絕對足夠五個人一齊食，再嚟當然係特色小籠包啦，八種顏色賣相相當吸引，我個人就試咗黃色嘅芝士小籠包同埋橙色嘅鵝肝小籠包，芝士小籠包芝士味唔會搶晒小籠包鮮味，味道配搭啱啱好，鵝肝小籠包有鵝油嘅香味，好想試晒咁多款，但係都要留肚食其他嘢，再點左一個酸菜魚，呢個酸菜魚唔算好辣，適合大部份人士享用，魚片份量好夠，而且爽甜肉滑，加埋酸菜薯粉，食到個人真係好飽，再嚟叫咗一個沙拉骨，呢個真係非常好味，沙拉醬嗰種酸甜味零舍開胃，排骨又多汁，之後炒咗個油麥菜，中和下之前啲比較濃味嘅嘢最後叫咗兩個甜品，就係蕾莎湯圓同宮廷驢打滾，雷沙湯丸我就冇食到，宮廷路打滾10分特別，煙銀嘅糯米皮包住豆沙餡，再加埋啲豆蔻粉，口感層次非常豐富，極具特色，一定要點呢個！…查看更多

上海菜食過唔少，樂天皇朝係第一次食，竟然令我喜岀望外 因為想順便為朋友慶生，於是提早book定位。估唔到午市係無用餐時間既上限very good!! 呢個招牌八色小籠好岀色，八款唔同顏色代表唔同既口味。我試左黑色既黑松露，皮薄多汁。而且松露味都幾岀🥰主色我地點左兩款麵。個人比較中意蔥油拌麵。麵質軟硬適中，蔥油油都香濃而不油膩👍黎得中式餐廳，當然要試下呢度既中式甜品啦😌用紅棗包裹著煙韌既粉團，呢款名為心太軟既甜品令人食完一粒又一粒😌而下個個款係宮廷驢打滾，個人就覺得比較似雪凍左既麻糬，唔錯🥳…查看更多

今晚兩公婆又撑檯腳，試一試新加坡過江龍：樂天皇朝。樂天皇朝位於旺角彌敦道雅蘭中心，彌敦道係九龍第一條馬路，以第13任港督彌敦爵士Sir Matthew Nathan命名。彌敦爵士係英國第一位猶太裔殖民地總督，來港後獨具慧眼，力主發展九龍半島，擴闊並延長當時九龍唯一一條馬路：羅便臣道Robinson Road，成為今天可以六線行車的彌敦大道，兩傍更滿植大樹，現時九龍公園一段仍保留部份大樹。但當時九龍半島人跡罕至，拓展彌敦道被認為是蠢事Nathan's Fool。今天彌敦道十里長街市井連，令天從早到晚車水馬龍，可證當年日不落王國為政者的眼光和遠見。反觀今天英國政壇紛紛攘攘，卻有如小丑跳樑。閒話休題，今天點了六道菜，兩道前菜冷盤：四川夫妻肺片，和心太軟(糯米紅棗)；一道點心：蟹粉小籠包；兩道主食：鮮肉卷豬骨湯拉麵，和雪菜鹹肉炒年糕；一道甜點：宮廷驢打滾。四川夫妻肺片，是成都名菜，以牛下水鹵煮，佐以麻辣醬汁。今次這道菜以牛展併金錢肚，鹵煮入味，鮮香軟糯，略鹹適於佐酒。心太軟(糯米紅棗)，是江浙冷盤名菜，紅棗香甜而糯米軟糯。蟹粉小籠包，皮薄多汁，蟹粉味則較淡。鮮肉卷豬骨湯拉麵，肉嫩湯濃，麵量較少。雪菜鹹肉炒年糕，年糕略軟，缺少勁道。雪菜鹹味適中，鹹肉鮮香沒有油耗味。宮廷驢打滾，是舊日北京有名甜食，因為糕點最後會撤上黃豆粉，猶如老北京效外野驢在黃土上打滾而得名。由於是預制，外皮略濕，整體稍嫌過軟，但豆沙有弄香，黃豆粉亦頗香，甜味適中。…查看更多

一早訂了位所以去到不用等，環境不錯，但服務員略嫌不夠多，每次叫人都等好耐，食物味道是可以的，媽媽說就是份量少了點😅整體不錯，價錢算是合理。對小籠包期望太高，反而有小小失望，不是不好吃，但味道普普通通。…查看更多

雅蘭中心近年大革新，可幸方向正確，看見幾間地舖列出新開的餐館名已覺得業主誠意十足。相對而言，有些比較過時的餐館就相繼地悄悄退出陣地。不過，今天幫襯的這間餐館應該很穩固，應不會那麼容易成為汰弱留強的犧牲品。上次我們幫襯此店是下午茶，今天轉了午餐。 我們叫了蒜香小籠包、無錫鮮肉鍋貼、涼拌黑木耳、開揚䓤油拌麵及宮廷驢打滾。星期日午餐不算很滿座，服務也頗有效率。很快涼拌黑木耳已備上，這是我們的至愛，木耳清爽，醋汁調較剛好。之前幫襯時已試過皇朝小籠包，今次只選了蒜香那款，既是此店的皇牌菜式，水準保持，小籠包做得精緻，蒜味很濃，即使結帳後滿口還是蒜味。開揚䓤油拌麵麵質彈口，鍋貼側沒有什麼特別。驢打滾據說是清朝時宮廷食品，用糯米做皮，餡是紅豆。口感黏韌，味道不太甜。但只有三小塊，價錢需$42，貴了一點。整體來說，食得賞心，下次來旺角購物，必將此店列為重遊之地。不過我會選下午茶時段，因為有些菜式有折扣，相宜一點。…查看更多

今天想吃京滬菜，便選了這間位於旺角雅蘭中心的樂天皇朝，地點非常方便，裝潢典雅舒適。侍應招待也不錯，今天是星期一，雖然這裏地方很大，但不到七時己經座無虛席。金色的茶壼很精緻，小食端上枱時還是暖的。花生和栗子很軟腍很好味，我很喜歡這碟很有心思的小食。醋醬海蜇頭 海蜇頭很爽脆，味道帶點酸，連墊碟的青瓜也很新鮮和好味，是一道很開胃的前菜。皇朝八色小籠包 不單賣相吸引，而且吃得味蕾也非常滿足。因為有八種不同味道，侍應還教客人順序由原味、人參、鵝肝、黑松露、芝士、蟹粉、蒜香、麻辣等不同味道慢慢的吃，非常貼心。每一隻小籠包的皮都很薄而且很多湯汁，我最喜愛人參、鵝肝和黑松露，非常有特色和精彩。皇朝話梅骨 很開胃的話梅骨，酸中帶甜，每粒排骨都有汁包著，令排骨一點也不乾，而且排骨肥瘦適中，肉質爽口。雖然份量也頗多，但因為太美味也被我們吃光。蟹粉豆腐 現在是大閘蟹當造的季節，一定要試試蟹粉菜式。這道菜的豆腐非常滑溜，加上鮮拆蟹肉和蟹粉，美味得來又健康。蟹粉炒飯 蟹粉鋪滿整個炒飯，炒飯粒粒分明，加上蟹粉一起吃，口感很是滿足。宮廷驢打滾 糯米粉糰軟身得來又煙靱，紅豆蓉餡甜度適中，加上上面的果仁碎和黃豆粉，真的很好吃，怪不得相傳這是以前宮廷的甜品。…查看更多