Supreme Steak & Grill

牛魔王見倒SSP 有開左高質牛扒🥩緊係過去試下啦最多人推薦既安格斯級封門柳🥩就試一試佢我地order左 medium. 個封門柳都幾厚身. 最緊要係冇over cooked. 食牛扒好多時叫5成熟, 上枱時變左7成😂 切開入面勁juicy, 見倒已經❤️❤️眼左😆 食落好重牛味， 又真係幾正淨係食牛太heavy, 我叫左個沙律中和一下. 炙燒吞拿魚至尊沙律🥗配料有吞拿魚,蛋,紅蘿蔔絲,櫻桃蘿蔔,生菜, 羽衣甘藍,紫椰菜,黎麥. 淨係個賣相已經好吸引. 哩度既沙律係無沙律醬既, 食倒蔬菜最天然既味道. REAL FRESH🌱…查看更多

眾所周知小編係牛魔王🐮😈，一見到牛🐮就想試，無意之中比我發現到有間人均唔洗過200蚊既牛扒🥩就黎試下，味道唔錯，薯條🍟仲有得任食tim🤩 裝修方面行簡潔既工業🏭水泥風，深灰色既牆身🧱、配木枱🪵同埋銀色既凳🪑，光猛企理～(5 😍 係滿分，🤩係半分）安格斯級封門柳 🐮 - $190 (好味指數：😍😍😍😍)每隻牛🐮只有一條封門柳，因為呢個部位比較少活動，肉質開頭食落比較柔軟，之後慢慢咬就會發現比較有彈性，因為去左筋膜所以唔會韌～ 由於比較近肝等內臟，顏色會比較深，脂肪比較少同埋肉味會濃啲～ 煎得唔會過熟，入面仲有鮮嫩既粉紅色～ 配埋旁邊帶少少辣既自家製既黑椒汁⚫️就更加惹味～安格斯級肋眼牛排 🥩 - $190 (好味指數：😍😍😍😍)肋眼牛扒🥩屬於肋脊既位置，油脂比較豐富，有幾靚既大理石紋，味道甘香醇厚又唔覺得漏，煎得唔會過熟，入面仲有鮮嫩既粉紅色，口感軟腍juicy，有幾香既肉味～ 配埋旁邊帶少少辣既自家製既黑椒汁⚫️就更加惹味～薯條🍟 (好味指數：😍😍😍😍)薯條🍟係免費任食既🤤 上枱既時候仲keep到係熱辣辣既，唔會因為任食就提早炸定一堆～ 個薯條🍟炸到金黃香脆，偏向係幼切，但又未至於幼到法式嗰種咁油～ 有咬口，同埋食落裡面口感綿密😋 配埋酸酸甜甜既茄汁🥫真係絕配👍🏻汽水🥤佢個餐係包汽水🥤既，所以小編就揀左Fanta橙汁🍊，一向比較鍾意Fanta, 橙味🍊會重啲，酸酸甜甜有刺激感，冰涼既感覺同熱辣辣既薯條🍟係perfect match 😌好味指數：😍😍😍😍推介指數：😍😍😍😍…查看更多

好耐冇据扒啦🥺俾我搵到間任食薯條嘅牛扒店 見都幾多好評 即刻試下先🤩🥩 安格斯級肋眼牛排 (200g) $190牛肉有油脂 咬落好香 入口嫩啲 肉味都幾重👍唯一要講就係 雖然叫左5成熟 但好似7成🙈🥩 安格斯級封門柳（肉味極濃）(200g) $190有理由懷疑佢將上一份嘅熟度調轉左🤣 呢份叫左7成 但明顯得5成 中間較厚嘅位都幾生🙈不過食落真係好重牛味 有嚼口得嚟唔會柴 又厚身 食完勁滿足🤤🍵 可樂（免費）蜜桃茶 +$10另外我哋2人total食左8兜薯條🤣 薯條新鮮即炸 條條都又熱又脆 而且唔係空心薯條 真係不停叫不停食都唔夠喉🤩 食完第二日冇喉嚨痛嫁🤣呢個價錢真係超抵食 加上入面座位鬆動 又乾淨企理 員工態度同服務都好好👍 一定要encore😍…查看更多

Steak with unlimited fries | Supreme Steak & Grill @supreme_steak_and_grill 推介深水埗平價扒房‼️牛扒靚之餘，仲可以無限添加幼炸薯條🍟一個set都唔洗$200😋想鋸靚扒就一定要去試吓。晚市套餐🍽️人均：$200🕰️時間：平日晚市（建議先預約，因為都full house‼️）晚市套餐包括90分鐘薯條任食，同埋包一罐汽水，或者一杯熱嘅美式咖啡。其他飲品需要加$10🙌🏻我哋嗌咗兩份肉味極濃嘅安格斯級封門柳（$190），一份三成熟、一份五成熟。兩份都true to its description👍🏻以呢個價錢嚟講嘅牛扒，真係好高質🤤性價比極高！再配上自家調配嘅黑椒咖喱醬汁，好好味😋另外要提吓店員都好好👍🏻不斷幫我哋加水，唔會話人多就冇服務💯Bible rating: 9/10📍地址：Supreme Steak & Grill (深水埗)深水埗福榮街161號永邦樓地舖#香港美食 #香港好去處 #美食推薦 #美食日記 #foodbible #hkfoodie #hkfoodieblogger #hkfood #foodiehk #hkfoodblogger #美食博主 #聚餐 #西餐 #朋友聚會 #香港餐廳 #餐廳推薦 #香港餐廳 #慶生 #生日 #香港打卡 #hkrestaurant #steak #牛扒 #深水埗餐廳 #深水埗 #shamshuipo #supremesteakandgrill #深水埗美食 #深水埗打卡…查看更多

前排閒日夜晚黎到，呢間餐廳都好爆場，好彩有提前訂檯😌佢係主打食扒，晚市套餐包九十分鐘薯條任食，同埋一罐汽水或者一杯熱即磨咖啡，性價比算係唔錯💰▪️ 安格斯級肋眼牛排（7.5/10）💲190 (Dinner Menu)叫左五成熟，雖然出到黎七成，不過肉色依然粉嫩，質感唔會話鞋或者韌，配上辣辣地既黑椒汁好惹味😳薯條其實都幾大兜，幼身又夠脆，食完一輪夠飽就無再添😅▪️ 安格斯級封門柳（8/10）💲190 (Dinner Menu)同樣叫左五成熟，切開色澤紅潤，脂肪比例一向係相對少啲，但比起坊間食開既鬆軟多汁，調味亦較爲輕手，可以食到濃郁既肉味，個人鍾意呢款多啲😍🔎 整體評分（8/10）…查看更多

bookmark左好耐終於有機會黎試下✨整體黎講 真心好抵食💓值得一試😋🐽安格斯級封門柳 $190唔講都唔知封門柳原來係牛既稀有部位黎😯200g其實都算幾多下 黎到勁香炭燒味🤤切開肉汁勁到 肉質好粉嫩 其實都唔會好生🫣入口牛味勁濃郁 點少少黑椒汁 層次更加提升✨勁抵食💕🐽新西蘭法式羊架 $240見大家都係嗌牛多 但都係想試下佢地既羊架🫣估唔到‼️羊架一樣咁出色🤩份量都幾多 240蚊足足有4件咁多🤤肉質好嫩好容易切 一啲都唔韌 而且都唔會太羶😋食落都幾有肉汁 完全唔dry 好好食🥹🍟90分鐘任食薯條除左價錢平之外 另外一樣吸引既地方係任食薯條🍟薯條控表示唔可以放過🙊薯條熱辣辣 好香脆 仲要係幼身薯條🤤不過其實食唔得多 食左兩桶已經食唔落🥹…查看更多

平日有時候也會來到這間餐廳吃午餐，這次決定來試試晚市，搖身一變成爲了有情調的平民扒房，$200 以内可以享用牛扒及任食薯條；大概8時已經空無虛席，看來也是許多附近街坊的食堂 [推薦菜品] ᐅ Hanging tender steak 安格斯級封門柳 $190 被視爲最濃味的部位，脂肪比例較少，肉質鬆軟，滿滿的蛋白質適合減脂期食用~自家製黑胡椒汁味道辛味溫和，容易入口；推薦5成熟 ᐅ Ribeye Steak 肋眼牛排 $190 油花分佈較多且均勻，肉質比起封門柳更軟嫩，想吃油脂香的好選擇；推薦三成熟，稍微會有血水流出ᐅ 任食薯條 $0…查看更多

深水埗的驚喜高CP值小店~ 裝修簡約，但服務貼心，食物質素高。心水推介~~另外，如果有quota食薯條🍟嘅朋友仔，絕對不要錯過啦🥗巴馬火腿至尊沙律 70HKD擺盤相對較為有心思的前菜~配上獨特的芥辣甜醬，夏日炎炎非常開胃。有少少quinoa，對於女仔嚟講係健康之選~火腿數量亦都足夠，蔬菜清脆爽口😃！👅鹽燒牛舌 60HKD作爲有牛舌必定會嗌嘅牛舌愛好者，我覺得呢款牛舌偏腍咗少少，無咩咬口，如果無點醬係無咩味道。優點係非常厚身，但味道就平平無奇啦。💋💋烤比目魚排配阿根廷香草醬 170HKD💋💋烤比目魚排本身我無太大期待，但夜晚唔想食太多肉，所以就選擇唯一一款魚的料理。但係估唔到烤得非常靚仔！不過小店的擺盤稍微有D普通，扣少少分。講返魚扒先，表面層皮烤得好脆，好似平時果D炸魚皮咁。比目魚好滑，配上綠色果兜阿根廷香草醬，簡直完美呀！呢個醬料好特別，有一種獨特的香味，同比目魚好夾。好味~😋🥩安格斯級封門柳（肉味極濃）190HKD封門柳 牛肉味濃，肉質較腍，無腌味重嘅感覺。揀咗五成熟，平時食開七成嘅我都唔會覺得太生，反而感覺好味道。偷偷食咗兩舊添：P 老公食食下話有少少筋，美中不足啦~套餐配有新鮮炸起嘅薯條，雖然薯條賣相並不出衆，但係食落會停唔到口，加上呢度可以喺用餐時間90分鐘内無限添加薯條。不過因爲即刻炸嘅關係，所以你嗌完之後係需要等大概5-10分鐘先會食得到。…查看更多

記得以前食過呢間都唔錯，裝修唔花巧，走簡約風。座位都闊落，啱晒同朋友傾計。聽聞轉咗新餐牌，咁就要再訪啦😁 安格斯級封門柳(200g)係牛前腹近住橫隔膜嘅部位，肉質鬆軟唔韌。揀咗五成熟，用大火煎到外層焦脆，鎖住肉汁，好juicy。牛肉味非常重而唔羶。西班牙黑毛豬鞍(220g)好怕有啲豬有異味，呢個完全冇👍🏻黑毛豬鞍嘅豬肉味係好香，而且肉質結實，點黑椒汁幾香。 晚市steak set可以薯條任添😋新鮮炸起嘅薯條仲焫口㗎，好好食！我同朋友都添咗薯條🤩 …查看更多

深水埗近年有很多不同種類的餐廳，今次來到Supreme Steak & Grill吃晚飯。首先，坐下來覺得環境不錯，光猛又整潔，空間感不俗，所以有不少食客慢慢享用餐點。我們每人各叫一個steak set，安格斯級封門柳及安格斯級肋眼牛扒。每個steak set都會有薯條伴隨，如果一碟薯條不足夠，還可以再添吃，而且不需另外收費，因為這個steak set是90分鐘任吃薯條！既然這樣，我先談談薯條。上菜時，薯條熱烘烘，香口美味，還有茄汁伴隨，完美的配搭。薯條是幼身的，所以愛吃薯條的人，應該肚子會有空間讓你添吃。主菜牛肉，安格斯級封門柳，正如餐牌所說，肉味極濃。安格斯級肋眼牛扒則帶有燒烤味，十分惹味。兩者肉質都好鬆軟，容易切件及進食，而且能保持肉內的水份，不會很乾。我們叫五成熟，餐廳真的能夠做到，不會太生也不會過熟，恰到好處。另外配有燒汁，牛肉沾上燒汁又另一番風味，使肉味更香濃。Steak Set還跟汽水或熱即磨咖啡，如要其他飲品，可加錢選購。我們為了要好好享用薯條，就選了汽水，每人一罐無糖可樂，哈哈。愛吃薯條和牛扒的人士，值得來試試這間性價比高的平民Steak House。…查看更多

//<Supreme Steak & Grill>小編喺鴨記買完野就即興去呢間鋸扒🥩🥩星期六夜晚八點唔使等位，但係舖頭都坐得幾滿😧😧 見到有唔少枱reserved餐廳都幾寬敞，幾好坐😬😬坐低直接用QR code落單，免加一的🤑🤑有平民版 La vache 嘅感覺🤪🤪—————————安格斯級封門柳(200g) $190封門柳係圖三個款，兩款牛扒嚟講小編比較鍾意啲款🫶🏻🫶🏻肉味比較濃，有炭燒嘅味道～ 小編叫咗7成，入面呈現淡粉紅色🩷🩷pinku pinku的～ 完全冇根，又唔會韌🥰🥰—————————安格斯級肋眼牛排(200g) $190肋眼牛扒係圖二嗰款，呢款牛扒都有炭燒嘅味道🔥🔥 呢款相對上冇咁驚喜，但係都好食😬😬 佢哋嘅薯條好出色!!! 外脆內軟，鹹度適中🥰🥰 仲要無限refill~ 一定可以食飽😂😂—————————照燒牛舌(厚切)(2 串) $60牛舌有啲厚度🧐🧐 可以配埋佢哋嘅黑椒汁食，牛味都幾香! 不過略嫌太細份，感覺上冇咁抵食🤑🤑—————————日本提拉米蘇蛋糕 $35Tiramisu 就普普通通🤔🤔 唔夠奶香味同酒味，口感比較solid～—————————Sprite & Cold Latte +$0&10牛扒餐已經包埋汽水🫧🫧 Latte 就正正常常，有啲似咖啡機沖嘅感覺🤣🤣 +$10 大大杯都抵飲～—————————評分：7.2/10地址：深水埗福榮街161號永邦樓地舖營業時間：星期一至日 12:00~1600; 17:30~22:00#supremesteakandgrill #深水埗牛扒 #深水埗美食 #深水埗 #牛扒 #香港美食 #香港必食 #美食博客 #hkfood #hkfoodie #hkfoodblog #hkfoodblogger #hkfoodshare #hkfoodlover #🐷🐤西餐 #🐷🐤深水埗 …查看更多

深水埗愈多愈多野食😋今次黎到一間平價扒房餐廳裝修行工業風 好簡潔除左有唔同種類嘅牛揀之外🐮仲有豬鞍 魚🐟意粉 burger🍔好多選擇 仲標榜可以薯條任食🍟薯條控要黎試試😍就算平日黎食都滿座👏🏻就知道餐廳人氣好高🥳.🌟安格斯級封門柳 $190叫左5成熟好重牛味🤩肉質夠嫩切落去仲帶嫩粉紅色😍肉汁滿滿💯薯條幼身即叫即炸 熱辣辣🔥附上茄汁同黑椒汁黑椒好重味 幾惹味👍.🌟安格斯級肋眼牛扒 $190網燒紋好靚😍呢塊都係叫左5成熟牛扒好有厚度😋切落都好粉嫩🥰有少少筋口感比封門柳較實.🌟熱美式咖啡 $0 （跟餐）好貼心可以自己加奶🥛不過就咁飲都飲到好濃咖啡香味道唔會酸 好高質☕️💯.🌟Coke Zero $0 （跟餐）.📍 Supreme Steak & Grill (深水埗)深水埗福榮街161號永邦樓地舖…查看更多

呢間餐廳晚市套餐有扒類🥩、意粉🍝、漢堡包🍔等選擇，每人包一罐汽水同90分鐘薯條任食🍟。90分鐘薯條任食真係聽到都覺得吸引，所以呢度晚市坐滿人架。餐廳用咗工業風裝修，簡潔既水泥牆設計。安格斯級封門柳 $190鐘意肉味濃既朋友一定要嗌！👦🏻👧🏻叫咗5成熟，切落去肉質軟腍，食落仲充滿肉汁添阿！肉味好濃，煎到熟度啱啱好！幼身薯條炸到金黃色🍟，外脆內軟，配埋茄汁食，令人一條接一條咁食😋！安格斯級肋眼牛扒 $190呢款同樣叫咗5成熟，煎到個網紋好靚😍，切落去帶嫩粉紅色💖，肉汁飽滿。配埋黑椒汁，味道更惹味😍！可樂 跟餐免費芬達 跟餐免費📍 Supreme Steak & Grill (深水埗)深水埗福榮街161號永邦樓地舖…查看更多

前排係Mxx club睇到個post，話呢間野巧勁！個老闆好注重牛排🥩，近近地試試佢🥳入去 Ok啦簡簡單單既裝修！乾淨企理舒服嘅✨可能我哋時間尚早5:30，晏d就唔知喇🤣 我叫咗安格斯級肋肉眼扒 5成熟(200g),送過嚟時覺得好香好正不過好似細塊咗細d😅切開我哋黑人問號咗，真係五成熟⁉️。。。。。中間位置我覺得 ok既，似五成熟既，但側邊位真係生到食唔到，我諗三成左右🤔🤔但個牛係香既，食得出靚牛所以最後我食咗半塊牛，走果時仲未飽🤭🤭😂佢叫咗個安格斯級封門柳五成熟200g,佢本身可以食得比我生，但一黎切開生到三成咁真係食唔到，最後我哋叫左個侍應黎問吓呢個係幾多成熟驚落錯，結果個侍應要睇張單先答到我哋幾成熟，我果吓好奇怪🤔️如果你哋既成數穩定既點解要睇單呢🧐🧐🧐最後唯有麻煩佢幫我哋整熟少少，哇！D面色衰不突止，仲聽到廚房d人鬧🙄下圖第二張係反煮過的5成牛排Btw,兩款牛質素本身唔差，牛味香濃，尤其封門柳確係唔錯另一個搞笑事係佢哋標榜90分鐘任食薯條，但係個薯條食完全冇人refill，成個場得一個收銀再加一個waiter,忙住出餐完全叫佢唔住，好彩無加一如果唔係仲㷫算！食完快D走我都唔想留喺度😮‍💨…查看更多

深水埗這間工業風扒房晚市套餐全部都有90分鐘薯條任食🍟餐廳座位寬敞乾乾淨淨燈光亦不錯，很適合影相😆我跟閃光分別點了安格斯級封門柳($190)以及新西蘭法式羊架($240)套餐除了薯條還跟汽水或熱咖啡另外亦可以轉配其他飲品🌼封門柳封煎三成熟好厚肉肉質軟腍多汁肉味香濃但唔會血淋淋配上自家製洋蔥黑椒汁甜甜辣辣好惹味😋法式羊架份量亦不少，足足有3大片肉質亦是軟嫩唔會太羶👍🏻如果有薄荷醬就更加搭喇～～～任食薯條係幼薯嚟新鮮即炸沾着黑椒汁食一流🤏🏻如果單吃再多點鹽會更好吃呢-🥩Supreme Steak & Grill🏡地址: 深水埗福榮街161號永邦樓地舖☎️電話: 9880 2237🕙營業時間: 12:00-22:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)…查看更多