鐵花村 (愛群商業中心)

營業中

休息中

趕時間關係，去咗附近一間食台灣菜嘅餐廳。大阪燒蛋餅有木魚碎，内裡包住椰菜絲，但係唔算好熱，食落有啲減分。除咗個醬同木魚碎，其實唔係好明同大阪燒邊方面仲有關連😅蕃茄紅燒牛肉麵一上枱，熱辣辣加香味逼人，未食都先加分😜個湯底似羅宋湯，忍唔住邊食邊飲咗啲湯。牛肉煮得幾冧，仲有切返細件，唔似有啲餐廳會原舊大牛肉上，食得有啲狼狽😂哩間嘅細心度值得俾個like。另外仲有叫杯熱百香果紅茶，唔記咗叫走甜，不過佢原廠設定都唔係甜，所以幾啱唔嗜甜嘅人飲。

人在遠方，蟬沒有和唱，呀！！！！！我覺得食台灣野有個重中之重係唔可以忽略，就係個氛圍，你試想下，如果間餐廳佈局成個冰室咁，你都覺得無Feel啦，根本都唔夾，好似呢間「鐵花村」，成個裝潢都有一種地道，姐係一入去你就好似飛左去台灣既感覺，就係咁好Feel。👇🏻📌便 當 -▪️ 酥 炸 排 骨 便 當 - $68▪️ 台 灣 香 腸 便 當 - $68▫️ 呢到既便當超抵食，一個飯包左蒜頭、滷水蛋、滷肉、貢丸、椰菜、蘿蔔漬，分別同friend揀左個「酥炸排骨便當」同埋「台灣香腸便當」。前者排骨炸到非常酥脆，而且分開上，呢點夠細心；而後者香腸鹹香十足，同滷汁好夾，送飯一流，便當仲包埋一杯野飲，我同朋友就揀左「冬瓜茶」同埋「荔枝烏龍」，無額外既加糖，入口好天然，而且唔會好甜膩，好清爽。📌小 食 -▪️ 大 阪 燒 蛋 餅 - $36▪️ 鹽 酥 雞 - $39▫️ 小食方面試左個新推出既「大阪燒蛋餅」，小食方面試左個新推出既「大阪燒蛋餅」，蛋餅裡面包住沙律醬、大阪燒醬，面頭仲加左d 木魚片，蛋香突出，呢個必試。▪️ 大 腸 麵 線 - $42▫️ 仲有呢個「大腸麵線」又係必食，大腸做到相當軟綿，質感好夠彈性，麵

行到屋苑之地，搵到一家台食小店。室內裝潢簡樸，門口高掛迷你天燈，充滿台灣風。店員有禮貌，上餐速度快，但餐具、餐桌唔乾淨。整張桌面都勁黏泣，上手客人食完無抹一樣，忍唔住用消毒紙自行清潔…食物方面 - 主食滷肉飯 (細)︰豐富肉燥汁看似濃味，其實偏淡口。滷肉切碎，大部份屬於肥脂肪，油膩爆標。細碗版份量算多，但食一半就飽飽濟濟，剩低已經唔想食。擔仔米粉︰份量同樣充足，主料款式多︰白蘿蔔、台灣貢丸、大蝦、滷蛋半隻及一堆肉燥醬。白蘿蔔煮得夠淋，吸汁入味；滷蛋只有輕微醬油咸味 跟 台灣貢丸一樣基本普遍質素，無失手無特色；雪藏大蝦無鮮味，不過爽口彈牙；擔仔湯用燥感覺上比滷肉飯本版健康，少許肥脂肪。加幾條香菜，拌勻清湯可以去除油膩感。湯底唔差，但米粉竟然無煮過？接近硬身，似食緊生米粉。小食 - 綜合丸湯︰一碗只有三粒丸加幾塊白蘿蔔，就索價35蚊，實在有點兒那個囉！貢丸跟花枝丸又普通貨色，湯底味精煮成？茶餐廳例湯都比它有誠意。唯獨可以加丁點分係粒魚丸，真正台灣「中間帶豬肉餡」嘅魚丸，算係個意外小驚喜。大阪燒蛋餅︰家人點的，無試過，公平點不評論。九份芋圓 (溫)︰溫，但凍嘅。如果點冰，即指甜湯底用冰塊？黑

住北角咁耐，最近先知原來有間幾有水準嘅台灣小店，每款食物平均都係$30-60，CP值好高！店內佈置亦非常有心思，好有去左台灣嘅感覺～✨蚵仔煎（$45）- 賣相幾吸引，入面係超多芽菜，粒粒蠔仔肥美新鮮，好味得來唔油膩✨大阪燒蛋餅（$35）- 真係幾獨有嘅款式，同其他地方不同嘅係，蛋餅外層係薄薄一層蛋香，入面包住超多菜，感覺好健康✨蚵仔麵線（$40）- 粒粒蠔仔好肥美，麵質都唔錯。🐔鹽酥雞飯- 每舊鹽酥雞外層都好脆口多肉，肉質嫩香，配上蒜粒調味好惹味。飯用上珍珠米，粒粒軟香。⭐️⭐️⭐️必點之選- 九份芋圓（$38）- 芋圓可以話係必食，無諗過咁有水準！本身味道微甜配淡淡菊花香，芋圓煙煙韌韌得來好多粒，完全滿足到我嘅芋圓癮～～😍😍另外飲品可以自選甜度，真係可以食得好健康。已bookmark會再來～～

餐廳漂亮溫馨，牆身貼上台灣地圖和照片介紹台東著名景點，天花吊著各式各樣天燈，好可愛。台東老闆非常熱情好客，會耐心介紹菜式。大部份食材都購自台灣，讓你唔身處台東也食到原汁原味既台東味道。關山臭豆腐 $40材料來自台灣既臭豆腐配上酸菜，味道非常夾。臭豆腐入口非常香脆，係香嘅臭豆腐味，超好食，令我邊食邊想起以前去台灣旅遊時買臭豆腐食相似既味道。大阪燒蛋餅 $35新菜式，其他台灣餐廳都無見過，比較特別既口味---大阪燒！雞蛋和蔬菜做餡製作而成嘅蛋餅，蛋餅上鋪左木魚和加上沙律汁，食落蛋味濃，亦食到日本大阪燒餅既味道，大阪燒x蛋餅cross over，效果唔錯，值得一試。番茄紅燒牛肉麵 $69最新推介新品上市--蕃茄紅燒牛肉麵！湯底香濃蕃茄味，仲有好冧嘅牛肉和Q彈而不硬嘅麵條，好食。蚵仔麵線 $40麵線幼滑，肥美蚵仔濃鮮蠔味。芝士奶蓋烏龍 $25芝士奶蓋鹹鹹地，配埋微甜烏龍，好鍾意飲烏龍奶蓋既我覺得幾好飲。無糖烏龍茶 $20好香濃嘅烏龍茶味，因為無糖所以的確唔甜,，係健康飲品之選。