迷客夏 (已結業)

之前見有blogger介紹過唔同店家嘅芋泥奶印象中佢哋對依間迷客夏嘅評分都唔差所以一直都諗住有機會一定要試吓我真係好鍾意飲芋泥奶我對芋頭... 係 0 抗拒力真係幾好飲喎佢哋嘅芋頭鮮奶可以揀多冰小冰但係甜度就固定嘅唔可以要求芋頭嘅份量都算多而且佢做到泥嘅效果又有少少可以咬下咬下嘅粒粒粉粉既口感，好正芋頭就有少少偏甜但係成杯奶都好好飲我飲到最後都仲有芋泥喺度不過我覺得係有少少技巧嘅就係如果你想飲到最後都仲有芋泥唔好一開始瘋狂攪勻佢！我諗你攪幾下，攪到六七成均勻然後就慢慢飲每飲幾啖，又攪一兩下咁就可以飲到最後都仲係咁正😁😁😁$33 可以接受既至少都算好飲

夜晚嚟唔算多人，大概等五六位左右。呢排黑糖朝太瘋狂，飲到悶😂呢間嘅大甲芋頭鮮奶好出名，一路都好想試吓🤓第一啖飲落覺得:哇好好味啊！飲落去係好rich嘅鮮奶同埋啖啖芋頭，都有啲口感，而且d鮮奶好香。不過飲飲下就覺得越嚟越膩，因為基本上成杯都係奶，見好多食評都話芋蓉份量唔少，唔知係我呢杯定點，雖然杯底係有d芋頭，但我覺得芋頭唔夠多，令之後飲嗰啲基本上已經冇乜芋頭基本上我覺得係好飲嘅，但係自己一個人飲有啲膩，而且如果多啲芋頭反而會冇咁”濟”。朋友話芝士奶蓋唔錯，下次可一試！