寿々乃

營業中

休息中

今次終於試到間平時幾full嘅omakase，Suzuno。位於跑馬地嘅佢同普通omakase一樣唔大，只有七、八個座位，為求師傅可以盡最大能力了解每一位顧客嘅需求。店舖用咗比較日系嘅設計，相當優雅清靜。今次食嘅係佢嘅晚餐set，當中包括咗前菜：有小食、湯、同刺身等等大概十款小菜，主菜：七、八款壽司，同最後一個小甜品。聽落都知份量非常之足，連我一個男人都食到超滿足！味道方面當然都係無可挑剔，每一樣菜式食入口都令我忍唔住點頭稱讚，不過就唔逐樣詳細講喇，下面揀幾個最令我驚嘆嘅菜式。個湯係用三重縣嘅蜆煲出嚟嘅湯，隻蜆當然就大大隻仲要好鮮甜，估唔到望落清清地嘅湯都充滿咗蜆嘅甜鮮味，仲要師傅強調湯當中係冇加任何鹽，可以話個湯本身都包括住蜆嘅精華依個嚟自北海道嘅海八爪配醬油漬嘅wasabi 都相當好食，尤其許配八爪魚吸盤，口感十足！講鮮味嘅話不得不提係富山嘅白蝦，淨係蝦嘅鮮味已經非常之甜美，配埋豉油或者Wasabi食又係另一番風味。仲有嚟自天草(熊本)嘅鰝鰺，雖然係白身魚，但有豐富嘅魚油味，同時口感亦唔會太肥膩，非常神奇。最後講肥美，不得不提大拖羅同埋海膽手卷，兩都係極肥美，愛食肉嘅人一定鍾意。而

這個月工作壓力爆燈，感覺身心都好疲累，所以趁今日覆診收早，一早book定我最愛，是什麼？當然是廚師發辦！一於豪食一餐，好好慰勞自己。門口裝潢優雅別緻，叢林的擺設給人舒適寫意的感覺。還有盞射燈照亮着，很美！內裏環境同樣優雅，一室木材為主，富和風色彩。內設有一張十至十二人的壽司吧枱，波浪型設計，幾有動感，即使師傅走到那一位置，客人也可見到他，亦可好好交流。今晚的師傅除了手藝了得外，還好有笑容和健談，讓各位客人都可開懷地渡過這一晚上。而用膳區外還有一個小花園，優靜舒適，可讓客人抖抖氣。晚巿只供應廚師發辦  Omakase，價錢為$1880，大致有前菜、清湯、刺身、和食、手握壽司、麵豌湯及甜品，師傅話一定有多沒有少，必定豐富。期待呀! 另外，還有酒水供應，但我今晚就滴酒不沾。******************************前菜精緻，擺設得體，分別有來自岩手縣芝海老，色澤鮮橙，口感爽味道鮮甜。下面有一件昆布包櫻鱒魚，此命名有春天意意。昆布味相當突出，伴着鹹鮮帶甜的櫻鱒魚，挺特別。旁邊有數之子，即是魚籽，非常爽脆微甜，好吃！還有白現貝配菜之花，前者爽彈兼有鮮美，後者清爽帶點甘甘地。**

同男朋友差不多相識了一年，一直都好想同他食廚師發板，我亦經常不經意提起，今日終於等到了。他向朋友取經，最後決定帶我來到這間位於港島的日本餐廳。門口叢林亭院擺設好靚，俾我的感覺好幽靜舒服。裏面樸素簡約，擺設唔花巧，坐得舒適寫意。只有一張浪波型的壽司吧枱，亦係我最想坐的位置，因為可邊食邊欣賞師傅的手藝，是我最期待的一環。睇咗嗰menu，晚上廚師發辧($1880/位)，師傅話內容大致喺咁，一定有多無少，就興奮。前菜好精美，一共有四款，有芝海老、昆布包櫻鱒魚、數之子和白現貝。最鍾意係數之子，啲魚籽極之爽脆，仲甜甜地。蜆清湯好清晰，見到大大隻的蜆肉，又肥大又鮮美，正！師傅話無落鹽，所飲到都係蜆的鹹鮮，再加埋片柚子皮，清新鮮味，正！輪到我最期待的刺身，好興奮！今晚有櫻鯛、白蝦、八間、赤貝和白子，五款都令我難忘。初初見到師傅切八間，我仲話係油甘魚，好瘀呀！食落去八間果然唔同，魚味重，又油又香，正！第一次食白蝦，細細隻，又黏滑又鮮甜，撈啲芥末食又有唔同，特別！和食就有三款，每款都係用心之作：1）白海老增夫：炸得好靚仔，成件金黃。原來用咗40幾隻白蝦加蛋整成，真係估唔到。口感好輕盈，味道好鮮。2）昆布醬