木玥巷

我呢個九龍人好少去屯門搭輕鐵既次數係一隻手數得晒無留意上落車都要嘟八達窿哎呀～大鄉里呀🫣✐ 優點：·份量多·定價合理·平日午餐免收加一服務費✐ 缺點·女職員粗口爛舌，好生活化🤣·午餐選擇唔多·地方偏格涉❒ 黑糖蘋果西打豬軟骨飯 — $64一上枱第一個感覺係⋯😦omg好大份，豬軟骨舊舊至少都有半個女仔手掌咁上下大細🫠不過豬軟骨唔夠稔仲夠粗鞋，個底偏油，唔知係咪就快放break有啲位唔夠熱😪😪！？份量多都挽救唔到成件事⋯⋯❒ 夜市地瓜條 — $46超讚！熱辣辣🤩粗身蕃薯條炸得外脆內嫩，夠粉夠綿，係我最愛既質地，灑上適量既梅子粉，酸酸咪咪開胃又能夠和中油膩，忍唔住一條駁一條食😎❒ 黑糖茉莉花冬瓜茶 — $28天氣大熱，我都忍唔住飲兩啖凍野降溫🤫冬瓜茶味道突出，黑糖獨有香味加唔少分，甜度適中，配熱辣辣既野食感覺幾岩🤣其實原定係黎做日本妹呀嘛🇯🇵點知做左個唔上唔落既台妹🇹🇼🤫食飽再去屯赤散步然後又用返個幾鐘出返市區🙂🙃…查看更多

今日陪朋友去景峰睇中醫，驚市中心好多人就喺呢邊食埋野先走～搵到呢間隱世台式食店！環境好清幽，可能就快到三點落場時間，所以店內食客唔多～店員都好好禮貌招呼我哋！我哋想坐窗口位，都有提醒我哋可能會曬同少少熱～主食點左紅燒牛肉麵涼菜有青瓜手撕雞，好開胃！牛肉麵湯底好鮮甜～但唔會好濃好油膩唔係味精湯，飲左大半都唔會口乾！牛肉炆得好軟熟入味！初初以為碗麵好細，但配埋三大塊牛肉其實好夠食！麵條係爽彈口感，煮得剛剛好～唔會一夾即斷！仲有炸蒜同酸菜拌麵，口感好豐富！另一款主食點左蒲燒鰻魚飯，賣相好靚！鰻魚肉好軟腍無碎骨，微微焦香，入口即化醬汁偏甜～送飯一流啊！小食點左夜市地瓜條～被驚艷到了！黃皮黃肉既地瓜炸得好酥脆～地瓜本身好香甜，攤凍咗食都無油益味下次嚟絕對會再encore佢！兩杯水果茶都好有驚喜～滿滿嘅新鮮水果！喺其他茶飲店都未必飲到咁足料嘅水果茶～讚！仲飲到粒粒果肉，清新消暑！一杯係招牌水果茶（西柚、百香果）另一杯係黃金水果茶（鳳梨、百香果）下次再黎想試下滷豬手便當～今次咁岩賣晒（哭）不過好在幾樣食物都好滿意！最後要讚埋個洗手間（笑）好乾淨！…查看更多

今日經過紅橋附近，見到轉角位有間餐廳好多人排隊，門面好靚，入面座位舒適，所以我都排埋一份😂🌟 櫻花蝦鰻魚炒飯 （$88）鰻魚鮮甜，切得大粒，配上櫻花蝦同醬汁炒飯，令炒飯更加鮮甜，櫻花蝦加落炒飯，味道好夾，炒飯唔會太咸，調味岩岩好，而且份量足夠兩個人食，必點😋😋🌟 夜市地瓜條 （$46）即叫即炸，用上原條番薯🍠切條，加上厚切，做到外脆內軟，而且番薯鮮甜，金黃色，地瓜條表面加上調味粉，食落咸咸地配上番薯既甜味好夾😋🌟 戰斧鹽酥雞扒 （$82）雞扒都係即叫即炸，肉質嫩滑，炸得外層好脆，鎖住肉汁，雞扒大塊，性價比高，切點😋🌟 招牌水果茶 x 台灣鳳梨啤 ($38 & $ 48）水果茶大杯，唔會太甜，用新鮮既生果整，味道唔錯，而且即叫即整，好抵飲😋鳳梨啤用左台灣鳳梨🍍，飲落有好香既鳳梨味道，但不失啤酒既香味😋…查看更多