壽司盛合

鳥山名喺荃灣愉景新城L1，喺玩具反斗城隔離，位置較為隱蔽，不過仍然很旺場，等咗15分鐘左右先有得入座。餐廳的食物選擇實在太多，多到諗唔到食乜，最後決定點個二人套餐，貪佢乜都有，又唔洗諗。前菜二人餐的前菜非常精緻！其中山葵八爪魚、蒜頭漬和牛蒡漬最出色，兩公婆夾唔停。溫泉玉子絹豆腐櫻花蝦沙律很特別的一道沙律，中間有隻溫泉蛋。櫻花蝦比預期中淡味，但配搭麻醬味道就啱啱好。壽司盛合魚生很新鮮，三文魚超級肥美，甜蝦肥大肉厚。美中不足是壽司飯偏硬了一點點。串燒走地雞胸三角軟骨 $38另外order的串燒，醬汁非常香濃，雞胸軟骨夠爽脆，正。串燒黑豚五花腩叉燒 $52超厚的叉燒，燒至很香口，一點油膩感也沒有！調味亦恰當，不用點芥末醬也很滋味。串燒厚切牛脷芯 $68厚切牛脷心非常惹味和juicy！師傅random咁喺牛脷表面𠝹咗啲淺坑，唔影響賣相之餘，又能減少燒烤時間，亦令牛脷燒得更均勻，推介！一口炸雞炸雞雖不算香脆，但內部仍保持滑嫩多汁，很不錯。燒菠蘿燒至微蕉的菠蘿又香又甜。鹽燒三文魚腩骨充滿魚油香，煎至香脆的三文魚骨腩，加啲檸檬汁提味去膩，非常可口。唯一缺點是要一直吐骨。鹽燒鯖魚魚肉多汁香口，只是外皮燒焦了，要去皮吃，比較可惜。黑芝麻椰子奶凍非常Q彈的奶凍，黑芝麻配紅豆也是很美味。…查看更多

講起鳥山名，本身仲以為係同龍珠既作者鳥山明有關但原來除左都係日本之外就冇乜關係食完之後發現，原來佢既戰鬥力分分鐘比得上鳥山明既龍珠==============================二人餐都幾抵食天氣熱熱地想食Ｄ辣野刺激下所以就多叫一個睇落好吸引既雪花牛肋條地獄鍋壽司盛合份量都唔少，壽司有六件，卷物有三件而味道同新鮮度只能話不過不失前菜（水雲、山葵八爪魚、漬物、明太子及慢煮牛舌）見到咁別緻既擺盤已經令我食指大動整體黎講味道都幾好特別推介牛蒡好爽口，但又唔會太硬而且醃得唔會太過，保持得到原本牛蒡獨有既少少藥材香而山葵八爪魚本身都幾爽口幾新鮮夾埋紫菜食就多左一種爽脆，又別有一番風味溫泉玉子絹豆腐櫻花蝦沙律溫泉玉子味道唔錯，就算生生地都唔會有蛋腥味仲令整個沙律增添左一份鮮味絹豆腐其實即係同熟豆漿過濾成豆渣，再凝固而成，因為質地就好似絹布咁細滑，因此得名只係呢到既豆腐就冇我想像中細滑但係好在佢豆味香濃，比平時食開果Ｄ更加有豆香，令我食極唔停同埋都好鍾意佢加左少少櫻花蝦令個沙律口感又多左層香脆既口感伊勢海老及北寄貝沙律鍋巴呢個都幾特別，值得一試伊勢海老鍋巴就鮮味Ｄ，北寄貝沙律鍋巴就多Ｄ咬口配埋爽脆同有淡淡米香味既鍋巴令兩者不謀而合鹽燒鯖魚似乎燒燶左少少所以只能放棄個皮唔食了但係都無阻佢既美味魚肉保持到水分，亦都好鮮味燒菠蘿菠蘿香甜到不得了，又唔會太酸，只有菠蘿本身獨有既酸同香燒一燒過令到佢既香甜更突出正鹽燒三文魚腩骨燒得好香脆，好似炸完咁，但又唔會有炸既油膩而且仲保持到本身既三文魚香味另外雖然叫做腩骨，但又唔會好多骨，因為Ｄ骨都好大條，岩晒我呢Ｄ懶人雪花牛肋條地獄鍋一上台已經聞到香噴噴了味道就唔算話好辣，應該比譚仔十小辣Ｄ但係辣得黎都幾香可惜既係牛肋條太韌同硬，如用肥牛片可能會更好但佢勝在個量夠多不論係牛肋條，定係其他既雜菜同配菜（娃娃菜、大蔥、韭菜、豆腐等等）份量都好足主食叫左一白飯一烏冬白飯都幾靚最估唔到係個烏冬竟然咁有誠意仲有個油豆腐皮甜品又幾有驚喜黑芝麻椰子奶凍既黑芝麻味香得黎唔會搶左椰子同奶既香味一個字，掂！…查看更多

日本料理@荃灣朋友想食鰻魚，但又唔想食鰻魚飯咁多，叫個鰻魚串燒解饞就啱啱好喇～ 一客有兩串，鰻魚都算幾大件，燒得唔錯。自選二人套餐樣樣都有啲，唔使煩食乜，由前菜、沙律、壽司盛合、小食、和食同甜品都一應俱全，仲有兩個飯/烏冬𠻹！真係平靚正 前菜有七個，每一格都幾豐富同精緻，有水雲、山葵八爪魚、漬物（蒜頭、牛蒡同芥菜）、明太子沙律同慢煮牛舌。三隻漬物都好合我口味，全部都好爽口，的確開胃，哈哈！慢煮牛舌煮得好軟，好食 小食可以四選二，揀咗一口炸雞同芝士年糕。炸雞脆卜卜幾好味，雞肉仲係好滑。原本都驚芝士年糕會好油膩，但係又唔會喎，反而口感幾 QQ。見炸嘢幾好就追加個吉列黑豚豬扒，豬扒幾大塊 bor 同炸雞一樣炸得香脆。配碟有大量椰菜絲，好 fresh。壽司盛合勝在咩壽司款式都有，魚子軍艦好滿～…查看更多

除左打邊爐我個人最中意就係食日本野, 之前都有試過依間餐廳, 不過都係LUNCH TIME黎食得太趕所以無影相, 今次決定夜晚黎試試佢, 帶埋我嘅吃貨同事一行7人叫左個自選極上四人套餐 ($905/SET) 再散嗌幾碟野食前菜有合鴨煮, 山葵八爪魚, 漬物, 明太子, 慢煮牛舌, 芝士酒盜, 鹽漬螢光魷魚每款都試左少少, 鹽漬螢光魷魚幾特別, 係好咸嘅, 配塊餅食就岩岩好沙律揀左和風薄燒安格斯牛肉野菜沙律, 份量好多, 幾juicy壽司盛合包括季節壽司16件, 卷物9件, 厚燒玉子個人比較中意油脂豐富嘅sashimi, 推介左口魚, 雖然吾係好大件, 但勝在款式多, 頗新鮮漏左影八品刺身盛合 都幾新鮮, 不過不失另有一個鍋物, 我地揀左安格斯牛肉火鍋, 牛肉正規, 豆腐同菜索曬個湯底嘅味, 好濃, 重口味之選輪到一品料理, 我地點左木魚絲炸豆腐, 銀雪魚骨西京燒, 串燒開邊雞中翼炸豆腐我個人本身就好中意, 加埋個汁好juicy, 銀雪魚骨西京燒超級好食, 全晚我最喜歡嘅菜式, 好香嘅銀雪魚味, 油脂好豐富, 入口好香, 燒完都仲好嫰滑, 雞中翼都燒得好好, 外脆之餘雞肉嘅肉汁鎖得住, 好少餐廳可以燒得甘好!御飯及烏冬, 揀左櫻花蝦海鮮炒飯, 櫻花蝦好香, 飯炒得不錯, 吾乾但吾油, 中意香口野必點!甜品係大滿足甜品拼盤, 每樣都試左少少, 我最欣賞係個黑芝麻椰子奶凍, 有少少芝麻嘅香味奇埋紅豆少少甜我本人超級推介大家試串燒厚牛舌同串燒帆立貝, 慢燒所以肉汁juicy!同埋博多牛腸火鍋, 加左韭菜更加香口, 牛腸夠肥美但湯底不油, 要試!Overall, 非常好! 經理仲有過黎問我地意見, 有誠意嘅餐廳!…查看更多